Medical Nutrition & Treatment in India

Medical Nutrition & Treatment in India Contact information, map and directions, contact form, opening hours, services, ratings, photos, videos and announcements from Medical Nutrition & Treatment in India, Nutritionist, Hyderabad.

محمد المصطفى صيدلي مهتم بتقديم خدمات العلاج والتنسيق الطبي في الهند 🇮🇳. ومهتم بالتغذية العلاجية وكتابة المحتوي الطبي و lifestyle modification. نربطكم بأفضل المستشفيات ونقدم استشارات دوائية وغذائية مجانية مرافقة لخطتكم العلاجية.

ألف مبروك للفائزين 🌹🌹د. محمد المصطفى يهنئكم بالفوز المستحق بزيت التبلدي شاركونا تجاربكم وتابعونا للمزيد...اتواصلو ع الخا...
23/05/2026

ألف مبروك للفائزين 🌹🌹
د. محمد المصطفى يهنئكم بالفوز المستحق بزيت التبلدي
شاركونا تجاربكم وتابعونا للمزيد...
اتواصلو ع الخاص للاستلام.

الفائزين في اول تعليق تاقوهم ياريت الاستلام يكون في اقرب فرصة وارجعو اكتبو لينا عن تجربتكم مع زيت القنقليز في البوست ده بعد اسبوع.

حابين البوست الجاي اتكلم ليكم عن شنو ⁉️

ودمتم بخير وعافية.


90% من السودانيين بياكلوا الفول السوداني بطريقة خاطئة ‼️انت عارف انه قشرة (اللونها طوبي) الفول السوداني بتحتوي علي أعلي ...
19/05/2026

90% من السودانيين بياكلوا الفول السوداني بطريقة خاطئة ‼️

انت عارف انه قشرة (اللونها طوبي) الفول السوداني بتحتوي علي أعلي مستويات من مضادات الأكسدة مقارنة ببقية الأجزاء ❗.

امسك القوية الفول السوداني المحمص بقشره بيحتوي علي مضادات أكسدة اكتر من الموجودة في التوت الأزرق او البلوبيرز (blueberries)❗ وده معروف برا السودان اكتر ختيت ليك صورته علي يدك اليمين.

ينتمي الفول السوداني (Arachis hypogaea ) إلي فصيلة البقوليات وبقولوا موطنه الأصلي أمريكا الجنوبية رغم انه اسمه الفول السوداني عكس الصمغ السوداني طبعا.. عنده اسامي كتيرة منها جوز الأرض وجوز التراب وغوبرز.

رغم انه اسمه الفول السوداني ماعنده علاقة بالمكسرات الشجرية وبصفته من البقوليات يرتبط ارتباطا وثيقا بالعدس والفاصوليا وفول الصويا.

في الولايات المتحدة يستخدم الفول السوداني ومشتقاته زي زيته ودقيقه وبروتينه في إعداد الحلويات والوجبات الخفيفة والصلصات.

يعد الفول السوداني مصدرًا غنيًا بالبروتين والعناصر الغذائية والألياف والمعادن وكمان غني بمضادات الأكسدة (ودي مواد بتحمي الخلايا من التلف وبتساعد في الوقاية من العديد من الأمراض) وكالعادة ح اخلي ليك القيمة الغذائية لي 100 جرام من الفول السوداني في اول تعليق (تقريبا 3 اكياس مرارو).👇🏼

الدهون في الفول السوداني

يحتوي الفول السوداني علي نسبه عالية من الدهون حوالي 49% (دهون احادية ومتعددة غير مشبعة معظمها من حمضي الأوليك واللينوليك اقرا اكتر عنهم في بوست زيت القنقليز موجود في الصفحة) ومصنف من ضمن البذور الزيتية.

بروتينات الفول السوداني

الفول السوداني مصدر ممتاز للبروتين النباتي(حوالي 22% لي 30% من إجمالي سعراته الحراريه).

