ჩემი ენდოკრინოლოგი

27/08/2026

👣 ფეხით სიარული ის უნივერსალური და ეფექტური წამალია, რომელიც უმრავლესი ჩვენგანის აფთიაქში სრულიად უფასოდ მოიპოვება (თან პრაქტიკულად გვერდითი მოვლენების გარეშე).

🟢 გიზიარებთ იმ სარგებელთა გრძელ ჩამონათვალს, რისი მოტანაც ფიზიკური აქტივობის ამ უმარტივეს ფორმას შეუძლია ჩვენი ორგანიზმისთვის.

⭕️ ერთია ფეხით სიარულის მნიშვნელობა ზოგადად ჯანმრთელობისთვის და ცალკე გამოსაყოფია ის ფაქტიც, რომ შაქრიანი დიაბეტის დიაგნოზის ფონზე მისი დანიშნულება და სარგებელი ასმაგად იზრდება, რადგან სხვა გავლენების პარალელურად, ფიზიკური აქტივობის პირდაპირი ზემოქმედების შედეგია ინსულინის მიმართ ორგანიზმის მგრძნობელობის მომატება.

✔️ იმდენად, რომ ფიზიკური აქტივობა მედიკამენტებთან ერთად დიაბეტური რეცეპტის შემადგენელი ნაწილიც კი არის.

👉 30-45 წუთი კვირაში ხუთჯერ - ის მინიმალური დროა, რაც ფეხით სიარულს უნდა ეთმობოდეს დიაბეტის, პრედიაბეტის და ინსულინრეზისტენტობის დიაგნოზის დროს.

🟢 დადებითი ეფექტების სრული ჩამონათვალი კი ასე გამოიყურება:

ფეხით სიარული ⬇️
🌱 ხელს უწყობს წონაში კლებას
🌱 აუმჯობესებს გულის მუშაობას
🌱 ამცირებს არტერიულ წნევას
🌱 ამცირებს ქრონიკული დაავადებების, მათ შორის დიაბეტის რისკს
🌱 ამცირებს დიაბეტის გართულებების რისკს
🌱 ამცირებს სიმსივნის განვითარების რისკს
🌱 ასტიმულირებს იმუნურ სისტემას
🌱 ზრდის ფილტვების სუნთქვით მოცულობას
🌱 ამცირებს ტკბილზე მოთხოვნილებას
🌱 აადვილებს ჩაძინებას და ხელს უწყობს ძილის ნორმალიზებას
🌱 აძლიერებს ძვლებს
🌱 აუმჯობესებს გუნება-განწყობილებას და ახდენს დეპრესიის პრევენციას
🌱 ზრდის ყურადღებას, კონცენტრირების და გადაწყვეტილების მიღების უნარებს
🌱 ავარჯიშებს და აძლიერებს სხვადასხვა ჯგუფის კუნთებს
🌱 აჩქარებს საჭმლის მონელების პროცესს
🌱 აუმჯობესებს ვარიკოზული ვენების მდგომარეობას
🌱 ამცირებს ხანდაზმულობაში ფიზიკური უუნარობის და დემენციის რისკებს ✅

💬 გაგვიზიარეთ, რა დრო ეთმობა თქვენს ყოველდღიურობაში ფეხით სიარულს?

#ენდოკრინოლოგია #ჯანმრთელობა

11/08/2026

🟠 არაალკოჰოლური სასმელის გარკვეული სახეობები ისევე მოქმედებს სხეულის მასაზე და სისხლში შაქრის დონეზე, როგორც საკვები პროდუქტები, ამიტომ დიაბეტის ეფექტური მართვისთვის და კვების სწორი რეჟიმის დამკვიდრებისთვის მნიშვნელოვანია სასმელის ჯანსაღი ვარიანტის არჩევის საკითხიც.

💦 ყველაზე მარტივი და ჯანსაღი არჩევანი, რა თქმა უნდა, წყალია.

🟢 გარდა იმისა, რომ წყალი არ ზრდის შაქრის დონეს და არ შეიცავს კალორიებს, მას სისხლის ,,განზავების'' გზით შაქრის კონცენტრაციის შემცირებაც შეუძლია.

