https://www.facebook.com/132815733541701/

Kader homeopathic healing

Home
India
Kochi
Kader homeopathic healing

Call Directions Contact the business

Contact information, map and directions, contact form, opening hours, services, ratings, photos, videos and announcements from Kader homeopathic healing, Alternative & holistic health service, The Curateur, Kochi.

07/09/2026

Part 2. Author Interview: Dr. P. B. Kader.
The Book.
ഐശ്വര്യ: 🙏. രസായനം, കായകൽപ്പം, പുനരുജ്ജീവനം എന്നിവയെ ഉൾപ്പെടുത്തി വാർദ്ധക്യഅതിജീവനം അമൃതബോധം' എന്ന കൃതി രചിക്കാൻ താങ്കൾക്ക് പ്രചോദനമായത് എന്തായിരുന്നു?

മറുപടി:
മനുഷ്യന്റെ സ്വാഭാവിക ആയുസ്സ് ഏകദേശം 124 വർഷം വരെയാണെന്ന് കരുതപ്പെടുന്നു. പക്ഷേ പലർക്കും വാർദ്ധക്യാവസ്ഥ നേരത്തെ എത്തി ക്ഷയയിനം രോഗങ്ങളും ബലരഹിത യാതനകളും അനുഭവിക്കേണ്ടതായി വരുന്നു. സാധാരണ ചികിത്സകൾ പലപ്പോഴും താൽക്കാലിക ആശ്വാസം മാത്രമേ നൽകുന്നുള്ളു; ചിലപ്പോൾ അത് അകാലത്തിലെ മരണത്തിന് തന്നെയും വഴിയൊരുക്കുന്നു. സ്ഥൂലശരീരം, പ്രാണശക്തി, മനസ്സ് എന്നിവയുടെ വിഘടനമാണ് മരണം. വാർദ്ധക്യയിനം രോഗങ്ങളെ പരിഹരിക്കാനും പ്രാണശക്തിയുടെ വിഘടനത്ത പ്രതിരോധിക്കാനും ആരോഗ്യത്തോടെ ദീർഘായുസ്സ് അനുഭവിക്കാനും സഹായിക്കുന്ന മാർഗ്ഗനിർദ്ദേശങ്ങളുടെ അഭാവം കാലങ്ങളായി തന്നെ സമൂഹത്തിൽ അനുഭവപ്പെടുന്നുണ്ട്. ഇവയെ കുറച്ചെങ്കിലും പരിഹരിക്കാനാകുമോ എന്ന എളിയ അന്വേഷണമാണ് ഈ പുസ്തകത്തിന് ഇടയാക്കിയത്. കോവിഡ് 19 മഹാമാരിയുടെ വ്യാപനവും ഇതിന് പ്രേരകമായി. അതിജീവനം എന്നത് യൌവനത്തിന്റെ നിലനിൽപ്പാണ്. രാഷ്ട്രം, സമൂഹം, കുടുംബം, വ്യക്തി എന്നിവയുടെ ആഗ്രഹത്തെക്കാൾ ഉപരി 'അതിജീവനം'എന്നത് വ്യക്തിയുടെ ഒരു ആവശ്യമാണ്.

ഐശ്വര്യ:
വാർദ്ധക്യം, ആരോഗ്യം, പുനരുജ്ജീവനം, സത്യം എന്നിവയെ എല്ലാം ഉൾപ്പെടുത്തി പുസ്തകം എഴുതിയപ്പോൾ നേരിട്ട വലിയ വെല്ലുവിളികൾ എന്തൊക്കെയായിരുന്നു?

മറുപടി:
വാർദ്ധക്യത്തിൽ അതിജീവനം എന്നത് യൌവനത്തിലേക്ക് തിരിച്ചുപോകലല്ല; മറിച്ച് ആരോഗ്യകരമായ നിലനിൽപ്പാണ്. ആശയ സംഘാടനത്തിലെ മുഖ്യ വെല്ലുവിളി അവിദ്യ (Id), പാപപുരുഷൻ (Ego), സാഹചര്യം എന്നിവ തന്നെയായിരുന്നു. അമൃതബോധകലകൾ (Superego, Vital principle), അമൃതബോധം (Consciousness) എന്നിവയെ ക്കുറിച്ചുള്ള അന്വേഷണയാത്രയും ഒരുതരത്തിൽ ദുഷ്കരമായി തോന്നിയിരുന്നു.

ഐശ്വര്യ:
ഇന്നത്തെ തിരക്കേറിയ ലോകത്ത് ജീവിക്കുന്നവർക്ക് ഈ അറിവുകൾ എങ്ങനെ പ്രയോജനപ്പെടുത്താം?

മറുപടി:
സാങ്കേതികവിദ്യ, ദാരിദ്ര്യം, വർദ്ധിച്ച മാനസികസമ്മർദ്ദം, പാപപുരുഷൻ എന്നിവ ഉൾപ്പെട്ട സാഹചര്യം അകാലവാർദ്ധക്യത്തിന് കാരണമാകുന്നുണ്ട്. ശുദ്ധി, ഹിതയിനം ഭക്ഷണം, അച്ചടക്കത്തോട് കൂടിയ കർമ്മം, ലഘുവ്യായാമം, ഉറക്കം എന്നിവ ശരീരാരോഗ്യത്തിന്റെ സന്തുലിതാവസ്ഥ നിലനിർത്തും. അറിവ്, ധർമ്മം, എളിമ, അർത്ഥം, ത്യാഗകർമ്മങ്ങൾ, നന്ദി, കാരുണ്യം എന്നിവ വാർദ്ധക്യത്തെ സമാധാനകരമാക്കും, തൃപ്തികരവുമാക്കും.

ഐശ്വര്യ:
പാപപുരുഷൻ, പ്രേതോർജ്ജം, പുനർജന്മം എന്നിവയെ ക്കുറിച്ചും പുസ്തകത്തിൽ പ്രതിപാദിക്കുന്നുണ്ടല്ലോ. പ്രേതോർജ്ജത്തെ ക്കുറിച്ച് പറയാമോ? ഇത് ഒരു ഗൂഡവാദ ഭാവനായിനം കൃതിയാണോ?

മറുപടി:
സൃഷ്ടി, സംഹാരം, സ്ഥിതി എന്നിവ പ്രകൃതിയുടെ സ്വഭാവങ്ങളാണ്. സംഹാരം, അതായത് മരണം സംഭവിക്കുമ്പോൾ സ്ഥൂലശരീരം, പ്രാണശക്തി, മനസ്സ് എന്നിവ ഉൾപ്പെട്ട കാര്യശരീരം വിഘടിക്കും. ബാഹ്യമനസ്സ്, ആന്തരികമനസ്സ്, ആത്മബോധകലകൾ, ശുദ്ധബോധം എന്നിവയോട് ചേർന്ന് നിലകൊണ്ട ബുദ്ധിയും വിഘടിക്കും. സ്ഥൂലശരീരത്തിൽ നിന്ന് സൂക്ഷ്മശരീരങ്ങൾ വേർപെടുന്നതോടെ വ്യക്തി നശിക്കുന്നു. ആത്മാവ്, ആത്മബോധകലകൾ, ചിത്തം എന്നിവ നിലകൊണ്ട അതിസൂക്ഷ്മ ഭൗതികയിനം ഊർജ്ജമാണ് പ്രേതം. സ്ഥൂലശരീരം, പ്രാണശക്തി എന്നിവ ഇല്ലാത്ത, വ്യക്തിരൂപം ഇല്ലാത്ത പ്രേതസംബന്ധ വിഷയത്തിന് ജീവിതത്തിൽ പ്രസക്തി ഒന്നും ഇല്ല. മരിച്ചുപോയവരാണ് അന്യർ. അന്യരുടെ ഭൂതകാല സാഹചര്യവിഷയങ്ങൾക്കും അന്യരെ സംബന്ധിച്ച വർത്തമാനകാലത്തിലെ കഥകൾക്കും വ്യക്തിയെ സംബന്ധിച്ച് സ്വജീവിതത്തിൽ പ്രസക്തി ഒന്നും ഇല്ല. പ്രകൃതിയുടെ, ജഗതുപൂരുഷന്റെ, പാപപുരുഷന്റെ സംഹാരരീതികളെ അറിഞ്ഞാൽ മാത്രമാണ് അതിജീവനവും അതടിസ്ഥാനത്തിലുള്ള സുസ്ഥിതിയും സാദ്ധ്യമാകുന്നത്. മനസ്സിന്റെ അഭിവൃദ്ധി, പ്രാണശക്തിയുടെ ക്ഷയഅതിജീവനം, സ്ഥൂലശരീരക്ഷയ അതിജീവനം എന്നീ വിഷയങ്ങളെ പരിചയപ്പെടുത്തുന്ന ലഘു കൃതിയാണ് 'വാർദ്ധക്യഅതിജീവനം അമൃതബോധം'.

ഐശ്വര്യ:
നേരം അധികം ആവശ്യമായി വരുന്ന വായന പൊതുവെ ആയുസ്സ് നഷ്ടപ്പെടുത്തുന്ന ഒരു പ്രവൃത്തിയാണെന്ന് ചിലർ കരുതുന്നുണ്ട്. ഈ കൃതി അതിൽപ്പെടുമോ? ആരോഗ്യം, ദീർഘായുസ്സ് എന്നിവ നേടുന്നതിന് താങ്കൾ വിശദീകരിച്ച സംഗതികൾ പലതും ഇതിനകം അറിഞ്ഞ കാര്യങ്ങൾ തന്നെയാണ്. ‘അതിക്കുംമേലെ’ ഉള്ള ഉത്തമ വിവരങ്ങൾ — ദീർഘായുസ്സിനും വാർദ്ധക്യത്തിൽ പ്രത്യേകമായും വേണ്ട ബലത്തിനും ഉതകുന്ന പ്രത്യേക ആഹാരങ്ങൾ, അത്തരം ദോഷരഹിത ഔഷധങ്ങൾ എന്നിവയെ ക്കുറിച്ച് പറഞ്ഞാലും.

മറുപടി:
പുനരുജ്ജീവനവൈദ്യം, പുനരുജ്ജീവനകായകല്പം, പുനരുജ്ജീവനരസായനം, വാർദ്ധക്യബോധം, വൈദ്യബോധം, ആരോഗ്യബോധം, ശുദ്ധിബോധം, ആനന്ദബോധം, കർമ്മബോധം, ധർമ്മബോധം, സത്യബോധം, ആത്മബോധകലകൾ, പ്രാണശക്തി, പ്രപഞ്ചബോധം, മനസ്സ് എന്നിവയാണ് പുസ്തകത്തിലെ ഉള്ളടക്കം. രോഗങ്ങൾക്ക് ഇടവരുത്തുന്ന സൂക്ഷ്മങ്ങളായ അഹന്താദോഷങ്ങൾ, അവയ്ക്ക് എതിരെയുള്ള നിർവ്വീര്യ ഔഷധങ്ങൾ, ശരീരസംരക്ഷണത്തിനുള്ള കായകല്പദ്രവ്യങ്ങൾ, ജീവിത ഉയർച്ചക്കുള്ള ആത്മബോധകലകൾ, സത്യം എന്നിവയെ പ്പറ്റി എല്ലാമുള്ള വിശകലനങ്ങൾ- ഇവ തന്നെയാണ് ‘അതിക്കുംമേലെ’ ഉള്ള കാര്യങ്ങൾ.

ബാല്യത്തിൽ, കൌമാരത്തിൽ, യൌവ്വനത്തിൽ എന്നപോലെ വാർദ്ധക്യത്തിലും സപ്തധാതുക്കൾ, പ്രാണശക്തി, മനസ്സ് എന്നിവയെ ബലത്തിലും ശുദ്ധിയിലും സൗമ്യതയിലും നിലനിർത്തി പ്രത്യേകം പോഷിപ്പിക്കാനാകണം. ബലം നൽകുന്ന ദ്രവ്യങ്ങൾ, ഊർജ്ജങ്ങൾ എന്നിവയുടെ സങ്കേതമാണ് ആഹാരം. വാർദ്ധക്യത്തിലെ മുഖ്യ പ്രശ്നം ഹിതകരമായ ആഹാരത്തിന്റെ അപര്യാപ്തതയും വാർദ്ധക്യസഹജ രോഗങ്ങളുമാണ്. കാര്യശരീരത്തിലെ വൈഷമ്യം, സപ്തധാതുക്കളിലെ വികൃതി, മാലിന്യം, വിഷം എന്നിവയാണ് രോഗങ്ങൾക്ക് പൊതുവായ നിദാനം. രോഗങ്ങളെ ആരംഭത്തിൽ, മൃദു അവസ്ഥയിൽ സമാന ആശയത്തിലുള്ള ഔഷധങ്ങൾ ഉപയോഗിച്ച് പരിഹരിക്കണം. രോഗം തീവ്രമായാൽ വിപരീതക്രമത്തിൽ ശമിപ്പിക്കണം. ഹിതങ്ങളായ അന്നത്തെ തിരിച്ചറിയാനും പ്രയോജനപ്പെടുത്താനും കഴിയണം. വ്യക്തി എന്ന നിലയിൽ ചെയ്യേണ്ട കാര്യങ്ങളും സമൂഹം എന്ന നിലയിൽ പൊതുവായി ചെയ്യേണ്ട കാര്യങ്ങളും വേറിട്ടിരിക്കുന്നു. പുസ്തകത്തിലെ നിർദ്ദേശങ്ങൾ മുഖ്യമായും വ്യക്തിയെ ഉദ്ദേശിച്ചുള്ളതാണ്. ശുദ്ധി നിയമങ്ങൾ, യൌവനത്തിലും വർദ്ധക്യത്തിലും ഹിതങ്ങളായ അന്നം, ആരോഗ്യം, ധർമ്മം, അഹിംസ, സുഖം, സന്തോഷം, ആനന്ദം, സംതൃപ്തി, ശാന്തി, ദീർഘായുസ്സ്, ക്ഷയ അതിജീവനം, സത്യം എന്നിവ സംബന്ധിച്ച സങ്കേതത്തെ അന്വേഷിക്കുന്നവർക്ക് പുസ്തകം ഏറെ പ്രയോജനപ്പെടുമെന്ന് വിശ്വാസമുണ്ട്.