أغلبية البروتينات عبارة عن الأراكين (arachin) والكوناراكين(conarachin) ممكن تكون مسبب قوي للحساسية عن بعض الناس(ما شرط تتولد بيها ممكن بعد سنين طويلة وانت بتاكله عادي تظهر فجأه من غير مقدمات) وتكون مهددة للحياة.

الكربوهيدرات

الفول السوداني منخفض الكربوهيدرات لا تتجاوز نسبتها حوالي 13% لي 16% من إجمالي وزنه.

نسبة لانخفاض الكربوهيدرات وارتفاع محتواه من البروتين والدهون والألياف فإن الفول السوداني يتمتع بمؤشر جلايسيمي(GI) منخفض جدا(ده مقياس سرعة دخول الكربوهيدرات لمجري الدم بعد تناول الوجبات) وده بخليه خيار مناسب جدا لمرضي السكري.

فوائد الفول السوداني 👇🏼

✅صحة القلب Heart health

اغلب الناس عارفه انه الجوز واللوز صحية للقلب لانها بتحتوي علي نسبة عالية من الدهون غير المشبعة(unsaturated fats) لكن الأبحاث بتقول أن الفول السوداني مفيد لصحة القلب زيو وزي المكسرات الغاليه❗.

يحتوي الفول السوداني علي الأحماض الدهنية الأحادية والمتعددة غير المشبعة بالإضافة إلي الألياف والستيرولات النباتية .. تساعد هذه المكونات الصحية علي تقليل خطر الإصابة بأمراض القلب عن طريقة خفض مستويات الكوليسترول الضار(LDL) وضغط الدم‼️.

وكمان بتساعد علي منع تكون الجلطات الدموية التي تسبب نوبة قلبية أو سكتة دماغية وبرضو بقلل من الالتهابات في الجسم التي ترتبط بأمراض القلب.

✅إنقاص الوزن Weight loss 🏋

دي حاجة عكس المعروف عن الفول السوداني لو اتناولته بكميات معتدلة (زي 30 جرام يوميا كيس مرارو واحد تقريبا) بساعد علي إنقاص الوزن لانه غني بالبروتين والالياف ويساعد علي الشعور بالشبع فترات اطول قبل الوجبه وبزيد معدل حرق السعرات الحرارية.

الفول السوداني في المرتبة التانية بعد اللوز من حيث محتوى البروتين ❗️.

وقد أظهرت الدراسات أن ادراج كمية معتدلة👀 من الفول السوداني في نظامك الغذائي لا يسبب زيادة في الوزن بل يساعد علي إنقاص وزنك.(يساعدك علي الشعور بالشبع لفترة أطول بقهمك).

أشارت دراسة صغيرة استمرت لمدة 6 أشهر وشملت نساء يتمتعن بصحة جيدة ،إلي أنه عن استبدال مصادر الدهون الأخري في نظام غذائي منخفض الدهون بالفول السوداني فقد المشاركات 3 كيلوجرامات من وزنهن❗️، وذلك رغم تلقيهن تعليمات بالحفاظ علي أوزانهن الأولية.

✅إطالة العمر Longer lifespan (الاعمار بيد الله)

تناول الفول السوداني يساعد علي تحسين صحتك لانه يحتوي علي مضاد الأكسدة أنزيم (Coenzyme Q10 ) وده بتحتاجه الخلايا للتكاثر والحفاظ علي صحتها (اساسي جدا في كل بروتوكولات ضعف الخصوبة والحقن المجهري للرجال والنساء وبساعد علي تحسين جودة البويضات والحيوانات المنوية).

وكمان بيحتوي علي جميع الأحماض الأمينية الأساسية العشرين ❗️🏋 والخبراء بشوفو انه المركبات دي تساعد في الوقاية من الأمراض وتعزيز الصحة.

