利康醫療 Leon Medical Supplies

03/10/2026

【LeonCare 參與 East Meets West 2026｜與專業同行】

今天，LeonCare 參與於香港會議展覽中心舉行的第28屆糖尿病及心血管疾病危險因素「東西方共同關注研討會」（East Meets West 2026），與醫療及健康領域的同業交流，了解糖尿病照護與血糖管理的新發展。

對我們而言，做好大家的健康夥伴，始於持續學習、聆聽與交流。我們希望讓專業知識更貼近日常，陪伴大家更有信心地管理健康。

今屆研討會亦設有免費公眾教育專場「糖尿知多啲・中風遠離我」，歡迎關心自己及家人健康的朋友了解及參與。

📅 今日｜10月3日（星期六）
🕑 下午2:00–5:30
📍 香港會議展覽中心（舊翼）一樓會議廳
🗣 廣東話進行｜免費參加

公眾專場詳情及報名：
https://forms.cloud.microsoft/r/bfZkA0vNus
入場安排以大會最新公布為準。

追蹤 LeonCare，了解更多血糖管理資訊及活動分享，與我們一起把健康知識融入生活。

#利康醫療 #血糖管理

24/09/2026

🌕 LinX CGM 中秋新會員限定｜買 1 送 1
在這月亮最圓的晚上，最珍貴的始終是與重要的人分享的一份心意。

今年，LeonCare 想為你的團圓時刻添上一點溫暖。新會員首次選購 LinX，即可享買 1 送 1 優惠。一份留給自己，一份與身邊的人分享。

上次提到，即使月餅標示「低糖」，都唔代表可以不限份量。其實除了月餅本身，進食份量、配搭、活動量，以至每個人的身體狀況，都可能影響餐後的血糖變化。

🥮 食同一件月餅，每個人的血糖反應都一樣？
單看餐前、餐後兩個數字，有時未必睇到完整情況。持續觀察血糖趨勢，可以幫助了解：
🔸 食完後血糖何時開始上升
🔸 上升速度及幅度
🔸 大約需要多久回落
🔸 不同食物配搭或活動後，趨勢有何分別

認識這些變化，慢慢了解身體，在享受節日的同時，作出更適合自己的選擇。一個感應器最長使用 15 天，兩個合共最長可監測 30 天。

今個中秋，LinX 陪你多了解自己一點。
LinX 連續血糖監測系統每分鐘自動更新一次血糖數據，並在手機顯示變化趨勢，讓日常飲食對數據的影響更容易掌握。

立即加入 LeonCare，與我們一起把心意成雙。✨

👉 盡顯心意，查看LeonCare 了解更多：
https://leoncare.com.hk/products/linx-cgm

優惠期由即日起至9月30日止。優惠只適用於新會員，購物車須同時加入兩件指定產品方可享用。優惠受條款及細則約束。

#中秋節 #血糖管理 #連續血糖監測 #低糖月餅 #健康

---
Linx CGM 已獲香港衞生署表列認證，(表列號碼 253292) 符合醫療器械安全標準。

18/09/2026

CGM 顯示嘅數字，同啱啱篤手指量到嘅血糖唔一樣。
第一個念頭可能係：【究竟應該信邊個？係咪其中一部唔準？】

其實，唔應該單憑一次比較，就判斷其中一部一定唔準。傳統血糖機量度嘅係指尖血液葡萄糖；CGM 感測器量度嘅係皮下組織液葡萄糖。由於量度位置唔同，而組織液反映血糖變化亦可能慢幾分鐘，所以在食完飯、運動期間，或者血糖正快速上升或下降時，同一時間見到兩個唔同讀數，並唔罕見。

咁點樣知道一款 CGM 嘅準確度？你可能會見到一個叫 MARD 嘅數字。

MARD 全名係 Mean Absolute Relative Difference，中文通常譯作「平均絕對相對差異」。簡單來說，研究人員會將 CGM 讀數同參考血糖值逐次比較，再計算兩者平均相差幾多。一般而言，MARD 越低，代表該款 CGM 喺相關研究條件下，整體讀數同參考值越接近。