ഐശ്വര്യ:
സ്ഥൂല ആവരണങ്ങളെ ഉപേക്ഷിച്ച് ചിത്തം, ആത്മബോധകലകൾ,ആത്മബോധം എന്നിവ വേറിട്ട് പോകുന്ന പ്രക്രിയയാണ് മരണം. അങ്ങിനെയെങ്കിൽ ദൃശ്യലോകത്തിലെ സ്ഥൂല ആവരണക്കൂട്ടിൽ ആത്മബോധത്തെ നിലനിർത്തിയത് പാപപുരുഷൻ ഉൾപ്പെട്ട ജഗത് പുരുഷൻ തന്നെയല്ലേ? കാര്യശരീരം, കാര്യശരീരത്തിലെ വൈഷമ്യം, ജരാ, നാശം എന്നിവയക്ക് ആധാരം പാപപുരുഷൻ തന്നെയല്ലേ? പാപപുരുഷന്റെ, അഹന്താദോഷങ്ങളുടെ നിർവ്വീര്യമാണ് വാർദ്ധക്യഅതിജീവനത്തിലെ മുഖ്യവിഷയമെങ്കിൽ, അതിനുതകുന്ന വൈദ്യവിധികളെയും ഔഷധങ്ങളെയും പ്പറ്റി വിശദമാക്കാമോ? AI, Biotechnology എന്നിവയുടെ കാലഘട്ടത്തിൽ ഇവയെ കൂടുതൽ പ്രാപ്യമാക്കാമല്ലോ?

മറുപടി:
കർമ്മപ്രാരാബദങ്ങളും നിയോഗങ്ങളും കർത്തവ്യങ്ങളും ഉൾപ്പെട്ട വർത്തമാനകാല ജീവിതത്തിന് മുഖ്യ നിദാനം ജനിതകഘടകങ്ങളാണ്. വർത്തമാനകാല ജീവിതത്തെ നിയന്ത്രിക്കുന്ന ഘടകങ്ങളിൽ മറ്റൊന്ന് ഭൌതികലോകത്തിലെ പാപപുരുഷനാണ്. കാര്യശരീരസംരക്ഷണം വ്യക്തിയുടെ ധർമ്മമാണ്. ധർമ്മത്തെയും അതടിസ്ഥാനത്തില് കൈവരുന്ന ആനന്ദത്തെയും തടയുന്നത് പാപപുരുഷനാണ്. അവിദ്യയുടെ വികാസത്തിന് അടിസ്ഥാനവും പാപപുരുഷനാണ്. അവിദ്യയെ, പാപപുരുഷനെ, അഹന്താദോഷങ്ങളെ തിരിച്ചറിയുകയും നിർവീര്യമാക്കുകയും അവ സൃഷ്ടിച്ച പ്രയാസങ്ങൾക്ക് ആത്മബോധകലകളെ പ്രയോജനപ്പെടുത്തി പ്രതിവിധി ചെയ്യുന്നതുമാണ് ക്ഷയ അതിജീവനം. ആയുസ്സിനെ സംബന്ധിച്ചുള്ള അവബോധമാണ്, ഉറക്കത്തെ, സംഹാരത്തെ, സമാനയിനം ഘടകങ്ങളെ പ്രയോജനപ്പെടുത്തി ദീർഘായുസ്സ് അനുഭവിക്കുന്നതാണ് അമൃതബോധം. അതിജീവനത്തിന്റെയും അമൃതബോധത്തിന്റെയും ലക്ഷ്യം ആത്മബോധത്തിന്റെ മുക്തി മാത്രമല്ല; ആനന്ദാനുഭവങ്ങളും കാര്യശരീരത്തിന്റെ ആരോഗ്യകരമായ നിലനിൽപ്പുമാണ്. അഹിംസാപരമായ കർമ്മങ്ങളും സൽക്കർമ്മഫല ബലിയും അതിന് അർഹത നൽകുന്ന ഘടകങ്ങളാണ്.

അറിവില്ലായ്മ, തെറ്റായ അറിവ്, അഹങ്കാരം, അവിവേകം എന്നിവയ്ക്കെല്ലാം കാരണം അവിദ്യയാണ്. അവിദ്യയുടെ സാന്നിദ്ധ്യവും പാപപുരുഷന്റെ തേരോട്ടവും ആത്മബോധകലകൾ, അമൃതബോധം എന്നിവയുടെ നിഷ്ക്രിയത്വവുമാണ് അകാലമരണത്തിന് ആധാരം. ദേഹഗുണം, വീര്യം, പ്രായം, ദേശം, കാലം, ഋതുക്കൾ എന്നിവയെ അറിഞ്ഞ് ഹിതങ്ങളായ അന്നം സ്വീകരിക്കണം. ഔഷധങ്ങളുടെ ഭാവം, വിപാകം, പ്രഭാവം എന്നിവയെ എല്ലാം മനസ്സിലാക്കി, മാലിന്യങ്ങളെയും വിഷങ്ങളെയും തിരിച്ചറിഞ്ഞ്, ശുദ്ധിയെ അവലംബിച്ച് രോഗപ്രയാസങ്ങളെ യുക്തി ആശയങ്ങളിലൂടെ പരിഹരിക്കണം. അവിദ്യ, അധർമ്മം, കൂതന്ത്രം, പ്രതികൂലയിനം സമ്പ്രദായങ്ങൾ എന്നിവ ശക്തമായാൽ ദീർഘായുസ്സിന് അനിവാര്യമായ ആശയങ്ങൾ അവഗണിക്കപ്പെടും. ഇത്തരം സാഹചര്യങ്ങളിൽ ആരോഗ്യസംരക്ഷണ രീതികളെ സ്വതന്ത്രമായി തിരിച്ചറിയുകയും അനുവർത്തിക്കുന്നതും അതിജീവനമാണ്.

ഐശ്വര്യ:
അങ്ങ് സ്വർഗ്ഗാനുഭവത്തിന് ഉതകുന്ന ദ്രവ്യങ്ങളെക്കുറിച്ച് വിവരിക്കുന്നുണ്ടല്ലോ. വാർദ്ധക്യഅതിജീവനത്തിനും ദീർഘായുസ്സിനും ആനന്ദാനുഭവത്തിനും പൊതുവായി പ്രയോജനപ്പെടുത്താവുന്ന ഏതാനും അമൃതയിനം ഔഷധങ്ങളെ സൂചിപ്പിക്കാമോ?

മറുപടി:
സുഖത്തെ അനുഭവിക്കുന്നത് ശരീരമാണ്. സന്തോഷത്തെ അനുഭവിക്കുന്നത് മനസ്സാണ്. മനസ്സ് ഒരു ഊർജ്ജപ്രതിഭാസമാണ്. അതിന് ഇന്ദ്രിയബന്ധിത ബാഹ്യമനസ്സ്, ആശയരൂപീകരണ ആന്തരികമനസ്സ് എന്നിങ്ങിനെ രണ്ട് ഭാഗങ്ങളുണ്ട്. മനസ്സിന്റെ അനുകൂലയിനം ഒരു ഭാവതലമാണ് ആനന്ദം അഥവാ സ്വർഗ്ഗം. മനസ്സിന്റെ മുഖ്യധർമ്മം സംസ്കരണമാണ്. സംസ്കരണത്തിന്റെ ഒരു ഫലമാണ് പരിണാമം. കാമപരിണാമത്തിന്റെ അനുകൂലയിനം പൂർണ്ണതയാണ് സ്വർഗ്ഗം. നിഷ്കാമകർമ്മങ്ങളുടെ ഫലസമാപ്തിയാണ് സത്യാവസ്ഥ അഥവാ നിത്യസ്വർഗ്ഗം.

മനസ്സിന് തമസ്, രജസ്, സാത്വികം എന്നീ തലങ്ങളിലൂടെ നാല് ഇനം പ്രപഞ്ചങ്ങളെ അനുഭവിക്കാനാകും.
• ജാഗ്രത് ഇന്ദ്രിയ ദൃശ്യപ്രപഞ്ചം.
• സ്വപ്ന ഇന്ദ്രിയസംസ്കരണ പ്രപഞ്ചം.
• സുഷൂപ്തിയിനം ശൂന്യതാ പ്രപഞ്ചം.
• ഇവയക്ക് അതീതമായ തുരിയപ്രപഞ്ചം.

സുഷൂപ്തിക്ക് ശേഷം ജാഗ്രത് ദൃശ്യപ്രപഞ്ചത്തിലേക്ക് തിരിച്ചുവരുമ്പോൾ, അന്നം സ്വീകരിച്ച്, മനോമലങ്ങളെ ലഘൂകരിച്ച് ശുദ്ധി, സൗമ്യത, അഹിംസ, ക്ഷമ, പുണ്യകർമ്മഫല ബലി, സമർപ്പണം എന്നിവയിൽ മുഴുകുമ്പോൾ അനുഭവിക്കുന്ന ഭൌതികവും അർദ്ധ ഭൌതികവുമായ വികാരമാണ് ആനന്ദം. ജാഗ്രത് പ്രപഞ്ചത്തിലെ മനോകർമ്മങ്ങളിൽ അധികവും പ്രതികൂലമാണ്. തുരിയപ്രപഞ്ചത്തിലെ അനുഭവങ്ങളിൽ അധികവും അനുകൂലമാണ്. അനുകൂലവും ദീർഘിച്ചതും നിത്യവുമായ അനുഭവപ്രപഞ്ചമാണ് സ്വർഗ്ഗം. സ്വർഗ്ഗാനുഭവത്തിലോട്ട്, സ്വർഗ്ഗാനുഭവബലി മുഖേനെ എത്തുന്ന അമൃതബോധത്തിലോട്ട്, സത്യാവസ്ഥയിലോട്ട് വ്യക്തിയെ നയിക്കാൻ സഹായിക്കുന്ന വിവരങ്ങളുടെ ഒരു സമാഹാരമാണ് 'വാർദ്ധക്യഅതിജീവനം അമൃതബോധം'.

ദേഹവീര്യം, ദോഷപ്രകൃതി, രോഗലക്ഷണ തീവ്രത എന്നിവയെ അടിസ്ഥാനമാക്കിയാണ് വാർദ്ധക്യരോഗങ്ങളിലായാലും ഔഷധത്തെ പ്രയോഗിക്കുന്നത്. ഓരോ ദേശവും അതിലെ ഓരോ വ്യക്തിയും അയാളിലെ പ്രയാസങ്ങളും ഭിന്നമാണ്. അതുപോലെ വാർദ്ധക്യയിനം പ്രയാസങ്ങളുടെ നിവാരണത്തിന് ഉതകുന്ന ഔഷധങ്ങളും അവയുടെ തോതും അവയുടെ പ്രയോഗമാർഗ്ഗങ്ങളും ഭിന്നമാകാം. രോഗനിവാരണത്തിനുള്ള സൂര്യയിനം ഔഷധങ്ങളെ ക്കുറിച്ചും സോമയിനം ഔഷധങ്ങളെ ക്കുറിച്ചും ദീർഘായുസ്സിന് ഉതകുന്ന രസായനദ്രവ്യങ്ങളെ ക്കുറിച്ചും ആചാരങ്ങളെ ക്കുറിച്ചും പുസ്തകത്തിൽ വിശദമായി തന്നെ പ്രതിപാദിക്കുന്നുണ്ട്. ഔഷധവിജ്ഞാനം, ഔഷധപ്രയോഗം, അനുകൂല അനുഭവം, സുഖം, സന്തോഷം എന്നിവ അറിവ്, യുക്തി, ഭാവന, വാസന, കർമ്മം, കർമ്മഫലം, പ്രായം, കാലം, ദേശം, നിയതി, നിയോഗം, പ്രാരാബ്ദം, പാപപുരുഷൻ, ഗുരുത്വം എന്നിവയുമായി ഏറെ ബന്ധപ്പെട്ടിരിക്കുന്നു.

ഐശ്വര്യ:
രോഗപ്രയാസങ്ങളുടെ ഉൽഭവത്തിലും വാർദ്ധക്യം, അകാലമരണം എന്നിവയിലും പാപപുരുഷൻ പ്രധാന പങ്കുവഹിക്കുന്നുണ്ട് എന്ന് സൂചിപ്പിച്ചുവല്ലോ. പാപപുരുഷന്റെ നിർവ്വീകരണം സംബന്ധിച്ചും അവിദ്യയുടെ നിർമ്മാർജ്ജനം സംബന്ധിച്ചും വിശദമാക്കാമോ?

മറുപടി:
നിജരോഗങ്ങൾക്കും അകാലമരണത്തിനും മുഖ്യകാരണം മയാസങ്ങളോ പാപപുരുഷന്റെ വികൃതികളോ ആണ്. കാര്യശരീരത്തിന് വേണ്ടതായ ഊർജ്ജങ്ങളുടെ കുറവ്, കൂടുതൽ; ക്ഷയത്തിന് കാരണമാക്കുന്ന മാലിന്യങ്ങളുടെയും വിഷങ്ങളുടെയും ആധിക്യം തുടങ്ങിയ ദോഷങ്ങളെയാണ് മയാസം എന്ന് പറയുന്നത്. ദുഖം, വേദന, അഹംഭാവം, ക്ഷീണം, പാപകർമ്മങ്ങൾ എന്നിവയ്ക്ക് കാരണമാക്കുന്ന പ്രതികൂലചിന്തകളെയും ആശയങ്ങളെയും ഭൂതയിനം ഊർജ്ജങ്ങളെയും ആണ് പാപപുരുഷൻ എന്ന് വിളിക്കുന്നത്. ഇവയെ നിർവീര്യമാക്കാൻ ഉതകുന്ന വിത്യസ്തതരം ഔഷധങ്ങളെപ്പറ്റി പുസ്തകത്തിൽ പ്രതിപാദിക്കുന്നുണ്ട്. അവിദ്യ (Id), പാപപുരുഷൻ (Ego), ആത്മബോധകലകൾ (Superego) എന്നിവയെ മനുഷ്യനിലെ സത്വങ്ങളായി കരുതുന്നുവെങ്കിൽ ബോധം എന്നത് മഹാ സത്വമാണ്. പാപപുരുഷൻ എന്ന സത്വത്തെ നിർവീര്യമാക്കുന്നത്തിലൂടെ, ആത്മബോധകലകളെ സമന്വയിപ്പിക്കുന്നതിലൂടെ, ആനന്ദബലിയിലൂടെ ബോധത്തെ, സത്യത്തെ പ്രാപിക്കാനാകും.