وقد أظهرت دراسة واسعة النطاق أن الأشخاص الذين تناولوا بانتظام أي نوع من المكسرات( بما في ذلك الفول السوداني) كانو أقل عرضة للوفاة بنسبة 20% بالأشخاص الذين لم يتناولوا المكسرات.

✅تقليل خطر الإصابة بمرض السكري Lower diabetes risk

زي ما ذكرنا الفول السوداني من الأطعمة ذات المؤشر الجلايسيمي المنخفض.. يعني تناوله لا يسبب ارتفاعا مفاجئا في مستويات سكر الدم.

وتشير الدراسات إلي أن تناول الفول السوداني قد يقلل من خطر الإصابة بمرض السكري من النوع الثاني لدي النساء المعرضات لخطر الإصابة بهذا المرض.

✅الحد من الالتهابات Reduce inflammation

تلعب الالتهابات دورا في الإصابة بحالات مرضية زي أمراض القلب والسكري من النوع الثاني وأنواع معينة من السرطان.. ويتميز الفول السوداني باحتوائه علي نسبة عالية من مضادات الأكسدة والدهون غير المشبعة والألياف وغيرها من المواد التي تعمل علي الحد من الالتهابات في جميع أنحاء الجسم.

وتظهر الدراسات أن الأشخاص الذين يتناولون الفول السوداني وزبدة الفول السوداني(الدكوة) تظهر لديهم مستويات أقل من مؤشرات الالتهاب مثل البروتين التفاعلي(C-reactive protein) والإنترلوكين -6 (Interleukin-6).

✅الوقاية من السرطان Cancer prevention

الكمية الكبيرة من مضادات الأكسدة والمركبات النباتية الكيميائية الموجودة في قشرة الفول السوداني ❗️ بتساعد في الوقاية من السرطان لو حابي اجهز ليك بوست دسم عن قشرة الفول السوداني اكتب كلمة (قشرة) في التعليقات وأعمل لايك للصفحة علشان يصلك البوست. 👇🏽

مركب ريسفيراترول(Resveratrol) (ح اتكلم بالتفصيل عنه في بوست "قشرة" الفول السوداني) وده أحد المركبات النباتية الموجودة في الفول السوداني عنده فوائد وقائية ضد عدة أنواع من السرطان.

وبالنسبة لكبار السن قد يساعد تناول الفول السوداني وزبدة الفول السوداني(الدكوة انتاج السنة طبعا) في تقليل خطر الإصابة بنوع معين من سرطان المعدة يُعرف باسم السرطان الغدي غير الفؤادي(Gastric noncardia adenocarcinoma).

✅الوقاية من مرض الزهايمر Alzheimer's prevention

يحتوي الفول السوداني علي نسب عالية من مادة ريسفيراترول وفيتامين E وفيتامين النياسين وديل كلهم بوفروا حماية ضد الإصابة بمرض الزهايمر(يعني وجبة نص ممتازة للناس الكبار وكمان الاطفال).
بخصوص فيتامين E وجد أن الفائدة المعرفية(الذهنية) الناتجة عنه بتكون أفضل عند الحصول عليه من مصادر غذائية طبيعية مثل الفول السوداني ‼️وليس من خلال المكملات الغذائية.(مفيد جدا لصحة البشرة والشعر).

وفي إحدي الدراسات .. سجلت درجات أعلي في اختبارات الوظائف الذهنية لدي كبار السن الذين تناولوا المكسرات (وكان معظمها من الفول السوداني) يوميا، مقارنة بمن لم يتناولوا المكسرات.

✅صحة المرارة Gallbladder health

يساعد تناول الفول السوداني بصورة يومية علي حماية المرارة(العضو المسؤول عن إنتاج وإفراز السائل الهضمي "العصارة الصفراوية")

تصيب حصوات المرارة مايقرب من 10% إلي 25% من البالغين في الولايات المتحدة ‼️.