不過，MARD 只係一個整體平均指標，唔代表每一次讀數都會有相同誤差，亦唔代表血糖快速變化時，CGM 同指尖血糖一定會完全一致。不同研究嘅參考儀器、測試方法同受試者情況都可能唔同，所以唔應該只係睇 MARD 一個數字，就判斷某款產品一定適合自己。

如果 CGM 讀數同你嘅身體感覺唔一致，例如顯示正常，但你出現手震、冒汗或頭暈；又或者 CGM 同指尖血糖持續有明顯差異，就應該按照你使用嘅 CGM 及血糖機指引，以指尖血糖作核對，並向醫護人員或產品支援查詢。懷疑低血糖時，唔好只係等感測器讀數追上先處理。

上次我哋講 TIR，係學識睇一段時間內嘅血糖情況；
今次就再記住：比較 CGM 同篤手指，唔能夠只係望住兩個數字，亦要留意當時血糖是否在波動、身體有否不適，以及產品本身嘅準確度資料，例如 MARD。

了解數字點樣得出嚟，先可以更安心咁使用 CGM，幫助自己管理血糖。

你有冇試過 CGM 同篤手指嘅讀數唔一樣？當時係食完飯、運動後，定係其他時候？歡迎留言分享你遇到嘅情況。

#血糖管理 #準唔準

---
資料來源：
英國 NHS 持續葡萄糖監測介紹：解釋 CGM 量度皮下組織液、讀數與血糖變化可能有數分鐘時間差，以及部分情況仍需篤手指核對。
https://www.nhs.uk/tests-and-treatments/cgm-and-hcl-for-diabetes/

《Journal of Diabetes Science and Technology》MARD 的用途與限制：解釋 MARD 點樣計算、點解較低數值通常代表整體讀數較接近參考值，以及點解唔應該單靠 MARD 比較產品或判斷某一次讀數。
https://pmc.ncbi.nlm.nih.gov/articles/PMC7189145/

11/09/2026

【TIR 是甚麼？飲完茶之後，血糖有幾耐留在目標範圍？】

飲茶前量過血糖，數字達標。吃完點心、搭車回家，到晚上睡覺，之後的變化又如何？

每次「篤手指」能知道當刻的血糖。想了解兩次檢測之間的變化，連續葡萄糖監測（CGM）便可以提供更多資料。CGM 透過皮下感應器持續量度組織間液的葡萄糖，記錄一天的走勢。飯後升了多少、何時回到目標範圍、夜間有沒有偏低，都可以從紀錄中查看。

這些資料也能用來計算 TIR。
TIR（Time in Range，目標範圍內時間），就是監測期間，葡萄糖數值留在個人目標範圍的時間百分比。

假設完整記錄了24小時，其中18小時在目標範圍內，TIR 就是75%。餘下6小時，則要再看是偏高還是偏低。

知道這些，對日常生活有甚麼幫助？
例如，午飯後經常偏高，可以記下那餐的食物、分量、活動和用藥情況，覆診時一起找原因。若夜間反覆偏低，亦能讓醫護團隊留意單次檢測未必碰到的情況。部分CGM設有高低值警報，實際功能視乎型號及設定。

對許多非懷孕的成年糖尿病患者，常用目標範圍是3.9–10.0 mmol/L，TIR目標為超過70%，約相當於每日17小時。個人目標會因年齡、懷孕及低血糖風險等有所不同。