ഐശ്വര്യ:
ഇക്കിഗായ് ആശയത്തിൽ നിന്നും ബ്ല്യൂസോണുകളിലെ ജീവിതരീതികളിൽ നിന്നും വിഭിന്നമായി എന്താണ് പുസ്തകം മുന്നോട്ടുവെയ്ക്കുന്നത്?

മറുപടി:
സന്തോഷപരമായി ജീവിക്കാൻ പ്രേരിപ്പിക്കുന്ന കാരണങ്ങളെയെല്ലാം തിരിച്ചറിഞ്ഞ് അതിൽ മുഴുകുന്ന ഒരു ആശയമാണ് ഇക്കിഗായ്. വാർദ്ധക്യത്തിൽ ജീവിക്കാൻ ഉത്തമം ആരോഗ്യമാണ്, അതിനുതകുന്ന അന്നവും ഔഷധദ്രവ്യങ്ങളുമാണ് എന്നതാണ് വാർദ്ധക്യഅതിജീവനം അമൃതബോധം എന്ന കൃതി മുന്നോട്ടുവെയ്ക്കുന്ന ആശയം. ഹിതങ്ങളായ രോഗനിവാരണ മാർഗ്ഗങ്ങളിലൂടെ ആകുമ്പോൾ, ഹിതങ്ങളായ അന്നങ്ങളിലൂടെയും കര്മ്മങ്ങളിലൂടെയും, സംസ്ക്കരിച്ച് ശുദ്ധമാക്കിയ ഔഷധങ്ങളിലൂടെയും ആകുമ്പോൾ നിലനിൽപ്പ് ജീവിതം എളുപ്പം അനുഭവിക്കാനാകും. സാഹചര്യം, ഋതുക്കൾ, സമൂഹം, കാര്യശരീരം, ധർമ്മം എന്നിവയുടെ സമന്വയത്തിലൂടെ ഇത് യാഥാർത്ഥ്യമാക്കാനാകും.

ഐശ്വര്യ:
വാർദ്ധക്യഅതിജീവനം എന്നത് വ്യക്തിപരമാണ് എന്ന് സൂചിപ്പിച്ചുവല്ലോ. ഇത് വ്യക്തിക്ക് സ്വയം സാദ്ധ്യമാക്കാനാകുമോ?

മറുപടി:
അതിജീവനം (റെസിലിയൻസ്) എന്നത് വിട്ടുകളയാതെ പരിശ്രമിച്ചുകൊണ്ടിരിക്കുക എന്നതിനുള്ള കഴിവാണ്. ഇത്തരം കഴിവ് വ്യക്തിഗതമായി തന്നെ സമ്പാദിക്കേണ്ടതുണ്ട്. ധർമ്മം എന്നത് അവനവന്റെ ദേഹസംരക്ഷണമാണ്. 'ഇന്നലെകളിലെയും ഇന്നത്തെയും കർമ്മങ്ങളിൽ ഹിംസ എങ്കിൽ, ഇന്ന് അനുകൂലങ്ങളായ കർമ്മം ഇല്ലെങ്കിൽ, സൽകർമ്മ ഫലങ്ങളിൽ ബലി ഇല്ലെങ്കിൽ അതിജീവനം സാദ്ധ്യമാകേണ്ടതിന്റെ അനിവാര്യത ഇല്ലല്ലോ ഐശ്വര്യാ? ദേശവും കാലവും അതിലെ പരിണാമവും ഉൾപ്പെട്ടതാണ് പാപപുരുഷൻ. പാപപുരുഷനും മനസ്സും ചേർന്നതാണ് അവിദ്യ. കർമ്മത്തെയും കർമ്മഫല ബലിയെയും തിരിച്ചറിയാൻ, അവിദ്യയെ ഒഴിവാക്കാൻ, ആത്മബോധകലകളെയും ഔഷധങ്ങളെയും പ്രയോജനപ്പെടുത്തി പാപപുരുഷനെ വൈദ്യരീതിയിൽ നിർവ്വീര്യമാക്കാൻ; ആരോഗ്യം, സുഖം, ആനന്ദം, സംതൃപ്തി എന്നിവയോടെ ദീർഘായുസ്സ് അനുഭവിക്കാൻ 'വാർദ്ധക്യഅതിജീവനം അമൃതബോധം' സഹായിക്കുക തന്നെ ചെയ്യും. പുസ്തകത്തിലൂടെ ഒരുവട്ടം കൂടി സഞ്ചരിച്ചാലും.

ഐശ്വര്യ:
ആധുനിക മനുഷ്യൻ അനുഭവിക്കുന്ന രോഗങ്ങളിൽ കൂറെയൊക്കെ Psychosomatic disorders ആണ്. മാനസികപ്രയാസങ്ങൾ ശരീരരോഗങ്ങൾക്കും ശാരീരികപ്രയാസങ്ങൾ മാനോവിഷമങ്ങൾക്കും കാരണമാക്കും. ഇതിനെ അടിസ്ഥാനമാക്കിയാണ് സൂഫി വൈദ്യം എട്ടാം നൂറ്റാണ്ടിൽ ഉടലെടുത്തത്. സൂഫിവൈദ്യത്തിന്റെയൊ തന്ത്രവൈദ്യത്തിന്റെയൊ ആധുനിക രീതിയാണോ അങ്ങ് ഉദ്ദേശിക്കുന്നത്?

മറുപടി:
കേവല ഭക്തിയിൽ, ഗീതശബ്ദ ബലിയിൽ ഊന്നിയുള്ള കർമ്മരീതിയല്ല. മറിച്ച് രോഗങ്ങളെ യുക്തിരീതിയിൽ യഥാസമയം പരിഹരിക്കുകയും സൌമ്യമെന്നോണം ആരോഗ്യത്തെ നിലനിർത്തുകയും പ്രാരാബ്ദങ്ങളെ നിവൃത്തീകരിക്കുകയും സമ്പാദിച്ച പുരുഷാർഥത്തെ സമർപ്പണമാക്കുകയും അഹിംസയോടെയും നിസ്വാർഥതയോടെയും സമചിത്തതയോടെയും ഉള്ള കർമ്മാധിഷ്ഠിത ജീവിതപദ്ധതിയെയാണ് ഉദ്ദേശിക്കുന്നത്. ഓരോ മനുഷ്യജന്മത്തെയും ഒരു ഹൃദയസ്പന്ദനത്തോട് ഉപമിക്കാനാകും. വൈദ്യുതിപരമായി Depolarization ഉം Repolarization നും ഉൾപ്പെട്ടതാണ് ഒരു ഹൃദയസ്പന്ദനം. ആനന്ദം, കർമ്മം, ഇച്ഛാശക്തി, ജ്ഞാനം തുടങ്ങിയ ആത്മബോധകലകൾ ഓരോന്നിനെയും ക്രമത്തിൽ സങ്കോചിപ്പിച്ച് ഭൌതികത പൂർണ്ണമാക്കാൻ എടുക്കുന്നതിന്റെ നാല് ഇരട്ടി സമയത്തിൽ അവയെ വിപരീതക്രമത്തിൽ വികസിപ്പിക്കണം. അഭൌതികയെ തിരിച്ചറിയാൻ ആകുംവിധത്തിൽ ജീവിതത്തെ സമർപ്പണമാക്കണം. നല്ല മാതാപിതാക്കൾ, നല്ല ബാല്യം, നല്ല കൌമാരം എന്നിവയൂണ്ടായാൽ നല്ല യൌവനമുണ്ടാകും. നല്ല യൌവനമുണ്ടായാൽ, യൌവനത്തിൽ സൽക്കർമ്മങ്ങൾ ഉണ്ടായാൽ നല്ല വാർദ്ധക്യത്തെ അനുഭവിക്കാനാകും. വിജ്ഞാനം, ഇച്ഛ, അർത്ഥം, കർമ്മം, സൌന്ദര്യം, ക്ഷമ എന്നിവയുടെ ബലിയിലൂടെ, സ്നേഹത്തിലൂടെ, ഇവയുടെയെല്ലാം സമന്വയത്തിലൂടെ ആനന്ദത്തെ അനുഭവിക്കാനാകും. ബലി, ഖുർബാൻ, ഹോമം, ഹവനം, യാഗം, കൂദാശ, നേർച്ച, വഴിപാട്, പൂജ, ദാനം, അർപ്പണം, സമർപ്പണം എല്ലാം ഒന്ന് തന്നെയാണ്. സമർപ്പണം മൂലമുള്ള ശാന്തി അനുഭവമാണ് അമൃതബോധം.

ഐശ്വര്യ:
സ്വയംസംരക്ഷണമാണല്ലോ ധർമ്മം. ‘അത് ഞാൻ തന്നെ,’ നീ തന്നെയാണ് അത്’ എന്നെല്ലാം പറയുമല്ലോ. ആരെയാണ് ഞാൻ എന്ന് പറയുന്നത്? ഞാൻ പലത് ഉണ്ടോ?

മറുപടി:
ഭൗതികപരവും ആത്മീയപരവും ആയ നിലയിൽ നോക്കിയാൽ “ഞാൻ” പല തലങ്ങളിലായി അനുഭവിക്കാനാകും. വ്യക്തിരൂപമായ സ്ഥൂലശരീരബോധം, ദേഹത്തെ ചലിപ്പിക്കുന്ന പ്രാണശക്തിബോധം, ആഗ്രഹിക്കുന്ന ബാഹ്യ മനോബോധം, ഉറക്കത്തിൽ സ്വപ്നം കാണുന്ന ആന്തരിക മനോബോധം, ഗാഢനിദ്രയിൽ ദേഹപ്രവർത്തനങ്ങളെ നിയന്ത്രിക്കുന്ന ജീവശക്തിബോധം — ഇവയെല്ലാം കാര്യശരീരത്തിന്റെ പ്രവർത്തനങ്ങളെയും അവസ്ഥകളെയും പ്രതിനിധീകരിക്കുന്നവയാണ്. ഇതിന് മുകളിൽ എല്ലാറ്റിനും സാക്ഷിയായ, മാറ്റമില്ലാത്ത ആത്മൻ — ശുദ്ധബോധം — നിലകൊള്ളുന്നു. പൂർവ്വികർ “നീ”, “ഞാൻ” എന്നെല്ലാം വിളിച്ചത് ശരീരത്തെയൊ മനസ്സിനെയൊ അല്ല, ഈ ശുദ്ധബോധത്തെയാണ്. അതിജീവനം എന്നത് എന്നിലെ ശരീര-പ്രാണ-മനോ തലങ്ങളിലെ പ്രവർത്തനങ്ങളെയും അവസ്ഥകളെയും സംബന്ധിച്ച വിഷയമാണ്. ശുദ്ധബോധം എന്ന ഞാൻ അതിനപ്പുറം നിലകൊള്ളുന്ന ഒന്നാണ്. ശുദ്ധബോധം ശാശ്വതവും അവിനാശിയും ആയതിനാൽ അതിനെ സംരക്ഷിക്കേണ്ട കാര്യമില്ല. സംരക്ഷണം ആവശ്യമായത് കാര്യശരീരത്തിലാണ്, അതിലെ പ്രവർത്തനങ്ങളും അവസ്ഥകളും ഉൾപ്പെട്ട എന്നിലാണ്. അതിജീവനം എന്നത് ഭൌതിക വിഷയമാണ്.

ഐശ്വര്യ:
അതിജീവനത്തിന് ഉതകുന്ന ലഘൂകർമ്മം എന്ന നിലയിൽ അങ്ങ് ശ്വസനവ്യായാമ രീതികളെ ക്കുറിച്ചും പ്രാണായാമത്തെ ക്കുറിച്ചും പുസ്തകത്തിൽ പ്രതിപാദിക്കുന്നണ്ടല്ലോ. ശ്വാസത്തെ പുറത്തോട്ട് വിടുമ്പോൾ സ്മരിക്കാനുതകുന്ന ഒരു 'മന്ത്രം' പറഞ്ഞാലും. ഇന്ത്യയെയും ചൈനയെയും ഒഴിവാക്കിയാൽ ലോകത്തിന്റെ മറ്റു ഭാഗങ്ങളിൽ സ്ത്രീകളുടെ എണ്ണം കൂടുതലാണ്. പുസ്തകത്തിൽ സ്ത്രീ - പുരുഷ സമത്വത്തിനായി ഉൾപ്പെടുത്തിയിട്ടുള്ള ഫെമിനിസ്റ്റ് ആശയങ്ങൾ എന്തെല്ലാമാണ്?

മറുപടി:
ദീർഘമായും സാവധാനത്തിലും ശ്വാസത്തെ ആദ്യം പുറത്തുവിടുക. 'Ana Aajaz' (ഞാൻ എളിയവൻ) എന്ന മന്ത്രം പത്ത് തവണ ഉച്ചരിക്കുക. തുടർന്ന് വായുവിനെ ദീർഘമായി വലിക്കുക. ശ്വാസത്തെ പിടിച്ചുവെയ്ക്കുക. ഈ രീതിയിൽ അഞ്ചുതവണ ശ്വസനവ്യായാമം ആവർത്തിക്കണം. "Ana Aajaz" എന്ന മന്ത്രം അഭികാമ്യമായി തോന്നുന്നില്ല എങ്കിൽ 'ഉയർന്നത്' എന്ന് അർത്ഥം വരുന്ന മറ്റൊരു മന്ത്രത്തെ സ്വീകരിച്ച് അനുഷ്ഠിച്ചാലും. പുസ്തകത്തിലൂടെ സഞ്ചരിക്കുന്നതിന് മുന്നോടിയായി സംഘടിപ്പിച്ച അളവുകോലുകളെ വലിച്ചെറിഞ്ഞാലും. ഇത് മുഖ്യമായും ചികിത്സകരെ ഉദ്ദേശിച്ചുള്ള ഒരു വൈദ്യകൃതിയാണല്ലോ ഐശ്വര്യാ.