وتشير دراستان قائمتان علي الملاحظة إلي أن الاستهلاك المتكرر للفول السوداني يقلل من خطر الإصابة بحصوات المرارة لدي كل من الرجال والنساء.

لأن معظم حصوات المرارة تتكون بشكل أساسي من الكوليسترول،فإن تأثير الفول السوداني في خفض مستويات الكوليسترول قد يكون هو السبب وراء هذا التأثير الوقائي.

المحتوي الغذائي للفول السوداني 👇🏼

☑️البيوتين Biotin او Vitamin B7

الفول السوداني من أغنى مصادر البيوتين عنصر مهم جدا خلال فترة الحمل ويحسن من عملية إنتاج الطاقة في الجسم وكمان يحفز نمو بصيلات الشعر ويزيد من كثافته(ارجع لبوست الشيب المبكر لو مهتم بالفيتامينات المهمة للشعر) ومهم جدا لصحة الجلد والاظافر.

☑️النحاس Copper

عنصر غذائي نادر وغالبا منخفض عند اغلب الناس نقصه يؤدي لآثار سلبية علي صحة القلب والشيب المبكر.

☑️الفسفور Phosphorus

يدخل في بناء العظام والأسنان والحمض النووي(DNA) ،(RNA) وتوليد الطاقة والصحة الجنسية.

☑️النياسين Niacin

يعزز صحة القلب ويقي من تلف خلايا الدماغ ويحافظ علي خلايا الجلد.

☑️الفولات Folate او Folic Acid

مهم جدا لإنتاج خلايا الدم الحمراء ومساعدة خلايا الجسم علي النمو والانقسام وطبعا زي ماعارفين مهم لكل من يخطط للحمل والحامل كمان.

☑️فيتامين ه Vitamin E

فيتامين E من مضادات الأكسدة بعمل علي القضاء علي الجذور الحرة (جزيئات غير مستقرة تتواجد داخل الجسم تسبب ضرر بالخلايا).

☑️المغنيسيوم Magnesium

يعني حبة فول مع حبة نبق(سدر) للناس العندهم ارق ممتاز جدا .

تعتمد العديد من العمليات الحيوية في الجسم علي المغنيسيوم بدءا من تنظيم مستويات السكر وضغط الدم لحدي إنتاج البروتين ودعم وظائف العضلات والأرق.

☑️الأرجينين Arginine

هو حمض أميني يعد وحدة البناء الأساسية للبروتين داخل الجسم ويساعد علي إنتاج أكسيد النيتريك، وهو غاز يوسع الأوعية الدموية لتحسين تدفق الدم، يُستخدم كمكمل غذائي شائع في الرياضة والصحة الجنسية (في بروتوكولات الحقن المجهري وتاخر الحمل).

☑️الثيامين Thiamin

من مجموعة فيتامينات ال B ضروري لنمو خلايا الجسم ولضمان قيامها بوظائفها الحيوية علي النحو الأمثل.

☑️حمض البانتوثنيك Pantothenic acid او Vitamin B5

يساعد الجسم علي تحويل الكربوهيدرات من الطعام إلي طاقة.

☑️البيريدوكسين Pyridoxine او Vitamin B6

يحافظ علي سلامة أداء كل من الجهاز المناعي والجهاز العصبي في الجسم(ممتاز للناس السكري).

☑️حمض البارا-كوماريك p-Coumaric acid

ده واحد من مضادات الأكسدة الرئيسية الموجودة في الفول السوداني.

☑️مركب ريسفيراترول Resveratrol

(لو مهتم تعرف اكتر عنه اكتب كلمة قشرة في التعليقات لاني ح اتكلم بالتفصيل عن قشرة الفول السوداني ياربي ليييه ⁉️).

☑️الإيسوفلافونات Isoflavones

من فئة البوليفينولات المضادة للأكسدة.

☑️الستيرولات النباتية phytosterols

يحتوي زيت الفول السوداني علي كميات كبيرة من الستيرولات النباتية ودي بتعيق امتصاص الكوليسترول من الجهاز الهضمي❗️.

