05/04/2026
YON NÒT POU KLIYAN NOU YO!!!
Mwen pa konnen kijan lòt peyi yo fè sa, men sa m konnen; Ayiti se yon peyi kote ou ka peye ladwann pou yon sèvis epi ou oblije tann pou plis pase 90 jou pou jwenn li.
Mwen petèt pa nan yon pozisyon pou m tande tout sa ki di yo, men mwen tande ase pou m konprann ke gen kèk nan nou ki pa gen okenn lide kijan nou menm, antanke yon ekip n ap travay di lajounen kou lannwit pou nou jwenn sa nou bezwen yo. Pou w fè biznis an Ayiti ou dwe pare pou w pran tout risk nesesè yo pou w ka atenn objektif yo. Sa m vinn konprann nan tout ane depi map fè biznis
Ayiti yo; yap ese ba w pwoblèm sou tout fòm.
Pou komanse, leta pa ba w regle anyen pou li malgre wap kreye travay. Sèlman chak ane fiskal yo se lajan yo konnen. Sosyete a ankò a bouch yo yap eseye detwi si w pa konn sa w ye; e ki enpòtans ou pou moun ki kwè nan ou yo 🤗
Pandan plizyè ane la map jere yon strès a koze douane sa. Mwen gen kèlke mwa la se pa Repiblik Dominikèn mwen voye kèk bwat jis pou m ede kèk kliyan ki gen dè bagay yo bezwen an ijan, lè nou fè sa nou jwenn yo pi vit men sa koute nou plis lajan.
🙏Mwen gen yon baz kliyan fidèl ki kwè nan nou pou plizyè rezon, men rezon prensipal la se kalite pwodwi nou yo. Tout sa nou vann nan Niche Beauty Store se responsablite pa nou pou n achte yo dirèkteman nan men founisè nou yo.
Malgre mwen tande plent yo epi mwen sipòte fristrasyon yo. Mwen toujou fè tout sa m kapab pou m voye pwodwi yo ba nou alè. Men, apre mwen fin n bay yo nan bato 🚢 yo pa sou kontwòl mwen ankò jiskaske ladwann ban m aksè pou m fè rès la.
Gen kèk nan nou k ap di "lè Claude te la Niche te konn plen nou te kon jwen tout sa nou vle". Wi sa se vre, se pa manti, nou vle konnen poukisa? paske lè Claude te vivan nou te gen yon dwann ki te an fonksyon epi nou te gen Madame Jeudi ki te gen yon bato ki te konn vin Gonayiv chak de semèn. E menm lè Claude te la, nou tout te gen responsablite pa nou. Mwen te toujou sèl moun ki an chaj pou m achte pwodwi yo, mete pri sou yo epi voye yo Haiti. Si gen yon bagay ki chanje nan Niche, se pa akoz Claude ki pa la. Bagay yo chanje nan Niche paske sitiyasyon an chanje nan peyi a, sitou nan Gonayiv.
Mwen vle nou konprann ke nou menm, antanke kèlkeswa sitiyasyon an nan Gonayiv, n ap toujou jwenn yon solisyon pou nou sèvi ou pi byen.
N-B**** Si ou pa nan sitiyasyon mwen an, ou p'ap janm konprann fristrasyon mwen yo.
NICHE #3 LOADING 90% 🤭🤭🤭🤭
Gèn yon bagay kap vini 🤫🤫🤫🤫🤫
