兩個吳醫師的行醫手記

17/06/2026

11/06/2026

溫針灸—香港可能比較少診所做嘅治療 因為好大煙

朋友平時嚟開做美顏針，今次話腸易激好嚴重
一日痾四次。

我話：試吓溫針灸先 理氣，扶陽。
艾條點着，熱力慢慢入針。

一次，止晒瀉。

其實皮膚本身就係一個吸收器官。
所以我鍾意用艾托嚟做溫針灸——安全之餘，皮膚可以吸收埋艾草嘅成份。

#中醫 #針灸 #吳烱林中醫師 #吳錫奎中醫師 #艾灸

29/05/2026

吳醫師s診所對面就是街市，所以不時都有街市檔販過來睇診。
「醫師，我筋膜炎又發作，起身一落地腳底就痛。」

呢位病人佢一除鞋，我第一眼留意到嘅，唔係佢個患處，而係佢腳底一塊好大嘅厚繭。

街市每日都要濕水，檔販為了防滑和衛生，基本上全日都要著住對水鞋。但呢類橡膠或者 PVC 水鞋，對腳底力學黎講其實係一個慢性摧殘。

首先，多數水鞋設計好寬鬆、鞋口大，冇得綁鞋帶。隻腳喺鞋入面不斷前後滑動、橫向晃動，加上香港夏天又熱又濕，雙腳大汗潮濕，角質層皮膚被浸到軟晒。喺呢種潮濕環境下摩擦力成倍增加，刺激身體啟動防衛機制，瘋狂增生出厚繭。

更深層嘅問題喺骨骼結構。水鞋底多數好硬、完全冇延展性，正常行路時足跟承受體重 2-3 倍嘅衝擊力，會直接震上去跟骨。加上水鞋內部平坦，內側縱弓缺乏承托。檔販又要長時間靜態站立或者搬重物，足弓被迫過度塌陷，連帶將底下的足底筋膜異常拉長，引致微撕裂、局部缺血和炎症堆積。

結果導致咩？呢個大厚繭本身可能唔痛，好多人會忽略。但如果繭下面其實已經係足底筋膜炎呢？每日落床第一下落地既痛楚，會唔會令你唔敢再輕視？

好多人腳底痛就走去足浴店磨皮、修死皮，但如果橡膠硬底、足弓崩塌嘅力學問題唔改，舊繭同入面嘅發炎只會不停返發。

著開硬底鞋或者水鞋工作嘅朋友，不妨望望自己腳底，有冇一塊幫你「擋煞」嘅厚繭？如果有，記得要正視呢個足跟痛嘅警號。

#中醫正骨 #足底筋膜炎 #腳底痛 #足跟痛

21/05/2026

#吳烱林中醫師 #吳錫奎中醫師

14/05/2026

#腰痛 #椎管狹窄 #睡姿 #長者痛症 #中醫 #正骨 #吳烱林中醫師 #痛症

08/05/2026

有個中年女性求診 「之前我照過MRI，話我有椎間盤突出導致坐骨神經痛，又痛又痹。每年冬天都會發作，但都會自己好返。今次痛咗幾個月都未好，腰痛坐耐咗又冤又酸。搽油、食止痛藥都唔得。」
吳醫師S幫佢做檢查，直腿抬高測試陽性—應該都係坐骨神經痛。 雖然有MRI報告，但我都會再睇一睇X光，睇下腰骶關節同盤骨有冇問題。 「盤骨冇咩事，但腰骶關節窄咗。」 窄咗，就會影響神經出入嘅空間。尤其是L5-S1神經根，正正係負責屁股外側、大脾後側、小腿外側嘅感覺同活動。

呢個發現，解釋咗點解病人：
冬天發作（天凍肌肉收緊，關節空間更窄）
今次好唔到（腰骶關節嘅窄，唔係椎間盤突出嘅炎症，所以止痛藥無效）

治療方向：
正骨復位：溫和鬆解，再用牽引床物理加大腰骶關節空間
針灸：疏通足太陽膀胱經、足少陽膽經，針灸命門、腰陽關等穴位
中藥：溫經散寒、活血通絡 通常係獨活寄生湯 但我今次用左湯和湯（病人寒濕體質明顯）
佢嘅問題，唔係單純嘅椎間盤突出，而係腰骶關節長期窄咗，壓住神經。我哋要處理嘅，唔係止痛，而係開返個關節嘅空間

#吳烱林中醫師 #中醫 #針灸 #正骨 #骨傷

02/10/2025

痧不在多
有用則靈

04/04/2025

是日

25/03/2025

仲記得人生第一次收到既心情

05/07/2024

腰膝同源屈伸皆難
疼痛可消伸屈可復

膝關節是活動最繁，負重最甚，組織最多關節。一旦受傷，病人痛苦，醫者最傷腦筋。但幾千年中醫原理，通過辨症施術，亦可治愈、避過開刀手術。腰膝同源，可以從肝腎着手，袪濕活血為輔，通經活絡，綜合治療，數週可愈。但最忌一曝十寒，決無愈期。
第一位張先生，青年人，釣魚時跌傷膝關節，疼痛，不能屈伸，袛好回家休息。醫院檢查結果，韌帶撕裂，需做微創手術，結果，做了兩次手術後，膝痛雖減，但關節不能屈伸，行路時袛好彎着膝部。不能工作，又生痛楚，雖然，正當年青，卻亦氣綏。

按中醫骨傷理論，張先生是先傷骨骼，後損筋，糾正腰盆骨位置，利於膝關平衡，加上膝部針灸，增加自然恢復力，膝痛及屈伸難自然改善。

首先採用漢藥蒸氣治療，讓數十種中草藥，經過熱力刺激，蒸發出藥力，直接通過膝部皮膚，滲入膝關節深處，直達受傷部位，改善循環，增加恢復力。伸屈關節。拉鬆膝關節，糾正股骨頭，改善全腿力學。針灸局部穴位，內服虎潛湯，羓鷄丸。

張先生經過數月治療，膝痛消失，步行如常，不用彎着膝部，唯膝部後屈，仍不能盡位，但能恢復工作。

另一膝關節痛的病人徐先生，旅居英國。同樣外傷膝部韌帶，醫生說要開刀，他飛回香港求醫，由於徐先生是新傷，膝部疼痛，行路微痛，自覺膝關節脹，治療方法如同張先生，經一月治療便愈。帶羓鷄丸回英國服食。