⛔التسمم بالأفلاتوكسين

نوع من انواع الفطر 🍄 بنتج سموم بتسبب أعراض زي فقدان الشهية واصفرار العينين(اليرقان).(مهم جدا لو ما قريت عنه ارجع في صفحتنا في بوست مفصل).

❌حساسية الفول السوداني Peanut allergy

الفول السوداني من أكثر مسببات الحساسية الغذائية شيوعا ‼️.

حساسية الفول السوداني تصيب ما يقرب من 1% من الأمريكيين.

الحساسية الخفيفة تسبب أعراض زي 👇🏼

طفح جلدي مثير للحكة.
غثيان.
تورم في الوجه.

أما حساسية الفول السوداني الشديدة ممكن تؤدي لحدوث تفاعل يهدد الحياة يعرف ب Anaphylaxis أعراضه 👇🏽

صعوبة في التنفس.
تغير في مستوي الوعي أو اليقظة.
غثيان.
قيء.
نوبات تشنجية.
ألم في الصدر.
تورم في اللسان أو الوجه أو الشفتين.
نعاس شديد.
دوخة أو ارتباك أو شعور بخفة الرأس.

(اعتقد انه الناس العندهم حساسية من الفول السوداني او زيته في السودان نسبة قليلة.. بتعرفو ناس في محيطكم بتحسسوا منه ⁉️).

تفتكر افضل طريقة للاستفاده من القيمة الغذائية العالية للفول السوداني شنو ⁉️

تجميع المصادر والترجمة الطبية بتاخد مني وقت طويل جدا بتصل لأيام آحيانا..فما تبخل بمشاركة البوست في قروباتك النشطة واكتب كلمة (قشرة)❗في تعليق وأعمل لايك للصفحة علشان يصلك كل جديد..
ودمتم بخير وعافية.


بعد نزلت بوست زيت القنقليز جاتني رسايل كتيرة بتلقي وين ⁉️ف من باب نشر ثقافة منتجاتنا العضوية الفعالة وافضل بكتير من كريم...
07/05/2026

بعد نزلت بوست زيت القنقليز جاتني رسايل كتيرة بتلقي وين ⁉️

ف من باب نشر ثقافة منتجاتنا العضوية الفعالة وافضل بكتير من كريمات البوتيكات والخلطات المضرة وفرت ليكم زيت القنقليز (التبلدي) baobab oil المعصور علي البارد ك هدية 🎁 للمتابعين 5 أشخاص..
وعملت ليكم مسابقة خفيفة كده.. ومنها تعريف بي انا منو وبقدم شنو ⁉️

شروط المسابقة خفيفة 👇🏽

✅️بشرتك ما تكون حساسة(لانه المسابقة عبارة عن دراسة سريعة كده لفوائد زيت القنقليز الاتكلمنا عنه).

✅️تلتزمي بالمسح صباح(لومابتتعرضي للشمس) ومساء علي بشرة نظيفة وتتجنبي النار بقدر الامكان اومساء بس لو بتتعرضي للشمس فترة الصباح.

✅️تعملي اختبار الحساسية قبل الاستخدام زي ما ذكرنا في بوست زيت القنقليز لازم.
✅️تعملي مشاركة لبوست زيت القنقليز وشجرة الخصوبة وبوست فوائد السدر في قروبين نشطات تتاقي 5 من صحباتك في البوست ده
✅️وبعد اسبوع شرط اسااسي تجي في نفس البوست ده تكتبي تجربتك مع الزيت .
وبس ودمتم بخير وعافية.

🎁 🎁🎁🎁🎁🎁🎁🎁

💊 محمد المصطفى
صيدلي مهتم بتقديم خدمات العلاج والتنسيق الطبي في 🇮🇳 الهند.

