Xen_SOLT 心靈研習室

Xen_SOLT 心靈研習室 晴熺工作室|SayArts Workshop
#恆常課程 | #特色工作坊 | #1：1情緒舒緩 | | #美工用品訂購服務 | #純手工產品訂製

創辦不同形式的工作坊，例如禪繞畫、水拓畫、免燒陶泥等，希望透過創作帶給人一個既放鬆又能啟動內在自我探索的空間。

歡迎查詢

#恆常課程
#特色工作坊
#1:1情緒舒緩

#美工用品訂購服務
#純手工產品訂製

資歷：
• National Guide of Hypnotists - Certified Hypnotherapist
• CPD UK - Mindfulness Coach
• IAPC - Certified Practitioner of Children Play Therapy
• IAPC - Certified International Drawing Psychology Analyst
• IAPC - Certified International Children’s Emotional & Behaviour Education Management Practitioner
• HKFYG - Certification in Messy Play Tutor Training

《屯門的朋友，我們來了！🎉 晴熺工作室正式進駐屯門區！》各位屯門的街坊/家長注意囉！晴熺工作室即將在屯門與大家見面！我們準備了適合全年齡層的藝術體驗：🌱 啟發無限創意的【兒童藝術班】 ☕ 療癒日常壓力的【成人舒壓課】 👵 豐盛精彩生活的【樂...
11/06/2026

《屯門的朋友，我們來了！🎉 晴熺工作室正式進駐屯門區！》

各位屯門的街坊/家長注意囉！
晴熺工作室即將在屯門與大家見面！我們準備了適合全年齡層的藝術體驗：

🌱 啟發無限創意的【兒童藝術班】
☕ 療癒日常壓力的【成人舒壓課】
👵 豐盛精彩生活的【樂齡興趣班】

為了慶祝新區擴展，首批屯門課程現正接受預約/諮詢

👉 快來 DM 或 WhatsApp 我們，獲取最新屯門課堂資料吧！

立即留言："HELLO 屯門" 更可穫得【新區限定報名優惠】！名額有限！額滿即止！

📍 新上課地點：
屯門震寰路3號德榮工業大廈11/F A5室

#晴熺工作室 #屯門 #屯門媽媽 #屯門好去處 #屯門畫室 #屯門兒童興趣班 #樂齡生活 #成人舒壓 #香港手作教室 #屯門街坊

09/06/2026

因為一封家長信，令我決定寫一次大長篇。

第四章《下半埸的人生冒險》

因為一封家長信，令我決定寫一次大長篇。第四章《下半埸的人生冒險》小朋友喜歡過來上堂，是因為他們能夠感受到一份全然的接納和尊重，我希望每位小朋友都能夠在我的課堂裏面，輕輕鬆鬆，做回自己，敢於表達。透過繪畫和創作，進一步認識自己， 建立正向的自...
09/06/2026

因為一封家長信，令我決定寫一次大長篇。

第四章《下半埸的人生冒險》

小朋友喜歡過來上堂，是因為他們能夠感受到一份全然的接納和尊重，我希望每位小朋友都能夠在我的課堂裏面，輕輕鬆鬆，做回自己，敢於表達。透過繪畫和創作，進一步認識自己， 建立正向的自我價值觀。

小朋友會長大， 而當小朋友需要進入人生另一階段嘅時候，即等於是時候跟他/她道別。

生命與生命的相遇總是奇妙， 每每在街上碰到曾經前來上堂的小朋友， 他們或許已經長高了不少，成熟了不少， 但每次的相遇，彼此總是帶著微笑，淺談，好像碰見老朋友一樣。

我想，這就叫溫度。
一種人與人之間無形的連結， 溫暖著彼此的心。

所以如果你問我，我會形容自己的工作更像是一位農夫， 在每位遇見的小朋友心內播種， 放下快樂、包容和正向的種子。
每位農夫都會對自己嘅"農作物"有所期盼， 我希望每位小朋友都能夠喺成長路上，心裡面留下快樂的記憶。

