Fizik clinic فيزيك

23/05/2026

سامر الجولاني بطل مراثون فلسطين الدولي ل42 كيلو … الزوج والاب ل٤ ابناء ، دكتور صيدلاني وعداء وصديق مركز فيزيك من سنوات ، بيحميلنا قصة نجاحه .
كملوا للاخر شوفوا شو بقول للاخر 🔥

#رعايةـصحيّة

23/05/2026

من أول خطوة… كان واضح إنو في شي عم يتغيّر.
كل مشية كانت مساحة خفيفة للنفس، وللجسم، وللقلب كمان.
ومع الوقت… صار في مجتمع من النساء اللي اختاروا يعتنوا بحالهم بطريقة ألطف وأصدق. 🌿

واليوم…
ما كانت مجرد حوارية عن الألم.
كانت مساحة آمنة نحكي فيها عن أجسامنا، عن التعب اللي منحمله كل يوم، وعن كيف الألم أحيانًا بصير جزء من يومنا بدون ما ننتبه.

في Fizik Walk…
ما كان الهدف “رياضة” بالشكل التقليدي.
كان الهدف نرجّع العلاقة مع الجسم بطريقة ألطف.
نخلق روتين صحي واقعي للنساء.
نحس بالأمان بالحركة.
نخفف الشعور بالوحدة.
نقوّي الصحة الجسدية والنفسية مع بعض.
ونثبت إنو المشي أحيانًا… بداية تغيير حقيقي.

وفخورين اليوم إنو Fizik Walk أصبح أول مجتمع مشي علاجي للنساء في القدس. 🤍

لكل امرأة التزمت، حتى بالأيام الصعبة…
إنتِ كنتِ تبني نسخة أقوى وأحنّ من حالك خطوة بخطوة.

ومن جهتنا…
مكمّلين نمشي معكم. 🌿

#صحةـالمرأة القدس #مشي المرأة_والصحة PainManagement WomenHealth

16/05/2026

٦ شهور…
ونساء كثير قرروا يختاروا حالهم.

قرروا يقوموا حتى بالأيام اللي ما كان فيهم نفس.
قرروا يلتزموا… مش لأن الطريق سهل،
لأنهم بدهم يعيشوا بصحة وقوة وراحة أكتر.

ومن أول خطوة…
ما كان الهدف نكون رياضيين محترفين.
كان الهدف نتحرك،
نقوّي جسمنا،
ونرجّع روحنا إلنا شوي شوي.

واليوم بماراثون فلسطين الدولي…
كل ٥ كم،
كل نفس،
كل ابتسامة بعد التعب،
كانت تحكي قصة التزام حقيقي.

الرياضة العلاجية ما بدها جسم مثالي.
ولا أداء خارق.
بدها تكرار.
بدها صبر.
بدها إنك ترجعي مرة ومرتين وعشرة… لحد ما جسمك يبلّش يشكرك.

والفرق؟
ما بنشاف بس بالشكل.
بنحسّه بالنوم،
بالطاقة،
بالوجع اللي خف،
وبالنفسية اللي صارت أهدى.

فخورين بكل امرأة مشت معنا هالطريق. 🤍
#صحةـالمرأة #رعايةـصحيّة

09/05/2026

مش كل الناس اجت بس عشان تركض !
في ناس إجت…
تطلع كل التعب اللي جواها.

في اللي كان بده يثبت لحاله إنو بعدها بيقدر.
وفي اللي كان بده ينتصر على وجع ساكن فيه من زمان.

وفي ناس…
بس كانت محتاجة ترجع تحس بروحها شوي.

طفل عم يركض بحماس.
أم بتحاول تكمل.
كبير بالعمر رافض يستسلم.
وذوي احتياجات خاصة… حضروا بكل القوة.

وإحنا؟

كنا بالميدان.

من القدس.
من الشمال.
من الجنوب.

طلاب.
خريجين.
مختصين.

كلنا اجتمعنا…
عشان نسند الناس وهي بتحاول تكمل آخر خطوة.

بين التعب.
بين الإصابات.
بين الزحمة.

كنا نشتغل بإيد…
وقلب…
وتركيز.

لأنو العلاج الفيزيائي هون…
مش مجرد علاج.

هو إنك تسند حدا… قبل ما يستسلم.
تهدّي وجعه.
وترجّع جسمه يصدق إنو لسه فيه يكمل.

وأجمل إشي؟

إنو بهاليوم…
كل الناس كانت ترفع بعض.

