Low Carbon Energy Education Centre

20/10/2026

【第四屆低碳節能發明大賽 ─ 加入核能元素 獲取加分！】
開咗學已經一個多月啦，喺課本度有冇得到一啲創作低碳發明嘅啟發呢？提提你，由核能入手都係個好辦法呀！⚛️核能係香港重要嘅能源，我哋有四分一電力都係嚟自大亞灣核電站供應嘅核電，除咗價格同供應穩定，仲係零碳排放添！輸入核電令香港每年減少超過 750 萬噸二氧化碳排放㗎。
大家運用核電創作出低碳節能發明仲可以獲得加分添，即刻上呢個網站︰https://nuclearenergy.clpgroup.com/tc/nuclearpedia/scienceGeneration，了解更多核能發電原理同優勢啦！
諗到idea就立即scan圖中QR code報名，11月13號就截止啦！
#低碳節能發明大賽2026 #低碳生活 #低碳能源 #外星狐狸

13/10/2026

【2026第四屆低碳節能發明大賽 ─ 上屆中學組得獎作品巡禮】
上次睇完小學組嘅作品，今次我哋睇下上屆中學組得獎嘅哥哥姐姐點活用低碳能源設計佢哋嘅得獎發明啦。
🥇上屆中學組冠軍作品「Autonomous EcoStorage Hub」，由青年學院（國際課程）Grade 10學生袁詩欣設計。佢留意到學校儲物室收埋咗好多唔常用嘅文件，為咗妥善保存，往往要長期開住抽濕機或者冷氣嚟保持濕度，產生好多碳排放。袁詩欣於是諗到喺島嶼上設置一個儲存中心，主要以核能供電，再加太陽能板輔助，實現零碳排放。中心全自動運作，由機械人負責儲存同管理檔案，並利用無人機同埋無人船作對外運輸。
🥈亞軍作品「由核氫起 — 『氫供應基地』」，由香港四邑商工總會陳南昌紀念中學六年級學生李錦成設計。佢覺得核電廠發電時產生嘅大量餘熱唔係廢物，而係可以善用嘅資源，因此構思將核電餘熱結合太陽能系統，提升水電解效率，生產氫能燃料。
🥉季軍作品「Nuclear-Powered Autonomous Train」，由青年學院（國際課程）Grade 12學生鄭建達設計。佢想減少傳統柴油火車嘅空氣污染同埋電車嘅基礎設施配套，於是諗到用核能推動列車，將核能發電系統中嘅小型模組化反應爐整合至列車中，唔使靠外部電網都可以持續提供零碳電力，從而降低基建成本，就啱哂應用喺一啲資源較缺乏嘅國家或者地區啦！
大家有冇發現三位得獎者嘅作品都有⚛️核能元素呢？因為有核能元素可獲加分㗎！即刻報名參加，下一個得獎者可能就係你啦！
即刻scan圖中QR code報名，11月13號就截止啦！
#第四屆 #低碳節能發明大賽 #低碳生活 #低碳能源
#能源攻略
#外星狐狸

16/09/2026

【2026第四屆低碳節能發明大賽 ─ 上屆小學組得獎作品巡禮】

低碳節能除咗係日常嘅生活方式，仲可以係一個新發明嘅諗頭，如果你嘅小朋友都諗到一啲有創意嘅低碳發明，就即刻報名參加2026第四屆低碳節能發明大賽啦！未有idea都唔緊要，我哋一齊睇吓上屆比賽小學組嘅得獎作品，欣賞佢哋點活用低碳能源喺得獎發明度啦。💡✨

🥇上屆小學組冠軍作品「Go Green Water Sports」，由聖保祿天主教小學六年級學生文恩迪設計。佢為咗令更多人可以享受健康運動生活，設計咗一個全天候嘅水上運動中心，利用核能發電產生嘅熱能提供溫水及冷暖空調系統，減少熱能對環境嘅影響，亦都令大家認識到核能係一種安全嘅零碳能源。

🥈亞軍作品「浮動核能綜合能源中心」，由香港浸信會聯會小學五年級尹晞翹設計。設計意念係要起一個安全高效嘅能源島，呢一座可移動嘅潔淨能源站，採用「玲瓏一號」以核能發電，除咗幫海水化淡，仲可以提供潔淨能源俾遠航船隻㖭。

🥉季軍作品「葵涌貨櫃碼頭上的先進製造中心」，由聖保羅男女中學附屬小學四年級學生唐卓瑜設計。佢嘅靈感嚟自日常觀察，諗到喺葵涌貨櫃碼頭上層興建製造中心，中心設有太陽能光伏板、風車風力發電等可再生能源設備，達到綠色節能，亦可以減輕土地短缺嘅壓力。

