https://www.facebook.com/100203722246394/

Prime Marathi, Ramtirtha, Daryapur (2026)

13/10/2026

कौशल्य, भांडवल आणि तंत्रज्ञान यांची सांगड घालणारी सक्षम गुंतवणूक परिसंस्था महाराष्ट्रात उपलब्ध असून, यूकेमधील संस्था आणि उद्योजकांनी महाराष्ट्रात गुंतवणूक करावी, असे आवाहन मुख्यमंत्री देवेंद्र फडणवीस यांनी मुंबईतील ताज पॅलेस येथे आयोजित महाराष्ट्र-यूके भागीदारी शुभारंभ कार्यक्रमात केले.

महाराष्ट्र आणि यूकेदरम्यान विविध क्षेत्रांतील सहकार्य वाढविण्यासाठी सामंजस्य करारांचे आदानप्रदान करण्यात आले. या भागीदारीमुळे महाराष्ट्रातील उत्पादक, अन्नप्रक्रिया उद्योग, तंत्रज्ञान कंपन्या आणि लघुउद्योजकांना ब्रिटनमधील बाजारपेठांमध्ये विस्ताराच्या संधी उपलब्ध होतील. ही भागीदारी प्रत्यक्ष गुंतवणूक, उद्योगवाढ आणि रोजगारनिर्मितीला चालना देणारी ठरेल, असा विश्वास मुख्यमंत्री फडणवीस यांनी व्यक्त केला.

13/10/2026

जम्मू आणि काश्मीरच्या पूंछ जिल्ह्यात नियंत्रण रेषेवरून (LOC) घुसखोरी करण्याचा प्रयत्न करत असताना झालेल्या सुरुंग स्फोटात लष्कर-ए-तोयबाच्या एका प्रमुख कमांडरसह चार दहशतवादी ठार झाल्याची माहिती समोर आली आहे. जम्मू-काश्मीरमधील कृष्णा घाटी सेक्टरमधील सतवाल नाकी परिसरात हा स्फोट झाला. या स्फोटात चार दहशतवादी ठार झाले आहेत.

मृतांमध्ये लष्कर-ए-तोयबाचा वरिष्ठ कमांडर मोहम्मद फैजान याचा समावेश आहे. तसेच मोहम्मद फैजानसह आणखी तीन दहशतवादी ठार झाल्याची माहिती समोर आली आहे. घुसखोरी रोखण्यासाठी सुरक्षा व्यवस्थेचा भाग म्हणून त्या ठिकाणी सुरुंग ठेवण्यात आलेले होते. नियंत्रण रेषा ओलांडण्याचा प्रयत्न करताच या भूसुरुंगाचा स्फोट झाला आणि त्यात चारही घुसखोर जागीच ठार झाले आहेत. या संदर्भातील वृत्त इंडिया टुडेनी दिलं आहे.

दरम्यान, या चारही दहशतवाद्यांची ओळख मोहम्मद इश्तियाक, मोहम्मद फैजान, वकास आणि असीम अशी पटली आहे. ही घटना सोमवारी पुंछ जिल्ह्यातील सतवाल-नाकी परिसरात घडली आहे. या भागात घुसखोरी रोखण्यासाठी सुरक्षा दलांनी नियंत्रण रेषेवर कडक पहारा तैनात केला आहे. स्फोटाची घटना घडल्यानंतर आता सुरक्षेबाबत अधिक सतर्कतेचा इशारा देण्यात आला आहे.

13/10/2026

बांगलादेशच्या माजी हंगामी सरकारचे प्रमुख आणि नोबेल पारितोषिक विजेते मोहम्मद युनूस यांना अमेरिकेत अनिवासी बांगलादेशी नागरिकांच्या प्रचंड रोषाला सामोरे जावे लागले आहे. न्यूयॉर्कमधील जॉन एफ. केनेडी आंतरराष्ट्रीय विमानतळावर दाखल होताच प्रवाशांच्या एका गटाने त्यांच्याविरोधात घोषणाबाजी केली. संतप्त नागरिकांनी युनूस यांचा थेट "दहशतवादी" असा उल्लेख करत, त्यांच्यावर बांगलादेशमध्ये शेकडो सामान्य नागरिकांच्या हत्येचा गंभीर आरोप केला.

13/10/2026

दिल्लीतील रामलीला मैदान आंदोलनांसाठी नवं ठिकाण म्हणून निश्चित करण्यात आलं आहे. मैदानाच्या बुकिंगसाठी दिवसाला ₹1.21 लाख शुल्क आकारलं जाणार आहे. 2026 मधील बुकिंग जवळपास पूर्ण झालं असून, 29, 30 आणि 31 डिसेंबर या केवळ 3 तारखा उपलब्ध असल्याची माहिती आहे.

