05/11/2024
⚠️7 რამ რაც უნდა იცოდეთ მაშინ , როდესაც პირველად აღმოჩნდით ონკოლოგიური დაავადების წინაშე. პოსტი არის იმ ადამიანებისათვის რომლებსაც სჭირდებათ დაკვალიანება და დეტალური გარკვევა თავიათ ონკოდაავადებაში, ყველა შეკითხვაზე ამომწურავი პასუხის მიღება
1) არანაირი დაკვალიანება და რეკომენდაციების მიცემა თქვენს მკურნალობაზე არ შეიძლება მაშინ , როდესაც პაციენტი არ არის სათანადოდ გამოკვლეული ონკოლოგიური თვალსაზრისით. გაითვალისწინეთ რომ ჯერ სათანადო დიაგნოსტიკა უნდა ჩატარდეს და მხოლოდ შემდგომ უნდა მოხდეს ინდივიდუალურად სამკურნალო სტრატეგიის შერჩევა.
თითოეულ ონკოლოგიურ დაავადების დიაგნოსტიკაში არსებობს ძირითადი და დამატებითი კვლევითი მეთოდები , დიაგნოსტიკური ალგორითმი უნდა ეყრდნობოდეს საერთაშორისო რეკომენდაციებს. ონკოლოგიური დაავადების დიაგნოსტიკის მთავარი ამოცანა არის რომ გავერკვიოთ ყველა დეტალში , რომელზეც იქნება დამყარებული მომავალი სამკურნალო სტრატეგია.
2) გამოკვლევებს დრო სჭირდება. როგორც წესი დაახლოებით 1-2 კვირა. სანამ თქვენ იმყოფებით გამოკვლევის პროცესში თქვენ უნდა გაიაროთ კონსულტაციები სპეციალისტებთან. სცადეთ რომ მაქსიმალურად მომზადებულები იყოთ ამისთვის. ეცადეთ რომ შეისწავლოთ ინფორმაცია სავარაუდო დაავადებაზე სანდო წყაროებიდან. ძალიან მნიშვნელოვანია რომ თქვენ შეისწავლოთ დაავადების შესახებ ინფორმაცია და შემდგომ გააკეთოთ არჩევანი , რომელ სპეციალისტს ენდოთ.
იხილეთ რეკომენდაციები ონკოლოიგური პაციენტებისთვის , რომლებიც არის ევროპელი და ამერიკელი ონკოლოგების მიერ შედგენილი იმისთვის რომ გაიღრმავოთ თქვენი ცოდნა და იყოთ უფრო მომზადებული კონსულტაციებისთვის:
ამერიკული ონკოლოტა ასოციაციის გაიგლაინები პაციენტებისათვის - https://www.nccn.org/patientresources/patient-resources/guidelines-for-patients
ამერიკული ონკოლოტა ასოციაციის გაიგლაინები პაციენტებისათვის -
https://www.esmo.org/for-patients/patient-guides
3) ონკოლოგიური დაავადებების თანამედროვე მკურნალობა მთელს მსოფლიოში დაფუძნებულია ორ ძირითად პრინციპზე:
პირველი - საერთაშორისო გაიდლაინები. ეს გახლავთ რეკომენდაციები , რომლებიც შედგენილია სამეცნიერო კვლევების საფუძველზე. გაიდლაინებში ასახულია თქვენი დაავადების ყველაზე ოპტიმალური მკურნალობის გზა. ამ რეკომენდაციებს იზიარებს ყველა თანამედროვე ექიმი, რომლებიც ჩართულნი არიან ონკოპაციენტების მკურნალობაში.
მეორე - პაციენტის ინდივიდუალური მონაცემები. ეს გახლავთ: ასაკი, თანხმლები დაავადებები, სიმსივნით გამოწვეული გართულებები, პაციენტის პრიორიტეტები და სხვა.
