Reis in Geloof saam AJ

Home
Reis in Geloof saam AJ

AJ se reis na Indië vir breintumor behandeling

15/02/2026

D**k vandag aan elkeen wat hierdie pad stap.

23/11/2025

Baie mense vra oor AJ se sig na sy behandeling. Ongelukkig is AJ se optiese senuwees permanent beskadig. AJ pas gelukkig baie mooi aan, hy het reeds braille onder die knie, is besig met rekenaar vaardigheid en voltooi gr8 die jaar terwyl hy 2 maande skool gemis en vreeslik baie aanpassings gehad het. Hy het 'n wonderlike juffrou wat alles saam met hom aanpak. AJ is baie positief en sy gemoed is baie goed.
Ons kyk daarna om hom vir MNRI terapie te vat volgende jaar. https://share.google/05p3LG6GtPNtK5eU0 MNRI-metode herstel nie die optiese senuwee self nie.
Wat dit wél doen, is om die brein te help om die visuele inligting beter te gebruik deur die oog- en kop-reflekse te verbeter.
Ons is wel ongelooflik dankbaar dat die tumor baie kleiner is, ons glo en bid dat dit geen verdere skade veroorsaak nie.

19/11/2025

Goeie Nuus! 🙌✨

AJ het sy MRI ná die proton-terapie behandeling gehad — en ons is ongelooflik dankbaar om te kan sê die resultate lyk baie, baie goed! Die tumor is baie kleiner 💛

Ons harte is vol hoop en dankbaarheid. Dankie aan elkeen wat saam met ons gebid, ondersteun en aan ons gedink het. Jou liefde en omgee maak ’n groter verskil as wat jy besef. 🤍

Ons stap hierdie pad met nuwe krag en ’n hart vol geloof. 🌟

AJ gaan eers oor 6 maande weer vir volgende MRI.

10/08/2025

Ons is so dankbaar om te deel dat dit baie goed gaan met AJ ná sy protonterapie-behandeling in Indië! 🙏✨ Ons kan reeds positiewe vordering sien.

Baie dankie aan elkeen van julle wat vir ons gebid, ons bemoedig en ons ondersteun het tydens hierdie reis.

Ons sal aanhou om nuus te deel, maar vir nou nooi ons julle om saam met ons dankie te sê vir hoe ver AJ al gekom het. God is goed! 🙌

12/07/2025

Soos ons die einde van ons reis na Indië vir AJ se protonterapie bereik het en veilig terug is by die huis, wil ek graag ’n oomblik neem om opreg dankie te sê.

Van die eerste dag af dat ons ons storie gedeel het, het julle ondersteuning meer beteken as wat woorde kan beskryf. Julle gebede, bemoediging, vriendelike woorde en liefde het ons deur van die moeilikste dae van ons lewens gedra. Elke boodskap, kommentaar en deel het ons herinner dat ons nie alleen op hierdie pad is nie.

Hierdie reis was gevul met hoog- en laagtepunte, maar om te weet dat daar ’n gemeenskap van omgee-mense saam met ons staan, het ons krag en hoop gegee toe ons dit die nodigste gehad het. Ons glo dat julle gebede ’n werklike verskil gemaak het — dit het vir ons vrede, moed en troos gebring in ’n vreemde land.

Terwyl AJ aanhou herstel en sterker word, dra ons julle goedhartigheid altyd in ons harte. Baie dankie dat julle saam met ons familie gestaan het, en dat julle ons in julle harte gedra het.

Met liefde en diep waardering
AJ en familie

09/07/2025

En daar is 7 weke en 28 Proton terapie sessies verby. Well done my brawe seun, you've made it!
Dankie Abba Vader, elke tree van hierdie pad was U voor ons, langs ons, agter ons, bo ons. Ons het U beleef elke oomblik van elke dag!

07/07/2025

DANKBAAR

“Net nie Indië nie, enige ander plek” my woorde toe ons proton terapie oorweeg.
Daar is min lande wat proton terapie het, paar plekke in Amerika, Europa en Indië.
ABBA Vader het anders besluit: Dit sal Indië wees! Amerika en Europa werk nie uit vir ons nie terwyl alles net in plek val vir Indië….. definitief Yahweh se hand.

Waarom Indië van alle plekke? Ek wonder of ABBA my wil gebruik in Indië? Hoekom vir my?
Ek ken Hom, maar daar is baie ander mense wat Hy eerder kan stuur…. Ek wil Amerika of Europa toe.