مهتم بالتغذية العلاجية وكتابة المحتوى الطبي.
بنربطكم بأفضل المستشفيات في الهند، وبنقدم:👇

✔️ استشارات دوائية مجانية
✔️ أنظمة غذائية مخصصة لكل حالة
✔️ متابعة طبية مرافقة لخطة العلاج

📌 قروب خاص للأمهات والناس العندهم مشاكل في:👇

▫️ الخصوبة
▫️ اللحميات
▫️ الأورام الليفية
▫️ مشاكل بطانة الرحم (الضعيفة والسميكة)
▫️ الخلايا الجذعية
▫️ العلاج بالبلازما للمبايض وبطانة الرحم
▫️ تكيس المبايض
▫️ صعوبة نزول الوزن
▫️ نظام غذائي خاص بكل مرحلة من مراحل الحقن المجهري والحمل

◽زراعة الكبد الكلي وكل انواع العمليات الجراحية

ألف مبروك للفائزين 🌹🌹د. محمد المصطفى يهنئكم بالفوز المستحق بزيت التبلدي شاركونا تجاربكم وتابعونا للمزيد...اتواصلو ع الخا...
02/05/2026

ألف مبروك للفائزين 🌹🌹
د. محمد المصطفى يهنئكم بالفوز المستحق بزيت التبلدي
شاركونا تجاربكم وتابعونا للمزيد...
اتواصلو ع الخاص للاستلام.

ح أحوال اوفر ليكم بذور الروزماري (إكليل الجبل) Rosemary بقولو للطبيخ رهيب جربتو⁉️..
وللشعر بطول وبكثف لو مهتمة اكتبي روزماري في التعليقات ✅️✅️

ودمتم بخير وعافية.


دي شجرة شنو ⁉️طبعا اكيد ما صباح خير ..
29/04/2026

دي شجرة شنو ⁉️

طبعا اكيد ما صباح خير ..

28/04/2026

"عدنا والعود أحمد" ♥️♥️
مطار الخرطوم الدولي ✌🏽
الحمد لله كل الشكر لقوات شعبنا المسلحة ...

من تجارب الناس .. ماتنسي اقرا البوست كامل والتعليقات وشير مع غيرك ودمتم بخير وعافية.
25/04/2026



من تجارب الناس .. ماتنسي اقرا البوست كامل والتعليقات وشير مع غيرك
ودمتم بخير وعافية.

🌿 **من شجرة الهشاب… لحدي الصمغ السوداني الجاهز للاستخدام!** 🇸🇩✨عارف إنو الصمغ السوداني دا كنز طبيعي حقيقي؟ 🤔تعال نشوف رح...
23/04/2026

🌿 **من شجرة الهشاب… لحدي الصمغ السوداني الجاهز للاستخدام!** 🇸🇩✨

عارف إنو الصمغ السوداني دا كنز طبيعي حقيقي؟ 🤔
تعال نشوف رحلتو البسيطة:

🌳 بيبدأ من شجرة الهشاب في السودان
💧 بطلع كدموع من الشجرة
🧺 بيتجمع ويتنضف ويتفرز
🧪 بعد داك بيتصفّى ويتنقّى
🔥 وبالنهاية بيتحول لبودرة جاهزة (بالتجفيف بالرش)

✨ **والنتيجة؟**
منتج طبيعي 100%، آمن، ومفيد في حاجات كتيرة 👇

💊 في الطب:
• بستخدم كمادة رابطة في الأدوية
• مفيد لصحة الجهاز الهضمي

🥤 في المشروبات:
• بيثبت الطعم والشكل
• بدي قوام ممتاز

🍬 في الحلويات:
• بمنع تبلور السكر
• بحسن القوام والطعم

🌱 **الخلاصة:**
الصمغ السوداني = طبيعي 🌿 + نباتي 🌱 + آمن 💚 + استخداماتو كتيرة

🔥 **فخر الصناعة السودانية**

ليه أغلب خبراء التجميل بدأوا يتكلموا عن زيت القنقليز (baobab oil) فجأة⁉️السر في الفوائد الرهيبة.. وده تكملة لبوست شجرة ا...
21/04/2026

ليه أغلب خبراء التجميل بدأوا يتكلموا عن زيت القنقليز (baobab oil) فجأة⁉️

السر في الفوائد الرهيبة.. وده تكملة لبوست شجرة الخصوبة بتلقي مثبت في الصفحة ارجع ليه بفيدك.

