Gatheramics Studio 陶聚坊

07/09/2026

✨ 暑期陶藝回顧：少女最愛嘅首飾盤

🦋🌸 Choco 嘅「蝴蝶花園」

• 蝴蝶圍住盤邊，好似翩翩起舞
• 內側開滿小花，配上活潑嘅釉下彩
• 成件作品甜美得好似糖果，文靜嘅 Choco 其實好有諗法，透過互動表達咗自己嘅喜好

🐋🌊 Charissa 嘅「深海鯨魚尾巴」

• 鯨魚尾巴造型，展現潛入深海嘅優雅
• 深藍色釉藥，帶出青少年偏愛嘅沉穩感
• 雖然係參考網上設計，但經過陶泥嘅手作過程，作品依然展現咗佢個人嘅風格同喜好

💖 陶藝的樂趣

• 自由創作：無論係自己構思，定係參考靈感，都可以透過陶泥變成獨一無二嘅作品
• 性格展現：每件作品都反映創作者當下嘅心境同個性
• 自我表達：陶泥係小朋友嘅語言，佢哋可以用雙手表達想像力同心情
• 心情釋放：透過陶泥，青少年可以自然表達情感，享受慢慢創作嘅過程
• 初學者安心：即使完全冇接觸過陶泥，都唔使擔心，老師會一步一步帶領，輕鬆完成屬於你嘅第一件作品

🍂 新學期課堂安排

錯過咗暑假？唔緊要！

📍 兩個地點特色

• 觀塘 Gatheramics Studio：專注創作環境，設有拉坯機，提供拉坯、手捏、彩繪等多元技巧，並有恆常班同體驗班。

• 鰂魚涌 Levain Bakery 合作點：舒適空間，結合咖啡香氛與陶藝體驗，以手捏課程為主，提供恆常班同體驗班，適合 所有年齡層 輕鬆投入陶藝。

📍 交通便利，無論係想專注技巧訓練，定係享受陶藝氛圍，都可以搵到合適嘅選擇。

📥 報名方式

💬 歡迎直接 DM 或 WhatsApp 9196 7783 查詢！

#陶藝體驗 #鰂魚涌好陶藝班 #觀塘陶藝班

Send a message to learn more

03/09/2026

✨ 港島全新生活提案！聞住麵包香，一邊靜心揉泥 💗

自 2013 年起，Gatheramics 一直致力透過陶藝連結唔同年齡層嘅朋友。而呢一次，我哋正式長期進駐鰂魚涌 Levain Bakery 展開常設合作喇！喺主理人 KC 嘅大力支持下，呢段慢活旅程正式升級！

每日對住屏幕，手指雖然不停，但個人好容易心累。試下用雙手觸碰真實嘅陶泥，聞住陣陣麵包香，等壓力喺揉捏之間自然釋放。呢個不單止係手作，而係喺快節奏嘅日子裡，送畀自己一份溫暖嘅陪伴。

鰂魚涌體驗及恆常課程現已接受預約（費用已包 Levain 飲品及酥餅 ☕🥐）

👇 如何預約？

👉【初嘗首選｜單堂體驗工作坊】
親手捏製專屬器皿，過一個充滿包香同泥土溫度嘅下午。 單堂體驗直接預約：https://forms.gle/idAoFvKePpkeSNTx9
🔗 報名 Form 已經擺咗喺我哋 IG Bio 喇！
💬 歡迎直接 DM 或 WhatsApp 9196 7783 查詢！

⏰ 課程涵蓋：兒童童心、青少年好時光、親子同心、成人 Me Time 班。

⚠️ 為確保教學質素，每堂名額非常有限，記得提早留位。

📍 地點：鰂魚涌英皇道 856 號君豪峰地下 1–2 號舖 Levain Bakery（港鐵站步程即達）

#港島陶藝 #放慢腳步

01/09/2026

✨ 港島全新生活提案！聞住麵包香，一邊靜心揉泥 💗

自 2013 年起，Gatheramics 一直致力透過陶藝連結唔同年齡層嘅朋友。而呢一次，我哋正式長期進駐鰂魚涌 Levain Bakery 展開常設合作喇！喺主理人 KC 嘅大力支持下，呢段慢活旅程正式升級！

每日對住屏幕，手指雖然不停，但個人好容易心累。試下用雙手觸碰真實嘅陶泥，聞住陣陣麵包香，等壓力喺揉捏之間自然釋放。呢個不單止係手作，而係喺快節奏嘅日子裡，送畀自己一份溫暖嘅陪伴。

鰂魚涌體驗及恆常課程現已接受預約（費用已包 Levain 飲品及酥餅 ☕🥐）

👉【初嘗首選｜單堂體驗工作坊】
親手捏製專屬器皿，過一個充滿包香同泥土溫度嘅下午。 單堂體驗直接預約：https://forms.gle/idAoFvKePpkeSNTx9