Min het ek geweet Yahweh wil my nie in Indië gebruik nie, maar vir Indië in my.

Die Here het beslis ‘n sin vir humor! Nie net is dit Indië nie, maar ons bly reg oor ‘n hindu tempel waar ons elke oggend en aand en soms vir die hele dag vermaak word deur hulle klokke, dromme, gesange en offer reuke wat regdeur my gees sny.
“Here wat is die doel? Moet ek instap en vir hulle van U vertel of moet ek net bid vir elke verlore siel?”

Ek leer hier in Indië om alles oor te gee, die bietjie wat ek nog self wou reg maak is ook nou vir Abba gegee. maar hoe gaan ek die mense van Indië red, hulle is almal op die verkeerde pad!!! Daar moet ‘n rede wees, hoekom Indië?
Yahweh lag lekker vir my: “Ek red mense, nie jy nie!” OEPS! Lekker terug gebring aarde toe.

Ek begin besef dit gaan oor wat ek hier moet leer en nie wat ek hulle moet leer nie. Ek moet net ABBA en Sy liefde leef.

• Hoe dankbaar is ek dat ons ‘n lewende, liefdevolle Vader dien.
• ‘n Vader wat baie meer gee as neem.
• ‘n Vader vol beloftes
• ‘n Vader wat ons geneesheer is.
• ‘n Vader met wie ons ‘n intieme verhouding kan hê.
• ‘n Vader met wie ons alles kan deel selfs ons grootste vrese.
• ‘n Vader wat vir ons ‘n boek geskryf het vol van Sy waarheid tot in die fynste detail.
• ‘n Vader wat vir ons die ewige lewe gee.
• ‘n Vader wat Sy Seun stuur om vir my te sterf.
• ‘n Vader wat my as bruid vir Sy Seun wil hê.
• ‘n Vader wat vir ons vrye keuse gee om te kies tussen reg en verkeerd.

Ek kies Yahweh oor en oor en oor as my Eerste Liefde!!!

Ek gaan terug met ‘n hart vol dankbaarheid….. Donderdag! Ons vlieg Donderdag oggend en land Donderdag aand. AJ het nog net drie sessies proton terapie oor!?!

02/07/2025

AJ het sy MRI gehad en ons het nou net die dokter gesien. Ons het baie goeie nuus gekry..... Die behandeling het 'n merkwaardige verandering gemaak, AJ het nog net tot volgende Donderdag proton sessies. Prys die Here! My emosies is amper te veel vir my op die oomblik ek weet nie of ek moet huil, huppel of skree nie?! AJ is in die sewende hemel, mens besef nou eers hoe belangrik dit vir hom is dat die resultate goed moet wees.
Links is die eerste MRI en regs die nuwe een. Die tumor het van 2.15 cm na 1.55cm gekrimp.
Dokter Uday sê die enigste hartseer is dat ons AJ nie vroeër gebring het nie. Ek gaan alles in my vermoë doen dat meer mense van Proton terapie weet. Omdat ons dit nie in SA het nie word die pasiënte glad nie ingelig dat dit 'n opsie is nie en alhoewel dit baie duur is, is dit nie onmoontlik nie.

30/06/2025

Vandag is ’n moeilike dag.
Om te sien hoe AJ sy hare verloor agv protonterapie het emosies na vore gebring wat ek nie verwag het nie. Ons stap hierdie pad al immers vir meer as 10 jaar en hy het al sy sig verloor in die tyd, maar dit gaan nie net oor die hare nie—dit gaan oor wat dit voorstel. Die werklikheid van behandeling. Die krag wat AJ gedwing word om te hê, ja hy is my ysterman, maar hierdie bly baie vir 'n kind. Die stukkies kinderjare wat stilweg gesteel word deur siekte.
Ons weet die hare sal weer groei, maar op hierdie oomblik maak dit seer.
En ek verlang sommer net vrek baie vandag.
Hou hom asseblief in julle gedagtes en gebede terwyl hy hierdie dapper stryd voortsit.

27/06/2025

Psalm 27:1
The Lord is my light and my salvation; whom shall I fear? The Lord is the stronghold of my life; of whom shall I be afraid?

Address

Marina Beach Road,Marina Beach,Mylapore

600004

Website

facebook.com

Alerts

Be the first to know and let us send you an email when Reis in Geloof saam AJ posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Health & Beauty Business?

Country:

City: