FemWell

Directions Website Contact the business

FemWell Contact information, map and directions, contact form, opening hours, services, ratings, photos, videos and announcements from FemWell, Health & Wellness Website, 2/F, Podium Plaza, 5 Hanoi Road, Tsim Sha Tsui, Kowloon.

FemWell是一所專為女性而設的健康中心，以「女性健康」（Female Wellness）為我們的服務宗旨，提供從疾病到健康的全面管理。
✨透過此平台，希望可以分享更多生活健康資訊，並以優質及個人化的服務，進一步守護女性健康。

FemWell女性健康中心
📍尖沙咀 TST
📲9705 8160 (WhatsApp)
🌐linktr.ee/FemWell

#拍住上關注女性全人健康

14/10/2026

【買維他命前，唔好急住落單🤚🏻！】唔少女士都會入手維他命元素補充劑💊，想用嚟額外補充營養。不過，坊間有咁多唔同嘅維他命產品選擇，買之前記得諗清楚自己身體係咪真係有需要。

喺某啲特定嘅情況下，人體可能要額外食用維他命補充劑，例如懷孕或哺乳期間的婦女🤰🏻，對維他命的需求會比較大。而事實上，一般均衡飲食已經能夠為身體提供足夠嘅維他命，如果盲目增加攝取量，更可能會適得其反。

而喺選擇相關產品時，女士們記得注意以下4點：
📢明確了解自己服用維他命補充劑嘅目的及必要性
📢睇清楚包裝標籤及說明書，了解產品含有嘅維他命種類及份量，以免誤服劑量，同時確保有妥善貯存
📢留意部份維他命產品屬於處方藥物，有一定嘅劑量上限及購買許可
📢如果打算長期服用，最好先諮詢醫生或營養師，評估自己嘅實際需要

想靚係女士天性💖，只要保持均衡飲食，讓身體每日充份吸收營養，自然由內靚到外啦！選用維他命補充品之前，了解清楚產品詳情亦可以更安心食用。

維他命可以從哪裡吸收？睇FemWell官網了解清楚啦👇🏻
https://shorturl.at/j72ZN

Follow 我哋 Instagram / Facebook，不定時提供健康資訊！

#女性健康中心 #健康資訊 #女性健康 #維他命 #維他命補充劑
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

【乳房唔痛，都唔可以鬆懈】定期檢查，及早守護乳房健康💕乳癌係香港女性最常見嘅癌症之一，早期乳癌未必有明顯痛楚或硬塊，所以唔可以低估佢嘅潛在風險！除咗每月進行乳房自我檢查，亦應按個人年齡、家族病史及醫生評估，定期接受專業乳房檢查，包括乳房超聲...
12/10/2026

【乳房唔痛，都唔可以鬆懈】定期檢查，及早守護乳房健康💕

乳癌係香港女性最常見嘅癌症之一，早期乳癌未必有明顯痛楚或硬塊，所以唔可以低估佢嘅潛在風險！
除咗每月進行乳房自我檢查，亦應按個人年齡、家族病史及醫生評估，定期接受專業乳房檢查，包括乳房超聲波及 / 或乳房X光造影，令潛在問題可以及早識別、及早處理。🔎想學識3分鐘自測法及乳癌7大病徵？即睇《東方新地》完整報導！

🔗完整報導：
《東方新地》｜重症預防｜每13名香港婦女1人有乳癌風險 專家教3分鐘自測法 注意7大病徵腋下1種變化屬警號
https://www.orientalsunday.hk/1718761/

#女性健康中心 #乳房健康 #乳癌關注月 #定期檢查 #乳房自我檢查 #及早發現 #女性健康 #乳你守護
---------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

【早上一杯咖啡，Blue Monday必備💙】開工前一杯咖啡即刻醒晒！有冇觀察身邊同事飲咖啡習慣同你嘅分別？某同事飲一杯已經心跳加速💗，某同事一杯接一杯仲話眼瞓😴。每個人對咖啡因嘅反應似乎都唔一樣，係咪有咩特別原因呢？呢個現象可能同以下原因...
12/10/2026

