Glorias Green Life

Call Directions

Glorias Green Life نمط حياه صحي ، اقدم في صفحتي نصائح صحيه و وصفات صحيه ، بالاضافة الى عملي في مشروعي الصحي الخاص

🌿 بعد الخمسين… الميزان مش كل الحكاية!ممكن وزنك يضل ثابت، بس جسمك يتغيّر!مع التقدّم بالعمر والتغيّرات الهرمونية، ممكن تقل...
08/10/2026

🌿 بعد الخمسين… الميزان مش كل الحكاية!

ممكن وزنك يضل ثابت، بس جسمك يتغيّر!

مع التقدّم بالعمر والتغيّرات الهرمونية، ممكن تقل الكتلة العضلية وتتغيّر طريقة توزيع الدهون بالجسم.

عشان هيك، الاهتمام بصحتنا بعد الخمسين مش بس بعدد الكيلوغرامات، بل بقوة عضلاتنا، وصحة عظامنا، وحركتنا، ونومنا، وطاقتنا اليومية. 💚

✨ اهتمي بجسمك، مش بس بوزنك… لأن القوة والصحة أهم من رقم على الميزان.

احكيلي، إنتِ بعد الخمسين صار اهتمامك بالميزان أقل، ولا لسه الرقم بيفرق معك؟ 🌸

GloriasGreenLife

04/10/2026

#عسل 💪

03/10/2026

🦴 قبل قهوتي الصباحية… ببدأ يومي بهالكاسة! ☕️🤍

مرق العظام من الأشياء اللي بحب أشربها دافئة، خصوصًا بعد تمارين المقاومة.

طريقتي:
استخدمت مواسير عجل مقصوصة من النص، غسلتها وصفيتها، ورشيت عليها رشة ملح، وبعدين شويتها بالفرن على 220–230°م لمدة 30–40 دقيقة لحد ما تحمرت بدون ما تنحرق.

🔥 ليش بشويها أول؟
الشوي بيعطي المرق لون أجمل ونكهة أعمق وأغنى… وصدقوني بيفرق بالطعم!

بعدها حطيتها بالطنجرة وغمرتها بالماء، وأضفت بصل + ورق غار + قرفة سيلانية + ملعقة خل بلسميك.

🍶 إضافة كمية صغيرة من الخل بتزيد حموضة ماء الطبخ وقد تساعد على انتقال بعض المعادن من العظام إلى المرق، لكن فائدتها الأساسية عندي كمان إنها بتوازن النكهة.

⏱️ بالطنجرة العادية بحب أخليه على نار هادية لساعات طويلة، ممكن حوالي 10 ساعات. أما إذا كنت مستعجلة، فطنجرة الضغط بتختصرها إلى حوالي 2–3 ساعات.

✨ وشو بيعطينا مرق العظام؟
حسب العظام وطريقة التحضير، ممكن يوفر جيلاتين وأحماض أمينية وبعض المعادن، وهو مشروب دافئ ولذيذ وسهل ندخله ضمن نظام غذائي متوازن.

وأجمل شيء؟ لما يبرد ويصير قوامه مثل الجيلي… بعرف إني طلّعت مرق غني وجميل 🤍🦴

مين منكم بيبدأ يومه بمرق العظام؟ 💪

25/09/2026

🤎 مبشورة التين بنسخة صحية ولذيذة

بدون سكر مُصنّع، بدون زيوت مهدرجة، بدون بيض وبدون منتجات ألبان 🌿
حبيت أعملها بطريقة تناسب كمان الأشخاص اللي عندهم حساسية من البيض أو ما بناسبهم اللاكتوز ومنتجات الحليب… بحشوة مربى تين طازج ومحلى بالعسل 🍯

🌿 مقادير العجينة:

📌كوب ونصف طحين قمح كامل
📌ثلث كوب سمنة حيوانية
📌 ملاعق كبيرة عسل2
📌ملعقة صغيرة بيكنغ باود
📌نصف ملعقة صغيرة فانيلا
📌 رشة ملح
📌2–3 ملاعق كبيرة ماء بارد، حسب حاجة العجينة
📌ربع كوب جوز مفروم ناعم (اختياري)

🍯 مربى التين بالعسل:

• كوبان تين طازج مقطّع
• ملعقتان كبيرتان عسل
• ملعقة صغيرة عصير ليمون

نضع التين مع عصير الليمون على نار هادئة حتى يطرى ويتكثف، ونهرسه حسب القوام اللي بنحبه. نرفعه عن النار ونضيف العسل، ثم نتركه يبرد تمامًا.

🤎 الطريقة:

نخلط مكونات العجينة ونضيف الماء بالتدريج حتى نحصل على عجينة متماسكة.

نفرد ثلثي العجينة في صينية صغيرة، ونضع الثلث المتبقي في الفريزر حتى يقسى قليلًا.