يستخرج زيت القنقليز (الحبحبوه زي مابسموه في السعودية) عن طريق العصر البارد للبذور وهو زيت خفيف لونه أصفر ذهبي يستخدم في الطبيخ والعناية بالشعر والبشرة.

لو بشرتك حساسة او اول مرة تستخدمي زيت القنقليز ممكن يهيج بشرتك او حتي فروة رأسك .. قبل الاستخدام اعلمي اختبار البقعة (Patch Test) اخدي كمية بسيطة من الزيت ختيه في المنطقة الداخلية للمرفق (بطن الكوع) وانتظري 24 ساعة لو مافي احمرار او حكة كده الزيت آمن ليك.

زيت القنقليز غنى بالأحماض الدهنية (omega-3 fatty acids) ودهون تانية زي :👇🏼

☑️حمض البالمتيك (palmitic acid).

☑️حمض الأوليك (oleic acid).

☑️حمض اللينولينيك (linolenic acid).

☑️حمض اللينوليك (linoleic acid).

حمض اللينوليك واللينولينيك من أكتر الأحماض الدهنية إستخداما في منتجات العناية بالبشرة ومستحضرات التجميل وكمان منتجات العناية بالشعر حول العالم .

زيت الحبحبوه يرطب البشرة ويعالجها ويهدئها ويمنحها اشراقة صحية متكاملة .(نوره🧕🏼).

فوائد زيت التبلدي:👇🏼

1️⃣ الترطيب العميق وإمداد البشرة بالرطوبة لانه مادة طبيعية ملينة تساعد علي حبس الرطوبة داخل البشرة يعد زيت التبلدي خيارا ممتازا للبشرة الجافة .

المحتوي العالي من أحماض أوميغا الدهنية يساعد في الحفاظ علي الحاجز الدهني الواقي للبشرة بشتغل ك قفل 🔐 يمنع فقدان الرطوبة ❗️وده بخلي البشرة ناعمة ونضرة.

زيت القنقليز خفيف مقارنة بزيت الزيتون وزيت جوز الهند و ده بخلي امتصاصه اسرع ومناسب للبشرة الجافة والدهنية والبشرة المعرضه لحب الشباب.

2️⃣ تجديد البشرة وعلاجها

زيت القنقليز معروف بخصائصه التجديدية القوية .. التي تزيد معدل تجديد خلايا البشرة وإصلاح الانسجة المتضررة .

كمان غني جداا بجوهرة العناية بالبشرة اللهو فيتامين C القادر علي تحفيز إنتاج الكولاجين ❗وتقليل ظهور الخطوط الدقيقة والتجاعيد والمحافظة علي بشرة مشدودة ذات مظهر شبابي .

وبرضو زيت القنقليز عنده خصائص مضادة للألتهاب وده بخليه مفيد جدا لتهدئة البشرة المتهيجة وتخفيف الاحمرار وعلاج الشوائب والبثور.

✅ كشفت إحدي التجارب السريرية أن زيت الباوباب يساعد في تحسين حالة حب الشباب عند بعض الأشخاص وده بسبب احتوائه علي نسبة عالية من حمض اللينوليك.(نوع من الأحماض الدهنية أوميغا -3 يتميز بخصائص مضادة للالتهابات).

3️⃣ الوقاية من الشيخوخة المبكرة

(ممكن تكون بسبب شمسنا الحراقة الغبار او بوهيات المهندس).

