14/09/2026
#如何用中醫學善待自己 #中醫村
🍂 秋·十二 │ 秋天便秘，就好似雙11唔派貨
你有冇試過每年入秋，自己條「腸道物流線」就直接開啟「雙11爆倉模式」，包裹一塞就幾日，物流信息永遠停喺「轉運中心」，甚至遲遲唔派貨？
🚛 網購買野，最緊要有入有出，俾完錢梗係希望商家盡快發貨。最怕遇到「黑心物流」，諸多借口，包裹總係滯運或只派部份，呢個時候大家肯定反手一個差評加投訴，對不對？
🚫 搞笑嘅係，好多人對網購物流要求極高，卻對自己身體入面嗰間「腸道物流」包容度極大。天天如常吃喝，但一連三四天不解手也沒多上心。直到個肚谷到臉上長痘、噁心頭痛冇胃口、一身皮膚粗糙，你仲由得佢？
好多人第一時間諗：「係咪飲水唔夠？」但秋天便秘，唔一定單純係缺水，而係「缺動力」。
中醫講：「 #肺與大腸相表裡。」（《黃帝內經》）
肺同大腸，一個喺上面管呼吸，一個喺下面管排泄，看似風馬牛不相及，其實係一對「裡應外合」嘅拍檔。肺氣要向下「肅降」，大腸先有動力將糟粕推出去。秋天燥邪傷肺，肺氣唔夠力，大腸就跟住「罷工」——便意到咗，但推唔出去。
🔍 點解秋天特別容易「派送異常」？
① 秋燥偷水 💧
空氣乾，身體唔夠津液，大腸唯有狂吸水，大便越抽越乾，變成「瘋狂石頭」。
② 糊亂進補 🦀
大閘蟹、薑母鴨、羊肉煲、麻油雞、燒烤、火鍋、燕窩等高蛋白高脂高熱量嘅滋膩食物食多咗，膳食纖維又唔夠，腸道嚴重「重貨」，推都推唔郁。
③ 少運動 🛋️
天氣漸涼，人自然就跟住懶，腸道蠕動亦跟住偷懶，「貨物」積喺中轉站，越積越多。
🛠️ 中醫教你3招，幫腸道「恢復派送」
1️⃣ 增水行舟 🍐
銀耳、百合、蜂蜜、雪梨、火龍果、西梅，全部係潤腸好幫手。每日溫水要補足，朝早一杯暖水，提醒腸道「開機」。
2️⃣ 清熱潤腸 🌿
決明子10g + 麥冬10g泡水，幫爆倉貨物降溫、滑走。當然唔係每個人都適合，服用前記得先問下自己個中醫。
3️⃣ 穴位催「件」 💆
按天樞穴（肚臍旁開三橫指）＋順時針摩腹50–100下，等於打去物流總部催單，簡單有效。
💛 善待自己，由今日開始
唔好睇少「便秘」，認為只係「小事」，身體唔肯派貸梗係有啲野嘅：腸道同肺一樣，都需要你嘅照顧。
秋天養生，唔止潤肺護嗓，仲要記住——肺好，腸道先會好；腸道好，皮膚先會靚。
呢個秋天，由一杯暖水，一壺正茶(秋五)、白吃白喝(秋三)，和一碗銀耳羹開始，善待自己。🍂
P.S. 如果調整飲食同生活習慣後，便秘仍然持續超過一星期，或者伴隨腹痛、便血、體重下降，就唔好只係「等佢自己好」，應該盡快求醫。中醫認為便秘成因各異，須辨證論治，從體質調理。想了解更多中醫點改善腸道問題，歡迎看看中醫村十年前在facebook專頁上載過的這篇詳細解說 👇
🔗 https://www.facebook.com/share/1BwHTcZJtH/
________________________________________
中醫村 ( 中環│北角│旺角│觀塘│荃灣│元朗 )
首次登記 $390 含3天處方中藥連診金！
註冊中醫師主理，專業可靠！
查詢電話：2111 1455
即時 WhatsApp 預約：9546 3769
#便秘 #長痘 #皮膚痕癢 #皮膚紅腫 #頭痛 #上火