選擇以藝術為媒介，只是剛好這是我比較擅長的事。

年少時喜歡設計，畢業後就自然去找尋跟設計有關的工作， 從那時起心底有一個想法：
我希望做一些跟小朋友有關的工作，為小朋友做點事。。。

這是一個莫明升起的念頭， 幾乎沒有跟人透露過， 只是意識上總是有意無意去找一些跟小朋友有關係的項目， 例如是玩具、動畫。

總覺得這些範疇會令自己工作得開心點、輕鬆點，現在回想起來可能其實只是一種自我心理慰藉，去填補內心想做的事而沒有做到。

就是這樣展開了日復日、年復年的工作模式，
公司可以轉， 人心都可以冷卻；歲月可以是磨練亦可以是一種虛耗， 千迴百轉，內心總會 有一種奇怪的感覺， 生活安穩，但找不到真正快樂的感覺。

❓️[你覺得什麼叫快樂？]

我嘅人生似乎過了一半才叫做開始成熟， 而所謂嘅成熟，其實都只係開始夠膽去面對自己，去企圖了解真正嘅自己， 就好似返到去嬰兒嘅時代 ，一個小bb啱啱開始學識走路，好想走出去探索呢個世界， 好想去問自己點解會喺到 ，好想話畀全世界知我嘅存在。

就係咁樣一爬、兩步、三跌，開始左我人生嘅新一頁。

路真係唔算易行， 每行出一步其實都無法預計下一步的風景如何， 可幸嘅係沿途所遇到的事與人， 只會令自己更明白人生到底需要什麼。

有時我會同自己開玩笑講， 係呢幾年所接觸到嘅人，可能比起過往嗰幾十年仲要多。。。

原來我都幾鍾意同人分享，原來分享可以令人快樂。

原來我所追求嘅可能就係純粹人與人之間嘅真， 而係小朋友身上，這份‘’真‘’更容易被看見，被理解。

Never too late!
我嘅人生冒險之旅先至啱啱開始， 可能好多人都會以為係因為我身家夠豐厚先至可以任性， 恰恰相反。

身邊亦無幾多個朋友夠膽活到呢個年紀跳出自己嘅comfort zoom。

其實我都唔係好知自己哪來嘅勇氣， 我只係知道喺呢一刻我想繼續行落去❗️

因為用生命影響生命嘅得著與力量， 係我過往喺商業社會上從未感受過的。
一份人與人之間有溫度的連結， 不追求奢華 嘅技巧只在乎真誠。

以生命去作分享， 應該就係我下半生最想做嘅事，不論以任何形式，意念仍在，初心不變。

(4/4)
完

08/06/2026

因為一封家長信，令我決定寫一次大長篇。

第三章《我吾係教畫畫，我係教創意！》

因為一封家長信，令我決定寫一次大長篇。第三章《我唔係教畫畫，我係教創意！》我成日都會同人講，我其實唔係教畫畫，我係教創意。❓️創意係唔係即係等於天馬行空❓️個個小朋友都古靈精怪，仲使乜去學一個有創意嘅人，可能大家會比較容易理解到嘅就係佢有想...
08/06/2026

因為一封家長信，令我決定寫一次大長篇。

第三章《我唔係教畫畫，我係教創意！》

我成日都會同人講，我其實唔係教畫畫，
我係教創意。
❓️創意係唔係即係等於天馬行空
❓️個個小朋友都古靈精怪，仲使乜去學

一個有創意嘅人，可能大家會比較容易理解到嘅就係佢有想像力同聯想力， 用一個最簡單嘅例子： 當一個有創意嘅人，望住一嚿雲， 可能嗰嚿雲會變成一隻動物，一個故事，一個個無限嘅可能。

吾知大家知吾知，
想像力同聯想力係小朋友大腦發展既
[2大核心引擎 ]⚙️⚙️佢哋吾單只係用來畫畫，更加係學習和生活能力的基石。

一個想像能力強既小朋友， 當遇到困難時， 會更有能力係腦海中模擬不同的解決方案，跳出框架思考。即是排解力💪

一個聯想力強既小朋友， 係學習新知識時會比較容易迅速將新事物與舊經驗連結。 例如睇到[海豚]馬上聯想到[珊瑚]同[海洋]。即是學習能力💪

大家有冇發現一個擁有豐富想像力嘅小朋友通常都會有比較豐富嘅表達能力， 語言發展都會相對比較成熟。即係我成日聽到啲家長話：
[佢好鬼多嘢講😆]