تركض لبعض.
وتصفّق لبعض.
وتفرح لبعض.

ويمكن هاي أكتر صورة بتشبه فلسطين.

ناس مختلفة…
بس قلبها واحد.

09/05/2026

وراء كل مشهد منظّم…
في ناس كانت تركض قبل الجميع، وتضل واقفة بعد ما يخلص اليوم.

في ماراثون فلسطين الدولي، ما كان دور اللجان مجرد تنظيم…
كانوا العمود اللي حامل فريق كامل من ١٠٠ معالج ومعالجة فيزيائية.

من الشمال…
الأخصائية صابرين عودة
منسقة المعالِجات،
اللي كانت حاضرة بكل تفصيل، بكل متابعة، بكل موقف احتاج احتواء، ترتيب، وسرعة قرار.

ومن الجنوب…
الأخصائي مراد سلامة
منسق المعالجين،
اللي حمل مسؤولية الميدان بروح القائد الحقيقي، وتنقّل بين الفرق بهدوء وثبات وشغف واضح تجاه المهنة.

أما اللجان الفرعية، فكانت صورة حقيقية عن روح الفريق:

▫️ الأخصائية بتيل معمر – لجنة الإناث / الجنوب
▫️ الأخصائية رنين الطحان – لجنة الإناث / الوسط
▫️ الأخصائي مؤمن غنيم – لجنة الذكور / الجنوب
▫️ الأخصائي حسام بركات – لجنة الذكور / الوسط

وعن فريق فيزيك walk كانت مسؤولة المجموعة الاخصائية ندى جابر التي اثبتت كفائتها ودعمها بالمسار العلاجي والتنظيمي
هاد المشهد ما كان مجرد تطوع.
كان مساحة حقيقية يثبت فيها العلاج الفيزيائي حضوره، قيادته، وقدرته على التنظيم والعمل تحت الضغط.

كل واحد فيهم كان يمثل صورة المعالج اللي الناس بتحب تشتغل معه…
المهني، المسؤول، الحاضر، واللي بيعرف يرفع الفريق معه.

فخورين فيكم.
وفخورين إن في جيل كامل عم يبني اسم العلاج الفيزيائي بالميدان… مش بالكلام، بالافعال 💪🏻!.


:::

09/05/2026

الجزء الثالث من صور مراثون فلسطين الدولي العاشر ٢٠٢٦

09/05/2026

الجزء الثاني من فعاليات مراثون فلسطين الدولي ٢٠٢٦

09/05/2026

نختتم اليوم فعاليات ماراثون فلسطين الدولي، بعد يوم كان مليئ بالحركة، والتعاون، والمسؤولية، والإنسانية.

ضمن فعاليات المجتمع في Fizik، عملنا خلال هذا الحدث على ترسيخ حضور العلاج الفيزيائي في القطاع الرياضي والمجتمعي، وتعزيز التشبيك ما بين المؤسسات الصحية، والأكاديمية، ومؤسسات المجتمع المحلي، لإيماننا أن العلاج الفيزيائي اليوم جزء أساسي من الوقاية، والتأهيل، والتعامل مع الإصابات الرياضية والحالات الجسدية المختلفة داخل المجتمع.

خلال الماراثون، قدّم فريقنا خدماته لأكثر من ٣٥٠ حالة بحسب الإحصائيات الميدانية، بمشاركة ١٠٠ معالج ومعالجة فيزيائية من مختلف محافظات فلسطين، منهم 53 خريج وخريجة، والباقي من طلبة:
جامعة بوليتكنك فلسطين
جامعة القدس
جامعة النجاح الوطنية
جامعة فلسطين الأهلية
جامعة بيت لحم

وكان الحضور الأكبر من المعالجات، بعدد 53 معالجة، بصورة مشرّفة تعكس تطور دور المرأة الفلسطينية في قطاع العلاج الفيزيائي والعمل المجتمعي.

كل الشكر لإدارة ماراثون فلسطين الدولي، وعلى رأسهم السيدة اعتدال إسماعيل، على جهودها الكبيرة في إنجاح هذا الحدث، والشكر للأستاذ محمد الهدار على تعاونه المستمر، ولكل طاقم المجلس الأعلى للشباب والرياضة على دعمهم وتنظيمهم ومتابعتهم.

كما نتوجه بالشكر للرعاة، والشركاء الاستراتيجيين، وبلدية بيت لحم، ولكل مؤسسة ساهمت بإنجاح هذا اليوم الوطني والإنساني.