🟢 სუფთა სახით მიღებული წყლის გარდა კარგი ვარიანტებია ასევე:

• ცოცხალი პიტნით და/ან ლიმნით შეზავებული წყალი

• მინერალური წყალი

• უშაქრო ჩაი და ყავა

🥛 ძროხის რძე (უცხიმო ან დაბალცხიმიანი) - ასევე ჯანსაღი სასმელის ვარიანტია, რადგან ის ცილის და კალციუმის კარგი წყაროა. თუმცა, აუცილებელია კვების დაგეგმვაში იმის გათვლისწინება, რომ რძე შეიცავს ნახშირწყლებსაც, რითიც შეუძლია გავლენა მოახდინოს სისხლში შაქრის შემცველობაზე.

🍅 პომიდვრის წვენი - ასევე ჯანსაღი ვარიანტია და შესაძლებელია ზომიერების დაცვით გამოყენებული იქნას, როგორც ხილის წვენების ალტერნატივა.

🫐 100%-ით ხილისგან დაწურული წვენი - მართალია მასში ძალიან ბევრი სასარგებლო ნივთიერებაა, მაგრამ ასევე დიდია ნახშირწყლების კონცენტრაციაც, რის გამოც ასეთი წვენების მიღება დაშვებულია შედარებით იშვიათად და რაოდენობის კონტროლის დაცვით. გახსოვდეთ, რომ ცოცხალი მთლიანი ხილის მირთმევა გაცილებით უკეთესი ვარიანტია მისგან დამზადებულ სასმელთან შედარებით.

❗️ სასმელები, რომელთა მიღება უნდა შეიზღუდოს მაქსიმალურად:

🔴 გაზიანი, ენერგეტიკული, შაქრის შემცველი სხვა ნებისმიერი სასმელი, სპორტული ნარევები, დაშაქრული ჩაი და ყავა. ისინი სისხლში შაქრის რაოდენობის გაზრდის გარდა შეიცავენ კალორიების დიდ რაოდენობას და იწვევენ წონაში მატებას.

🟠 ე.წ. ,,დიეტური'' და ,,უშაქრო'' სასმელების მოხმარების საკითხი კი საკამათოა.

ამ ტიპის სასმელებში შაქრის ნაცვლად გამოყენებულია ხელოვნური დამატკბობელი, რომელიც არ ზრდის სისხლში შაქრის შემცველობას და არ შეიცავს კალორიებს.

✔️ ერთის მხრივ, ეს ნაწარმი ნახშირწყლების და კალორიების მინიმალური შემცველობის გამო, შეიძლება რეგულარული შაქრიანი სასმელების კარგ ალტერნეტივად იქნას მიჩნეული მათთვის, ვისაც ასეთ პროდუქტებზე ბოლომდე უარის თქმა ძალიან უჭირს.

➡️ მაგრამ, მეორე მხარეს დგას არაერთი კვლევა, რომელთა შედეგებიც ხელოვნური დამატკბობლების გამოყენების შესახებ საპირისპიროს მტკიცების საფუძველს იძლევა.

კერძოდ, არის ვარაუდები, რომ მათი გამოყენება ხანგრძლივ ვადაში ზრდის როგორც სიმსუქნის, ასევე დიაბეტი ტიპი 2-ის განვითარების რისკებს, რადგან ხელოვნური დამატკბობლები აძლიერებენ მადას და ზრდიან ტკბილეულზე მოთხოვნილებას.

ასევე შემჩნეულია მათი უარყოფითი გავლენა ნაწლავის ფლორაზე, რაც ზრდის გლუკოზას მიმართ ტოლერანტობის დარღვევის რისკებს.

👉 საერთო ჯამში, დღეისთვის არსებული ინფორმაცია და კვლევები არ არის საკმარისი ვამტკიცოთ შაქრის შემცვლელების სარგებლიანობა ან მავნებლობა. საჭიროა უფრო ხანგრძლივი და მიზანმიმართული კვლევების წარმოება. მანამდე კი, მათი გამოყენება უნდა მოხდეს ზომიერების დაცვით და მხოლოდ იმ შემთხვევაში, თუ ტკბილ გემოზე ბოლომდე უარის თქმა ვერ ხერხდება. იგივე შეიძლება ითქვას მათ გამოყენებაზე ყავის და ჩაის დასატკბობად.