三位得獎者都活用低碳能源，設計出生活化兼具解決問題嘅優秀作品，如果你有創意諗頭都唔好收埋，即刻報名參加，下一個得獎者可能就係你啦！

即刻scan圖中QR code報名，11月13號就截止啦！

#第四屆 #低碳節能發明大賽 #低碳生活 #低碳能源
#能源攻略
#外星狐狸

01/09/2026

【2026第四屆低碳節能發明大賽 歡迎中小學生踴躍參與】

同學仔，放完暑假，係咪想喺新學年挑戰自己，學多啲新技能呢？機會嚟喇！2026第四屆低碳節能發明大賽已經正式接受報名，等大家可以用STEM元素，發揮無限創意，創作以低碳節能為主題嘅發明！🌍💚

今年嘅獎品好豐富：
-「大亞灣一天遊學團」：得獎同學可以親身參觀大亞灣核電站，深入了解呢座為香港提供安全可靠零碳能源嘅重要設施
- 特別增設遊學團名額：上年嘅大亞灣遊學團大受家長同老師歡迎，今年特別新增參觀名額，俾最積極參與嘅辦學團體同學校都可以推薦參加者參與
- 三甲及優異獎：除咗書券，仲可以帶走自己嘅3D 打印作品
- 每位參加同學都會獲頒電子證書

比賽第一階段由即日起至11月13日接受報名，如果成功入圍第二階段，仲可以嚟香港城市大學參加Tinkercad線上繪圖軟件培訓工作坊，學習用3D 繪圖軟件將你嘅設計化成立體作品𠻹！
即刻scan圖中QR code睇吓比賽詳情，再上載你嘅創意作品俾我哋啦！

#第四屆 #低碳節能發明大賽 #低碳生活 #低碳能源
#能源攻略
#外星狐狸

26/08/2026

【☀「童」心低碳迎夏日親子工作坊☀】
點解小朋友會同外星狐狸🦊講byebye嘅？因為上個周末嘅「童」心低碳迎夏日親子工作坊已經係今年最後一場啦，多謝出席嘅家長同小朋友，我地下年再見！😁

20/08/2026

【「童」心低碳迎夏日親子工作坊】
外星狐狸又出動啦！！ 🦊
今次佢喺華龍一號模型前，迎接咁多位參加「童」心低碳迎夏日親子工作坊嘅大人小朋友，大家都急不及待想同佢一齊影相喎 😁

12/08/2026

【「童」心低碳迎夏日親子工作坊】

咁多人跟住外星狐狸嘅 🦊？原來就係去城大中華電力低碳能源教育中心參加「童」心低碳迎夏日親子工作坊！
大人同小朋友都好投入聽導賞員講解低碳能源知識，之後再一齊坐低砌太陽能電動車，希望大家都玩得開心又學到嘢啦！🥰

05/08/2026

【城大人暑假親子好去處 —「童」心低碳迎夏日！】

上個周末大家去咗邊到玩呢？上星期六一班城大教職員校友家長同小朋友嚟到城大中華電力低碳能源教育中心，一齊聽導賞員講解低碳能源同砌D.I.Y.太陽能電動車。答啱問題而快又準嘅小朋友仲攞咗額外大獎，真係學以致用㗎！

04/08/2026

🎉【最後回合答案揭曉！】 正確答案係採用先進壓水堆設計嘅華龍一號 (HPR1000) ！

呢座由廣東核電合營有限公司捐贈嘅展品，其實係華龍一號 (HPR1000)嘅模型，佢係國家第一個自主研發，使用第三代核電技術嘅反應堆，擁有雙層外殼，安全水平更高。
一連三回合嘅核電知多少有獎遊戲又到尾聲，如果大家都想親身嚟睇吓圖中呢座華龍一號模型，歡迎大家喺以下網址登記，免費嚟到香港城市大學嘅中華電力低碳能源教育中心參觀！

免費參觀中心︰https://www.cityu.edu.hk/lowcarbon/visit.aspx
開放時間︰
星期二至星期六：上午10時至下午6時
星期日、星期一及公眾假期：休館

31/07/2026

【低碳能源 x 互動體驗 ⚡️ 學生走入中心探索低碳未來！】

歡迎「NStudio同心．共創．護國安」推廣計劃書比賽嘅獲獎學生嚟到香港城市大學中華電力低碳能源教育中心，親身探索低碳能源及大亞灣核電站嘅設計與運作安全。同學仔仲一齊砌咗LEGO風力發電裝置 ，了解發電原理。

即刻睇睇以下報道，感受現場嘅學習氣氛 👇 🔗

「今天的頒獎禮不是終點，而是一場播下種子的見證。」署理警務處處長簡啟恩早前在「NStudio同心‧共創‧護國安」推廣計劃書比賽頒獎禮的致辭，如今讓青年人在實踐中生根發芽。警務處國家安全處日前安排比賽獲獎學生及.....