13/10/2026

सोमवारी ऑक्टोबर महिन्यात उन्हाचा चांगलाच चटका जाणवला. सांताक्रूझ येथे कमाल तापमान ३८.२ अंश सेल्सिअस नोंदवण्यात आले. हे तापमान सरासरीपेक्षा ५.१ अंशांनी अधिक आहे. तर कुलाबा येथे कमाल तापमान ३६.५ अंश सेल्सिअस नोंदवले गेले. ते सरासरीपेक्षा ३.९ अंशांनी जास्त होते. तर रत्नागिरीमध्येही उष्णतेचा तडाखा कायम आहे. सोमवारी येथे कमाल तापमान ३९.२ अंश सेल्सिअस नोंदवण्यात आले.

13/10/2026

🙏🌺आई एकविरा माऊली🌺🙏

12/10/2026

गरब्याचा ताल आणि सामाजिक बांधिलकीची साथ!

आमदार रविंद्र चव्हाण यांच्या संकल्पनेतून साकारलेल्या 'नमो गरबा' महोत्सवाला सावळाराम क्रीडा संकुलात दणक्यात सुरुवात झाली. संकटात सापडलेल्या आपल्या बळीराजाला आधाराचा हात देत ५१ लाखांच्या मदतीची महत्त्वपूर्ण घोषणा यावेळी करण्यात आली.

12/10/2026

भारतात सुरू असलेल्या आंदोलनांना परदेशातून निधी पुरवला जात असून, भारतातबांगलादेश आणि नेपाळसारखे वातावरण निर्माण करण्याचा प्रयत्न केला जात आहे. या प्रयत्नांना बाहेरूनच प्रेरणा दिली जात आहे, असा मोठा दावा ज्येष्ठ वकील आणि भारताचे माजी सॉलिसिटर जनरल हरीश साळवे यांनी केला आहे.

नेपाळमधील गडबड कोणी घडवून आणली याबद्दल काही शंका आहे का? श्रीलंकेतील गडबड कोणी घडवून आणली याबद्दल काही शंका आहे का? बांगलादेशातील गडबड कोणी घडवून आणली? शेख हसीना यांना पदावरून हटवून स्वतःच्या पंतप्रधानांना कोणी बसवले? हे सर्व बाहेरील शक्तींकडून घडवून आणले जात आहे आणि ते भारतातही तशीच परिस्थिती निर्माण करण्याचा प्रयत्न करत आहेत, असे हरीश साळवे यांनी म्हटले आहे.

12/10/2026

झारखंडमधील पारसनाथ टेकडी परिसरात नक्षलवाद्यांविरोधात सुरू असलेल्या शोध मोहिमेदरम्यान गिरिडीह पोलीस आणि केंद्रीय राखीव पोलीस दलाला (CRPF) मोठे यश मिळाले आहे. पीरटांड पोलीस ठाण्याच्या हद्दीतील जिरवाबेदा जंगलातून सुरक्षा दलांनी एक केन बॉम्ब, ग्रेनेड तयार करण्यासाठी वापरले जाणारे लोखंडाचे ३८ अर्धवट तयार शेल्स आणि अन्य साहित्य जप्त केले. गुप्त माहितीच्या आधारे राबवलेल्या या संयुक्त मोहिमेमुळे संभाव्य घातपाती कारवाया रोखण्यात यश आल्याचे पोलिसांनी सांगितले.

12/10/2026

अमेरिकेच्या टेक इंडस्ट्रीमध्ये स्थानिकांना अधिक संधी मिळाव्यात आणि मेक अमेरिका ग्रेट अगेन स्ट्रॅटजीचा भाग म्हणून डोनाल्ड ट्रम्प प्रशासनाने मागच्या आठवड्यात एक मोठा निर्णय घेतला. या निर्णयामुळे TCS, Infosys, Wipro, HCL Technologies, Cognizant, Microsoft, Capgemini आणि Adobe यांसारख्या कंपन्यांशी संबंधित परदेशी कर्मचाऱ्यांच्या ग्रीन कार्ड साठीची PERM प्रक्रिया स्थगित करण्यात आली. मात्र, या निर्णयाचा फटका केवळ भारतीय IT कंपन्यांनाच नव्हे, तर अमेरिकेच्या टेक इंडस्ट्रीलाही बसू शकतो, असा दावा विश्लेषकांनी केला आहे.

Prime Marathi

13/10/2026

13/10/2026

13/10/2026

13/10/2026

13/10/2026

13/10/2026

12/10/2026

12/10/2026

12/10/2026

12/10/2026

Address

Website

Alerts

Shortcuts

Share

Category

Listing takedown request