13/06/2026
🔺“რატომ უჭირს ბავშვს სწავლა, მიუხედავად იმისა, რომ ბევრს ცდილობს?”
🔺“რატომ გვავიწყდება ხშირად ინფორმაცია, გვიჭირს კონცენტრაცია ან ყოველდღიური საქმეების ორგანიზება? “
ამ კითხვებზე პასუხის მოძებნაში ხშირად ნეიროფსიქოლოგი გვეხმარება.
🔸ნეიროფსიქოლოგი სწავლობს, როგორ აისახება თავის ტვინის მუშაობა ჩვენს მეხსიერებაზე, ყურადღებაზე, მეტყველებაზე, სწავლაზე, ქცევასა და ყოველდღიურ ფუნქციონირებაზე. მისი დახმარება შეიძლება დაგვჭირდეს როგორც ბავშვობის, ისე ზრდასრულობის პერიოდში, როდესაც ჩნდება კითხვები განვითარებასთან, სწავლებასთან, კოგნიტურ ფუნქციებთან ან ქცევასთან დაკავშირებით.
🪄თუ შეამჩნიეთ, რომ თქვენი პატარა ასაკის შესაბამისად არ ვითარდება, უჭირს ლაპარაკის დაწყება, მოძრაობა, თამაში, თანატოლებთან ურთიერთობა ან ქცევის მართვა; საბავშვო ბაღში ვერ მიჰყვება წესებსა და ინსტრუქციებს; ან სასკოლო ასაკში უჭირს წერა-კითხვა, მათემატიკა, ყურადღების კონცენტრაცია და სასწავლო პროცესში ჩართვა, ნეიროფსიქოლოგიური შეფასება დაგეხმარებათ უკეთ გაიგოთ, რა დგას ამ სირთულეების უკან და რა სახის მხარდაჭერა სჭირდება ბავშვს.
🔷ნეიროფსიქოლოგის დახმარება ზრდასრულებსაც შეიძლება დასჭირდეთ. თუ გაწუხებთ მეხსიერების, ყურადღების, მეტყველების ან ინფორმაციის დამუშავების სირთულეები, გიჭირთ ყოველდღიური საქმიანობების ორგანიზება, დაგეგმვა ან სამსახურში ეფექტურად ფუნქციონირება, შეფასება დაგეხმარებათ პრობლემის მიზეზების იდენტიფიცირებასა და შესაბამისი დახმარების სტრატეგიის შემუშავებაში.
‼️მაგრამ ნეიროფსიქოლოგთან მისვლისთვის არ არის აუცილებელი ამ სირთულეების არსებობა. ზოგჯერ მშობლებს უბრალოდ სურთ უკეთ გაიგონ, როგორ ვითარდება მათი შვილი, რა არის მისი ძლიერი მხარეები, როგორ სწავლობს, ამუშავებს ინფორმაციას და როგორ შეიძლება მისი პოტენციალის მაქსიმალურად მხარდაჭერა. ზრდასრულებისთვის კი ნეიროფსიქოლოგიური შეფასება შეიძლება იყოს საკუთარი კოგნიტური შესაძლებლობების, ძლიერი და სუსტი მხარეების უკეთ გაცნობის საშუალება.
🔍 ხშირად გვხვდება კითხვა: რა განსხვავებაა ნეიროფსიქოლოგიურ კონსულტაციასა და დიაგნოსტიკას შორის?
🎈ნეიროფსიქოლოგიური კონსულტაცია წარმოადგენს სპეციალისტის პირველ შეხვედრას ბავშვის მშობელთან/მეურვესთან ან ზრდასრულთან, რომლის დროსაც ნეიროფსიქოლოგი აგროვებს ინფორმაციას, აფასებს საჭიროებებს და განსაზღვრავს, საჭიროა თუ არა დამატებითი შეფასება და/ან სხვა სპეციალისტის ჩარევა.
📝ნეიროფსიქოლოგიური დიაგნოსტიკა კი უფრო სიღრმისეული პროცესია. იგი მოიცავს სტანდარტიზებული ტესტებისა და სპეციალური მეთოდების გამოყენებით ისეთი უნარების შეფასებას, როგორიცაა ყურადღება, მეხსიერება, აღმასრულებელი ფუნქციები, ენა, ვიზუალურ-სივრცითი უნარები და სხვა კოგნიტური პროცესები. დიაგნოსტიკის მიზანია სირთულეების მიზეზების უკეთ გაგება და სამომავლო ნაბიჯების შესახებ მშობლის ინფორმირება.
🟣მნიშვნელოვანია, რომ ნეიროფსიქოლოგიური დიაგნოსტიკა მხოლოდ ტესტების ჩატარება და ქულების დათვლა არ არის. ნეიროფსიქოლოგი აანალიზებს თითოეული მეთოდით მიღებულ მონაცემებს, აკავშირებს მათ ადამიანის განვითარების ისტორიასთან, ყოველდღიურ ფუნქციონირებასთან და კლინიკურ სურათთან. სწორედ ეს კომპლექსური ანალიზი გვეხმარება სირთულის რეალური მიზეზების აღმოჩენასა და ეფექტური დახმარების დაგეგმვაში.
📍თამარ გაგოშიძის ნეიროფსიქოლიგიის ცენტრში ხელმისაწვდომია როგორც ბავშვთა, ისე ზრდასრულთა ნეიროფსიქოლოგიური კონსულტაცია და დიაგნოსტიკა.
☎️დამატებითი ინფორმაციისათვის და ჩაწერისთვის, დაგვიკავშირდით სამუშაო დღეებში, 10-დან 18 საათამდე, ნომერზე - 574150214 ან მოგვწერეთ პირად შეტყობინებებში.
