04/06/2026
NITRISYON SE PA SÈLMAN YON KESYON MANJE. SE YON KESYON DEVLOPMAN.
Bonjou tout moun,
Lè anpil moun tande mo nitrisyon, premye bagay ki vin nan lespri yo se manje. Men reyalite a pi laj anpil pase sa.
Jodi a, syantis yo, gwo inivèsite yo, ansanm ak enstitisyon entènasyonal tankou Bank mondyal, OMS ak UNICEF dakò sou yon verite fondamantal: nitrisyon se youn nan pi gwo motè devlopman yon peyi.
Se pa yon opinyon. Se sa rechèch yo montre.
Men 5 rezon enpòtan ki fè nitrisyon depase kestyon lasante sèlman:
1️⃣ Nitrisyon enfliyanse kapasite timoun yo pou aprann
Premye 1,000 jou lavi yon timoun (soti nan gwosès rive jiska laj 2 zan) se yon peryòd kritik pou devlopman sèvo a. Lè yon timoun pa jwenn bon nitrisyon pandan etap sa a, sa ka afekte kapasite li pou aprann, konsantre ak reyisi lekòl pandan tout lavi li.
2️⃣ Nitrisyon soutni kwasans ekonomik
Move nitrisyon lakòz pèt pwodiktivite, ogmante depans sante epi diminye kapasite travay yon popilasyon. Anpil etid montre chak dola envesti nan nitrisyon kapab jenere plizyè fwa plis retou ekonomik pou sosyete a.
3️⃣ Nitrisyon bati kapital imen
Kapital imen se sa ki pèmèt yon peyi pwogrese: konesans, konpetans, kapasite fizik ak mantal sitwayen li yo. Yon timoun ki byen nouri gen plis chans devlope tout potansyèl li epi vin yon granmoun ki kapab kontribye nan avansman kominote li ak peyi li.
4️⃣ Nitrisyon amelyore pwodiktivite
Bon nitrisyon pa sèlman ede moun evite maladi. Li amelyore enèji, kapasite refleksyon, rezistans fizik ak pèfòmans nan travay. Se youn nan faktè ki enfliyanse pwodiktivite nan tout sektè yo: edikasyon, agrikilti, antreprenarya, sèvis ak endistri.
5️⃣ Nitrisyon enfliyanse plizyè jenerasyon
Nitrisyon yon fanm anvan ak pandan gwosès gen enpak dirèk sou devlopman pitit li. Sa vle di efè bon oswa move nitrisyon kapab pase soti nan yon jenerasyon pou yon lòt. Lè nou envesti nan nitrisyon jodi a, nou ap prepare yon pi bon avni pou timoun demen yo.
Se poutèt sa nitrisyon se:
Yon kestyon Lasante
Yon kestyon edikasyon
Yon kestyon pwodiktivite
Yon kestyon ekonomi
Yon kestyon kapital imen
Epi, sitou, yon kestyon devlopman
Nan ESUN (École Supérieure de Nutrition), nou kwè devlopman dirab pa posib san pwofesyonèl ki byen fòme nan domèn nitrisyon. Se poutèt sa nou angaje nou pou fòme jenerasyon espesyalis ki kapab pwodwi konesans, sèvi kominote yo, epi ranfòse sistèm nitrisyon an ann Ayiti ak lòt kote.
Si ou vle konprann kijan nitrisyon konekte ak lasante, edikasyon, ekonomi ak devlopman, etidye nitrisyon.wap sezi wè se pa sèlman chwazi yon metye; se chwazi patisipe nan transfòmasyon sosyete a.
• Envesti nan konesans.
• Envesti nan nitrisyon.
• Envesti nan devlopman.
Yon ti kesyon pou ou kap li teks sa a kounye a
"Si nitrisyon enfliyanse fason yon timoun aprann, fason yon granmoun travay, ak fason yon peyi devlope, èske se pa youn nan domèn ki gen plis enpak sou avni Ayiti?"
Nap kontan li repons ou yo itilize espas komantè a pou sa oswa rele nou pase wè nou visite nou nan Www.esunhaiti.com.
Formez-vous à la nutrition scientifique et transformez votre pratique — cours certifiants pour débutants et professionnels. Inscrivez-vous à la prochaine session. S'inscrire « Former aujourd’hui les experts qui nourriront le monde de demain. » Mieux nous connaître Notre Vision et Notre Mis...