💬 გაგვიზიარეთ, თქვენ რომელ სასმელს მოიხმართ ყველაზე ხშირად? 💚

გაწევრიანდით Sinocare-ის დიაბეტის მართვის ჯგუფში ყოველკვირეული რეკომენდაციებისთვის - 🔗 ბმული კომენტარებშია ⬇️

#ენდოკრინოლოგია #დიაბეტი #ზაფხული #სასმელები

04/08/2026

☀️ რას წარმოადგენს რუჯი სამედიცინო თვალსაზრისით?

➡️ გარუჯული კანი ბევრისთვის ჯანმრთელობისა და სილამაზის სიმბოლოა, მაგრამ მეცნიერება სხვა რამეს გვეუბნება.

📌 რუჯი სინამდვილეში კანის დამცავი რეაქციაა ულტრაიისფერი (UV) გამოსხივებით მიღებულ დაზიანებაზე.

✔️ მზის ულტრაიისფერ UVA და UVB სხივებს შეუძლიათ დააზიანონ კანის უჯრედების დნმ.
✔️ დამწვრობის გარეშე მიღებული რუჯიც ნიშნავს, რომ კანმა უკვე მიიღო დნმ-ის გარკვეული დაზიანება.
✔️ ულტრაიისფერი გამოსხივება ჯანმრთელობის მსოფლიო ორგანიზაციის მიერ I ჯგუფის კარცინოგენად არის კლასიფიცირებული.
✔️ მზისგან მიღებული დაზიანება კუმულაციურია, ის მთელი ცხოვრების განმავლობაში გროვდება.
✔️ ბავშვობაში მიღებული მზის დამწვრობები ზრდასრულ ასაკში მელანომის განვითარების რისკს ზრდის.
✔️ ულტრაიისფერი გამოსხივება ასევე ასოცირებულია: ნაადრევი დაბერების, ფოტოდაზიანების, ნაოჭების, მოშვებული კანის, მუქი ლაქების გაჩენის რისკების ზრდასთან.
✔️ სოლარიუმი არ არის უსაფრთხო ალტერნატივა.
✔️ ენდოკრინული დაავადებების უმეტესობის დროს მზის სრული აკრძალვა საჭირო არ არის, თუმცა აუცილებელია მზისგან სწორი დაცვა.

🌞 დიახ, მზის სინათლეს აქვს დადებითი ეფექტებიც - ის მონაწილეობს D ვიტამინის სინთეზში, გავლენას ახდენს ცირკადულ რიტმსა და ზოგად თვითშეგრძნებაზე. თუმცა ეს სარგებელი რუჯის მიღებას არ მოითხოვს.

📖 სრულ სტატიაში წაიკითხავთ:
▪️ რა გავლენას ახდენს მზე დიაბეტზე და ფარისებრი ჯირკვლის სხვადასხვა დაავადებებზე;
▪️ მოქმედებს თუ არა მზისგან დამცავი საშუალებები ენდოკრინულ სისტემაზე;
▪️ რა თავისებურებებით გამოირჩევა სოლარიუმი და ავტორუჯი;
▪️ რა რისკები ახლავს მზის დამწვრობას და როგორია რეკომენდაციები ამ დროს;
▪️ როგორ დავიცვათ ბავშვები მზისგან;
▪️ როგორ შევამციროთ რუჯთან დაკავშირებული რისკები.

🔗 სრული სტატიის ბმული კომენტარებშია 💛

23/07/2026

👉 როცა სისხლში #გლუკოზა დიდი ხნის განმავლობაში მაღალია, ეს გავლენას ახდენს სისხლძარღვებსა და უჯრედებზე. საინტერესოა, რომ ზოგჯერ ამ ცვლილებების ნაწილი გრძელდება მაშინაც კი, როცა შაქრის მაჩვენებლები უკვე ნორმაშია. სწორედ ამ მოვლენას ეწოდება გლიკემიური (ან მეტაბოლური) მეხსიერება.

✔️ გლიკემიური მეხსიერება ჩართულია და ,,დამახსოვრებას’’ ადგილი აქვს დაავადების არა მხოლოდ ცუდი, არამედ კარგი კონტროლის შემთხვევაშიც.