ഐശ്വര്യ:
വർത്തമാനകാലത്തിൽ, കൊടുക്കൽ വാങ്ങലുകൾ മാത്രമുള്ള ഭൌതികതയിൽ പുസ്തകവായന ഒരു അനിവാര്യതയേ അല്ല. സമ്പ്രദായിക അളവുകോലുകളെ വലിച്ചെറിഞ്ഞുകൊണ്ടുള്ള ചര്യകൾക്ക്, അത്തരത്തിൽ ഉള്ള ഒരു വായനയ്ക്ക് ഇതുവരെ മനസ്സ് പരുവപ്പെട്ടിട്ടുമില്ല. മനുഷ്യജീവിതത്തിന്റെ പരമോന്നത ലക്ഷ്യം സത്യത്തിലേക്കുള്ള യാത്രയാണ് എന്ന് ഭാവന ചെയ്യുന്നവർ ഏറെയുണ്ട്. പ്രായശ്ചിത്തം, ശുദ്ധി, സൌമ്യത, സഹനം, ക്ഷമ, ത്യാഗം എന്നിവ മനുഷ്യമനസ്സിനെ അഹംബോധത്തിന്റെ ബന്ധനങ്ങളിൽ നിന്ന് മോചിപ്പിച്ച് സത്യബോധത്തിലേക്ക് നയിക്കുന്ന മാർഗ്ഗങ്ങൾ തന്നെയാണ്. സത്യപാത നേർമാർഗമാണ്. മഹാസത്യം, സത്യബോധം, ബോധം എന്നിവ ഏകമാണ്. സത്യം ശൂന്യതയാണ്, അഭൌതികമാണ്, ശാന്തതയാണ്, സ്വാതന്ത്ര്യമാണ്, സംതൃപ്തി സമാനമാണ് എന്നെല്ലാം അങ്ങ് പറയുന്നു. ദീർഘായുസ്സിന് ഉതകുന്ന സത്യസമാനങ്ങളായ ഏതാനും ഭൌതികദ്രവ്യങ്ങൾ, ഔഷധങ്ങൾ എന്നിവയെ സംബന്ധിച്ച് പറയാമോ? ശാന്തി, സംതൃപ്തി എന്നിവ അനുഭവിക്കുന്നതിന് ഉതകുന്ന 'ഉയർന്ന തരം മന്ത്രം' അത് എന്താണ്?

മറുപടി:
അനുകൂലങ്ങളായ നിത്യനിയമങ്ങളാണ് സത്യം. ഹോമിയോ എന്നാൽ സാമ്യം, സൌമ്യം, അനുകൂലം, സത്യം എന്നും അർത്ഥമുണ്ട്. 'സത്യബോധം ഏറ്റവും ഉയർന്നതാണ്' എന്ന മന്ത്രംഭാഷ മാറ്റി ചൊല്ലിയാൽ എങ്ങിനെയിരിക്കും ഐശ്വരാ? സത്യ ആശയങ്ങളെ അനുസരിച്ചാലുള്ള അനുഭവങ്ങളും അനുഭൂതികളും ആശംസിക്കുന്നു. ശാസനകളുടെയും മന്ത്രത്തിന്റെയും ഭൌതിക അനുഭവങ്ങൾ സംബന്ധിച്ച കാര്യങ്ങൾക്ക് പുസ്തകത്തെ തന്നെ ആശ്രയിച്ചാലും.

ഐശ്വര്യ:
നന്ദി. അങ്ങ് നല്കിയ വിശദാംശങ്ങളിൽ ചിലത് മനസ്സിലായെയില്ല. സമൂഹത്തിൽ വാർദ്ധക്യപരിചരണത്തിനായി ഇപ്പോൾ വിവിധ തരം ക്ഷേമപദ്ധതികൾ നിലവിലുണ്ട്. എന്റെ പരിചയക്കാർ കൂടുതലായും അന്വേഷിക്കുന്നത് അർത്ഥസമ്പാദനത്തിനുള്ള വിഷയങ്ങളെയും തന്ത്രങ്ങളെയുമാണ്. പദ്യയിനം, അതിഭാവനായിനം പുസ്തകങ്ങളിലാണ് അവർക്ക് താല്പര്യം. Audio book ആണെങ്കിൽ കൊള്ളാമായിരുന്നു. പൂർണ്ണായുസ്സ് നേടാൻ ഉതകുന്ന ദ്രവ്യങ്ങളെയും കാര്യങ്ങളെയും ഒരു സൂത്രവാക്യമായി പറയാമൊ?

മറുപടി:
അവികസിത രാജ്യങ്ങളിലെ ആളുകളിൽ 20 വയസ്സിന് മുൻപേ തന്നെ വാർദ്ധക്യം ബാധിച്ചുതുടങ്ങുന്നുണ്ട്. കാലം ആർക്ക് വേണ്ടിയും വെറുതെ കാത്തുനിൽക്കുന്നില്ല. കാര്യശരീരത്തെ സംഹരിക്കേണ്ടത് പ്രകൃതിയുടെ കർത്തവ്യമാണ്. പ്രകൃതിയുടെ നിലനിൽപ്പിന് അത് അനിവാര്യവുമാണ്. വിനാശകാലേ വിപരീതബുദ്ധി എന്നത് പഴഞ്ചനാണ്. ഞാൻ എന്ന കാര്യശരീരത്തെ നിലനിർത്താൻ ഒരു സംവിധാനവും പ്രകൃതി ഒരുക്കിവെച്ചിട്ടുമില്ല. അതിജീവനം എന്നത് യൌവനശരീരത്തിന്റെ നിലനില്പാണ്. നിലനിൽപ്പിന്നുള്ള അർഹത കുറെയൊക്കെ കർമ്മാതിഷ്ഠിതമാണ്. അത് സംഘടിപ്പിക്കാനുള്ള സ്വാതന്ത്ര്യം, ധർമ്മം വ്യക്തിയിൽ നിഷിപ്തവുമാണ്. ഞാൻ എന്ന ബോധത്തെ ആരെങ്കിലും കാത്തുനിൽക്കുന്നുണ്ട് എങ്കിൽ അത് സത്യബോധമാണ്. സത്യബോധ സമർപ്പണമാകണം മാനവജീവിതം. അത് ആയുസ്സിനെ ആനന്ദപ്രദമാക്കും. പുസ്തകം മുന്നോട്ടുവെയ്ക്കുന്ന ആശയത്തിന്റെ കാതൽ അതാണ്. ഭൗതികമായ കാര്യശരീരത്തിന്റെ വിഘടനമാണ് മരണം. ഭൌതികശരീരത്തിൽ സംഭവിച്ച ജരയെ വായു, ജലം, ചവർപ്പുദ്രവ്യങ്ങൾ എന്നിവയിലൂടെയും അകാലമൃത്യുവിനെ ഉറക്കം, സംസ്കരിച്ച അഗ്നിയിനം ദ്രവ്യങ്ങൾ എന്നിവയിലൂടെയും പരിഹരിക്കുന്നത് തഥർത്ഥകാരി ആശയമാണ്. ജീവിക്കാൻ വേണ്ട അർത്ഥങ്ങളെ കർമ്മങ്ങൾ ചെയ്ത് സമ്പാദിക്കണം. അർത്ഥം കൂടെ ഉണ്ടെങ്കിലാണ് സ്നേഹവും ബലിയും മഹാബലിയും സാദ്ധ്യമാകുന്നത്. സ്തുതി, വിനയം, പ്രസന്നത, ധർമ്മം, സഹനം, സമർപ്പണം, സ്നേഹം, ക്ഷമ, കാരുണ്യം, നന്മ, മൗനം, ശൂന്യത എന്നിവയെല്ലാം ഉൾപ്പെട്ടതാണ് ‘ബലി’. സ്ഥൂലവും സൂക്ഷ്മവുമായ ശുദ്ധി, സൌമ്യത എന്നിവ ഉണ്ടെങ്കിലാണ് ആരോഗ്യം സാദ്ധ്യമാകുന്നത്. സമന്വയം, ശുദ്ധി, അന്നം, ധാതുസൗമ്യത, ബലി എന്നിവയെ അവലംബിച്ച് ആത്മബോധകലകളെ ഭൗതികമാക്കി ജീവശക്തിയെ (Vital principle) കാര്യശരീരത്തിലോട്ട്, പ്രാണശക്തിയിലോട്ട് ((Vital force) വ്യാപിപ്പിച്ചാൽ അതിലൂടെയും പൂർണ്ണായുസ്സ് അനുഭവിക്കാനാകും, അനുഭവിപ്പിക്കാനുമാകും.

നന്ദി, ഐശ്വര്യാ. ഐശ്വര്യക്ക് മനസ്സിലാകാതെ പോയത് പറയുന്ന ആളിന്റെ ഭാഷയിലെ പോരായ്മകൊണ്ടാണ്. ക്ഷമിച്ചാലും. കാലത്തിന്റെ കോണിലൂടെ നോക്കിയാൽ ഐശ്വര്യ സൂചിപ്പിച്ചതാണ് കൂടുതൽ, കൂടുതൽ ശുഭകരമായിട്ടുള്ളത്. ഐശ്വര്യക്കും, ഭവതിയുടെ കൂട്ടുകാർ ഏവർക്കും അർത്ഥവും ആരോഗ്യവും സ്വാതന്ത്ര്യവും ആനന്ദവും സംതൃപ്തിയും ശാന്തിയും ഉൾപ്പെട്ട സർവ്വ മംഗളങ്ങളും ആശംസിക്കുന്നു. ഒപ്പം ദീർഘായുസ്സും നേരുന്നു. 🙏

07/09/2026

Part 1. Author Interview: Dr. P. B. Kader.
The book: വാർദ്ധക്യഅതിജീവനം അമൃതബോധം.

ആർശ: 🙏. താങ്കൾ വാർദ്ധക്യത്തെ തളർച്ചയായി കാണാതെ, പുതിയ തിരിച്ചറിവിന്റെ ഘട്ടമായി പുസ്തകത്തിൽ അവതരിപ്പിച്ചിരിക്കുന്നു. ഈ കാഴ്ചപ്പാടിലേക്ക് താങ്കളെ നയിച്ച പ്രചോദനം എന്തായിരുന്നു?

മറുപടി:
വാർദ്ധക്യം നേരത്തെ എത്തി യാതനകളോടെ ജീവിതസായാഹ്നം കഴിച്ചുകൂട്ടുന്നവർ ഏറെയാണ്. പ്രായമാകുമ്പോൾ ഉണ്ടാകുന്ന അസുഖങ്ങളെ താൽക്കാലികമായി നിയന്ത്രിക്കാൻ മാത്രമാണ് പൊതുവെയുള്ള ചികിത്സകൾ ഉതകുന്നത്. ചില രീതികൾ അകാലമരണത്തിന് തന്നെ വഴി ഒരുക്കുന്നു. വാർദ്ധക്യത്തിലെ ശാരീരിക ബുദ്ധിമുട്ടുകളെ പ്രതിരോധിക്കാനും രോഗങ്ങളുടെ തീവ്രതയെ കുറയ്ക്കാനും പൂർണ്ണ ആരോഗ്യത്തോടെ ദീർഘായൂസ്സ് അനുഭവിക്കാനും സഹായിക്കുന്ന മാർഗ്ഗനിർദ്ദേശങ്ങളുടെ കുറവ് സമൂഹത്തിലുണ്ട്. ഇത്‌ കുറച്ചൊക്കെ പരിഹരിക്കാനാകുമോ എന്ന അന്വേഷണമായിരുന്നു പുസ്തകരചനയ്ക്ക് കാരണമായത്. 2018 ൽ ഇന്ദുലേഖ കോട്ടയം പ്രസിദ്ധീകരിച്ച വൈദ്യ കൃതിയാണ് 'ആരോഗ്യബോധം ഇന്നലെ, ഇന്ന്'. അതിന്റെ തുടർച്ചയെന്നോണം 'ആരോഗ്യബോധം നാളെ' എന്ന നിലയിൽ തയ്യാറാക്കിയതാണ് 'വാർദ്ധക്യഅതിജീവനം അമൃതബോധം'. വാർദ്ധക്യത്തിൽ സ്ഥൂലശരീരം, പ്രാണശക്തി എന്നിവ ക്ഷയിക്കുമെങ്കിലും മനസ്സ് വികസിക്കും. വൃദ്ധൻ എന്ന പദത്തിന്റെ അർത്ഥം തന്നെ അഭിവൃദ്ധി പ്രാപിച്ചവൻ എന്നാണല്ലോ. പ്രായമാകുമ്പോൾ രോഗങ്ങളും തളർച്ചയും കഷ്ടതകളും അനിവാര്യമാണ് എന്ന് കരുതി പലരും ഭയത്തോടെയാണ് അതിനെ കാണുന്നത്. ശരിയായ അറിവും വിവേകവും അതനുസരിച്ചുള്ള കർമ്മങ്ങളും ഉണ്ടെങ്കിൽ, ഹിതങ്ങളായ ആഹാരദ്രവ്യങ്ങളും രോഗപരിഹാരദ്രവ്യങ്ങളും ഉണ്ടെങ്കിൽ വാർദ്ധക്യരോഗങ്ങളുടെ കാഠിന്യത്തെ കുറയ്ക്കാനാകും. ബലത്തോടെ, സമാധാനത്തോടെ, പൂർണ്ണായുസ്സോടെ ജീവിക്കാൻ സാധിക്കും.

ഭൗതികജീവിതത്തിന്റെ ലക്ഷ്യം ദേഹസുഖാനുഭവവും ആത്മീയജീവതത്തിന്റെ ലക്ഷ്യം ആനന്ദാനുഭൂതിയുമാണ്. സ്ഥൂലശരീരം, പ്രാണശക്തി, മനസ്സ് എന്നിവ ഉൾപ്പെട്ടതാണ് കാര്യശരീരം. കാര്യശരീരത്തിൽ വരാവുന്ന വൈഷമ്യമാറ്റങ്ങളെ മുൻകൂട്ടി മനസ്സിലാക്കി കൃത്യമായി പ്രതിരോധിച്ചാൽ ആരോഗ്യത്തോടെയും ഉയർന്ന മനക്കരുത്തോടെയും ജീവിക്കാനാകും. ജ്ഞാനശക്തി, ഇച്ഛാശക്തി, ജീവശക്തി, കർമ്മശക്തി തുടങ്ങിയ ആന്തരിക സൂക്ഷ്മമനോശേഷികളെ കൂടെ കൂട്ടി സംസ്കരിച്ചാൽ, ഏകോപിപ്പിച്ചാൽ ജീവിതത്തെ ആനന്ദകരമാക്കാനാകും. ജനനം, മരണം എന്നപോലെ ആനന്ദബലി മൂലമുള്ള ജീവിതാവസ്ഥയും സത്യമാണ്. പരിണമിച്ച് എത്തുന്ന ഒന്നാണ് വാർദ്ധക്യം. അങ്ങിനെയെങ്കിൽ ദേശ, കാല, ദ്രവ്യ, വീര്യ, വിപാക, ഭാവ, പ്രഭാവ അടിസ്ഥാനത്തിൽ, യുക്തിയെ ആധാരമാക്കി ആവശ്യമെങ്കിൽ വാർദ്ധക്യത്തെ തിരികെ പരിണമിപ്പിക്കാനുമാകും.

