02/09/2026
【一粒塵】
店主唔係環保L，個人觀點認為極致環保係除非人類消失，但無可能嘛，不過平日都要做好自己本分～
前幾日去咗禪修，覺得喺大自然面前，人同花草樹木、動物、昆蟲真係完全平等。以前只有呢個概念，唔係真理解。但當融入咗大自然，就自然體會到。
喺大自然入面，「我」細到好似一粒塵、一片飄過嘅浮雲，充其量只係「客人」。既然係做客，就應該有返做客嘅禮儀同邊界感。（呢點同去旅行做free rider一樣😆）
地方之所以靚，唔係俾我哋入去隨心所欲，而係要靠大家收斂同珍惜。
講就易做就難，全靠平時每一分覺察去時刻提醒。
我成日都做唔足🥹，不過會好好盡力～
第一、二張相係禪修4 日嘅地方：北投-祖師禪林
人喵蟲各守本份，守護住🥰
之後幾張：奇岩- 農禪寺
「應無所住而生其心」嘅地方
我非常感恩當日1:1嘅導賞姨姨，佢導覽得非常詳盡有趣！如果有興趣去，當日去詢問處就可以book即時導賞，唔洗預約，但要等～
#禪修 #身在那裡心在那裏 #未覺醒但不用急 #慢生活 #不用力