【早上一杯咖啡，Blue Monday必備💙】開工前一杯咖啡即刻醒晒！有冇觀察身邊同事飲咖啡習慣同你嘅分別？某同事飲一杯已經心跳加速💗，某同事一杯接一杯仲話眼瞓😴。每個人對咖啡因嘅反應似乎都唔一樣，係咪有咩特別原因呢？

呢個現象可能同以下原因有關：
✨每人身體分解咖啡因嘅新陳代謝速度唔一樣
✨受吸煙習慣或者藥物影響
✨飲用咖啡習慣唔同，影響對咖啡因嘅耐受性

雖然成日話咖啡可以提神，事實上咖啡因唔會為身體提供額外能量，而係阻擋人體細胞中嘅腺苷（Adenosine），掩蓋疲倦感。如果過量攝取咖啡因，有機會造成咖啡因上癮，或者影響睡眠質素。🧐有飲用咖啡習慣嘅你，有冇留意自己飲用習慣同影響呢？例如
☕️ 幾點飲？夜晚入睡有冇困難？
☕️ 每日飲幾多杯？會唔會愈飲愈多？
☕️ 飲完有冇心跳加速或者感到焦躁？

有專家建議，唔想咖啡影響健康或睡眠質素，最好睡前至少6小時避免飲用，而且懷孕婦女每日嘅咖啡因攝取量亦唔應該超過200毫克(mg)。除了咖啡之外，亦要留意其他含咖啡因飲品（如濃茶、能量飲品）嘅濃度同糖分等添加成份。如果飲用後出現嚴重不適，就記得要搵醫生檢查清楚啦！👩🏻‍⚕️！

愛啡人士嘅你，即睇多啲飲啡小知識👉🏻https://shorturl.at/j72ZN
Follow FemWell Instagram / Facebook，不定時提供健康資訊！

#女性健康中心 #健康資訊 #女性健康 #咖啡因 #咖啡
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

【降血壓嘅小幫手？🔧】女士有冇留意自己血壓的習慣呢？心血管問題唔係男士專利，女性喺進入更年期階段，荷爾蒙的變化都有機會影響血管彈性🩸。當血管彈性下降，血壓隨血管阻力增加而上升，進一步加劇血管硬化形成惡性循環🔁。問題持續，有機會引起嚴重嘅健康...
07/10/2026

【降血壓嘅小幫手？🔧】女士有冇留意自己血壓的習慣呢？心血管問題唔係男士專利，女性喺進入更年期階段，荷爾蒙的變化都有機會影響血管彈性🩸。

當血管彈性下降，血壓隨血管阻力增加而上升，進一步加劇血管硬化形成惡性循環🔁。問題持續，有機會引起嚴重嘅健康問題，包括中風、冠心病、心臟衰竭等等。

雖然醫學上，高血壓冇明確的成因，但一般認為與吸取過多鹽分、肥胖、吸煙等高危因素有關。除咗保持良好生活習慣，最近亦有研究發現🗒️，適量攝取一類食物都可以有助降低高血壓風險！
🔎睇圖了解研究內容，邊一種食物可以降血壓呢？

記得Follow埋我哋嘅instagram / facebook，收藏多啲健康小數據啦！

資料來源： BMJ Nutrition, Prevention & Health. 2026

#女性健康中心 #健康解密 #高血壓 #
---------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

05/10/2026

【骨頭突然唔夠「硬」？🦴】明明身體一向強壯，點郁點跑都冇問題。有一日唔小心跌親，輕輕嘅撞擊，都造成骨折⛓️‍💥？

原來人體骨骼30幾歲時喺頂峰狀態，但隨住年齡增長，骨質流失加劇會令骨骼變得愈嚟愈脆弱，甚至患上「骨質疏鬆症」😫。而呢個過程係不知不覺，身體唔會有痛感，到發生骨折先察覺到問題嘅嚴重性。