يساعد محتوي زيت الباوباب من مضادات الأكسدة والتراكيز العالية من فيتامين C وE علي حماية البشرة من الأشعة فوق البنفسجية ومن الإجهاد التأكسي الناتج عن الجذور الحرة (البتخلي علامات الكبر المبكر تظهر زي التجاعيد والخطوط الدقيقة وتفقد الجلد مرونته).

4️⃣ تحسين مرونة البشرة وشدها

لانه غني بالفيتامينات وأحماض أوميغا الدهنيه فهو مثالي جدا لتحسين مرونة البشرة وزيادة شدها.

الاستخدام المنتظم للزيت يعزز المرونة الطبيعية للجلد ويساعد علي التقليل من الترهل وشدة البشرة المرتخية.(مناسب جدا للترهل بعد نزول الوزن والولادة).

5️⃣ تهدئة البشرة الحساسة والمتهيجة

الستيرولات النباتية (Phytosterols ) تساهم في تحسين وظيفة حاجز البشرة وتتمتع بخصائص مضادة للالتهاب ومخففة للتهيج.. وده بخليه مناسب جدا في حالات زي الإكزيما والصدفية.

وكمان طبيعته اللطيفة تضمن عدم انسداد المسام وبساعد علي منع ظهور حب الشباب وتوفير الترطيب الكافي للبشرة المعرضة له.

وبرضو عنده خصائص مضادة للفطريات(علاج و وقاية من القشرة ❗️) والبكتيريا.

6️⃣ إصلاح البشرة

التراكيز العالية من فيتامين هـ (Vitamin E) وأحماض أوميغا الدهنية تعمل علي تعزيز إصلاح البشرة وتفتيح التصبغات‼️ (امانة ما تعبت معاي) بشكل ملحوظ مما يؤدي إلي توحيد لون البشرة وكمان ملمسها مع الاستخدام المنتظم.

7️⃣ تسريع عملية التئام الجروح وشفاء الجلد والحد من الالتهابات.(كورتيزون طبيعي ❗).

زيد علي كده 👇🏼

✅مضاد للبكتيريا.
✅مضاد للفيروسات.
✅مضاد للفطريات.
✅مضادة للأكسدة.
✅مضاد للالتهابات.

طيب بعد الفوائد الرهيبة دي استعمله كيف يا دكتور❓اكتب رقم الاستخدام البهمك في البوست الاساسي✅ في صفحتنا وانا برد عليك.. وما تنسى تعمل إعجاب ومتابعة للصفحة علشان يصلك كل جديد.

ممكن تستعمله 👇🏼

1️⃣كقناع (Mask) أو مرطب (Moisturizer).

2️⃣للشعر وفروة الرأس (For Hair and Scalp).

3️⃣كبلسم للشفاه (Lip Balm).

4️⃣في ماء الاستحمام (In Bath Water).

5️⃣للأظافر والجلد المحيط بيها(الشرش) (Nails and Cuticles).


نختم بدي 👌🏽 مقوي للأظافر بشكل عام ومفيد جدا للجلد حولين الاظافر يحميه من التقشر (الشرش).. ومحتوي الحديد يعزز الدورة الدموية ويحفز نمو الأظافر 💅 ❗️.

كونك وصلت لحدي هنا أحفظ البوست لانك ممكن تحتاج ترجع ليه في اي وقت وتابع التعليقات علشان بقية طرق الاستخدام واكيد طبعا شاركه في قروباتك.

نسيت اقول ليك سعر اللتر برا ب 36.5 دولار (يعني حوالي 150 الف جنيه سوداني يعني بلدنا بخيراتها).

ودمتم بخير وعافية.


Address

Hyderabad

Website

Alerts

Be the first to know and let us send you an email when Medical Nutrition & Treatment in India posts news and promotions. Your email address will not be used for any other purpose, and you can unsubscribe at any time.

Shortcuts

Share

Category