نفرد فوق العجينة حوالي نصف كوب من مربى التين، ونرش فوقه الجوز المفروم، ثم نبشر باقي العجينة على الوجه.

ندخلها فرنًا محمى مسبقًا على 175 درجة لمدة15-20 دقيقة تقريبًا أو حتى يصبح الوجه ذهبيًا وجميلًا. ✨

نتركها تبرد قبل التقطيع… وبالعافية 🤎🌿 💪

طعم المبشورة اللي بنحبه… بمكونات أبسط

23/09/2026

✨ لقمة طاقة بطعم الفخامة 🤎💚

لما يجتمع التمر المجدول مع البيكان والفستق الحلبي والشوكولاتة الداكنة… النتيجة تحلاية بتشهي ومكونات بسيطة ومغذية! 😍

🌿 المقادير:
• 20 حبة تمر مجدول
• 1 كوب بيكان مفروم ناعم
• 1 كوب فستق حلبي مطحون
• عسل حسب الحاجة
• شوكولاتة داكنة للتزيين 🍫

التمر مصدر طبيعي للكربوهيدرات والألياف، والبيكان والفستق يضيفوا الدهون الصحية والبروتين النباتي ومضادات الأكسدة. 🌱

أنا حبيتها كتحلاية صغيرة قبل تمرين المقاومة… بتشبع رغبة الحلو وبتعطيني طاقة للتمرين. 💪🏻✨

📌 بعد ترتيب الطبقتين، دخلوها الفريزر من 30–60 دقيقة، قطعوها مربعات صغيرة وزينوها بالشوكولاتة الداكنة.

احفظوها وجربوها… بس بحذركم: لقمة وحدة ممكن ما تكفي! 😉 💪

20/09/2026

أنا من الأشخاص اللي الكاكاو ممكن يسبب لهم أرق، خصوصًا إذا أكلته بعد الظهر… فعملت لنفسيبديل لذيذ جدًا، وبالنسبة إلي هو شوكولاتتي الخاصة بدون كاكاو! 🤎

🌴 20 حبة تمر مجدول
🌰 كوب جوز مطحون
🍯 نصف كوب دبس خروب

نقعت التمر 5–10 دقائق، صفيته وغسلته، ثم أضفت الجوز ودبس الخروب وخلطت الكل بالـHand Blender لحد ما صار عندي معجون ناعم وغني وقابل للدهن.

التمر يعطي الحلاوة والقوام، والجوز يضيف الدهون الصحية والقوام الكريمي، ودبس الخروب يعطي نكهة غنية ولونًا قريبًا من الشوكولاتة… وكل هذا بدون كاكاو. 🤎

بحب آخذ منه كمية صغيرة كتحلية بالعصر لما أشتهي إشي حلو، خصوصًا إني بحاول أبعد عن الكاكاو في الساعات المتأخرة لأنه ممكن يأثر على نومي.

جربوها… بسيطة، مشبعة وطيبة جدًا. 💪

11/09/2026

لبنة بدون حليب… وصدقوني القوام والطعم رح يفاجئوكم! 😍🌱

هاي الوصفة عملتها لكل شخص منتجات الألبان ما بتناسبه، أو حابب يخفف منها، وبنفس الوقت مشتاق لطعم وقوام اللبنة.

🥜 المقادير:
كوبين كاجو نيّ
¼ كوب عصير ليمون طازج 🍋
2 ملعقة كبيرة خل تفاح طبيعي
2 ملعقة صغيرة ملح أو حسب الرغبة
¼ كوب زيت زيتون بكر 🫒

بننقع الكاجو بالماء ليلة كاملة، وتاني يوم بنصفيه وبنغسله منيح. النقع بيلين الكاجو وبيساعدنا نحصل على قوام كريمي وناعم جدًا.

بنحطه بالخلاط أو الـFood Processor مع الليمون وخل التفاح والملح، وبنخلط لحد ما يبدأ يتحول لقوام اللبنة. وبآخر مرحلة بنضيف زيت الزيتون ونكمل خلط… والنتيجة؟ لبنة كاجو كريمية بتجنن! 🤍

والكاجو مش بس لذيذ؛ هو مصدر للدهون غير المشبعة، والبروتين النباتي، والمغنيسيوم والنحاس، وبيعطي الوصفة قوام غني وكريمي طبيعي.

🌱 نباتية
🥛 خالية من منتجات الألبان
🥜 بمكونات بسيطة
🫒 مع زيت الزيتون
✨ وطعمها غني وكريمي

احفظوا الوصفة وجربوها… ومين كان يتوقع إن الكاجو ممكن يتحول للبنة بهالروعة؟ � 💪

Address

Jerusalem
0000

Telephone

+972599349527

Website

Alerts

Be the first to know and let us send you an email when Glorias Green Life posts news and promotions. Your email address will not be used for any other purpose, and you can unsubscribe at any time.

Shortcuts

Share