【♀️女士嘅風險會更高！】因為更年期時體內嘅雌激素下降，都會加劇骨質流失。如果冇做好預防，患病嘅時間有可能會提早。

補充2大營養可以預防骨質疏鬆？女士要記低！

🥛鈣質
有唔少食物都含有豐富嘅鈣質，例如牛奶、芝士、深綠色蔬菜、果仁等等。不過，成日有人話飲豬骨湯或者食薑醋可以補鈣，呢個說法就唔正確啦🙅🏻‍♀️。
骨湯中嘅鈣含量極低，補鈣作用不大。而且薑醋中有大量脂肪及糖分，亦都唔應該食得太多。

☀️維他命D
高油分魚類如三文魚、吞拿魚等，雖然含有維他命D，但能提供人體嘅份量有限。人體主要靠照射陽光中紫外線吸收及製造維他命D，不過切記要避免中午嘅猛烈太陽。而想食用補充劑，都要注意未必人人適合，最好先問專業醫謢人員嘅意見💬。

除咗日常嘅營養補充，生活嘅不良習慣❌包括吸煙、酗酒、缺乏運動，都係患上骨質疏鬆症嘅高危成因，可免則免。想了解自己骨質狀況，都可以接受骨質密度檢查(DEXA) 🔎，一般會測量較常見嘅骨折部位：腰椎或股關節骨。如果有懷疑患上骨質疏鬆症，記得儘快搵醫生check清楚啦！

想好好護骨？即睇FemWell知更多👉🏻https://shorturl.at/tgFef

💖 Follow我哋Instagram/ facebook收穫更多女性健康資訊！femwell

#女性健康中心 #健康專欄 #骨質疏鬆症 #骨質流失
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

01/10/2026

【點先係真正嘅時間管理大師⏳？】現代女性嘅責任愈嚟愈大，有時間處理生活繁瑣，但冇時間管理健康？要做到真正嘅well plan，工作同健康都要兼顧好💪🏻！即使疾病風險埋身，都可以馬上察覺得到。乳癌係香港女性癌症首位，近年確診數字更有上升趨勢。仲記唔記得，最近一次關心自己乳房健康係幾時呢？

【10月國際乳癌關注月】🎀一齊知更多乳房健康知識！
乳房係一個會受荷爾蒙影響嘅身體部位，每個月可能隨住月經週期出現例如脹痛等變化，月經後不適會自然減退。⚠️但如果乳房出現非週期性，或者非生理引起嘅不適或疼痛，就要更加留意！尤其係發現乳房有硬塊，或者有不尋常異變，就要儘快搵醫生做詳細嘅檢查。

乳房嘅病變大部份都屬於良性，及早察覺可以有效避免組織惡化，增加治療嘅成效。要做到最及時嘅應對，就要靠女士們建立正確嘅健康意識💖，進行定期有規律嘅檢查習慣，包括乳房自檢、臨床及影像檢查3大步驟，清楚自己乳房變化，遇上病變時先可以做到「及早發現、及早治療」✨。

🫶由今日開始，多啲關心自己嘅乳房健康啦！
Follow FemWell instagram/Facebook，不定時提供健康資訊！

你都可以登入官網了解我哋嘅計劃，踏出主導健康第一步！
👉🏻https://femwell.chiron.care/

#女性健康中心 #健康資訊 #乳癌 #乳房健康 #女性健康 #時間管理大師
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

【每 13 位女士，就有 1 位有機會遇上乳癌！姊妹們💖，你檢查咗未？】2023 年，香港錄得 5,585 宗女性乳癌新症，每13名香港婦女中，便有一人有機會患上乳癌，更連續兩年成為本港女性致命癌症第3位^。即使沒有明顯症狀，都可以按年齡、...
30/09/2026

【每 13 位女士，就有 1 位有機會遇上乳癌！姊妹們💖，你檢查咗未？】

2023 年，香港錄得 5,585 宗女性乳癌新症，每13名香港婦女中，便有一人有機會患上乳癌，更連續兩年成為本港女性致命癌症第3位^。即使沒有明顯症狀，都可以按年齡、家族病史及醫生建議，考慮合適的乳房檢查，及早發現、及早安心。

為支持乳癌關注月，楷和醫療推廣乳房檢查限時優惠*🎉
- 3D 乳房 X 光造影檢查：$1,500（原價 $3,350）
- 乳房超聲波：$1,360（原價 $1,600）

