香港大學言語及聽覺診所 HKU Speech, Language and Hearing Clinic

09/10/2026

Brown Bag Series第二彈活動再一次好評如潮！🎉

感謝各位同學踴躍參與今次嘅 Brown Bag Series: The SLP Newbies！好開心見到活動吸引咗好多 Year 4 同 Year 5 同學到場，一齊聆聽三位畢業校友嘅真實職場分享。

今次我哋非常感謝校友Chloe Ma、Michelle Ho同 Howard Ng，佢哋而家分別喺學校、機構的到校學前康復服務隊 (OPRS)及醫院工作。佢哋以自身經歷分享由校園踏入職場嘅心路歷程，以及喺不同工作環境同服務範疇中，如何適應新嘅工作文化、建立專業角色同面對各種挑戰。

除咗職場適應心得之外，講者亦毫不藏私地分享咗求職技巧，以及勉勵同學們如何以專業自信嘅態度迎接人生第一份工作。💼✨

內容豐富又貼地，令同學對未來職涯發展有更清晰嘅方向，同時為即將踏入求職季做好準備。希望大家都能夠將今日嘅得著帶到未來嘅實習同工作之中！

再次多謝三位校友抽空回校分享，亦多謝每一位同學嘅參與。期待下次 Brown Bag Series 再見！💙💛

02/10/2026

Hello SLP Freshmen! 👋✨

今日二年級嘅組爸組媽帶埋一年級freshmen嚟到我哋診所打卡📸，究竟有咩搞作呢？

原來每年開學後，我哋嘅 Clinical Education Director — Prof. Estella Ma 都會邀請新生們親臨位於堅尼地城嘅言語及聽覺診所，率先了解未來5年嘅學習旅程🎓。

除咗聽吓診所同臨床實習嘅介紹之外，新生仲可以到處探險🕵️‍♀️🕵️‍♂️：玩吓治療玩具🧸、睇吓資源室入面琳瑯滿目嘅教材📚，仲可以偷望一下觀察室入面神秘嘅單面反光玻璃👀，率先感受未來實習嘅氣氛！

相信大家而家仲係「參觀團團員」🤭，但兩年後再返嚟嘅時候，就會正式化身實習生喇！✨

今日一別，兩年後診所見啦！👋
（當然，歡迎大家隨時返嚟探吓小編，同埋同我哋講聲 Hi 😆💛）

25/09/2026

Clinical Team仝人祝各位中秋節快樂，人月兩團圓
冇獎小燈謎：猜猜圖中人物是誰?
（小編自爆：坐喺到食月餅嗰個係我。）

16/09/2026

🎭 導師變身，學生挑戰升級！

今年五年級同學喺開學後參加咗《Interactive Oral Experience (IOE)》活動。導師們搖身一變，化身成唔同醫療專業人員同照顧者，透過實時互動討論與情境交流，考考大家點樣運用跨專業思維處理真實個案。

實習範圍愈來愈廣，團隊合作愈來愈重要！IOE 就係一個讓同學喺正式投入實習前，率先體驗跨專業協作同臨床決策嘅好機會。

跨專業溝通能力亦是成為一個合資格言語治療師前必學的重要技巧！希望畢業班同學藉著這機會學習呢方面嘅思維與技能！

一齊準備好迎接新學年嘅實習挑戰！

09/09/2026

三年級同學的教學診所今個星期開始喇! 同學們都好用心為每一位小朋友預備合適的評估工具同玩具，並為小朋友們制定貼身的治療目標。
三年級同學仔第一次接觸真正嘅服務對象，難免會有啲緊張。歡迎大家喺到留言為佢哋打打氣！
#香港大學言語及聽覺診所 #幼兒語言發展 #教學診所

04/09/2026

今日介紹吓五年級同學嘅實習分享！

原來有部分五年級同學仔喺暑假出咗臨床實習，目的地係國內不同地方，足跡遍及深圳、順德及武漢等地。實習期間，同學不僅為當地有需要人士提供溝通及吞嚥障礙的評估與治療服務，更親身了解內地康復服務的發展現狀。

面對不同文化背景和習慣，以及緊迫嘅時間表，五年級同學仔的實習方式和以往在香港實習時有所不同，小編今日訪問咗其中一位帶團導師鄧博士(Tempo)，了解一下同學仔在國內實習時嘅點滴。

Tempo: 五年級同學透過同內地醫療團隊及康復人員的深層交流，不僅提升咗臨床技能，亦拓寬了專業視野，獲益良多。
內地實習行程極之緊密，同學每日早出晚歸，既要準備評估、訓練物資，又要為照顧者設計家居訓練，每晚完結後更要進行檢討。面對緊迫嘅時間，同學依然一絲不苟、認真對待，連週末都留喺酒店為實習作準備，早午晚三餐全靠外賣解決，絕對值得讚賞！

除咗實習外， 同學亦有機會透過海外體驗式學習（Experiential Learning），前往澳洲、新加坡、馬來西亞及台灣等地嘅醫院同診所交流，藉此拓寬國際視野，並深入了解各國言語治療專業嘅實務差異。

02/09/2026

尋日我哋講咗三年級同學喺實習前嘅重要儀式，今日小編就介紹吓四年級同學為實習前嘅預備。
我偷偷潛入咗佢哋Clincial Orientation (臨床實習培訓)現場，發現佢哋好開心咁食緊嘢，唔通佢哋開Party？
我即刻捉住導師朱姑娘(Ada)問清楚。
Ada: 四年級同學其中一項實習項目係服務有吞嚥困難人士，喺臨床實習培訓中，佢哋會學習不同程度的吞咽困難能如何安全進食/飲不同質地的食物及流質。所以，在開學日，同學們第一個任務是體驗進食不同食物時，口肌及咽喉肌肉是如何的協調！原來，能正常食嘢飲嘢真係一啲都唔簡單！

01/09/2026

26/08/2026

🎉 幼兒語言發展免費篩查日已於上星期五圓滿結束！🎉

感謝每位到場參加的小朋友及家長，讓我們度過充實而愉快的一天 💜

當日見到小朋友積極參與活動、家長細心了解孩子的語言發展情況，每一個互動都十分珍貴。感謝大家的信任及支持，讓我們有機會陪伴孩子踏出語言發展的重要一步。

希望大家都滿載而歸，期待日後有更多機會與大家見面！✨

📸 一起重溫當日的精彩時刻～

#香港大學言語及聽覺診所 #幼兒語言發展 #語言篩查

22/06/2026

[25/6更新：我們超額了！謝謝你們踴躍的支持！合適人士我們將於30/06聯絡合適人士。]

想了解小朋友嘅語言發展情況？而家有機會喇！📣
香港大學言語及聽覺診所舉辦免費幼兒語言篩查，為小朋友進行評估，及早掌握發展狀況 💬✨
🗓️ 日期：2026年8月21日 (星期五)
🕤 時間：9:30–11:30 / 14:30–17:30（每節約需1小時）
👶 對象：2歲6個月至6歲11個月母語為廣東話之兒童（不包括升小一或更高年級的學童）
💡 臨床導師將會聯絡合適人士並安排篩查時間。
🔒 閣下登記時留下的資料僅供報名用途，絕對保密，並且將會在活動結束後三個月內自動被銷毀。
📄 完成篩查後可即日獲一份篩查結果簡報。
名額有限，記得儘早登記啦！📲（掃描海報內QR code 或Click入以下網址：https://forms.cloud.microsoft/r/UaM9yqsJ7e）
#幼兒發展 #語言發展 #免費篩查 #言語治療 #家長必睇 #早期介入