ആർശ:
സ്ഥൂലശരീരം, പ്രാണശക്തി, മനസ്സ് എന്നിവയിലെ ശുദ്ധിയും സൌമ്യതയും അതിന്റെ പോഷണവും ആണ് ആരോഗ്യത്തിന്റെയും ആനന്ദത്തിന്റെയും ദീർഘായുസ്സിന്റെയും അടിസ്ഥാനമെന്ന് താങ്കൾ പറയുന്നു. വായനക്കാർക്ക് ഇത് നിത്യജീവിതത്തിൽ എങ്ങനെ പ്രാവർത്തികമാക്കാനാകും?

മറുപടി:
വാർദ്ധക്യത്തിൽ അനുഭവപ്പെടുന്ന രോഗങ്ങളുടെ തീവ്രതയെ കുറയ്ക്കാനും നീണ്ട ആയുസ്സ് അനുഭവിക്കാനും സ്ഥൂലശരീരം, പ്രാണശക്തി, മനസ്സ് എന്നിവ തമ്മിൽ ഒത്തുപോകണം. ഇതിനായി ദിവസവും മൂന്ന് കാര്യങ്ങളിൽ ശ്രദ്ധിക്കണം:

* സ്ഥൂലശരീരത്തിന്റെ കാര്യത്തിൽ: സ്ഥൂലവും സൂക്ഷ്മവും എന്നോണം ശുദ്ധി പുലർത്തണം. രോഗങ്ങളെ പ്രതിരോധിക്കുന്ന, ആരോഗ്യത്തെ നിലനിർത്തുന്ന ശുദ്ധയിനം ഭക്ഷണം മിതമായ അളവിൽ കഴിക്കണം. മിതമായ തോതിൽ ശാരീരിക ചലനങ്ങളും വേണം. സ്ഥൂലശരീരത്തിൽ ആവശ്യത്തിന് വേണ്ട ജലതോത് നിലനിർത്തണം. ജരാ എന്നാൽ വരൾച്ച എന്നാണല്ലോ അർത്ഥം.

* പ്രാണശക്തിയുടെ കാര്യത്തിൽ: നിത്യമെന്നോണം നിർദിഷ്ടക്രമത്തിൽ ശ്വസനവ്യായാമവും പ്രാണായാമവും ചെയ്യണം. പ്രാണശക്തിയെ ബാധിക്കുന്ന ദോഷങ്ങളെ അപ്പപ്പോൾ തന്നെ നിർവീര്യമാക്കണം.

* മനസ്സിന്റെ കാര്യത്തിൽ: മനോവിഷമങ്ങളെ ഉളവാക്കുന്ന വിഷയങ്ങളെ ധൈര്യപൂർവ്വം ഒഴിവാക്കണം. പാപകർമ്മങ്ങളിൽ നിന്ന് വിട്ട് നിൽക്കണം.

പിടിപെട്ട രോഗങ്ങളെ യുക്തി ആശയത്തിൽ, രോഗതീവ്രത അടിസ്ഥാനത്തിൽ; ദോഷങ്ങൾ, രോഗലക്ഷണങ്ങൾ എന്നിവ അടിസ്ഥാനത്തിൽ അപ്പപ്പോൾ തന്നെ പരിഹരിക്കണം.

ബിറ്ററാ:
പുസ്തകത്തിൽ താങ്കൾ സ്ഥൂലശരീരത്തിന്റെയും പ്രാണശക്തിയുടെയും നിലനിൽപ്പിന് ഉതകുന്ന കാര്യങ്ങൾ കൂടാതെ മാനസികവളർച്ചയുടെ അനിവാര്യതയെ ക്കുറിച്ചും ഏറെ പറയുന്നുണ്ട്. പ്രായമാകുമ്പോഴുണ്ടാകുന്ന ബുദ്ധിമുട്ടുകളെയും രോഗങ്ങളെയും മറികടക്കാൻ മനസ്സിന്റെ ഉയർച്ച എങ്ങനെ സഹായിക്കും?

മറുപടി:
പ്രായമാകുമ്പോൾ സപ്തധാതുക്കൾ, ഇന്ദ്രിയശേഷികൾ, ഓജസ് എന്നിവയുടെ ഗുണം ക്രമത്തിൽ കുറയുമെങ്കിലും മനോബലം, ആത്മവിശ്വാസം എന്നിവ സ്വാഭാവികമായി തന്നെ വർദ്ധിക്കും. സ്വന്തം മനസ്സിന്റെ തമസ്, രജസ്, സ്വാതികം തുടങ്ങിയ ഗുണങ്ങൾ; ഉഷ്ണ, ശീത വീര്യങ്ങൾ; ജാഗ്രത്, സ്വപ്നം, സുഷൂപ്തി, തുരീയം തുടങ്ങിയ അവസ്ഥകൾ എന്നിവയെപ്പറ്റി കൂടുതൽ അറിയാനാകുന്നതും ഒപ്പം ധാതുവൈഷമ്യങ്ങൾ, ധാതുമാലിന്യങ്ങൾ, ദോഷങ്ങൾ, വിഷം എന്നിവ മൂലമുണ്ടാകുന്ന പ്രയാസങ്ങൾക്ക് പരിഹാരം യഥാവിധി സംഘടിപ്പിക്കാനാകുന്നതും വാർദ്ധക്യത്തിൽ അനുഭവിക്കുന്ന വേദനകളുടെ തീവ്രതയെ കുറയ്ക്കാൻ സഹായിക്കും. പ്രാണശക്തി എന്ന പോലെ മനസ്സും ഒരു സൂക്ഷ്മയിനം ഊർജ്ജമാണ്. ജീവിതത്തെ കർമ്മനിരതമാക്കാനും രോഗാവസ്ഥകളിൽ ഭയമില്ലാതെ മുന്നോട്ട് പോകാനും ധർമ്മഫലത്തെ, ആനന്ദത്തെ അനുഭൂതിപരമായി അനുഭവിക്കാനും മനസ്സിന്റെ ഉയർന്നതലം സഹായിക്കും. അതിന്നായി മനോശേഷികളെ ക്രമത്തിൽ വികസിപ്പിക്കണം. അതിജീവനത്തിന്റെ പ്രാഥമികതലം കാര്യശരീരത്തെപ്പറ്റിയും അഹന്താദോഷങ്ങളെപ്പറ്റിയും അതിന്റെ പരിണാമത്തെപ്പറ്റിയും പ്രശ്നപരിഹാരങ്ങളെപ്പറ്റിയും ഉള്ള തിരിച്ചറിവാണ്.

ആർശ:
ശാരീരികാരോഗ്യവും മാനസികാരോഗ്യവും തമ്മിൽ വേണ്ട സൌമ്യബന്ധത്തെക്കുറിച്ച് താങ്കളുടെ പുസ്തകം പറയുന്നുണ്ട്. രോഗത്തെ ഇടയാക്കുന്നതിലും രോഗതീവ്രത കൂട്ടുന്നതിലും മനസ്സിന് എത്രത്തോളം പങ്കുണ്ട്?

മറുപടി:
രോഗ് എന്ന പദത്തിന്റെ അർത്ഥം വേദന എന്നാണ്. സ്ഥൂലശരീരം, പ്രാണശക്തി, മനസ്സ് എന്നിവയിലെ സൂക്ഷ്മ, സ്ഥൂല ഇനം അശുദ്ധികളാണ്‌, വൈഷമ്യങ്ങളാണ്, ഇവയില് എത്തുന്ന വിഷങ്ങളാണ് വേദനകൾക്ക് കാരണം. അവിദ്യ മൂലമുള്ള അറിവില്ലായ്മ, അതുമൂലമുള്ള പാപകർമ്മങ്ങൾ; വിട്ടുമാറാത്ത ഉത്കണ്ഠ, ഭയം, അതിമോഹം, ദേഷ്യം, അസൂയ തുടങ്ങിയ മനോമലങ്ങൾ എന്നിവയാണ് ക്ഷീണം, നിരാശ, ദഹനക്കേട്, ഉറക്കമില്ലായ്മ, ഓട്ടോഇമ്മ്യൂൺ തകരാറുകൾ, അലർജി, അതിരക്തസമ്മർദ്ദം തുടങ്ങിയ അസുഖങ്ങളെ കൂടുതൽ വഷളാക്കുന്നത്. വേദനാചികിത്സയിൽ, ക്ഷയനിവാരണത്തിൽ രോഗലക്ഷണങ്ങളെയും രോഗസൂചകയിനം ഗണിതങ്ങളെയും കൂടാതെ മനോരോഗലക്ഷണങ്ങളെ കൂടി പരിഗണിക്കണം. ധർമ്മവും അഹിംസയും അനുവർത്തിച്ചാൽ, മനസ്സിൽ സമചിത്തതയും അദ്വൈതവും നന്മയും നിലകൊണ്ടാൽ, മനസ്സിൽ സന്തോഷവും സമാധാനവും നിലനിർത്തിയാൽ സപ്തധാതുക്കളിലെ വൈഷമ്യങ്ങളിൽ നിന്നും രോഗാവസ്ഥകളിൽ നിന്നും വേഗത്തിൽ മോചനം നേടാനാകും. മനസ്സിലെ അശുദ്ധിയെന്ന പോലെ പ്രാണശക്തിയിലെ അശുദ്ധിയെയും പരിഹരിക്കണം. പ്രാണശക്തിയിലെ അശുദ്ധിക്ക് ആധാരം പാപപുരുഷനാണ്. ഇതുമൂലം പരുവപ്പെട്ട ദോഷങ്ങളാണ്.

ബിറ്ററാ:
ഒരു വ്യക്തിക്ക് ആരോഗ്യം, സുഖം, ദീർഘായൂസ്സ് എന്നിവ അനുഭവിക്കാനാകുന്നതിൽ ചിന്തകൾ എങ്ങനെയാണ് സ്വാധീനിക്കുന്നത്?

മറുപടി:
സ്ഥൂലശരീരത്തെ ആഹാരദ്രവ്യങ്ങൾ പോഷിപ്പിക്കുന്നതുപോലെ മനോശക്തിയും പോഷിപ്പിക്കുന്നുണ്ട്. ധർമ്മയിനം ചിന്തകളാണ് ആരോഗ്യകരമായ ജീവിതത്തെ സാധ്യമാക്കുന്നത്. എപ്പോഴുമുള്ള നിഷേധാത്മക ചിന്തകളും വികാരങ്ങളും അല്പങ്ങളായ വീക്ഷണങ്ങളും അനാവശ്യയിനം ആഗ്രഹങ്ങളും ഹിംസകർമ്മങ്ങളും മറ്റും മാനസികസമ്മർദ്ദത്തെ വർദ്ധിപ്പിക്കും. ഇത്‌ ശരീരത്തിന്റെ രോഗപ്രതിരോധശേഷിയെ തകർക്കുകയും ഹൃദയപ്രവർത്തനതാളശേഷിയെ ദുർബലമാക്കുകയും ചെയ്യും. കാര്യശരീരത്തിന്റെ സംരക്ഷണമാണ് വ്യക്തിയുടെ ധർമ്മം. അതിമോഹം, അസൂയ, ദ്രോഹചിന്ത തുടങ്ങിയ അധമവികാരങ്ങളെ നിയന്ത്രിക്കാൻ പഠിച്ചാൽ, ധർമ്മത്തോടെയും സ്നേഹത്തോടെയും കാരുണ്യത്തോടെയും സൌമ്യത്തോടെയും പ്രവർത്തിക്കാൻ കഴിഞ്ഞാൽ പ്രയാസങ്ങളുടെ തീവ്രതയെ വളരെയധികം കുറയ്ക്കാനാകും.

ആർശ:
മനസ്സ്, സത്യം, ആരോഗ്യം, വാർദ്ധക്യം, മരണം, പുനരുജ്ജീവനം എന്നിവയെ ഉൾപ്പെടുത്തി പുസ്തകം എഴുതിയപ്പോൾ നേരിട്ട വലിയ വെല്ലുവിളികൾ എന്തൊക്കെയായിരുന്നു?

