恆輝堂

11/09/2026

2017年去馬爾代夫，落水玩嘅、有防曬嘅，黑得均勻嘅。
2026年去斯里蘭卡，係探訪嘅、身負重任嘅、與當地居民共同承受呢個旱災之苦、體感溫度攝氏45
度。
另外，
40幾條嘅村莊用佢地能調動嘅物資例如：好簡單用紙皮痴痴貼貼或者係啲草繩編織而成嘅拱門、大量熱帶水果感謝義工團隊。佢哋花左咁多心思血汗，我都用盡我最大消化能力，食得幾多得幾多，唔好浪費。

潘醫師 短短十日重左3公斤、一路變黑。
最終，Mega 進化成為「黑珍豬」！

情不自禁咁哼起：
烏卒卒　好似好似一隻黑蟋蟀
烏卒卒　隨時施法術
（🫢28歲嘅小朋友未聽過呢首歌⋯好可怕呀⋯）

都係做返個文人雅士，描述一下自己嘅低調：
未經折損的瑰寶，
依願蛻變為
玄暉內歛的黑珍珠。

😂八月初一啦，鬼門關Closed左，夜麻麻見到我都唔洗驚，我係Local 香港人，有影架！

😀有無人識牙膏既代理商呀！我D 牙真心好白！我可以做中醫牙醫代言人呀！😀

最緊要係快D 搵美白方，見證住我由黑變（白？！）嘅速度啦！

23/08/2026

【酷熱天氣別踩坑！中西藥與茶飲的「隱形排水」危機】
炎夏酷熱，不少人以為「多喝水」就能防中暑，卻忽略了自己平時吃的藥或飲料，可能正在偷偷加速體內水分與電解質的流失！網上常提到西藥副作用，但中醫師提醒：利水中藥與日常咖啡濃茶，同樣需要特別注意。
一、網傳熱議：西藥的散熱與排水風險
・利尿藥（俗稱「去水丸」，如 Frusemide、Spironolactone）：會顯著增加排尿，帶走電解質，甚至降低口渴感，讓人不知覺嚴重脫水。
・降血壓藥（beta-blockers，如 Atenolol、Metoprolol）：會抑制汗腺分泌、減少出汗，直接削弱身體的散熱機制。

⭐️⭐️⭐️二、醫師補充：中藥與涼茶也有「利水滲濕」效力
中醫常見的車前草、薏米、通草、澤瀉，均屬於利水滲濕之品。高溫下大量服用會加速體液耗傷：
・車前草：常用於涼茶煲水，能清熱利尿，但過量易致電解質失衡，且性寒傷脾胃。
・薏米：大眾最愛的祛濕水食材，利水健脾，但頻繁大量飲用會增加排尿，高溫下同樣需及時補水。
・通草：利尿作用強，易導致體內水分迅速流失與倦怠。
・澤瀉：強效排水，過度使用易引致低血壓並增加腎臟負擔。
⭐️⭐️⭐️三、醫師提醒：日常咖啡與濃茶非水分替代品
咖啡與濃茶含咖啡因，過量會利尿並加快心率。夏天不能將它們當作白開水補充！
💡 醫師教你如何用正確認知保護身體
・主動補水+電解質：服藥、飲用祛濕涼茶或咖啡茶飲期間，不要等口渴才喝水，應適時補充含電解質飲品。
・物理降溫：若服藥導致出汗減少，請多待在涼爽處並用濕毛巾擦拭降溫。
・切勿自行停藥或隨意進補：不論西藥或中藥，均需遵醫囑，出現頭暈或極度口渴應盡快求醫。
❤️❤️❤️用正確知識取代盲目盲從，才是給身體最好的保護傘！

22/08/2026

如果真有用，佢又點解會咁肥？

19/08/2026

七月七日長生殿。
半夜無人私語時。

牛郎織女相見時，
如果有碗紅豆沙，
解饞就開心囉。

有愛才有恨。
恨得多有皺紋。
臨終時，咩都帶唔走。無皺紋咁走都幾開心。
開開心心活一回，靚靚仔仔活一世。恨乜鬼野呀。

笑看人間多風流，咁先夠爽，咁先夠盡興。

紅豆沙，蓮子，百合。
養心安神又補血，正。
最緊要煲到起沙，甘而不膩，食落有層次。
諗落都開心。

食飽，記得同情人落街散步。
消耗糖分。
不然又會怨我，令大家肥左。

🥲冤枉呀大人...

18/08/2026

中醫傷科特有病名：筋出槽。
即係：條筋脫離原有軌道。
轉數快就會Get 到：條筋出軌！

任何筋，都有機會出軌。
骨傷治療原則，大多都係『復位、固定』四個字。
我經驗尚淺靠指目摸索、復位。
用膠紙重塑體外軌道、作固定。

九年前，我醫好左自己。
慶幸自己有痛過。
自曉當中門路。
不然就有D 老貓燒鬚啦。😂

13/08/2026

https://www.instagram.com/p/DbC7ky3AiXu/?igsh=MWtyNXB3ZXVxaXlneA==

我平時分享嘅運動，一係用腦諗，一係書到學。
個post 第一個運動，好呀！
扁平足，拇外翻、足底筋膜炎都有幫助。

呢D 結構上問題，病因未必天生就有，後天造成仲多見。

你、我、他，都曾經有扁平足！
6 歲前，大家都係扁平足。
玩腳子，足底肌肉強左，足弓自然出黎。

商人心態，科技Check 足，賣鞋墊，塑造足弓。
行得舒服，懶得玩腳子，足底肌肉弱到維持唔到足弓➡️足底筋代償，扯到超緊...