⏰ 課程涵蓋：兒童童心、青少年好時光、親子同心、成人 Me Time 班。

⚠️ 為確保教學質素，每堂名額非常有限，記得提早留位。

👇 如何預約？
🔗 報名 Form 已經擺咗喺我哋 IG Bio 喇！
💬 歡迎直接 DM 或 WhatsApp 9196 7783 查詢！
📍 地點：鰂魚涌英皇道 856 號君豪峰地下 1–2 號舖 Levain Bakery（港鐵站步程即達）

#港島陶藝 #放慢腳步

23/08/2026

✨ 港島全新生活提案！聞住麵包香，一邊靜心揉泥 💗

自 2013 年起，Gatheramics 一直致力透過陶藝連結唔同年齡層嘅朋友。而呢一次，我哋正式長期進駐鰂魚涌 Levain Bakery 展開常設合作喇！喺主理人 KC 嘅大力支持下，呢段慢活旅程正式升級！

每日對住屏幕，手指雖然不停，但個人好容易心累。試下用雙手觸碰真實嘅陶泥，聞住陣陣麵包香，等壓力喺揉捏之間自然釋放。呢個不單止係手作，而係喺快節奏嘅日子裡，送畀自己一份溫暖嘅陪伴。

鰂魚涌體驗及恆常課程現已接受預約（費用已包 Levain 飲品及酥餅 ☕🥐）

👉【初嘗首選｜單堂體驗工作坊】
親手捏製專屬器皿，過一個充滿包香同泥土溫度嘅下午。
🔗單堂體驗直接預約：https://forms.gle/idAoFvKePpkeSNTx9

👉【持續深化｜定期陶藝套票 🌟更優惠】
系統化學習手捏、配釉藥上色。更有機會近距離行入 Levain 開放式廚房，同主理人 K.C. 親自交流！
🔗 定期套票直接報名：https://forms.gle/ESgHE9WNdRMvMtTg7

⏰ 課程涵蓋：兒童童心、青少年好時光、親子同心、成人 Me Time 班。

⚠️ 為確保教學質素，每堂名額非常有限，記得提早留位。

👇 如何預約？
🔗 報名 Form 已經擺咗喺我哋 IG Bio 喇！
💬 歡迎直接 DM 或 WhatsApp 9196 7783 查詢！
📍 地點：鰂魚涌英皇道 856 號君豪峰地下 1–2 號舖 Levain Bakery（港鐵站步程即達）

#港島陶藝 #放慢腳步

17/07/2026

一個碗，可以變出無限可能！
結構固然重要，但每位學生，尤其係小朋友，都好想將自己生活嘅感受放入作品之中。透過構思，靈感就會慢慢成形，化成獨一無二嘅器皿。

今個暑假好開心認識咗住喺麗港城嘅鄰居 Winnie 同佢女女 Caris，一齊嚟參加親子陶藝班！Caris 性格陽光又有禮貌，仲好鍾意媽媽。當我問佢想整咩嘅時候，佢笑住話：「媽媽整咩，我就整咩！」

係互動構思嘅過程中，原來 Caris 有好多小首飾，所以鼓勵佢嘗試將個碗整成一朵花的形狀，咁就會有很多小格子，可以擺放佢唔同嘅飾物～佢又好鍾意狗狗，所以每一片花瓣上都印咗狗仔嘅腳印。

第二堂上釉時，Caris 揀咗自己最鍾意嘅色調，再係表面加上「吹波波」嘅夢幻效果，令成件作品更添童趣同幻想感。最後完成嘅「太陽花首飾器皿」真係好靚，Caris 睇到都非常開心！

至於媽媽 Winnie，就話自己唔係好叻做手工亦都唔識畫嘢。不過陶藝最令人開心嘅地方，就係只要郁下雙手，再加上一啲技巧同工具幫手，都可以做到成型。喺整咗一個大碗之後，我建議佢再加一個同大碗弧度吻合嘅細碗，形成 wavy bowl。出嚟嘅效果就好似一朵花，有唔同層次感，而 Winnie 選擇咗佢最鍾意嘅優雅高貴 celadon colours，令作品散發出淡雅而高貴嘅氣質。

認識 Winnie，真係覺得佢特別有智慧。喺佢 WhatsApp 度有一段說話好值得分享：
「不是孩子可愛了，你才愛孩子，而是你愛孩子了，孩子才顯得可愛；不是孩子聽話了，你才尊重孩子，而是你尊重孩子了，孩子才聽話；不是孩子幸福了，你才幸福，而是你幸福了，孩子才能獲得幸福。不是孩子優秀了，你才接納孩子，而是你接納孩子了，孩子才優秀。」
有咁樣一位充滿智慧嘅媽媽，佢嘅孩子真係非常有福！