شكر خاص لشركائنا في Sky Life Academy ممثلة بالبروفيسور رفيق رضوان، استشاري البيوميكانيكس، والدكتور علاء عبد الرازق، استشاري التغذية الرياضية، على الورشة التدريبية العلمية المتخصصة قبل السباق.

كما نتوجه بالشكر للزملاء المختصين في تأهيل الإصابات الرياضية والصحة الرياضية:
▪️ الدكتور عبد العزيز الهشيل من الرياض، على دعمه العلمي وخبرته في تأهيل الإصابات الرياضية.
▪️ الدكتور محمد المعلم، أخصائي تأهيل القلب والرئتين، على توجيهاته الصحية القيّمة وتفانيه.
▪️ الأخصائية هديل أبو ربيع، على خبراتها وتوجيهاتها المهنية المستندة لتجاربها في الماراثونات الدولية.
▪️ الأخصائية نور خميس، على مشاركتها في حملات التوعية المتعلقة بالتغذية العلاجية للعدّائين.
▪️ المدرب الشخصي مصطفى عثمان، على مساهمته في حملات التوعية والتحضير البدني قبل السباق.

ومباركة خاصة من القلب للدكتور الصيدلاني سامر الجولاني، ابن القدس وصديق مركز Fizik، على فوزه بالمركز الأول في سباق الـ42 كم.
نفخر بوجوده معنا ضمن حملات التوعية ما قبل الماراثون، وبحضوره الداعم والمُلهم طوال الفترة الماضية. ألف مبارك هذا الإنجاز المشرف. 🇵🇸

كما نشكر الجامعات الفلسطينية على إيمانها بأهمية دمج الطلبة بالميدان الحقيقي، وإشراكهم مع زملائهم من المعالجين لبناء الخبرة، والشخصية المهنية، والانتماء للمهنة.

كل الشكر لـ شركة الشفاء للأجهزة الطبية على دعمهم السخي وتوفير الأدوات العلاجية والمستلزمات والهدايا للمعالجين،
ولـ بيرزيت للأدوية على دعمهم وتوفير المستحضرات الخاصة بالإجهاد العضلي والرضوض والإصابات الرياضية.

ونشكر مركز السلام إدارةً وموظفين على فتح أبوابهم واستقبالهم للمعالجين والمشاركين وتوفير كل الاحتياجات اللوجستية خلال اليوم.

وشكر ممتد لـ مؤسسة الرئيس بوتين على دعمهم المستمر لفريق Fizik وطواقمه منذ سنوات.

أما خلف الكواليس…
فكل الامتنان للدعم اللوجستي المميز من الآنسة رشا أبو رميلة، وللدعم الفني من عمر البصطامي، وللمصورَين المبدعين شيماء الهندي وأحمد ثويب، على توثيقهم لهذا اليوم بكل تفاصيله الإنسانية والمهنية.

وشكر خاص جدًا لطاقم مركز Fizik، وعلى رأسهم المساعدة الإدارية إيمان اسكافي، التي أثبتت كفاءة إدارية عالية، وكانت جزء أساسي من تنظيم ومتابعة هذا الحدث من بدايته حتى نهايته.

ولا يمكن أن ننهي هذا اليوم دون شكر الأصدقاء والأحباء، وكل شخص عرض مساعدته، أو دعمنا بكلمة طيبة، أو دعوة صادقة، أو مشاركة بسيطة بمحبة…
وجودكم كان محسوس، ودعمكم وصل.

فخورين بكل معالج ومعالجة كانوا جزء من هذا اليوم.
وفخورين إن العلاج الفيزيائي اليوم عم يثبت مكانه الحقيقي بالميدان… علميًا، إنسانيًا، ومجتمعيًا.

العلاج الفيزيائي حياة. هذا كان عنواننا في مراثون فلسطين الدولي لهذا العام🇵🇸
يتبع الجزء الثاني من الصور ...

08/05/2026

06/05/2026

خلصت الركض؟ التعافي بلّش هلا.

أول ساعة = مهمة

بدك:
كربوهيدرات + بروتين

أمثلة:
ساندويش تونا
أومليت + خبز
لبن + فواكه
بروتين بار + فاكهة

ليش؟
طاقة + تعافي عضلي

شو أول إشي بتاكله بعد الركض؟

تعافي بعد الركض، تغذية رياضية، بروتين، كربوهيدرات

#تعافي #ركض #ماراثون #صحّة فيزيك