შესაბამისად ონკოლოგიური პაციენტის სამკურნალო გეგმა უნდა ითვალისწინებდეს საერთაშორისო რეკომენდაციებსა და პაციენტის ინდივიდუალურ მონაცემებს, რომლის საფუძველზეც შესაძლოა მკურნალობის ალგორითმში მოხდეს ცვლილებები. იკითხეთ რა რეკომენდაციების მიხედვით იგეგმება თქვენი მკურნალობა. ეს ინფორმაცია ამყარებს სანდოობის შეგრძნებას, ყველა თანამედროვე ონკოლოგი აღიარებს საერთაშორისო გაიდლაინებს და თუ თქვენი მკურნალობა იგეგმება ამ რეკომენდაციების მიხედვით ეს კარგის ნიშანია.
4) სათანადო მკურნალობის გავლა საქართველოს ფარგლებში უმეტეს შემთხვევაში შესაძლებელია, თუმცა სად ჩაიტარებთ მკურნალობას ეს უკვე თქვენი არჩევანია. იმისათვის, რომ კარგად გაერკვიოთ ყველაფერში და თქვენი გადაწყვეტილებები მაქსიმალურად ოპტიმალური იყოს ძალიან მნიშვნელოვანია თქვენი აქტიური ჩართულობა. ყველაფრის გარკვევისათვის დრო და ობიექტური ინფორმაცია არის საჭირო. გახსოვდეთ რომ ნებისმიერი ონკოპაციენტის დაავადება და პროგნოზი ყოველთვის ძალიან ინდივიდუალურია და წინასაწარ ზუსტი პროგნოზის გაკეთება შეუძლებელია.
5) ეცადეთ რომ გაიაზროთ ბალანსი მედიცინის რეალურ შესაძლებლობებსა და თქვენს მოლოდინებს შორის. სცადეთ რომ სწორად განასხვაოთ სიმარათლე ცრუ დაპირებებისაგან.ონკოლოგიური დაავადებების მკურნალობა საკმაოდ რთული და ხშირად ხანგრძლივი პროცესია.
მედიცინა ვითარდება და დღითიდღე ჩნდება ახალი სამკურნალო საშუალებები, თუმცა ძალიან ბევრი პრობლემა ონკოლოგიაში ჯერ გადაწყვეტილი არ არის , ამიტომ ბევრი პაციენტის მკურნალობა დიდ გამოწვევად რჩება მსოფლიოს მასშტაბით, განსაკუთრებით გვიანი სტადიის პაციენტების.
აგრეთვე არსებობს სტატისტიკა, რომელშიც ასახულია ყველა ონკოლოგიური დაავადების მკურნალობის საერთაშორისო შედეგები, ეს არის ყველაზე ობიექტური მონაცემები, სურვილის შემთხვევაში თქვენ შეგიძლიათ დეტალურად გაიაროთ ეს საკითხი თქვენს ექიმთან. გახსოვდეთ, რომ სტატისტიკური მონაცემები ზოგადია და არავის არ შეუძლია წინასწარ იცოდეს თქვენი მკურნალობის ინდივიდუალური რეზულტატი(თუ რათქმაუნდა არ არის წინასწარმეტყველი ან არ აქვს კოსმოსთან განსაკუთრებული კავშირი). შესაბამისად ნებისმიერი ლაპარაკი ,,გარანტიებზე“ სრულიად უსაფუძვლოა.
6) ნებისმიერი ონკოლოგიური დაავადების დროს გამოჯენმრთელების ალბათობა დამოკიდებულია:
- სიმსივნის ბიოლოგიურ თვისებებზე, მის მუტაციებზე რომლებიც განაპირობენ ინდივიდუალურ აგრესიულობას, დაავადების სტადიაზე და სიმსივნის გავრცელებაზე.
- პაცინეტის სიმსივნის საწინააღმდეგო იმუნიტეტის სიძლიერეზე და შეძლებს თუ არა პაციენტის ინდივიდუალური იმუნიტეტი შეაჩეროს დაავადების გავრცელება
- პაციენტის ზოგად ჯანმრთელობაზე და იმაზე თუ რამდენად დროულად მიმართავს ექიმს. სამწუხაროდ პაციენტთა უმეტესობა მოდის უკვე დასუსტებულ მდგომარეობაში და გართულებების ფონზე.
- მკურნალობის ხარისხზე და ექიმების კომპეტენციაზე.