🔎你適合做哪種乳房檢查？
一般建議女性最好建立定期的乳檢習慣，除了滿20歲的女士每月做定期的乳房自我檢查外，30歲以上則每年接受超聲波檢查，以及40歲以上每兩年的乳房 X 光造影及超聲波檢查。如果屬高危群族或有家族病史，就要更早確立乳房篩查習慣啦！

➡️即睇乳房自我檢查方法：https://shorturl.at/TEbVz

💗 早一步檢查，多一分安心
📩 立即 WhatsApp 預約，幫自己同媽咪、姊妹、閨蜜留個名額。
*優惠期由2026年10月2日至11月30日
^資料來源：香港癌症資料統計中心

#楷和醫療 #國際乳癌關注月 #乳你守護從心出發 #乳房超聲波 #乳房篩查
----------------------------------------
楷和醫療 Chiron Medical
中環Central：2530 0006 (專科SP) 2155 2355 (普通科GP)
尖沙咀TST：2157 3840 (專科SP) 3619 0835 (普通科GP)
楷和醫療 Chiron Medical: www.chiron.care
楷和乳健中心 Breast Centre: https://breast.chiron.care/
WhatsApp：https://shorturl.at/aPRnQ

💗【乳癌關注月｜乳你守護・從心出發】💗每年 10 月是「國際乳癌關注月」，亦被稱為「粉紅十月」。乳癌是本港婦女最常見的癌症，但及早發現、及早治療，可大幅提升乳癌治癒率。為響應粉紅十月，楷和醫療集團正式啟動「乳你守護・從心出發」計劃，透過一系...
28/09/2026

💗【乳癌關注月｜乳你守護・從心出發】💗

每年 10 月是「國際乳癌關注月」，亦被稱為「粉紅十月」。乳癌是本港婦女最常見的癌症，但及早發現、及早治療，可大幅提升乳癌治癒率。
為響應粉紅十月，楷和醫療集團正式啟動「乳你守護・從心出發」計劃，透過一系列乳健教育活動、乳房篩查優惠及社區外展，鼓勵每位女性勇敢關心自己，由定期檢查開始。

🎁 限定粉紅禮品包｜把關愛帶回家
由10月2日至 31 日，凡於 楷和醫療指定診所^應診，即可獲贈限量「粉紅禮品包」乙份*！

「粉紅禮品包」內容包括：
- 📄 乳癌資訊單張：本港乳癌數據、風險因素及早篩重要性
- 🃏 乳房自我檢查教學卡：三步自我檢查法＋QR Code 連結示範影片
- 💕香薰衣物噴霧：隨時隨地關愛自己
- 🛍️ 聯盟贊助禮品：MIRO首件內衣半價優惠
- 💰 乳房檢查計劃優惠：低至45 折檢查優惠

我們希望透過這份小小禮物，將「定期檢查、關愛自己」的訊息融入日常生活。📅 立即預約檢查，粉紅十月，讓我們攜手同行，以檢查守護希望。
👉了解更多活動及優惠詳情：https://shorturl.at/bvRP3

*禮品數量有限，送完即止。
^派發地點不包括楷和肝膽胰中心
#楷和醫療 #國際乳癌關注月 #乳你守護從心出發 #粉紅禮品包 #乳房篩查
----------------------------------------
楷和醫療 Chiron Medical
中環Central：2530 0006 (專科SP) 2155 2355 (普通科GP)尖沙咀TST：2157 3840 (專科SP) 3619 0835 (普通科GP)
楷和醫療 Chiron Medical: www.chiron.care
楷和乳健中心 Breast Centre: https://breast.chiron.care/
WhatsApp：https://shorturl.at/aPRnQ
FemWell：https://femwell.chiron.care/
WhatsApp預約：9705 8160 (尖沙咀TST) /電話：2157 3846

25/09/2026

【🎑FemWell祝女士們中秋節快樂！】傳統月餅係唔少人中秋節必選嘅應節食品，又香又軟綿綿，好易一食就食唔停🤤。不過月餅嘅熱量、脂肪、糖分，可能比我哋預期更高，真係要小心食用！

