恆輝堂

19/06/2026

端午節要做咩❓

無糉嘅❗️
無糉食嘅❗️

今年無糉係ok嘅。

丙午年嘅天氣，
香港嘅生活環境。
自己快到不惑之年，機能會大副下降。
人大左，思慮多左，作息唔定時，無咩胃口。
唔健康咁瘦左，病苦尤其痛症一定多左D。

溫馨提示幾句：
1️⃣適可而止，少食多滋味多食壞肚皮。

2️⃣有入就有出。唔係排出，而係付出。
一係就做運動依種嘅『辛苦』
一係就氣血黏滯依種『痛苦』

3️⃣抱住『正確』認知去
飲野、食野
運動、休息
照顧好心情

骨正筋柔、肉堅脈通、陰平陽秘。
食1~2隻都無問題啦。

😂咁岩師兄來圖，就決定係佢啦。

17/06/2026

新曆5月過左好耐。舊曆四月過左無耐。

把口話想平平淡淡地度過。
眉開眼笑，喜形於色。。
以我經驗，預感出事架啦。
➖➖➖
(已刪千幾字...)

整體而言，成個5月，整個四月：悲喜參半

法喜充滿，尼泊爾之旅。
芒果蛋糕+ 大白傘蓋母吊飾，幸福滿瀉。

樂極生悲，得意忘形，史上行得最快。
自大狂妄...又咪能醫...不自醫。

不孝，欠一句，對唔住。
不孝，欠多句，唔好意思。
不孝，有講過，多謝、唔該、Thanks！

🙇🏽‍♂️🙇🏽‍♂️🙇🏽‍♂️

。舊曆四月過左無耐。

把口話想平平淡淡地度過。
洋溢之情表露無遺。
以我經驗，預感出事架啦。
➖➖➖
(已刪千幾字...)

整體而言，成個5月，整個四月：悲喜參半

法喜充滿，尼泊爾之旅。
芒果蛋糕+ 大白傘蓋母吊飾，幸福滿瀉。

樂極生悲，得意忘形，史上行得最快。
自大狂妄...又咪能醫...不自醫。

不孝，欠一句，對唔住。
不孝，欠多句，唔好意思。
不孝，有講過，多謝、唔該、Thanks！

🙇🏽‍♂️🙇🏽‍♂️🙇🏽‍♂️


#自大自戀嘅我
#改呀媽嘅通訊錄

31/05/2026

2024開始，每年都分享改良過嘅八段錦，學費用作慈善用途。當做送俾佛陀嘅禮物。大家身體健康。一舉兩得。

「調理脾胃須單舉」，同佛陀出世時嘅姿態好相似。
一手朝天、一手接地，恰似佛陀出世時「一手指天、一手指地」嘅端正威儀。

脾為後天之本。
調理脾胃，好重要！

近半年好多朋友都試過茹素，但難以堅持。
最大嘅原因係個脾胃無本事。
「素碗千斤重，無福不能受。」

希望大家，有健康體魄、福報去端起呢碗素飯。
身體健康，做任何事都可以無後顧之憂。

今年我嘅教學方式都改咗。每堂分享一兩招同大家一齊練習。等大家可以更有感覺，亦更留意細節。
馬拉松式嘅10分鐘運動！
越嚟越辛苦，啲動作開始走晒樣。
時間長，運動量累積到引起質變，即時感受變化。
咁第日再發生類似情況就唔使驚啦。