മറുപടി:
അവിദ്യ, പാപപുരുഷൻ എന്നിവ തന്നെ ആയിരുന്നു മുഖ്യ വെല്ലുവിളി. എല്ലാ ദേശത്തിലെയും ആളുകൾ എല്ലാക്കാലത്തും അന്വേഷിച്ചുപോന്ന ഒരു വിഷയമാണ് വാർദ്ധക്യഅതിജീവനം. അതിജീവനം എന്ന നിലയിൽ തിരികെ യൌവനത്തിലോട്ടും കൌമാരം, ബാല്യം എന്നിവയിലെ മനോനിലയിലോട്ടും ഉള്ള യാത്ര വികൃതപരമായാൽ എത്തപ്പെടുന്നത് സ്ഥൂലശരീരത്തിലെ അർബുദം പോലുള്ള രോഗങ്ങളിലും അകാലത്തിലെ മരണത്തിലുമാണ്. ഇത്തരം വികൃതയിനം പരിണാമത്തെ നേരത്തെ തന്നെ പ്രതിരോധിക്കേണ്ടതും പരിഹരിക്കേണ്ടതും ഉണ്ട്. യൌവനത്തിൽ നിന്നുള്ള ഒരിനം പരിണാമമാണ് (Metamorphosis) വാർദ്ധക്യം എന്ന് കണക്കാക്കാനാകും. അങ്ങിനെയെങ്കിൽ കാര്യശരീരത്തിന് ഹിതകരമായ ആഹാരത്തെ പ്രത്യേകം സ്വീകരിച്ചുകൊണ്ടും വർദ്ധക്യത്തിൽ ബാധിച്ച അഹന്തായിനം ദോഷരോഗങ്ങളെ പ്രത്യേകം ഔഷധങ്ങളെ പ്രയോജനപ്പെടുത്തി പരിഹരിച്ചും ഉള്ള നിലനിൽപ്പാണ്, അകാലമരണത്തിന്റെ പ്രതിരോധമാണ് വാർദ്ധക്യഅതിജീവനം. മൃത്യുഅതിജീവനമാണ് അമൃതബോധം. ക്ഷയത്തെ ക്ഷയദ്രവ്യങ്ങൾ കൊണ്ടും മരണത്തെ നാശദ്രവ്യങ്ങൾ കൊണ്ടും പരിഹരിക്കുന്നത് തഥർത്ഥകാരിയാണ്. അഹന്താദോഷയിനം, അവിദ്യായിനം കാലദേശ സഹചര്യത്തിൽ നിന്നുകൊണ്ട് 'സത്യ'ത്തെ അന്വേഷിക്കുക എന്നതും പാപപുരുഷയിനം കാര്യങ്ങളെ വേർതിരിച്ചറിയുകയെന്നതും ഒരുതരത്തിൽ വെല്ലുവിളി തന്നെയാണ്. ആയുർവേദം, ഹോമിയോപ്പതി എന്നിവ ഉൾപ്പെട്ട സമാന്തരചികിൽസാ മേഖലയിൽ ഉള്ള നിയന്ത്രണങ്ങളിൽ നിന്നുകൊണ്ട്, അതിന് ചുറ്റുമുള്ള അല്പസമൂഹത്തിൽ നിന്നുകൊണ്ട്, ആധുനികകാല അളവുകോലുകളെ ഉപയോഗിച്ചുകൊണ്ട് ക്ഷയഅതിജീവനം, ദീർഘായുസ്സ് എന്നിവയ്ക്ക് ഉതകുന്ന പുതിയ ഔഷധപ്രതിവിധികൾ കണ്ടെത്തുക എന്നത് ഒരു പ്രയാസമായി തോന്നിയിരുന്നു.

ബിറ്ററാ:
ഇന്നത്തെ തിരക്കേറിയ ലോകത്ത് ജീവിക്കുന്നവർക്ക് രോഗങ്ങളില്ലാത്ത ഇനം ദീർഘായൂസ്സ് നേടാൻ ഈ പുസ്തകത്തിലെ അറിവുകൾ എങ്ങനെ ഉപയോഗിക്കാം?

മറുപടി:
അഹന്താദേശം, അഹന്താകാലം എന്നിവ ഉൾപ്പെട്ട സാഹചര്യങ്ങളിലെ ദോഷങ്ങളും ഒപ്പം സാങ്കേതികവിദ്യയുടെ വളർച്ചയും അതിന്റെ അനിവാര്യതയും മാനസികസമ്മർദ്ദത്തെ കൂട്ടുകയും ചിലയിനം രോഗങ്ങളുടെ ആവിർഭാവത്തിന് കാരണമാകുകയും ചെയ്യുന്നുണ്ട്. സ്ഥൂലശരീരത്തിൽ എന്നപോലെ പ്രാണശക്തിയുടെ ആരോഗ്യത്തിലും കൂടുതൽ ശ്രദ്ധിക്കേണ്ടിയിരിക്കുന്നു. എത്ര അദ്ധ്വാനതിരക്കാണെങ്കിലും നിത്യവും കുറച്ച് സമയം ദീർഘമായി നിശ്വസിക്കാനും ആവശ്യത്തിന് വേണ്ട വെള്ളം കൂടിക്കാനും ശുദ്ധി, സമാധാനം എന്നിവയോടെ ഹിതങ്ങളായ ഭക്ഷണം കഴിക്കാനും ആവശ്യമായ നേരം ഉറങ്ങാനും ശീലിക്കണം.

ആർശ:
വാർദ്ധക്യത്തിലെ രോഗാവസ്ഥകളിൽ നിന്ന് മോചനം നേടാനും സന്തോഷത്തോടെ ജീവിക്കാനും ശുചിത്വം, അച്ചടക്കം, ധർമ്മചിന്ത എന്നിവയ്ക്ക് എത്രത്തോളം പങ്കാണുള്ളത്?

മറുപടി:
ആരോഗ്യം എന്നത് ബലമാണ്. ധർമ്മപ്രയത്നങ്ങൾ തന്നെയാണ് ഓരോ പ്രായത്തിലെ ആരോഗ്യത്തെന്റെയും അടിത്തറ.

* ശുചിത്വം, അച്ചടക്കം, ഹിതയിനം ഭക്ഷണം, മിതമായ വ്യായാമം, കൃത്യമായ ഉറക്കം എന്നിവ കാര്യശരീരത്തിലെ ആന്തരിക സന്തുലിതാവസ്ഥ (Homeostasis) യെ നിലനിർത്തും. സാംക്രമികരോഗങ്ങൾ പിടിപെടുന്നതിനെ തടയുകയും ചെയ്യും.

* മനസ്സിൽ എത്തുന്ന അനാവശ്യയിനം വിഷയങ്ങളെ ഒഴിവാക്കി ആവശ്യവിഷയങ്ങളിൽ ശ്രദ്ധ കേന്ദ്രികരിക്കണം. ജീവിക്കുന്ന സഹചര്യവുമായി ഒരു സന്തുലിതാവസ്ഥ നിലനിർത്തണം. അപ്പോൾ അനാവശ്യമായി രൂപപ്പെടുന്ന ഭീതിയുടെ തോത് കുറയും.

* വാർദ്ധക്യത്തെ പ്രതിരോധിക്കാൻ, പ്രായമാകുമ്പോൾ വരുന്ന ആരോഗ്യപ്രശ്നങ്ങളെ ധൈര്യത്തോടെ നേരിടാൻ, വാർദ്ധക്യരോഗങ്ങളുടെ കാഠിന്യത്തെ കുറയ്ക്കാൻ, ഭൌതികവും ആത്മീയവുമായ സുഖത്തെ അനുഭവിക്കാൻ ധർമ്മം, ഇച്ഛാശക്തി, വിവേകം, ത്യാഗസന്നദ്ധത, നന്മ, കാരുണ്യം, നന്ദിപ്രകാശനം എന്നിവയെല്ലാം ഉൾപ്പെട്ട അനുകൂലയിനം കർമ്മങ്ങൾ സഹായിക്കുക തന്നെ ചെയ്യും.

ബിറ്ററാ:
ധർമ്മം, അനാത്മാവ്, പാപപുരുഷൻ, അഹന്താദോഷം, പ്രേതം, പുനർജന്മം എന്നിവയെക്കുറിച്ചും മറ്റും പുസ്തകത്തിൽ പ്രതിപാദിക്കുന്നുണ്ടല്ലോ? പ്രേതാത്മാവിനെക്കുറിച്ച് പറഞ്ഞാലും.

മറുപടി:
ധർമ്മം എന്നത്, അച്ചടക്കം എന്നത് ആവശ്യമായ കാര്യങ്ങൾ ശരിയായ രീതിയിൽ ചെയ്യലാണ്. ധർമ്മം, പ്രാണശക്തി, ജീവശക്തി, ആത്മാവ്, കായകല്പം, രസായനം, മരണം എന്നിവയെ കൂടാതെ ജീവിതശൈലീരോഗങ്ങൾക്ക് ഇടവരുത്തുന്ന വിരുദ്ധാഹാരങ്ങളെയും പ്രതിപാദിച്ചിട്ടുണ്ട്. ദേശം, ഋതു, കാലം, വീര്യം, വിപാകം, പ്രഭാവം എന്നിവയുടെ അടിസ്ഥാനത്തിൽ അനുകൂലയിനങ്ങളെയും സൌമ്യതയെയും തിരിച്ചറിയണം. മാട് മാംസവും കോഴിമാംസവും ഒരേ സമയം കഴിക്കുന്നത് വിരുദ്ധതയത്രെ.

സ്ഥൂലശരീരം, പ്രാണശക്തി, മനസ്സ് എന്നിവ ഉൾപ്പെട്ട കാര്യശരീര കവചം ഭൌതികമാണ്. ആത്മാവ് അഥവാ ബോധം അഭൌതികമാണ്. അഹന്താദോഷങ്ങൾ ഉൾപ്പെടെ, ദൃശ്യപ്രകൃതിയിലെ എല്ലാത്തിനും ആവരണങ്ങൾ അല്ലെങ്കിൽ വാഹനം ഉണ്ട്. കാര്യശരീരത്തിൽ നിന്ന് കാരണശരീരം വേർപെടുന്നതാണ്, അല്ലെങ്കിൽ സൂക്ഷ്മശരീരങ്ങളായ പ്രാണശക്തി, മനസ്സ് എന്നിവ വിഘടിക്കുന്നതാണ് മരണം. ആത്മാവ് നിലകൊണ്ട ഒരു ഭൌതികയിനം ഊർജ്ജമാണ് പ്രേതം. പ്രേതത്തോടൊപ്പം സ്ഥൂലശരീരമോ പ്രാണശക്തിയോ ബാഹ്യമനസ്സോ ഇല്ല. പ്രേതം, അനാത്മാവ് എന്നിവയെക്കുറിച്ചും മറ്റും വിവരിക്കാൻ ഒരുങ്ങിയാൽ അഭിമുഖം ദീർഘിക്കും. നിത്യേനെ, നിമിഷമെന്നോണം സംഭവിച്ചുകൊണ്ടിരിക്കുന്ന ഒന്നാണ് കോശമരണം. വർത്തമാനകാലത്തെ, ജീവിതവിഷയങ്ങളെ പരിഗണിക്കുമ്പോൾ സ്ഥൂലമരണം, പ്രേതം എന്നിവയ്ക്ക് പ്രസക്തി തീരെ ഇല്ലാത്തതാണ്.

ആർശ:
ഏറ്റവും ആധുനികമായ ചികിൽസാവിഭാഗമാണല്ലോ ഹോമിയോപ്പതി. ഹോമിയോപ്പതി ആശയത്തെ ക്കുറിച്ചും അതിൽ നിലവിലുള്ള ചില പ്രയോഗങ്ങളെ സംബന്ധിച്ചും നിരവധിയായുള്ള വിമർശനങ്ങൾ ഇപ്പോൾ സാമൂഹ്യമാധ്യമങ്ങളിലൂടെ ചിലർ ഉയർത്തുന്നുണ്ട്. ഇത് സാധാരണക്കാരിൽ ആശയക്കുഴപ്പത്തിന് ഇടവരുത്തിയിട്ടുണ്ട്. ഇതിനെ എങ്ങിനെ നോക്കിക്കാണുന്നു? ഒരൊറ്റ സന്ദേശം മാത്രമാണ് ഈ പുസ്തകത്തിൽ നിന്ന് എടുക്കുന്നതെങ്കിൽ അത് എന്തായിരിക്കണം? ക്ഷയത്തിന്, സ്ഥൂല അകാലമരണത്തിന് എതിരെയുള്ള ഔഷധപദ്ധതി എന്താണ്?

മറുപടി:
ഹോമിയോപതി ഒരു രോഗപരിഹാര ആശയമാണ്. ഈ ചികിൽസാപദ്ധതിയെ പരിചയപ്പെടുത്താനും അത് സംബന്ധിച്ചുള്ള തെറ്റിദ്ധാരണകളെ ദൂരീകരിക്കാനും വൈദ്യബോധം എന്ന അദ്ധ്യായത്തിൽ ശ്രമിച്ചിട്ടുണ്ട്. ഹോമിയോ എന്നതിന് സാമ്യം എന്നത് കൂടാതെ സൗമ്യം, ഹിതം, പാരസ്പര്യം, സത്യം എന്നും; പതി എന്നതിന് ദുരിതം എന്നത് കൂടാതെ കരുണ, സ്വാന്തനം എന്നും അർത്ഥമുണ്ട്. ഹിതങ്ങളായ ശീലങ്ങളും മുൻകരുതലുകളും ചികിൽസകളും ബാല്യം മുതൽക്കേ തുടങ്ങിയാൽ ദീർഘായുസ്സ് അനുഭവിക്കാനാകും. വാർദ്ധക്യം എന്നാൽ രോഗങ്ങൾ വന്ന് തളർന്നുപോകേണ്ട ഒരു കാലം മാത്രമല്ലല്ലോ. ഹിതവും യുക്തിപരവുമായ ആരോഗ്യമാർഗ്ഗങ്ങളിലൂടെ, രോഗനിവാരണരീതികളിലൂടെ, ഔഷധങ്ങളിലൂടെ ജരയെ, അനുബന്ധവേദനകളെ പ്രതിരോധിക്കാനാകും, ലഘുവാക്കാനാകും.

പ്രായമാകലിനെ അന്തസ്സോടെ സ്വീകരിക്കുകയും ബാഹ്യമനസ്സിന്റെ അധമയിനം കർമ്മങ്ങളെ നിയന്ത്രിക്കുകയും വാർദ്ധക്യകാല അതിജീവനത്തിന് പ്രത്യേകമായി വേണ്ട ആരോഗ്യനിയമങ്ങളെയും ചികിൽസാതത്വങ്ങളെയും തിരിച്ചറിഞ്ഞ് പ്രയോജനപ്പെടുത്തുകയും ഒപ്പം ജീവിതത്തെ സമർപ്പണത്തോടെയുള്ള ഒരു ആഘോഷമാക്കുകയും ചെയ്യണം. സ്വജീവിതത്തെ ചെറുപ്പം മുതലേ തന്നെ ധർമ്മത്തിലാക്കണം, സമർപ്പണത്തിലാക്കണം. ധർമ്മവും സമർപ്പണവും ഉൾപ്പെട്ടതാണ് നന്മ. നന്മ, ശുദ്ധി, സൌമ്യത, പാരസ്പര്യം, കാരുണ്യം, നന്ദി എന്നിവയുടെ ഉന്നതിയാണ് ആനന്ദം. ആനന്ദബലി, സ്നേഹം, കാരുണ്യം എന്നിവ സത്യസമാനമത്രേ. സത്യസമാന മാർഗ്ഗങ്ങളെയും സത്യസമാന ദ്രവ്യങ്ങളെയും നേരത്തെ തന്നെ അവലംബിക്കണം.