一連串嘅因果。
➖➖➖
20幾歲妹妹仔，穿左呢D 鞋好多年，忍無可忍想解決佢！

做呢個運動➡️做到抽筋❗️
腳板底識用力，被激活啦❗️

至於，足弓幾時有❓
1️⃣運動
2️⃣食飯
3️⃣休息
4️⃣飲水
缺一不可。

水、飯提供營養長肉。
運動，令到營養去到想生長嘅地方。
休息，比時間肌肉生長。

再對返年紀，長肉快，有D 弧度，疼痛自消。

BUT❗️
要預左『好返就懶』呢個定律。
又有『食飯會肥』呢D 斷章取義謬論。
幾個月後佢會再返黎。
➖➖➖
👨🏽‍⚕️自己分享嘅嘢，得到啲研究證實。

朋友信任度增加，自然做多D。
少一個部位發生病痛。
（萬丈高根從地起，腳好其實全身少好多痛症。）

將來我唔係佢地身邊，佢地都可以咁樣繼續分享。
知識可以傳承千古，係幾開心呀。😂

👨🏽‍⚕️我逼人做運動架啦。
以前好愚昧，逼人做運動。
控制慾好強。
明白咗一樣嘢之後，先至發覺，我只可以控制到自己嘅心。

今次唔用AI幫我改囉。好努力咁樣慢慢組織。
明就明，唔明就做啦！
熟能生巧！做到抽筋就明架啦！😂

08/08/2026

───────────────
❌ 飲茶會致『生石 』
• 濃茶利尿：咖啡因加速排水，尿液濃縮致廢物沉澱
• 草酸過高：茶葉草酸與體內鈣結合，形成結石

───────────────

🛡️ 飲茶防石 4 大守則
1️⃣ 水 ＞ 茶：水茶比例至少 1:1（水一定要多）
2️⃣ 隨餐補鈣：飲茶配牛奶/豆腐，腸道直接排草酸
3️⃣ 揀無糖綠：首選未發酵無糖綠茶，絕不加糖
4️⃣ 觀察尿色：維持淺黃/透明；深黃須立即補水

───────────────

🚨 結石求醫警號
⚡ 腰腹劇痛：單側後腰 / 小腹 / 大腿根部絞痛
⚡ 排尿異常：小便灼痛 / 頻尿量少 / 尿流中斷
⚡ 尿液變色：肉眼血尿或尿液潛血

───────────────

💡 中醫提醒：白開水才是養生之本！
🏥 如有排尿不適，歡迎預約本診所檢查與體質調理。

【養生變生石】飲茶飲出事！醫生揭這款茶最危險

#腎結石 #膀胱結石 #無糖茶 #草酸鈣 #陳鈺昕醫生 #兒茶素 #飲茶養生 #健康

24/07/2026

👨🏽‍⚕️：「你認唔認到我？」
Fd：「中間或者左邊啦！」
👨🏽‍⚕️：「我係右邊嗰隻...」

三揀二都可以...叻呀！

朋友連我隻手都認唔到。
笑完之後。
「十指不沾陽春水」，自戀嘅我感嘆：外脆內軟，外黑內白。
呢個咁靚嘅果，從何而來呀？
佢哋隻手係點樣嘅？..Sor，我竟然「唔知道」。我只記得呀媽 「軟腍腍」好好握。

我每日睇咁多人嘅手仔，
未試過好好睇下父母手仔上面有幾多歲月痕跡。

呢大半年，39 歲人，初窺本性，慢慢改變。
但呢種改變，旁人睇唔到，正如我以前一直睇唔到父母嘅付出。

快到盂蘭，民間鬼節，亦係佛門孝月。
改變唔到他人，就改變自己嘅思維、行為。
呢期加功課 108 次《報父母恩咒》。
擁有嘅時候，望多佢哋一眼、多握下、多D 問候。
3年一個Gap，隔左咁多個Gap，忍一忍，習慣左，接受左。
呢期我學曉一個方法，可以平息自己嘅心、又可以減少駁咀做口業。🙂不露齒笑，會心微笑。

人生最悔嘅係咩？
有嘅時候唔珍惜，無嘅時候先嚟悔。
趁還來得及，好好睇清楚那對「無法可修飾的手。」

#我最叻係笑
#嬉皮笑臉
#持續笑笑笑是我好介紹
#唔笑唔通喊咩
#我練過咀角向下🙁但練唔成

19/07/2026

https://www.instagram.com/reel/Da04dloTLut/?igsh=M2dsZGNnMnduOXFh

不孝如我，真係無能為力呀。

06/07/2026

https://www.instagram.com/reel/DaY-5EPSJmV/?igsh=bjczdnZ3cHFyZWVs

此乃非吾願...

要去增值一下自己啦，但好多野都唔到我控制😂