姿勢動作
做錯唔緊要。一年前我都係咁。
最緊要知錯。
知後要改過。今日嘅我就係咁。

我建議呀：多照鏡，照見自身，久而久之，會正好多。

#昔迷今悟路堂堂

31/05/2026

19/05/2026

一雙筷子承載住無限嘅愛，
由佛陀出生地尼泊爾帶到返香港，
一到埗就食到佛誕限定嘅『欒墀餅』
成件事真係好 Amazing！🙏

欒墀性味偏溫，暖胃消滯，祛風除濕。
但係，製作成「餅」質地就變黏黏滯滯、韌韌哋。難消化，食太多就會頂胃。

🧠緊記：『少食多滋味，多食壞肚皮』
凡事適可而止呀。

祝大家佛誕吉祥，豐衣足食，福慧雙長！

⭐️每年農曆四月初八，潘醫師一定會放假的。
感恩釋迦佛嘅母親摩耶夫人，將釋迦佛帶嚟呢個世界，令我哋有機會認識佛法。

母愛係點？我一生都未必睇得透。
但母愛嗰種偉大同無私，真係非筆墨所能形容。

呢一日，先係我心中嘅母親節。🙇🏽‍♂️

06/05/2026

立夏已過，天氣卻未見真正轉暖，反而仍然帶有幾分寒意。

呢種「應熱未熱、應暖未暖」嘅天氣，對身體其實幾容易造成影響。

我問阿仔：「你知唔知係咩日子呀？」
佢答我：「知呀，5 月 5 號。」
正正就係立夏。
按節氣嚟講，立夏之後應該逐步進入夏天，陽氣開始上升，氣溫亦會慢慢回暖。
但今年嘅感覺，反而係夏天到咗，天氣仍然凍冰冰。
我就凍到四肢好唔舒服，阿仔就肚仔涼涼哋。

對中醫角度嚟講，呢種天時反常，容易令人體嘅陽氣運行唔夠暢順，特別容易出現怕冷、倦攰、手腳冰冷、胃口差，甚至肚腹唔暖、大便溏薄等情況。

如果本身體質偏虛寒，或者平時已經比較怕凍，就更加要留意保暖，唔好因為已經入夏就掉以輕心。

今年春天又少見雷雨，入夏後亦未見明顯暑氣，整體天時確實比較反常。
古人講「非其時而有其氣」，而家睇返，真係幾有感覺。

最近大家除咗要注意著衫之外，飲食同作息都要配合返。
少啲生冷凍飲，唔好長期吹風受涼，尤其係小朋友、長者同平時體質較弱嘅朋友，更加要小心。

天時變化大，身體感受最誠實。
大家記住，唔好因為見到日曆入夏，就以為身體可以即刻跟得上。
保重身體，少食寒涼生冷。我今年都要食少D 雪糕啦。

02/05/2026

😂 差啲唔記得咗宣傳，好彩而家報名都仲未遲，距離開班仲有最後七日，今年第三年舉辦特別加入咗以下改動：

1️⃣
• 課程定名為「八段錦基礎班」，參考坊間專業課程。
• 節奏會放慢，專注幫大家執正動作同深入講解細節位。
• 內容會純粹探討八段錦，其他話題就留待有緣再分享。

2️⃣
• 舉辦初衷係為咗慶祝釋迦牟尼佛聖誕。
• 報名收益將撥捐漢礼慈善基金
• 增福延壽、福慧雙增

09/04/2026

【礒谷療法：十幾年念念不忘的寶藏 🛏️】

十幾年前，實習嗰陣時已經聽過礒谷療法。
一套調整姿勢，又唔會有任何入侵性傷害嘅簡單動作，就可以治療痛症，真係好神奇。
由日本醫師研發，慢慢傳到世界各地，包括台灣同內地。台灣仲有個療法學會。

念念不忘，畢業之後臨床賺到錢，叫家姐喺台灣幫我帶成套書返嚟。有 patient 去台灣試過，都好有效。
圖文並茂好易學，但要大量臨床，先熟能生巧。

我第一次用呢套療法，去幫助嘅就係我嘅家姐。
真係好神奇，佢唔使郁，淨係瞓覺，日子唔經唔覺，佢對腳由 O 變返直，膝頭冇痛。連以前攬毛毛側瞓嘅習慣，都解決咗。

第一個臨床經驗最寶貴，真係好好記錄低。
10 幾年過去，雖然佢已經冇再綁腳，但經常提呢個成功例子。

姿勢、體位、唔對稱，成為病因。結果引起疼痛。
簡單嘅工具、躺平醫病、齋坐，係解決方法。
同時啟發辨證論治思維。由下肢開始，萬丈高樓從地起，呢啲 old school 語句，蘊含醫學道理。