整件作品嘅過程，充滿笑聲同喜悅。親子陶藝班唔止係學技巧，更係一個讓小朋友同父母一齊表達自己、創造回憶嘅旅程。

想同你嘅小朋友一齊體驗陶泥嘅樂趣？快啲報名啦～等你哋雙手講出屬於你哋嘅故事！

報名及查詢
📩 WhatsApp：9196 7783 / PM
📍 Gatheramics Studio｜觀塘成業街 19-21 號成業工業大廈 409 室

#親子陶藝 #暑期陶藝班 #陶泥時光 #創意小朋友 #香港陶藝班 #家庭時光 #手作回憶 #觀塘陶藝

14/07/2026

四月嘅時候，Stella 喺紐西蘭透過朋友 Rodney 嘅建議聯絡咗陶藝家 Alan Lai，好多謝 Alan 將 Stella 嘅查詢交畀我，真心感激你嘅信任同支持 💓💓

Stella 之前喺其他地方完成過兩個陶藝課程，做過 手塑作品 同 拉坯器皿。嚟到 Gatheramics 之後，她先完成咗一組手塑石器餐具組。呢套組合係好多學生嚟上堂都會選擇製作嘅作品，因為非常實用，亦好適合同三五知己聚會時使用。之後喺佢返紐西蘭之前，上咗三堂 拉坯課，已經可以好自信咁定中心同拉碟。

以杯碗碟嚟講，我嘅教學流程係由拉碟開始，再到杯同碗。因為碟係 拉坯形狀嘅基礎，可以幫學生掌握定中、牆身控制同表面平衡，之後再挑戰更複雜嘅形狀。Stella 對呢個方法好投入，我都好期待佢下次返嚟香港再同佢分享更多技巧。Keep well，繼續創作！

12/05/2026

營致會館四月起推出「精選點心×品茶之旅」，由茶藝師 Greg Lee 策劃。
美食博主 foodcafealcoholic 影片中的柴燒容器、六角公道杯及雙杯，來自 Gatheramics《渾然天成》系列 — 由主理人 Sigrid Tsui 親手製作，去年景德鎮 50多個小時柴燒的瓷土作品。

此系列於今年一月《六角燊燊》展覽中展出。展覽以西貢六角柱石群為靈感，象徵堅毅不屈的精神與時間的痕跡，也代表創造力與不息的生命能量。

瓷土可塑性低、收縮率高，手捏或拉坯難度遠超陶土；柴燒更需 3-5 天不間斷投柴，自然落灰釉與火痕無法複製，每一件皆是珍稀難得的獨特之作。

2017 年我初識 Greg，他當時在我的工作室以手捏陶土製作茶壺和茶杯。2020 年他考取國際茶藝師證書。為呈現這次「精選點心×品茶之旅」，Greg 特別選用這套《渾然天成》器皿進行拍攝與茶席展示。

柴燒瓷土承載火、土、時間，密度與硬度提升茶湯層次；配合粵菜，茶能引出食材細膩風味。Greg 的茶藝，正是陶瓷、茶文化與粵菜的三重奏。

此前營致會館官方 IG 廣告亦曾展示這套作品，加上 的精彩拍攝，足見 Greg 在陶藝、茶道與粵菜間的用心。

期待更多懂得欣賞這份質樸與堅持的餐廳與茶空間，將柴燒瓷土器皿融入日常茶席 — 讓火焰、泥土與時間的對話在每一次注茶中延續，為茶席更添在地情懷與深層意義。

11/04/2026

2026年真係好充實！
由一月沙田大會堂嘅《六角燊燊》展覽開始，再到三月獲邀參加CollectHK2026，上半年真係充滿精彩同收穫！

三月中喺CeraMarket嘅IG見到佢哋個post tag咗草月流何顯成老師，我先知道原來第二屆「香港陶器市」已經開始報名。之後得知活動策展人係陶藝家伍嘉浩，而我一直都好鍾意花同陶瓷嘅結合，成件事自然特別吸引！💓

中環街市係香港其中一個特色景點，除咗上班族仲有好多遊客經過。今次有機會喺度擺市集，真係好正又好難忘：除咗見到好多年前嘅資深陶藝家，仲識到一班勁nice、充滿創意同熱情嘅本地陶藝家。場地方便、氣氛好、仲有好嘢食，特別方便喺中環附近返工嘅朋友仔同「陶聚坊」嘅學生過嚟探班。真心好多謝伍嘉浩嘅悉心安排，咁好嘅市集體驗，當然要支持！

喺中環街市擺市集，係「陶聚坊」成立以來嘅第四次市集，而今日亦係Gatheramics喺CeraMarket嘅最後一日！遲咗同大家講，但依然好想同大家分享呢份喜悅，希望今日喺現場可以同喜愛陶瓷嘅你分享作品嘅創作理念，仲有全新作品登場！

See you at CeraMarket！

9.4-11.4.2026 12:00 - 20:00
場地 Venue
中環街市2樓24小時行人通道
Central Market 2/F 24hr Passageway

#香港陶器市 #花語器陶藝聯展