Dr Satvik Khaddar Cancer Specialist

Directions Website

Dr Satvik Khaddar Cancer Specialist Trusted oncology insights, cancer awareness, and patient guidance.

19/09/2026

Doctor, chemotherapy ke baad vomiting toh pakki hoti hai na?” 🤢

Ye chemotherapy ko lekar bahut common fear hai. Lekin har chemotherapy mein vomiting hona zaroori nahi hai.

Vomiting ka risk chemotherapy drugs ke type, dose, combination aur patient ke individual risk factors par depend karta hai.

Aaj ke time mein effective antiemetic medicines available hain, jinke through chemotherapy-related nausea aur vomiting ko prevent ya control kiya ja sakta hai.

Ek important myth bhi yaad rakhiye:
❌ Vomiting hona chemotherapy ke effective hone ka proof nahi hai.
❌ Vomiting na hona treatment ineffective hone ka sign nahi hai.

Agar treatment ke baad nausea ya vomiting ho, toh apne oncologist ko batayein. Apne aap medicines band ya change na karein.

🎗️ Chemotherapy se dar nahi, sahi information zaroori hai.


[chemotherapy vomiting, chemotherapy nausea, chemotherapy side effects, cancer treatment, chemotherapy in Hindi, vomiting after chemotherapy, nausea after chemotherapy, antiemetics, chemotherapy myths, cancer awareness, cancer care, oncology]

17/09/2026

Alkaline water piyenge toh Cancer se bach jayenge?💧🎗️

Ye ek common health claim hai, lekin alkaline water se cancer prevent hone ka convincing scientific evidence abhi available nahi hai.

Body apne blood pH ko ek very narrow range mein naturally maintain karti hai. Isliye sirf alkaline water peene se body ko “alkaline” karke cancer prevent karne ka concept scientifically proven nahi hai.

Cancer prevention ke liye proven strategies par focus karna zyada important hai—tobacco avoid karein, healthy weight maintain karein, physically active rahein, balanced diet lein aur age/risk ke according recommended screening karayein.

Health decisions social media claims ke basis par nahi, scientific evidence ke basis par karein. 🔬

15/09/2026

Cancer treatment k dauran kai patients “natural” ya “herbal supplements” ye soch kar lete hain ki isse body ki immunity badhegi ya treatment se recovery mein help milegi.
Ek research mein paaya gaya hai ki ye supplements aapki body ko nuksaan pohoncha sakte hain, cancer k treatment k saath interfere kar sakte hain aur side effects badha sakte hain saath hi saath bleeding ka risk, kidney and liver failure ka risk bhi badhta hai. To aise kisi bhi supplement ko lene se pehle apne oncologist se zarur consult karein.

12/09/2026

Immunotherapy sabse advanced form of cancer treatments mein se ek hai, but ye kaam kaise karti hai ?
Janne ke liye is video ko poora dekhein aur zyada se zyada logon se share karein. [cancer treatment, targeted therapy, immunotherapy side effects, chemotherapy treatment, cancer surgery]

10/09/2026

Kya Bina Cigarette Smoking Ke Bhi Lung Cancer Ho Sakta Hai? Haan, Ho Sakta Hai.

Main Dr. Satvik Khaddar, Oncologist, Indore. Log aksar kehte hai - "Doctor sahab, main to kabhi beedi-cigarette nahi peeta, mujhe lung cancer kaise?"

Bina smoking ke lung cancer ke main kaaran:

1. Second-Hand Smoking - Aap nahi peete, par ghar me koi peeta hai to aap roz wo zehreela dhuaan le rahe ho.
2. Air Pollution
3. Industrial exposure
4. DNA mutations

Lakshan kya hai jo ignore nahi karna?
- 3 hafte se zyada sukhi khansi
- Awaz me badlav ya bhaari hona
- Saans lene me taklif, seeti jaisi awaz
- Balgam me khoon aana
- Bina wajah wajan kam hona

Agar ye me se kuch hai, chahe aap smoker ho ya nahi, ek baar apne doctor ko zarur dikhao.

Dr. Satvik Khaddar, Cancer Specialist, Indore
[Ye video jankari ke liye hai, kisi bhi lakshan par apne doctor se salah lein]

08/09/2026

Artifical sugar and sweetened drinks or beverages regularly consume karne se stomach cancer ka risk badh jaata hai.