如果有人同我講：
「輕鬆躺平唔使做運動減肥，你信唔信啦？」
我梗係唔信啦！

自他相換，類比思維：
「輕鬆躺平就可以治療痛症，你信唔信呀？」

我唔識包裝自己，又唔識語言藝術。
成日靠緣份。
「信不信由你，信咪醫得好」。
反正我都冇輸蝕。
咁頹廢同傲慢嘅心態去同病人溝通。

自知有寶珠，但懶得打磨。
呢期比較空閑，係時候總結一下啦。

30 而立，40 不惑。
一年時間，唔預做到咩成果。
但要搵目標啦。
如果唔係，我只不過係日日駁呀媽咀嘅無所事事遊手好閑虛度光陰嘅花靚倞。

#礒谷療法
使 #躺平醫病 #中醫姿勢學 #醫者自省 #十年臨床心得

02/04/2026

【孖寶兄弟❓❗️】

同樣 39 歲。醫師睇人唔係睇腹肌，係睇你條「中軸」。

1️⃣ 【頸椎：3cm = 兩袋米 🌾】
側邊望，好多人都有「烏龜頸」。
個頭每向前傾 3cm，條頸就負重多 5kg。
氣血點會通？肌肉點會唔痛？

2️⃣ 【筋膜：要做橡筋，唔做鋼筋 🏗️】
好多大隻佬，啲筋好似「鋼筋」咁硬，完全無彈性。
肌肉太硬，會夾硬扯住骨頭，搞到關節退化，未老先衰。

3️⃣ 【覺察：唔好用「錯位」死衝 🏋️】
好多人去 Gym 係用「錯姿勢」去衝重量。
越用力，越大隻？
No la！傷得越深。

今日老Bro 生日，願你：
行住坐臥，中軸垂直；筋骨柔軟，輕安自在。

#恆輝堂

28/03/2026

早排 9 日去咗邊？
同父母去咗湛江、北海、銀灘、欽州。
同師長同學再去浙江台、甬。台 (Tāi) 天台山，甬 (Yǒng) 寧波。

觀天下奇異，
報四重恩德。

「潘仲恆居士」
暫時可以放低潘仲恆醫師嘅身份。
對我而言係開心嘅。

但死性不改。
到天台山會東張西望搵烏藥。
未學佛之前已經識六字訣：噓、呵、呼、呬、吹、嘻。勢估唔到係天台宗祖師智者大師所創。
今次仲聽到觀宗講寺的中興祖師——諦閑大師既事跡。根本就係同我差唔多既經歷、想法。真係令人心生敬仰。可惜諦公無醫書著作，好彩仲有佛教典籍，希望睇得明啦。

期待咗兩年嘅旅程，真係物超所值。身心靈都好滿足。

可惜，修行未到家，仲會有情感上既大起大落。
返到香港啦，又諗起往事，以工作麻醉自己。
大癲大肺，大喜大怒，都掩蓋唔到悲傷。

😂 來到 2026 年嘅今日（回想起三年前嘅今天），我都體會到諦公所講：
藥能醫病，但醫唔到命。
作為醫生，當時眼白白睇住至親去世而無能為力，呢種挫敗感令我深深體會到佛家講嘅「五濁惡世」同「輪迴苦海」。
我都想過棄醫從佛，「救人肉體」轉向「救人靈魂」。

🙏🏾 真要感恩恩師既慈悲法語，令我重新思量何為「仁」？
🙏🏾 感恩善知識當時當頭棒喝我既自私，為咗私心而想一個人留喺世上繼續受苦。生老病死苦，人生必經，習慣無常。珍惜當下。

學菩薩，做菩薩。
聽講大勢至菩薩天冠係頂住...個瓶。然後每行一善，就功德迴向，最終令其父母都成佛。聽返嚟架，無 FC，但咁既故事，令我努力行醫、努力行善，自利利他，人好我先好。😂

呢個公仔係幾個月前盲盒開嘅阿彌陀佛。估唔到係出自七佛塔寺既文創結緣品。😂 原來，我一直都擁有。但就傻傻地一追再追。

最後呢個行程，畀人問到最後一條問題：
他日何去何從？去西方淨土，定係龍華三會？

我唔識答。或者我既佛學知識，暫時仲未夠我可以棄醫從佛。
他日何去何從我未諗，但依家我就發個微細既願（無得同地藏菩薩既大願相比）：

「但願世間人無病，何妨架上藥生塵。」

😂 醫學好難，但佛學更難。或者喺醫道中修行，先係我目前要做既事。