സത്യത്തെ ക്കുറിച്ചുള്ള ഭാവന, അന്വേഷണം; സത്യസമാനകർമ്മങ്ങൾ എന്നിവ സത്യത്തിലോട്ട്, സത്യബോധത്തിലോട്ട് നയിക്കും. പൂർണ്ണായുസ്സ് അനുഭവത്തിലൂടെ സത്യസമാനകാര്യ സാക്ഷാൽക്കാരത്തിനായി പരിശ്രമിക്കണം. അതിന് ആത്മബോധകലകൾ ഓരോന്നിനെയും അറിഞ്ഞ് ആശ്രയിക്കണം. ആന്തരിക സൂക്ഷ്മമനസ്സിനെ ക്കുറിച്ചുള്ള, ആത്മബോധകലകളെ ക്കുറിച്ചുള്ള വിവരണം കൂടിയാണ് 'വാർദ്ധക്യഅതിജീവനം അമൃതബോധം'.

അവബോധമനസ്സിന് ഭൌതികതയെയും ഭൌതിക പ്രതിഭാസങ്ങളെയും ഉൾകൊള്ളാമെങ്കിൽ അഭൌതികതയെയും അംഗീകരിക്കാനാകും. ഭൌതികയിനം അളവുകോൽ, സ്ഥൂലയിനം അളവുകോൽ ഉപയോഗപ്പെടുത്തി അഭൌതികമായ ഒന്നിനെ അന്വേഷിക്കാനാവുകയില്ല. 'ഏകമായ സന്ദേശം' എന്നത് സത്യത്തിന്റെ വിശേഷണവുമാണല്ലോ. വ്യക്തിഗത ആരോഗ്യത്തിന്റെ, ആനന്ദത്തിന്റെ, അതിന്റെ ഉന്നതിയുടെ പ്രാധാന്യത്തെയാണ് പുസ്തകം ചൂണ്ടികാണിക്കുന്നത്.

ക്ഷയപരിണാമം പ്രകൃതിപരമാണ്. അകാലത്തിലെ പിടിപെടുന്ന ക്ഷയത്തിന്റെ വ്യക്തിഗതമായുള്ള സ്ഥൂല, സൂക്ഷ്മ കാരണങ്ങൾ; കാലദേശ, ഗുണ, വീര്യ സ്വഭാവങ്ങൾ, പാപപുരുഷന്റെ ആസൂത്രിത തന്ത്രങ്ങൾ എന്നിവയെയെല്ലാം ഉൾകൊണ്ട്, പഞ്ചഭൂത തത്വത്തെ അടിസ്ഥാനമാക്കി സംഘടിപ്പിക്കാനാകുന്ന കല്പയിനം 'ഔഷധപദ്ധതി' ഒരു ഇച്ഛയാണ്, തിരഞ്ഞെടുപ്പാണ്. വികസിതമായ ഒരിനം അറിവാണ്, ആഗ്രഹചേതനയാണ് ഇച്ഛ. അതടിസ്ഥാനത്തിലുള്ള പ്രവൃത്തികളാണ് ധർമ്മം. കാമവും അതിമോഹവും ഇച്ഛയും വിഭിന്നങ്ങളാണ്. കാമം ജനിതകമാണ്. മോഹം ഒരു അഹന്തായിനം വികാരമാണ്. ഇച്ഛ എന്നത് ആത്മചേതനയുടെ ഒരു പ്രകടനമാണ്, പ്രഭാവമാണ് അല്ലെങ്കിൽ ഹിതകർമ്മത്തിന് ഉതകുന്ന ചേതന തന്നെയാണ്. ഇച്ഛാശക്തിയിലൂടെയും ഹിതകർമ്മത്തിലൂടെയും കർമ്മഫല ത്യാഗത്തിലൂടെയും ഉള്ള ദീർഘയിനം ആരോഗ്യാനുഭവത്തെയാണ്, ഉയർന്നയിനം സമചിത്തതയെയാണ്, വിവേകത്തെയാണ്, ഏകത്വത്തെയാണ്, സംതൃപ്തി, ശാന്തി, സമാധാനം എന്നിവ ഉൾപ്പെട്ട ഭാവത്തെയാണ്, തുടർന്നുള്ള ബലത്തെയും ആനന്ദാനുഭൂതിയേയുമാണ് ഇവിടെ ലക്ഷ്യംവെയ്ക്കുന്നത്.

പ്രാണശക്തി, മനസ്സ് എന്നീ ഊർജ്ജങ്ങൾ കൂടെ ഇല്ലെങ്കിൽ സ്ഥൂലശരീരം ജഡമാണ്. കാര്യശരീരത്തെ ജഡം എന്ന നിലയിൽ മാത്രം കണക്കാക്കിപോരുന്നവർ എവിടെയും ഉണ്ട്. എക്കാലത്തും ഉണ്ടാകും. ജീവിതത്തെ ധർമ്മപരപരമാക്കണം. കർമ്മം, വാക്ക്, വികാരം, ഭാവന എന്നിവയെല്ലാം ശുദ്ധവും സൌമ്യവും അഹിംസാപരവും ആക്കണം. അലസതയെ, ഹിംസയെ, പാപങ്ങളെ സഹജവാസനയായി കണക്കാക്കുന്നവരും ആന്തരിക മനസ്സ്, ആത്മബോധകല്പം എന്നിവയെ നിഷേധിക്കുന്നവരും ഉണ്ട്. ഇക്കൂട്ടരെയും മറ്റും ഉദ്ദേശിച്ചുള്ള കൃതി അല്ല ഇത്. ഇവർക്കായി പുതിയ സന്ദേശമൊ അതിജീവനയിനം ഔഷധവിവരങ്ങളോ ഒന്നും പുസ്തകം നൽകുന്നുമില്ല. ഇവരും സ്വധർമ്മത്തിൽ നിന്ന് അകന്ന് അവിദ്യയെ, പാപപുരുഷനെ എപ്പോഴും വാഴ്ത്തി അനുസരിച്ചുപോരുന്നവരും വളഞ്ഞ വഴിയിലൂടെ സത്യത്തെ അന്വേഷിക്കുന്നവരും അഹന്താദോഷങ്ങളോട് നേരിട്ട് യുദ്ധം ചെയ്യാൻ മുതിരുന്നവരും ഇതിൽ എത്തിനോക്കേണ്ടതില്ല. പാപത്തെ മാനവഗുണമായി അംഗീകരിച്ചും അതിനെ അവലംബിച്ചും നന്മയുടെ കപടവേഷമണിഞ്ഞും തന്ത്രങ്ങൾ പയറ്റി അല്പകാലം സിദ്ധന്മാരായി വിലസുന്നവരും ഈ വഴിയിൽ എത്തിനോക്കേണ്ടതില്ല. എത്തിനോക്കിയാൽ തന്നെ ആശയം, വചനം വെളിപ്പെടുകയും ഇല്ല.

🤱ബിറ്ററാ:
ആരോഗ്യം, ദീർഘായുസ്സ് എന്നിവ നേടുന്നതിന്നായി അങ്ങ് വിവരിച്ചത് ഏറെക്കുറെ ഇതിനകം അറിഞ്ഞുവെച്ച കാര്യങ്ങൾ തന്നെയാണ്. 'അതിക്കുംമേലെ' ഉള്ള ഉത്തമ വിവരങ്ങൾ, ദീർഘായുസ്സിനുതകുന്ന പ്രത്യേകയിനം ആഹാരയിനങ്ങൾ, ശുദ്ധയിനം ഔഷധങ്ങൾ എന്നിവയെപ്പറ്റി പറഞ്ഞാലും. വായന എന്ന കർമ്മം പൊതുവെ ആയുസ്സ് നഷ്ടപ്പെടുത്തൂന്നവ ആയിരിക്കുന്നു. ജീവിതാഭ്യാസങ്ങൾ, രോഗാനുഭവങ്ങൾ, സമ്പ്രദായിക ആചാരങ്ങൾ, വായന എന്നിവ പോലെ പുസ്തകഭാഷ്യവും ഒരു തരം ഉഡായിപ്പ് ആണോ?

മറുപടി:
പുനരുജജീവനവൈദ്യം, പുനരുജജീവനകായകല്പം, പുനരുജജീവനരസായനം, വാർദ്ധക്യബോധം, വൈദ്യബോധം, ആരോഗ്യബോധം, ശുദ്ധിബോധം, ആനന്ദബോധം, കർമ്മബോധം, ധർമ്മബോധം, സത്യബോധം, ആത്മബോധകലകൾ, പ്രാണശക്തി, പ്രപഞ്ചബോധം, മനസ്സ് എന്നിവയാണ് പുസ്തകത്തിലെ ഉള്ളടക്കം. പ്രായ, കാല, ദേശ ഘടകങ്ങൾക്കും സത്യവിശേഷങ്ങൾക്കും അനുസൃതമായുള്ള കാര്യശരീരസൌമ്യ സംരക്ഷണമാണ് ധർമ്മം. അത് കർമ്മവും ഉപകാരവും ഉൾപ്പെട്ടതാണ്. ദോഷനിർവ്വീര്യതന്ത്രങ്ങൾ, ദോഷനിർവ്വീര്യ ഔഷധങ്ങൾ, കായകൽപ്പദ്രവ്യങ്ങൾ; ആത്മബോധകല്പങ്ങൾ, ആത്മബോധം, സത്യം എന്നിവയെപ്പറ്റിയുള്ള ധർമ്മവിശകലനങ്ങൾ 'അതിക്കുംമേലെ' ഉള്ള കാര്യങ്ങൾ തന്നെയല്ലേ ബിറ്ററാ.

ബലം നൽകുന്ന ദ്രവ്യങ്ങളെയും ഊർജ്ജങ്ങളെയും ആണ് ആഹാരം എന്ന് പറയുന്നത്. സപ്തധാതുക്കളെ ആഹാരത്തെ പ്രയോജനപ്പെടുത്തി ശുദ്ധിയിലും സൌമ്യതയിലും സങ്കേതം എന്ന നിലയിലും പോഷിപ്പിച്ച് സംരക്ഷിക്കണം. വാർദ്ധക്യത്തിലെ മുഖ്യ പ്രശ്നം ഹിതകരമായ ആഹാരത്തിന്റെ അപര്യാപ്തതയാണ്, ഒപ്പം വാർദ്ധക്യസഹജ രോഗങ്ങളുമാണ്. കാര്യശരീരത്തിലെ വൈഷമ്യം, സപ്തധാതുക്കളിലെ വികൃതി, മാലിന്യം, വിഷം എന്നിവയാണ് രോഗങ്ങൾക്ക് പൊതുവെ നിദാനം. രോഗത്തേയും രോഗകാരണങ്ങളെയും അതിന്റെ ആരംഭത്തിൽ, മൃദു അവസ്ഥയിൽ ഔഷധങ്ങളെ പ്രയോജനപ്പെടുത്തി സമാന ആശയത്തിൽ പരിഹരിക്കണം. രോഗലക്ഷണങ്ങൾ തീവ്രതയിലാണെങ്കിൽ വിപരീതരീതിയിൽ ശമിപ്പിക്കണം.

സമാജം എന്ന നിലയിൽ അറിയേണ്ടുന്ന കാര്യങ്ങളും വ്യക്തി എന്ന നിലയിൽ ചെയ്യേണ്ടുന്ന കാര്യങ്ങളും ഉണ്ട്. ആ നിലയിൽ ശാസനകളും ഉണ്ടാകുമല്ലോ. പുസ്തകത്തിലെ നിർദ്ദേശങ്ങൾ മുഖ്യമായും നഗ്നനായ വ്യക്തി എന്ന നിലയിൽ അറിയാനുള്ളതാണ്. അഹിംസ, ധർമ്മം, ശുദ്ധി, ആരോഗ്യം, വൈദ്യം, അതിജീവനം, ദീർഘായുസ്സ്, സ്വാതന്ത്ര്യം, ആനന്ദം, സംതൃപ്തി, സത്യം എന്നിവയുടെ സങ്കേതത്തെ അന്വേഷിക്കുന്നുവെങ്കിൽ വേഷമഹിമകളിലും അനുബന്ധയിനം, ഭൌതികയിനം ഉഡായിപ്പുകളിലും അളവുകോലുകളിലും കടിച്ചുതൂങ്ങി ബഹളം വെയ്ക്കാതെ പുസ്തകത്തിന്റെ ഉള്ളടക്കത്തിലൂടെ സസൂക്ഷ്മം സഞ്ചരിക്കാൻ തയ്യാറായാലും.

👩ആർശ:
ആത്മബോധം അതിന്റെ സ്ഥൂലയിനം ആവരണങ്ങളെ, വാഹനത്തെ ഉപേക്ഷിച്ച് വേറിട്ട് നീങ്ങുന്നതാണല്ലോ മരണം. അങ്ങിനെയെങ്കിൽ ദൃശ്യലോകത്തിലെ സ്ഥൂല ആവരണക്കൂട്ടിൽ ആത്മബോധത്തെ നിലനിർത്തിയത് അഹന്താദോഷതത്വം, പാപപുരുഷൻ തന്നെ ആയിരിക്കുമല്ലോ? കാര്യശരീരത്തിന്റെ വൈഷമ്യം, ജരാ, നാശം എന്നിവയുടെ നിദാനവും അഹന്താദോഷതത്വം തന്നെയല്ലേ? അഹന്താദോഷങ്ങളുടെ നിർവ്വീര്യമാണ് വാർദ്ധക്യഅതിജീവനത്തിലെ മുഖ്യകാര്യമെങ്കിൽ അത്തരം വൈദ്യവിധികളുടെ ഉൾവഴികളെപ്പറ്റി, അതിനുതകുന്ന ഔഷധദ്രവ്യങ്ങളെപ്പറ്റി വിവരിച്ചാലും. AI യുടെയും Biotechnology യും കാലഘട്ടത്തിൽ അതിജീവനം കുറേക്കൂടി എളുപ്പത്തിൽ തന്നെ പ്രാപ്യവുമാകുമല്ലോ?