Journal of Gastro Hep Advances mein published ek report ke anusar, jo log aise drinks regularly consume karte hain unmein stomach cancer ka risk 2.5 times tak badh sakta hai

[cold drink se cancer, sugar se cancer, aspartame, Stomach cancer, India, cancer treatment, cancer awareness, diet and cancer]

05/09/2026

Blood cancer se jude kaafi sare myths logon ke mann mein rehte hain. Inmein sabse common hai
- blood cancer choone se failta hai
- blood cancer ka matlab death sentence
- blood cancer mein bina bone marrow transplant ke treatment nahi hota.

Sach kya hai ? Jaanne ke liye ye video zarur dekhein aur share karein

03/09/2026

Kya Gehu Ki Roti Band Karne Se Cancer Sahi Ho Jata Hai?

Mere paas Indore clinic me aksar patient ke ghar wale kehte hai - "Doctor, humne suna hai gehu me gluten hota hai, isliye humne roti bilkul band kar di hai, ab sirf juice de rahe hai."

Main samajhta hu, aap accha karna chahte ho. Par ye soch khatarnak ho sakti hai.

1. Gehu ki roti se cancer nahi hota aur na hi roti band karne se cancer theek hota hai. Iska koi scientific saboot nahi hai. Gluten-free diet sirf unke liye hai jinhe Celiac disease hai.
2. Cancer ke ilaaj ke time sabse badi problem hai - Wajan aur Taakat ka kam hona. Roti, jo hamare yaha energy ka sabse sasta aur accha source hai, usko band karne se kamzori tezi se badhti hai.
3. Millet jaise Jowar, Bajra, Ragi acche hai, par ye gehu ki jagah le sakte hai, cancer ka ilaaj nahi hai.

Cancer me kya khana chahiye?
Ghar ka bana hua, saaf, high-protein khana. Roti + Dal + Dahi + Anda + Moong. Jo aapko hazam ho raha hai, wahi sahi hai. Kisi bhi ek cheez ko poori tarah band karne se pehle apne doctor se pucho.

Agar aapke parivar me koi cancer patient ke liye roti band karwa raha hai, to ye video unko zarur dikhao.

Dr. Satvik Khaddar, Oncologist, Indore
[Ye video sirf jankari ke liye hai, kisi bhi diet change se pehle apne doctor se salah lein]

01/09/2026

Liquid Biopsy: Cancer diagnosis aur treatment ka ek naya tool

Liquid biopsy ek blood test hai jo blood mein cancer se jude DNA (ctDNA) ya circulating tumor cells detect kar sakta hai.

Ye kuch selected patients mein treatment decisions aur disease monitoring mein madad karta hai. Lekin ye har patient ke liye nahi hota aur tissue biopsy ka replacement bhi har case mein nahi hai.

Har test ka decision patient ki condition aur cancer ke type par depend karta hai.

29/08/2026

Kya baar-baar CT scan ya PET-CT karwane se cancer badh sakta hai?

Ye cancer patients aur families ka ek common concern hai.

CT scan aur PET-CT mein radiation exposure hota hai, isliye doctors unnecessary imaging avoid karte hain. Lekin jab scan clinically necessary ho, jaise staging, treatment response assess karne ya recurrence ka evaluation karne ke liye, tab uske benefits ko potential radiation risk ke context mein dekha jaata hai.

Sirf radiation ke darr se medically necessary scan ko skip karna sahi nahi hai.

Saath hi, har patient ko baar-baar PET-CT ki zarurat nahi hoti. Follow-up imaging ka decision cancer ke type, stage, treatment aur symptoms ke basis par hota hai.

👉 Necessary CT/PET-CT cancer ko suddenly badha nahi deta; important hai ki scan appropriate indication par hi kiya jaaye.

[CT scan radiation, PET CT radiation, repeated CT scan, repeated PET CT, cancer follow up, cancer surveillance, cancer treatment, cancer myths, cancer awareness]

Address

301, NM Verge Building, Yeshwant Niwas Road
Indore
452003

Website

,

Alerts

Be the first to know and let us send you an email when Dr Satvik Khaddar Cancer Specialist posts news and promotions. Your email address will not be used for any other purpose, and you can unsubscribe at any time.

Shortcuts

Share

Category