即使TIR達標，也要留意低血糖時間，並配合糖化血紅素（HbA1c）一起評估。CGM報告的用處，是讓覆診時的討論更具體：「最近午飯後經常偏高，可以從哪方面調整？」

如CGM讀數與身體感覺不符，應以指尖血糖覆核，並按醫護指示處理。不要自行加減藥物。

資料參考：美國糖尿病學會、Diabetes UK。
本文為一般健康資訊，個人監測及治療方案請向醫護團隊查詢。

#糖尿病 #血糖管理 #利康醫療 #香港健康

03/09/2026

【HA 糖尿科專屬體驗計劃｜優惠延長】

想更了解自己嘅血糖變化？兩次覆診、兩次驗血之間，血糖其實可能一直有變化。

LinX CGM 持續記錄血糖，讓你可以由日常飲食、活動，到作息，逐步了解自己嘅血糖變化。

之前未趕得切參加首次體驗？可把握最後試用機會！

首次試用 LinX CGM
HK$220／Sensor（原價 HK$450）
✓ LeonCare 新會員首次購買限定優惠
✓ 首次試用免運費
✓ 優惠延長至另行通知

完成首次體驗後，如希望持續使用 LinX CGM：
可以選擇訂閱計劃，每個CGM低至 HK$250
可選 3 個月／6 個月／12 個月

✓ 按計劃安排寄送
✓ 唔需要每次重新落單
✓ 計劃越長，每月平均價格越優惠

由一次試用開始，先了解自己；
之後再按需要，選擇適合自己嘅持續追蹤方案。

👉 立即到 LeonCare 試用 LinX CGM
https://leoncare.com.hk/products/ha-linx-cgm
了解後續訂閱計劃：
https://leoncare.com.hk/products/linx-cgm

#連續血糖監測 #血糖管理 #健康生活

01/09/2026

🥮 低糖月餅，係咪可以食多幾件？
中秋就快到。每次食月餅，當你伸手拎第二件，總會聽到一句：
「一年一次啫，食多件唔緊要嘅！」

每次食月餅都覺得好邪惡。但如果見到包裝寫住「低糖」，係咪可以減低罪惡感，覺得可以放心食多幾件呢？

按香港營養標籤規例，「低糖」主要係指產品每 100 克食物含糖唔多過 5 克；「無糖」嘅要求則更加嚴格，低至每100克不多於0.5克。不過，揀月餅時唔應該只睇包裝上面「低糖」三個字，仲要睇營養標籤、食用份量同整體配料。

月餅入面嘅蓮蓉、豆蓉、奶黃同餅皮，通常都含有碳水化合物。當中部分澱粉質經消化後會分解成葡萄糖，所以即使月餅標示「低糖」，都唔代表低碳水，更唔代表食幾多都冇影響。

食月餅，份量先係重點以一個 180 克月餅為例：
🔸 切4份 → 每份約45克
🔸 切8份 → 每份約22克

切細份，通常會更容易控制一次食幾多；同時亦可以留意包裝標示嘅每份能量、糖、碳水化合物及脂肪含量。比較不同產品時，最好先確認參考份量是否相同。

食法亦可以簡單調整：
🥮 切細份，慢慢食，唔好一開盒就食完整個。
🍽️ 配合正餐或其他食物一齊安排，避免短時間內連續食幾件。
🥬 正餐加入蛋白質及高纖食物，令整體飲食更加均衡。
🚶🏻‍♀️ 飯後按自己身體情況輕鬆行吓，但唔好當散步可以抵消食多咗嘅份量。

中秋唔需要因為食月餅而完全戒口。一年一次，食得開心之餘，留意份量、營養標籤，就已經係一個較實際嘅做法。

至於屋企嗰位成日話：「食多件唔緊要嘅。」
不妨Share呢篇俾佢睇～😌

#中秋節 #月餅 #低糖月餅 #營養標籤 #健康飲食 #血糖管理

26/08/2026

【🩸糖尿病唔一定會口渴先知？】

香港每 10 個成年人，就有 1 個患糖尿病 。當中好多人，其實一早已經有先兆，只係自己冇為意。

好多人以為糖尿病一定會「成日飲水、成日肚餓」先算數，但事實係：部分患者初期完全冇明顯症狀，直到出現併發症先發現。呢個先係最危險嘅地方。

即睇 6 大糖尿病早期先兆，快啲check下自己中唔中：
1️⃣ 特別容易口渴，飲極都唔夠
2️⃣ 去廁所次數變多，尤其半夜要起身
3️⃣ 明明冇節食都瘦咗
4️⃣ 成日覺得攰，休息完都唔恢復
5️⃣ 視力開始矇，睇嘢唔清
6️⃣ 傷口/發炎反覆好耐都好唔返