ონკოლოგიური პაციენტის უშუალო და ასევე შორეული პროგნოზი არ არის მარტო ექიმების მზაობაზე და პროფესიონალიზმზე დამოკიდებული. ეს რეალობაა. მედიცინას გაცილებით უფრო მეტი შეუძლია ვიდრე 10,20,30 და 50 წლის წინ შეეძლო, თუმცა კიბოზე ბევრი რამ შეუსწავლელი რჩება. ონკოდაავადებების უმეტეს შემთხვევაში თანამედროვე მედიცინას ბევრი რამ შეუძლია. თუმცა არსებული მკურნალობა მსოფლიო მასშტაბით, ვერ გვაძლევს იმის საშუალებას რომ განვკურნოთ აბსოლუტურად ყველა პაციენტი. რაც უფრო ადრე მოგვმართავს პაციენტი მით უფრო მეტი შანსია რომ მივაღწიოთ კარგ შედეგებს.
7) ონკოლოგიური დაავადება ბევრს განაჩენი ჰგონია. ეს ნამდვილად ასე იყო წინა საუკუნეებში , როდესაც ეს საყოველთაო აზრი ჩამოყალიბდა. დიახ, ეს მართლა რთული და ვერაგი დაავადებაა, თუმცა საბედნიეროდ ჩვენს ირგვლივ ძალიან ბევრი პაციენტია, ვინც გამოიარა ეს რთული გამოწვევა და ბედნიერად და გამარჯვებულად ცხოვრობს. კიბო და სიმსივნე - შოკის მომგვრელი სიტყვებია, მაგრამ წინასწარ ნუ ,,დაყრით ფარხმალ“. ეცადეთ რომ მოიძიოთ ექიმები, ვისაც ენდობით. დააფასეთ ექიმების გამჭირვალობა და ღიაობა და აერიდეთ ტყუილ დაპირებებს. თქევნ და თქვენი ექიმები - ერთი გუნდი უნდა იყოთ და ერთ «ნავში» მოგიწევთ ყოფნა. ჩათვალეთ რომ თქვენ თანამშრომლები ხართ და ერთი მიზანი გაქვთ.
☑️ყველაზე ხშირად პაციენტები მთხოვენ რომ მე დავეხმარო მათ სწორი გზის არჩევაში. პაციენტები და მათი ახლობლები ხშირად მიზიარებენ , რომ მათ სჭირდებათ დამატებითი ინფორმაცია და აქვთ სხვადასხვა ტიპის შეკითხვები და ეძებენ ამ შეკითხვებზე გასაგებ პასუხებს.
☑️თუ თქვენ ეხლახანს დაგიდგინდათ ონკოლოგიური დაავადება და გჭირდებათ გამჭირვალე და თქვენთვის გასაგები დაკვალიანება, რომელიც შეესაბამება საერთაშორისო სტანდარტებს და ასევე რაც მთავარია ითვალისწინებს თქვენს ინდივიდუალურ სიტუაციას თქვენ შეგიძლიათ მომმართოთ კონსულტაციისათვის, რომელიც შესაძლოა ჩატარდეს ონლაინ ფორმატში.
✅ამ კონსულტაციის უპირატესობები შემდეგია:
1) კაბინეტში ჩატარებული კონსულტაცია იტევს მხოლოდ რამდენიმე ადამიანს, შემდგომ მათ უწევთ ახლობლებთან მოსმენილი ინფორმაციის გაზიარება.
ონლაინ ფორმატით დამსწრე ადამიანების რაოდენობა შეუზღუდავია. კონსულტაციას შესაძლოა დაესწროს ყველა დაინტერესებული პირი, მათშორის ისინი ვინც საზღვარგარეთ ან სხვა ქალაქში იმყოფებიან. შესაბამისად ყველა ვინც თქვენ გჭირდებათ და ვისაც ენდობით შესაძლოა შეგროვდეს ერთ სივრცეში და ყველამ ერთად დასვათ ნებისმიერი შეკითხვა.