華人社會嘅文化本來就不算是提倡創意嘅一個民族， 社會風氣、教育制度令家長追求小朋友嘅學術成就， 畫畫變為一種豐富 portfolio嘅工具， 又或者係一種可有可無嘅興趣。

就係咁樣小朋友嘅創意就喺不知不覺間被消耗殆盡。。。

消失嘅往往唔係只係創意 而係對學習新事物，了解新事物嘅好奇心同興趣。。。

呢種情況通常會發生喺小朋友上咗小學階段之後， 功課嘅壓力，考試測驗嘅壓力， 各式各樣補習班、興趣班嘅壓力， 早就已經抽空咗/ 堵塞咗小朋友嘅創意思維。

所以好多時去到學校， 去到社區接觸小學階段嘅小朋友， 邀請佢哋去畫佢哋自己鍾意嘅作品， 得到嘅回應好多時係 ：
❓️[我諗唔到畫乜。。。]
❓️[我唔知想畫乜。。。]

諗唔到同唔知， 可能只係出於唔想表達、唔敢表達，或者真係攰到咩都諗唔到又或者其實係懶得去思考。。。

因為已經習慣咗嗰種好安全嘅模式👉聆聽指令。

喺我嘅課堂偶然會聽到小朋友話：
[我今日真係好攰]

🤔: 點解嘅?

[我好忙 五點幾起咗身 返完學 上完數學堂先再過嚟你呢度]

🤔: 咁你想點，要唔要休息下？定係我哋今日用啲好玩啲嘅方法去畫畫？

[玩咩呀😊]

一聽到玩，即刻精神曬
試問又會有邊個會唔鍾意玩

玩，其實係一個令小朋友放鬆嘅形容詞，
喺我嘅課堂裏面會運用大量非傳統嘅繪畫方式 去啟發小朋友， 除咗學習技巧更為重要嘅係希望小朋友喺創作嘅過程裏面能夠學懂彈性和韌性。

譬如喺學習過程裏面因為技巧未運用成熟，往往效果會不似預期， 呢個時候， 小朋友需要學懂調整心態，思考如何處理

❓️[可唔可以運用其他方法去修補唔滿意嘅地方？ ]

❓️[又或者思考一下會唔會轉變為另外一個新的創作？]

這種心態上的調整，正正就是正向思維的學習。

《而創意往往又是由"錯誤"所啟發。》
抱持住呢種概念， 小朋友在課堂裏面就有機會學懂接納不完美， 學會彈性處理問題， 培養出耐性和柔韌性。

一個規律性強嘅小朋友，凡事喜歡一板一眼的， 例如：顏色稍稍過了界就會覺得自己做得不夠好， 在課堂裏就有機會大膽嘗試，放下框架，令小朋友去感受不一樣的模式，鼓勵嘗試， 從而提升彈性和靈活度。

一個自主性強，凡事有自己規律和主張嘅小朋友，在課堂裏面就有機會學習到循序漸進， 運用創作去令小朋友學懂有些事情需要步驟、程序和耐性。

因材施教，保強扶弱。

。。。 (3/4)
待續

07/06/2026

因為一封家長信，令我決定寫一次大長篇。

第二章《森林裡的微光，一封信的救贖》

因為一封家長信，令我決定寫一次大長篇。第二章《森林裡的微光，一封信的救贖》每當我內心充斥困擾與掙扎嘅時候，總會發生一啲事， 幫助我去重整思緒，温暖我❤️一路都有同家長做一啲課堂小分享嘅習慣，目的其實好簡單，就係希望家長能夠有機會了解多啲小朋...
07/06/2026

因為一封家長信，令我決定寫一次大長篇。

第二章《森林裡的微光，一封信的救贖》

每當我內心充斥困擾與掙扎嘅時候，
總會發生一啲事， 幫助我去重整思緒，
温暖我❤️

一路都有同家長做一啲課堂小分享嘅習慣，
目的其實好簡單，就係希望家長能夠有機會了解多啲小朋友喺課堂上嘅表現，唔單止係佢畫得好唔好，我更重視嘅係小朋友嘅情緒同狀態。

當然，我都會希望收到一啲家長嘅回饋同意見。

5.28.2026, 係感動我既一日。
打開whatsapp:

《*💖 誠心推薦：讓孩子在愛與自由中探索藝術的 Xen 姨姨*
我女兒小時候曾經報讀過坊間的連鎖式繪畫班，但當時的體驗卻讓我相當失望。那時的導師過分著重「手把手」幫小朋友畫出一幅漂亮的畫來向家長交差，這種流水線式的教學，完全不是我期望中能啟發孩子創意的藝術教育。

幸好後來我們遇上了 Xen 姨姨，跟她上了幾期課堂後，我看到了完全不一樣的轉變。Xen 姨姨在課堂上不單止會教授不同種類的繪畫技巧，帶領小朋友進行多元化的藝術創作，更重要的是，她非常尊重小朋友的意見和意願，讓孩子有充分空間去表達自己。

我女兒真的超級喜歡上 Xen 姨姨的堂，因為 Xen 姨姨不只是一位老師，更會常常和她談心，兩人相處得就像好朋友一樣，讓學畫畫的過程充滿了溫度。最令我安心的是，Xen 姨姨還會定期向家長提供詳細的反饋，讓我能更深入地了解女兒的想法，共同陪伴與幫助小朋友的身心成長。

如果你也希望找一個能真正啟發創意、尊重孩子，同時又關注心靈成長的藝術啟蒙老師，我由衷地推薦 Xen 姨姨！》

收到呢一位家長嘅課堂感受，真係令我深深感動， 嗰種感動唔係一句多謝咁膚淺， 而係好似當你一個人係一個又黑又濕嘅森林裏面搵緊出路，忽然有一個人出現， 戰鬥依然繼續， 但已經有人陪伴同行。

嗰種心情係由失落、徬徨變為希望同勇敢。

💪[我有能力再行落去！]

。。。 (2/4)
待續

06/06/2026

因為一封家長信，令我決定寫一次大長篇。
第一章《在香港做藝術，是生存還是生活？》

因為一封家長信，令我決定寫一次大長篇。第一章《在香港做藝術，是生存還是生活？》如果 你問我喺香港做藝術 容唔容易生存我相信好多人心裏面會有答案如果 你問我藝術係啲咩點解要堅持或者👇會畀到答案你藝術對於我嚟講，係一種自由嘅創作， 係一種無界限...
06/06/2026

因為一封家長信，令我決定寫一次大長篇。

第一章《在香港做藝術，是生存還是生活？》

如果
你問我喺香港做藝術
容唔容易生存
我相信好多人心裏面會有答案

如果
你問我藝術係啲咩
點解要堅持
或者👇會畀到答案你

藝術對於我嚟講，係一種自由嘅創作， 係一種無界限嘅內心表達， 係一種自省， 係一份修為。

藝術係一個媒介， 容許任何人去發揮。

喺香港，唔少家長都會安排小朋友去上畫班，學畫畫做手作， 一件靚嘅作品會令到佢哋覺得安心同值得。

喺講求速度同成效嘅社會 ，呢種叫‘’生存的法則‘’而唔係藝術。

藝術講求靈感同狀態， 小朋友都有唔同嘅狀態， 要尊重小朋友嘅flow， 作品就會有不穩定嘅呈現， 有時會充滿驚喜，有時又會變得平平無奇。

假如家長未能夠充分理解， 想當然就會覺得小朋友學唔到嘢，課程唔適合小朋友。

而呢個正正就係我嘅痛點😭

有時真係會痛到懷疑人生，不停咁質疑自己：
⁉️我。。。係唔係應該要放棄
⁉️我。。。係唔係應該要跟隨大環境
⁉️我。。。係吾係做得吾夠好

。。。(1/4)
待續

27/05/2026

［先處理心情。再處理事情］
認識我既朋友都知道我鐘意望天打卦😆
曬住太陽，望住個天放空，
就係我既充電方法。

一人一方法，
你既充電方法係？

Address

晴熺工作室
Tung Chung

Opening Hours

Monday 09:00 - 22:00
Tuesday 09:00 - 22:00
Wednesday 09:00 - 22:00
Thursday 09:00 - 22:00
Friday 09:00 - 22:00
Saturday 09:00 - 22:00
Sunday 11:00 - 21:00

Telephone

+85254056857

Website

Alerts

Be the first to know and let us send you an email when Xen_SOLT 心靈研習室 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Xen_SOLT 心靈研習室:

Shortcuts

Share