რას ნიშნავს ეს პრაქტიკაში?
➡️ თუ #დიაბეტის დიაგნოზის დასმის შემდეგ გლუკოზა სწრაფად და ეფექტურად კონტროლდება, მომავალში მნიშვნელოვნად მცირდება შაქრიანი დიაბეტის ისეთი გართულებების განვითარების რისკი, როგორიცაა:
* დიაბეტური რეტინოპათია (თვალის დაზიანება);
* ნეფროპათია (თირკმლის დაზიანება);
* ნეიროპათია (ნერვების დაზიანება);
* გულ-სისხლძარღვთა დაავადებები.
👆🏻 მნიშვნელოვანი ფაქტია ის, რომ ეს დამცავი ეფექტი შეიძლება წლების განმავლობაში შენარჩუნდეს, მაშინაც კი, თუ მოგვიანებით HbA1c-ის მაჩვენებლები სხვადასხვა მიზეზით ოდნავ გაუარესდება.

⭕️ მეორე მხრივ, თუ დიაბეტის პირველ წლებში გლუკოზა ხანგრძლივად ცუდად კონტროლდება, ორგანიზმში დაწყებული დაზიანების პროცესები შესაძლოა გარკვეული დროის განმავლობაში გაგრძელდეს, მიუხედავად იმისა, რომ შემდგომში შაქრის დონე გაუმჯობესდება.

რატომ ხდება ასე?
⭕️ მეცნიერები ფიქრობენ, რომ მაღალი გლუკოზა უჯრედებში იწვევს:
* ქრონიკულ ანთებით პროცესებს;
* ოქსიდაციურ სტრესს;
* ცილების დაზიანებას;
* გარკვეული გენების მუშაობის ხანგრძლივ ცვლილებებს (ე.წ. ეპიგენეტიკურ ცვლილებებს).
შედეგად, უჯრედები თითქოს „იმახსოვრებენ“ წარსულში არსებულ არახელსაყრელ მეტაბოლურ გარემოს.

➡️ მთავარი დასკვნა აქედან არის ის, რომ, დიაბეტის მართვაში ყოველი დღე მნიშვნელოვანია.

✔️ კარგი გლიკემიური კონტროლი მხოლოდ დღევანდელი ანალიზისთვის არ არის საჭირო - ის მომავალშიც იცავს თქვენს თვალებს, თირკმლებს, ნერვებსა და გულს.

🔬 ამ ფაქტორის არსებობა არაერთგზის დადასტურდა სხვადასხვა ტიტულოვანი კვლევებით. უფრო ბოლო პერიოდის კვლევები კი იმასაც აჩვენებს, რომ „მეტაბოლური მეხსიერება“ მხოლოდ გლუკოზას კი არა, ზოგადად ისეთი მეტაბოლური დარღვევების ხანგრძლივ გავლენასაც მოიცავს, როგორიცაა: დისლიპიდემია, სიმსუქნე, ინსულინრეზისტენტობა და არტერიული ჰიპერტენზია.

ამიტომ, ნუ გადადებთ ჯანმრთელობაზე ზრუნვას 🙏

მეტი ინფორმაციისთვის და საკუთარი გამოცდილების გაზიარებისთვის, შემოუერთდით Sinocare-ის დიაბეტის მართვის ჯგუფს (ბმული კომენტარებშია 🔗)

იპოვეთ სტატიები თქვენთვის საინტერესო თემებზე ენდოკრინოლოგიის ინტერნეტ-ჟურნალში ⬇️

11/07/2026

ECE 2026 მინი-დღიური - ევროპის ენდოკრინოლოგთა ასოციაციის კონგრესი
#ენდოკრინოლოგია #კონგრესი

10/07/2026

🔆 თავს კარგად გრძნობთ, მაგრამ გსურთ დარწმუნდეთ, რომ ორგანიზმშიც ყველაფერი წესრიგშია?

👉 ბევრი დაავადება საწყის ეტაპზე შეიძლება სრულიად უსიმპტომოდ ფარულად მიმდინარეობდეს. სწორედ ამიტომ, პერიოდული პროფილაქტიკური გამოკვლევები ჯანმრთელობის პრობლემების ადრეულ ეტაპზე გამოვლენისთვის მნიშვნელოვანია.

✔️ ჯანმრთელი, უსიმპტომო პირისთვის პროფილაქტიკური ლაბორატორიული კვლევების მინიმალური პაკეტი დაახლოებით ასე შეიძლება გამოიყურებოდეს ⬇️

✅ თუმცა, უფრო მიზანმიმართული შემოწმებისთვის მნიშვნელოვანია, რომ ეს ჩამონათვალი დაკორექტირდეს ინდივიდუალურად ასაკის, სქესის, ოჯახური ისტორიის და სხვადასხვა რისკ-ფაქტორების გათვალისწინებით ექიმთან კონსულტაციის საფუძველზე.