2) სამედიცინო ინფორმაცია რთული აღსაქმელია ხოლმე. მითუმეტეს როცა საქმე ეხება ონკოლოგიურ დაავადებას. დეტალებს დიდი მნიშვნელობა აქვს. დადგენილია რომ ონკოლოგებთან კონსულტაციების დროს პაციენტებს ხშირად უჭირთ რეალური სურათის შექმნა ობიექტური მიზეზებიდან გამომდინარე, ამ ყველაფერს ემატება მაღალი ემოციური ფონი.
ონლაინ - კონსულტაცია იწერება და ეს ინფორმაცია სულ გექნებათ. თუ დაგჭირდათ თქვენ ყოველთვს შეგიძლიათ თავიდან მოუსმინოთ და დაუბრუნდეთ ჩანაწერს.
3) ონკოლოგიური პაციენტები და მათი ახლობლები, როგორც წესი იმყოფებიან დიდი ინფორმაციული წნეხის ქვეშ. ისინი ისმენენ ბევრ აზრს, კითხულობენ ურთიერთგამომრიცხავ ინფორმაციას,საკმაოდ ხშირად იგებენ განსხვავებულ დაკვალიანებებს ექიმებისაგან. მათ ხშირად უჭირთ განასხვაონ სწორი და არასწორი რეკომენდაციები, რაც ბუნებრივია. სამწუხაროდ, ასევე შესაძლოა გაიგონ არარეალური დაპირებები და მომხიბლავი მარკეტინგული შეთავაზებები.
ჩემი აზრით პაციენტებს და მათ ახლობლებს სჭირდებათ გამჭირვალეობა და სანდო ინფორმაცია ,რის საუძველზე შემდგომში თქვენ უნდა მიიღოთ გადაწყვეტილება. ონლაინ-კონსულტაცია იწერება და შესაბამისად სრულიად ღია და გამჭირვალეა.
იმ შემთხვევაში თუ თქვენ დგახართ გადაწყვეტილების მიღების წინ და გჭირდებათ დეტალური გარკვევა თქვენს დიაგნოზში, მკურნალობის სტრატეგიაში, გაინტერესებთ პოტენციური შედეგები, გინდათ სიღრმესეულად ჩაწვდეთ იმაში თუ რა არის შესაძლებელი გაკეთდეს თქვენს ინდივიდუალურ სიტუაციაში , ონლაინ კონსულტაციაზე ჩასაწერად შეგიძლიათ დარეკოთ შემდეგ ნომერზე:
📞 557 700 936
🗓️ ან შეავსეთ კითხვარი:
https://docs.google.com/forms/d/1KLGM0lX82TBA3i0QPiX9Wa-eApf7c1E3WkzQeBwKInA/viewform?edit_requested=true
ყურადღება! გთხოვთ გაითვალისწინოთ:
ჩემთან კონსულტაცია ყველაზე მეტად მიზანშეწოლინია , მაშინ როცა მკურნალობა ჯერ არ არის დაწყებული და თქვენ სწორ გზას ეძებთ.
როდესაც შეკითხვები გაქვთ უშუალოდ ონკოქირურგიულ საკითხებზე.
როდესაც თქვენ გჭირდებათ სამეცნიერო კვლევების და საერთაშორისო ონკოლოგიური სტანდარტების მიხედვით დაკვალიანება, თქვენი ინდივიდუალური სიტუაციის გათვალისწინებით.
ჩემი კომპეტენციის პათოლოგიებია:
- მსხვილი ნაწლავის კეთილთვისებიანი და ავთვისებიანი სიმსივნეები ( კოლინჯის და სწორი ნაწლავის სიმსივნეები)
- კუჭისა და საყლაპავის კეთილთვისებიანი და ავთვისებიანი სიმსივნეები
ღვიძლის , სანაღვლე გზების და ნაღვლის ბუშტის სიმსივნეები
- პანკრეასის ( კუჭქვეშა ჯირკვლის) კეთილთვისებიანი წარმონაქმნები და ავთვისებიანი სიმსივნეები
- თირკმლის კეთილთვისებიანი წარმონაქმნები და ავთვისებიანი სიმსივნეები
- ფილტვის კეთილთვისებიანი წარმონაქმნები და ავთვისებიანი სიმსივნეები
- მუცლის ღრუს არაორგანული სიმსივნეები