以一個「雙黄蓮蓉月餅🥮」（190g）嘅成分做例子，佢包含：

🍚3 ½ 碗白飯 = 890千卡的熱量熱量
一般正常成年人每日要攝取2,000千卡熱量，一個月餅已經超過一餐正餐所需要份量！

🥄11茶匙油 = 55g脂肪
月餅嘅蓮蓉及豆沙餡，還有餅皮都加入量油脂，另外為咗製作鬆化口感，又會使用動物油或起酥油製作酥皮，令飽和及反式脂肪嘅含量更高。

🍬11茶匙砂糖
糖可以致肥及導致慢性疾病，亦會加速皮膚老化，少吃為妙！即使係坊間聲稱低糖嘅月餅，都可能只比正常月餅糖分低，但仍屬高糖標準。

點食先健康😎？
傳統嘅雙黄蓮蓉月餅，專家就建議每次食不多於1/8個。除咗傳統月餅，冰皮月餅或者近年流行的新式口味，例如奶黃、榴槤口味都大受歡迎！唔好以為食落「冇咁油」就一定健康啲，都一樣可以高糖高熱量！食之前都要記得睇清楚營養標籤嘅成分！

想感受氣氛🌕，食應節月餅當然開心，不過都要酌量進食，注意健康。尤其係患有慢性疾病，例如糖尿及心臟病人士，進食前最好問一問醫生嘅意見！

上我哋嘅官網了解多啲健康資訊啦：https://shorturl.at/n26rY

資料來源：衛生署衛生防護中心

#女性健康中心 #中秋節 #月餅 #飲食健康
----------------------------------------
FemWell女性健康中心
官網：https://femwell.chiron.care/
📲尖沙咀 TST ：9705 8160 (WhatsApp) / 2157 3846 (電話)

21/09/2026

旅行適應唔到時差⏰？生理時鐘打亂咗想調整好？
可能你有聽過「褪黑激素」（Melatonin）呢個影響睡眠嘅身體荷爾蒙，坊間都有推出聲稱有相關成分嘅補充劑產品，表示食用可以改善失眠的問題💤。不過，服用的劑量因人而異，最好先向專業醫生查詢，否則食用過量更可能會帶來反效果。

驚攝取過量？專家指其實可以從水果吸收褪黑激素！
【邊4種水果得到推薦呢✨？】

🍒櫻桃
每克含有13納克(ng)褪黑激素，相比其他水果含量較多，同時也富含抗氧化物和多酚

🥭芒果
平均每克包含0.7ng褪黑激素，同時又有維他命B6，可以幫助身體內的色胺酸轉化褪黑激素。不過有血糖問題嘅人就要小心食用！

🍌香蕉
愈熟嘅香蕉褪黑激素含量愈高，另外還包含色胺酸、維他命B6與鉀，都可以幫助身體分泌褪黑激素

🥝奇異果
除咗內含嘅褪黑激素，奇異果中的血清素、抗氧化物、維他命C及葉酸都係有助改善睡眠質素的成分

除咗食用以上提及嘅水果之外，睡前避免睇手機螢光幕、做強烈運動、食得太飽等等，都係幫助身體自然分泌褪黑激素嘅方法🛏️。如果遇到長時間失眠問題，可能係身體發出嘅健康警號，最好係儘快向醫生查詢。

資料來源：EatingWell, Kelsey Kunik, RDN: https://shorturl.at/UAiUf

要瞓一場好覺真係唔容易！睇下點先係一個高質睡眠：https://shorturl.at/a2WJX

#女性健康中心 #健康專欄 #睡眠 #褪黑激素
----------------------------------------
FemWell女性健康中心
📲尖沙咀 TST ：9705 8160 (WhatsApp) / 2157 3846 (電話)

Address

2/F, Podium Plaza, 5 Hanoi Road, Tsim Sha Tsui
Kowloon
0000

Website

Alerts

Be the first to know and let us send you an email when FemWell posts news and promotions. Your email address will not be used for any other purpose, and you can unsubscribe at any time.

Contact The Business

Send a message to FemWell:

Shortcuts

Share

Category