#ენდოკრინოლოგია
#ჯანმრთელობა
#პროფილაქტიკა

08/07/2026

🏞️ საინტერესო ილუსტრაციაა, არა?
🤌 რატომ ვიქცევით ასე?

➡️ მიზეზები, რაც ჩვენს ასეთ არჩევანს განაპირობებენ მრავალფეროვანია და სხვადასხვა კატეგორიებადაც შეიძლება დაიყოს:

✔️ ფსიქოლოგიური და ქცევითი ბარიერები ასეთია:

👉 მყისიერი კმაყოფილება: პრეპარატებს და პროცედურებს სწრაფი და ხელშესახები შედეგები აქვს, ამის საპირისპიროდ, პრევენციის - ჯანსაღი ცხოვრების წესის შედეგი (მაგალითად, მომავალში მოსალოდნელი გულის შეტევის - მიოკარდიუმის ინფარქტის - თავიდან აცილება) უხილავია, შორეულია, რაც ნაკლებად მამოტივირებელია.

👉 განხორციელების სირთულე: ცხოვრების წესის გაჯანსაღება ხშირად საჭიროებს მდგრად ძალისხმევას ძლიერად ფესვგადგმული ჩვევების შესაცვლელად, რაც მის დამკვიდრებას ართულებს.

👉 ოპტიმიზმი: ქვეცნობიერი რწმენა, რომ ,,ეს მე არ დამემართება’’, თავის დიდ როლს თამაშობს პრევენციის მნიშვნელობის უგულვებელყოფაში, ვიდრე ჯანმრთელობის რეალური პრობლემა არ იჩენს თავს.

✔️ ეკონომიკური და გარემო ფაქტორებიდან მომდინარე შეზღუდვები:

👉 ფინანსური ხარჯი: შედარებით ჯანსაღი პროდუქტის ღირებულება უფრო მაღალია, რაც საშუალო და დაბალი შემოსავლის მქონე ოჯახებში ხშირად განაპირობებს არჩევანს. თუმცა, ჯანსაღი ცხოვრების სხვა კრიტერიუმების შესრულება უფასოდაც არის შესაძლებელი.

👉 შეზღუდული დრო: სამუშაო რეჟიმი, ოჯახური ვალდებულებები არ ტოვებს საკმარის დროს რეგულარული ფიზიკური აქტივობისთვის ან ჯანსაღი საკვების რეგულარულად მომზადებისთვის.

👉 გარემოს შეზღუდვები: სამუშაო სივრცე ან სოციალური გარემო ხშირად არ არის მორგებული ჯანსაღი კვების ან ფიზიკური აქტივობისთვის საჭირო პირობებზე.

👉 არასათანადო ინფრასტრუქტურა: საცხოვრებელი გარემო, რომელიც ნაკლებადაა გათვალისწინებული ფიზიკური აქტივობის ხელშეწყობაზე.

👉 ინფორმაციის ნაკლებობა:
ჯანდაცვის მხრიდან უფრო მეტი ყურადღება მაინც დაავადებათა მკურნალობისკენ არის მიმართული, ვიდრე ჯანსაღი ცხოვრების წესის პოპულარიზაციისკენ. ამასთანავე, ექიმს შეზღუდული დროის პირობებში არ რჩება საკმარისი დრო ვიზიტისას უზრუნველყოს ამ მიმართულებით პაციენტის სათანადო განათლება.

👉 სოციალური მხარდაჭერის ნაკლებობა: თანატოლების ან ოჯახის წევრების მხრიდან მხარდაჭერის ნაკლებობამ შესაძლოა ჩაშალოს პიროვნების მცდელობა დაამკვიდროს ჯანსაღი ცხოვრების სტილი.

თქვენთვის რომელია ჩამოთვლითაგან წამყვანი ბარიერი?

#ენდოკრინოლოგია
#ჯანმრთელობა
#პრევენცია

07/07/2026

🚼 ბავშვის სიმაღლის შეფასება პედიატრის ან ბავშვთა ენდოკრინოლოგის მიერ ხდება ე.წ. ზრდის სტანდარტიზირებული ცხრილების საშუალებით.

✔️ ეს ცხრილები შედგენილია სქესის, ასაკის და გეოგრაფიული არეალის გათვალისწინებით.

📈 სიმაღლეში ზრდის შეფასებისთვის მეტად მნიშვნელოვანია არა ის, თუ რა მაჩვენებელი ფიქსირდება მოცემულ მომენტში, არამედ ის, თუ როგორი პროგრესით მიმდინარეობს ზრდის პროცესი. ანუ მისი ანალიზი უნდა მოხდეს დინამიკაში.

📊 საქართველოსთვის შექმნილი ჩარტების შესაბამისი მაჩვენებლები (სანტიმეტრებში) ასაკის და სქესის მიხედვით მოცემულია თანდართულ სურათზე ⬇️

👉 შენიშვნა: ამ ინფორმაციას აქვს მხოლოდ ზოგადი საორიენტაციო ხასიათი დაინტერესებული მშობლებისთვის და არა ზუსტი სამედიცინო მნიშვნელობა.

🧑‍⚕️ ზუსტი შეფასება და ნებისმიერი გადაცდომის ინტერპრეტაცია აუცილებლად ექიმის მიერ უნდა მოხდეს.

🟡 ზრდის ზოგადი დინამიკა კი დაახლოებით ასე გამოიყურება:

1. სიგრძე დაბადებისას:
✔️ საშუალო სიგრძე დაბადებისას არის 50 სმ
✔️ ეს სიგრძე ორმაგდება 4 წლის ასაკისთვის
✔️ და სამმაგდება 13 წლის ასაკისთვის

2. ზრდა პირველი წლის განმავლობაში ➡️ 23-27 სმ

3. მეორე წლის განმავლობაში ➡️ 10-14 სმ

4. მესამე წლის განმავლობაში ➡️ 7,5-10 სმ

5. ზრდა ყოველწლიურად სქესობრივი მომწიფების დაწყებამდე ➡️ 6-7 სმ

6. ზრდა სქესობრივი მომწიფების პერიოდში:
🧒 ბიჭებში: 10-14 სმ
👧 გოგოებში: 8-12 სმ

➡️ ზრდის პროცესის კლინიკური შეფასება
➡️ ზრდის შეფერხების გამომწვევი დაავადებები
➡️ სავარაუდო საბოლოო სიმაღლის გამოთვლა
➡️ როდის წყვეტს ორგანიზმი ზრდას
➡️ როგორ ხდება ძვლოვანი ასაკის დადგენა
➡️ შესაძლებელია თუ არა ზრდის პროცესის გააქტიურება
⬇️
ამ საკითხებს დეტალურად სტატიაში შეგიძლიათ გაეცნოთ, რომლის ბმული კომენტარებში დაგხვდებათ 🔗

🔁 გაუზიარეთ პოსტი სხვა მშობლებსაც 💛

#ენდოკრინოლოგია
#სიმაღლე
#ზრდა

07/07/2026

👇

აი, ამიტომ 🩷

07/07/2026

☀️ იცოდით, რომ გარემოს მაღალმა ტემპერატურამ დიაბეტის დიაგნოზის მქონე პირებში შესაძლოა სისხლში შაქრის დონის არასტაბილურობა გამოიწვიოს?

🔴 თავად დიაბეტი კი აუარესებს ორგანიზმის ამტანობას ცხელი გარემოს მიმართ.

❓როგორ დავიცვათ თავი ამ უარყოფითი ზემოქმედებისგან ზაფხულის ცხელ დღეებში, ამაში შემდეგი რეკომენდაციების გამოყენება დაგეხმარებათ:

✅ მიიღეთ დიდი რაოდენობით სითხე.
➡️ ორგანიზმის წყლით მომარაგება ზაფხულის ცხელ დღეებში ყველასთვის ძალიან მნიშვნელოვანია, თუმცა დიაბეტის დროს ეს საკითხი კიდევ უფრო საყურადღებოა.

➡️ დიაბეტი ზრდის სხეულის დეჰიდრატაციის (გაუწყლოვნების) რისკებს.
რადგან , როცა სისხლში შაქრის დონე მაღალია, ზედმეტი რაოდენობის შაქარი გამოიყოფა თირკმლების მიერ შარდის გზით და მასთან ერთად ორგანიზმს ტოვებს დიდი რაოდენობით წყალიც (ოსმოსური წნევის გამო).
სწორედ ამ მექანიზმის გამო არის გახშირებული შარდვა დიაბეტის ერთ-ერთი თვალსაჩინო დამახასიათებელი გამოვლინება.

➡️ გარდა ამისა, ზაფხულის სიცხეში ოფლის გზით ისედაც ბევრი სითხე გამოიყოფა, დიაბეტური ნეიროპათიის თანხლების დროს კი ეს რაოდენობა შეიძლება კიდევ უფრო გაიზარდოს, თუ ადგილი აქვს ოფლის გამოყოფის მარეგულირებელი ნერვების დაზიანებას.

➡️ ორგანიზმში წყლის ნაკლებობის შედეგად სისხლი ხდება უფრო კონცენტრირებული, შაქრის შემცველობა იზრდება, თირკმელი გამოყოფს მეტ შაქარს, ეს კიდევ უფრო ზრდის სითხეების გამოყოფას შარდის გზით და ასეთი მავნე წრის შეკვრის შედეგად შესაძლებელია მდგომარეობა სერიოზულად დამძიმდეს.

➡️ ამიტომ აუცილებლად მიიღეთ დღის განმავლობაში ბევრი წყალი, განსაკუთრებით, გარეთ მზეზე ყოფნის დროს.
ეს არ უნდა იყოს დღეში 1,6-2 ლიტრზე ნაკლები.

❗️ მოერიდეთ ამ მიზნით შაქრის შემცველი სითხეების გარდა ასევე ალკოჰოლის და კოფეინის გამოყენებასაც, რადგან მათ გარკვეულწილად შარდმდენი თვისებები აქვთ.

✅ მოერიდეთ მზის დამწვრობის მიღებას. ეს სტრესია ორგანიზმისთვის, სტრესი კი შაქრის დონის მატებას იწვევს. გამოიყენეთ დამცავი კრემები მზეზე გასვლის წინ.

✅ როცა ცხელ ამინდში გარეთ ყოფნა გიწევთ, შედარებით ხშირად უნდა მოხდეს შაქრის დონის კონტროლი, განსაკუთრებით ინსულინოთერაპიაზე მყოფ პირებში, რადგან სისხლში გლუკოზას დონეზე ზემოქმედების გარდა, მზის სხივები ასევე გავლენას ახდენენ ინსულინის შეწოვის ტემპებზეც.

✅ ყურადღებით დაგეგმეთ ფიზიკური აქტივობა. ამისთვის შეარჩიეთ დღის შედარებით გრილი მონაკვეთი, ან გამოიყენეთ კონდიცირებული სავარჯიშო დარბაზები.

✅ გახსოვდეთ, რომ დიაბეტის დროს მაღალია სხეულის გადახურების, ე.წ. სითბური დაკვრის რისკები. ყურადღება მიაქციეთ სიმპტომებს: თავბრუსხვევა, კანკალი, სისუსტე, გაფითრება, ძლიერი ოფლიანობა, თავის ტკივილი, გულისცემის გაძლიერება - მსგავსი გამოვლინებების შემთხვევაში, ეცადეთ, დაუყოვნებლივ გადახვიდეთ გრილ ადგილას, მიიღოთ წყალი და შეეცადოთ სხეულის გაგრილებას წყლით, ფენით ან სხვა ხელმისაწვდომი საშუალებით.

✅ ზღვის სანაპიროზე დასვენებისას განსაკუთრებული ყურადღება მიაქციეთ ტერფის დაცვას. არ იაროთ ფეხშველმა, რათა მინიმუმამდე იქნას დაყვანილი კანის მთლიანობის დაზიანების რისკები, რადგან კარგად ვიცით, რომ დიაბეტის პირობებში ჭრილობები შეიძლება ადვილად გადაიზარდოს წყლულებში.

✅ და არ დაგავიწყდეთ ინსულინის და სხვა დიაბეტური მედიკამენტების, ასევე გლუკომეტრის ჩხირების შენახვა მშრალ, გრილ, მზის სხივებისგან მიუწვდომელ ადგილას.

✅ შემოგვიერთდით Sinocare-ის დიაბეტის მართვის ჯგუფში მეტი რეკომენდაციებისთვის ➡️ დდიაბეტი | დიაბეტის მართვა
ბედნიერ ზაფხულს გისურვებთ☀️🩷