如果你 45 歲以上、體重超標、少運動，或者屋企人有糖尿病病史，中招機會會再高啲，需然呢個病唔會傳染，但體質同生活習慣係會遺傳落嚟嘅。

好消息係：糖尿病其實可以預防、可以及早發現。飲食少甜少鹹少油、維持定期運動、控制體重、瞓夠加減壓，就已經幫到好多。

如果你中咗以上兩個或以上先兆，唔好拖，安排一次驗血糖啦～
及早發現，先可以及早控制，同呢個病好好相處落去。

💬 你有冇試過以上呢啲先兆？
留言同大家分享，等更多人識得及早留意自己身體。

#糖尿病 #糖尿病先兆 #健康生活 #血糖 #糖尿 #健康

20/08/2026

【HA 糖尿科覆診人士專屬體驗計劃】

平時覆診都有睇血糖，但你有冇想過，兩次覆診之間嘅血糖變化係點？
LinX CGM 可以持續記錄血糖變化，讓你從日常生活中觀察自己的血糖趨勢。

而家首次試用 LinX CGM：
HK$220
原價 HK$450

✓ 免運費
✓ 登記LeonCare 成為新會員，即享首次試用優惠
✓ 名額有限，限時優惠至 8 月 31 日

由一次試用開始，為自己多了解一點。
👉立即到 LeonCare 試用 LinX CGM。

兩次覆診之間，你的血糖有咩變化？ 平時覆診都有睇血糖，但兩次覆診之間嘅變化，你其實好少機會見到。LinX CGM 可以持續記錄血糖變化，等你喺日常生活中，都可以觀察自己嘅血糖趨勢。 覆診 1 LinX CGM：持續記錄呢段之間嘅.....

06/08/2026

LinX CGM 訂閱計劃正式推出。

每片低至 HK$250，自動配送到屋企，唔使記住幾時入貨。

✔ 3 / 6 / 12 個月計劃任揀
✔ 買得長，每片更平
✔ 到期自動送出，唔會斷

有人用嚟記錄日常飲食反應，有人用嚟睇運動同體重管理期間嘅血糖走勢，亦有人跟開醫護建議做長期監測。

揀返最啱你節奏嘅計劃。
https://leoncare.com.hk/products/linx-cgm

24/07/2026

驗血糖驗到手指痛，呢種感覺，我哋都明。
所以今次，我哋希望更多人可以用更輕鬆嘅方式了解自己嘅血糖變化。

🎉 會員限定優惠
💚 LinX CGM 原價 HK$450
🔥 會員價 HK$360
💰 即慳 HK$90
🎁 免費送價值$100 GoChek2血糖機套裝
（血糖機 + 10條試紙 + 10支採血針）

📌 限量 40 個名額
📌 每位會員限換一次，送完即止

無論你想開始了解血糖趨勢、關心屋企人健康，定係希望透過數據改善飲食、運動同生活習慣，LinX CGM 都可以幫你更全面掌握每日血糖變化。

而今次附送嘅 GoChek2 血糖機，方便有需要時進行指尖血糖測試，日常監測、數據比對或家人使用都同樣方便。

GoChek2 規格
✔️ EN ISO 15197:2015 國際標準認證
✔️ GDH-FAD Enzyme 酵素技術
✔️ No Coding 免編碼設計
✔️ HCT 10–70% 適用範圍
✔️ 操作簡單、讀數快速

👇 留言「CGM」或 Inbox 我哋
立即登記成為 LeonCare 會員，即可享會員限定優惠。