മറുപടി:
അഹന്താദോഷങ്ങൾ, അഹന്താസഹചര്യങ്ങൾ എന്നിവ സംബന്ധിച്ച അറിവും അത് ആധാരമാക്കിയുള്ള ആരോഗ്യസമ്പാദന പ്രയത്നങ്ങളുമാണ് അതിജീവനം. അമൃതബോധം എന്നത് ആത്മബോധകലകളെ പ്പറ്റിയുള്ള അറിവും അതിന്റെ പ്രയോഗവുമാണ്. അതിജീവനത്തിന്റെയും അമൃതബോധത്തിന്റെയും ലക്ഷ്യം കായശരീരത്തിൽ നിന്നുള്ള ആത്മബോധത്തിന്റെ മുക്തി അല്ല. മറിച്ച് കാര്യശരീരത്തിന്റെ നിലനിൽപ്പാണ്. കാര്യശരീരത്തിന്റ ആനന്ദാനുഭവങ്ങളും മോക്ഷാനുഭൂതികളുമാണ്. അഹിംസായിനം അനുകൂല കർമ്മങ്ങളുടെയും സ്നേഹത്തിന്റെയും ആനന്ദബലിയുടെയും എല്ലാം ആകെ സമ്പാദ്യമാണ് വ്യക്തിയുടെ അർഹത. ഇതിൽ അധികവും ജനിതകമാണ്. അഹന്താദോഷ കർമ്മസമ്പാദ്യത്തിൽ അധികവും സഹചര്യപരമാണ്, അല്ലെങ്കിൽ ബാഹ്യമനസ്സിന്റെ സംഘാടനമാണ്. അതിജീവനം, അമൃതബോധരീതികൾ ഏറെക്കുറെ വ്യക്തിപരമാണ് എന്ന് നേരത്തെ സൂചിപ്പിച്ചുവല്ലോ ആർശാ. അർഹത എന്നതും വ്യക്തിപരമാണ്. പ്രായശ്ചിത്തവും പുണ്യകർമ്മഫല ത്യാഗവും വ്യക്തിപരമാണ്.

കാര്യശരീര സംരക്ഷണം അഥവാ കായസംരക്ഷണം വ്യക്തിയുടെ ധർമ്മമാണ്. "നിങ്ങൾ എന്തിനെ അന്വേഷിക്കുന്നുവോ അത് നിങ്ങളെയും അന്വേഷിച്ചുകൊണ്ടിരിക്കുന്നു" എന്നൊരു പഴമൊഴിയുണ്ട്. വേദനാനിവാരണ ദ്രവ്യങ്ങൾ, ജരനിവാരണ ദ്രവ്യങ്ങൾ ഓരോരുത്തരേയും തന്നെ അന്വേഷിക്കുന്നുണ്ട്. അർഹത ഇല്ലാത്ത, കിട്ടാത്ത മുന്തിരിയുടെ രസം പുളിപ്പ് എന്നപോലെ വായിച്ചിട്ടില്ലാത്ത പുസ്തകത്തിന്റെ രസവും കഴിച്ചിട്ടില്ലാത്ത മരുന്നുകളുടെ അനുഭവവും ഏറെക്കുറെ അങ്ങിനെതന്നെയായിരുക്കുമല്ലോ ആർശാ. കാല, ദേശ, കായ ഗുണങ്ങളെയും വീര്യങ്ങളെയും അറിഞ്ഞ്, Metamorphosis മാറ്റങ്ങളെ അറിഞ്ഞ്, ദേഹത്തിൽ നിലവിലുള്ള മാലിന്യങ്ങളെയും വിഷയിനങ്ങളെയും രോഗലക്ഷണങ്ങളെയും അറിഞ്ഞ് ശുദ്ധിയെ അവലംബിച്ച് വാർദ്ധക്യപ്രയാസങ്ങളെ ഔഷധങ്ങളെ യുക്തിയിൽ പ്രയോജനപ്പെടുത്തി യഥാസമയം പരിഹരിക്കണം. തമസ്സ് ഇനം, വിഷ ഇനം ഔഷധങ്ങളെ തിരിച്ചറിഞ്ഞ് അവയെ സമാന ആശയത്തിൽ, ലഘുരൂപത്തിൽ മൃദു അവസ്ഥയിൽ സ്വീകരിക്കണം.

വ്യക്തി എന്ന നിലയിൽ, വർത്തമാനകാല ജാഗ്രതുബോധത്തിൽ; ദേശ, പ്രായ ധർമ്മബോധത്തിൽ, അത്തരം ഇച്ഛയിൽ പുസ്തകത്തിലൂടെ ക്രമത്തിൽ സഞ്ചരിച്ചാലും. ദേശപ്രകൃതി, ഋതുപ്രകൃതി എന്നിവ അനുസരിച്ചും പ്രായപ്രകൃതി, ദേഹഗുണം, ദേഹവീര്യം എന്നിവ അനുസരിച്ചും നിർദ്ദേശിക്കപ്പെട്ട ആഹാരങ്ങൾ, ഔഷധങ്ങൾ എന്നിവയെ സംഘടിപ്പിച്ച് യഥോചിതം പ്രയോജനപ്പെടുത്തിയാലും.

അവിദ്യ, പാപപുരുഷൻ, അധർമ്മം, കൂതന്ത്രം എന്നിവ സാർവത്രികമാകുമ്പോൾ; തിന്മാചാരങ്ങൾ, പ്രതികൂല സമ്പ്രദായങ്ങൾ എന്നിവ പ്രബലമാകുമ്പോൾ ദീർഘായുസ്സിന് അനിവാര്യമായ ജീവിതാശയങ്ങൾ, ആരോഗ്യനിയമങ്ങൾ എന്നിവ തെറ്റിദ്ധരിക്കപ്പെടും. ഇത്തരം സന്ദർഭത്തിൽ വാർദ്ധക്യസംരക്ഷണ രീതികളെ വേറിട്ട് അറിയുന്നതും ആ നിലയിൽ അതിനെപ്രയോജനപ്പെടുത്തി അനുഭവിക്കുന്നതും അതിജീവനമാണ്. അവിദ്യയും അന്ധവിശ്വാസങ്ങളും അതനുസരിച്ചുള്ള അനുകരണങ്ങളും തുടർന്നുള്ള അസ്വസ്ഥതയും അശാന്തി അനുഭവങ്ങളും കൂടാതെ, വ്യക്തിയുടെ ആനന്ദാനുഭവങ്ങൾക്കുള്ള അർഹതയും കുറെയൊക്കെ ജനിതകമാണ്, വാസനാപരമാണ്, കർമ്മഫലമാണ്, വിധിയാണ്.

ശുദ്ധിയെ തുടർന്ന്, ആഹാരത്തെ തുടർന്ന് ബലം, സ്വസ്ഥത, ശാന്തി എന്നിവ അനുഭവിക്കുന്നതിന് ലൌകിക ജീവിതകാര്യങ്ങളും ആത്മീയകർമ്മങ്ങളും അനുകൂലമാകണം, അല്ലെങ്കിൽ അനുകൂലമാക്കണം. വാർദ്ധക്യക്ഷയത്തിന് ജനിതക കാരണങ്ങളും വ്യക്തിയുടെ ദേശ, കാല, ദേഹ, കർമ്മ, ഭാവ വിത്യാസങ്ങൾ അനുസരിച്ചുള്ള ഭിന്നങ്ങളായ ആർജിതകാരണങ്ങളും ഉണ്ട്. അതനുസരിച്ച് പ്രതിരോധരീതികളും സഹനരീതികളും അതിജീവനരീതകളും വിത്യാസപ്പെടും. അവയെ വ്യക്തിഗതമായി തിരിച്ചറിയണം. സൌമ്യ രീതിയിൽ, മംഗളപരമായി പരിഹരിക്കാനാകണം.

ബിറ്ററാ: അങ്ങ് സ്വർഗ്ഗാനുഭവത്തിന് ഉതകുന്ന മാർഗ്ഗങ്ങളെ കൂടാതെ അതിനുതകുന്ന ഔഷധദ്രവ്യങ്ങളെക്കുറിച്ചും വിവരിക്കുന്നണ്ടല്ലോ. ഇവയെ സംബന്ധിച്ച് വിശദമാക്കിയാലും.

മറുപടി:
മനസ്സ് ഒരു ഊർജ്ജമാണ്, ആശയപ്രതിഭാസമാണ്. പാപപുരുഷ ഇന്ദ്രിയ ബാഹ്യമനസ്സ്, ആന്തരിക അവിദ്യമനസ്സ്, ആശയപ്രതിഭാസ ഗുരുമനസ്സ്, സത്യബോധ അബോധമനസ്സ് എന്നിങ്ങിനെ മനസ്സിന് വിവിധ തലങ്ങൾ ഉണ്ട്. ബാഹ്യമനസ്സിന്റെ മുഖ്യധർമ്മം സംസ്കരണമാണ്. സംസ്ക്കരണത്തിന്റെ ഉല്പന്നമാണ് പരിണാമ അനുഭവം.

ഇന്ദ്രിയ ജാഗ്രത്പ്രപഞ്ചം, ഇന്ദ്രിയസംസ്കരണ സ്വപ്നപ്രപഞ്ചം, ശൂന്യതയായ സുഷൂപ്തിപ്രപഞ്ചം, ഇവയുടെ അഭാവത്തിൽ, ഇവയ്ക്ക് അതീതമായുള്ള ചതുരിയ പ്രപഞ്ചം എന്നിങ്ങിനെ മനസ്സിന് നാല് ഇനം പ്രപഞ്ചങ്ങളെ അനുഭവിക്കാനാകും. സുഷൂപ്തിയെ തുടർന്ന് ഇന്ദ്രിയയിനം ജാഗ്രത്പ്രപഞ്ചത്തിലോട്ട് തിരിച്ചുപോകുകയും ഒപ്പം ഇന്ദ്രിയസംസ്കരണം എന്ന മനോഗുണത്തെ ലഘുവാക്കി അഹിംസയിൽ, സൌമ്യതയിൽ, പാരസ്പര്യത്തിൽ, സ്നേഹത്തിൽ, പുണ്യകർമ്മഫല ബലിയിൽ, കാരുണ്യത്തിൽ, ആനന്ദബലിയുടെ പൂർണ്ണതയിൽ അനുഭവിക്കാനാകുന്ന വികാരമാണ് അമൃതബോധം. ജാഗ്രത്പ്രപഞ്ചത്തിലെ 99% മനോകർമ്മങ്ങളും സംസ്കരണ സ്വഭാവമുള്ളതാണ്, പ്രതികൂലമാണ്. അഹിംസയിൽ, കാരുണ്യത്തിൽ, തുരിയപ്രപഞ്ചത്തിൽ, സത്യത്തിൽ 99% മനോകർമ്മങ്ങളും അനുകൂലമാണ്. അനുകൂലവും നിത്യവുമായ അനുഭവപ്രപഞ്ച ഭാവമാണ് സ്വർഗ്ഗം. പ്രതികൂല വിഷയങ്ങളിൽ നിന്നുള്ള അതിജീവനത്തിന്റെയും സ്വർഗാനുഭവത്തിന് ഉതകുന്ന നിർദ്ദേശങ്ങളുടെയും സമാഹാരം കൂടിയാണ് വാർദ്ധക്യഅതിജീവനം അമൃതബോധം.

ആർശാ:
ഇക്കാലത്ത് 100 വർഷത്തിന് മേൽ ആയുസ്സ് അനുഭവിക്കാനുള്ള സാധ്യത വളരെ കുറവാണ് എന്ന് തോന്നുന്നു. അങ്ങിനെയെങ്കിൽ 124 വർഷത്തെ ആയുസ്സ് എന്നത് വെറും ഭാവന തന്നെയല്ലേ? വാർദ്ധക്യഅതിജീവനത്തിനും ദീർഘായുസ്സിനും പൊതുവായി പ്രയോജനപ്പെടുത്താവുന്ന ഏതാനും അമൃതയിനം ഔഷധങ്ങളെപ്പറ്റി സൂചിപ്പിക്കാമോ?

മറുപടി:
ദേഹപ്രകൃതി, പാപപുരുഷൻ എന്നിവയുടെ വീര്യം, ലക്ഷണങ്ങൾ, രോഗത്തിന്റെ തീവ്രത എന്നിവ ആധാരമാക്കിയാണ് രോഗത്തിൽ, ക്ഷയത്തിൽ, അതിജീവനത്തിൽ ഔഷധത്തെ പ്രയോഗിക്കുന്നത്. രോഗശമനത്തിന് ഉതകുന്ന സോമയിനം ഔഷധങ്ങളെക്കുറിച്ചും സൂര്യയിനം ഔഷധങ്ങളെക്കുറിച്ചും ഇവയുടെ പ്രയോഗങ്ങളെക്കുറിച്ചും രസായന, കല്പ ദ്രവ്യങ്ങളെ ക്കുറിച്ചും അവസാനത്തെ അദ്ധ്യായങ്ങളിൽ വിവരിക്കുന്നുണ്ട് ആർശാ. പ്രതികൂല സഹചര്യങ്ങളിൽ ജീവിച്ചുപോരുന്നവരും അനുകൂലയിനം സാഹചര്യങ്ങളിൽ ജീവിക്കുന്നവരും ഉണ്ട്. അവിദ്യ, പാപപുരുഷൻ, പാപഭാവന, പാപവാസന, പാപകർമ്മങ്ങൾ തുടങ്ങിയ പ്രതികൂലഘടകങ്ങളെ ശുദ്ധിയിലൂടെയും സൽക്കർമ്മഫല ബലിയിലൂടെയും പരിഹരിക്കണം. ആർശാ, സംഘടിപ്പിച്ച അളവുകോലുകളെ എല്ലാം വലിച്ചെറിഞ്ഞ് പുസ്തകത്തിലൂടെ നേരിട്ട് സഞ്ചരിച്ചാലും. ആർശക്കും കൂട്ടുകാർക്കും പൂർണ്ണായൂസ്സ് നേരുന്നു.🙏

🤱. ഭൌതിക അളവുകോലുകളെ നിലനിർത്തി കൊണ്ടും അളവുകോലുകളെ വലിച്ചെറിഞ്ഞും പുസ്തകത്തിലൂടെ സഞ്ചരിക്കാം. നന്ദി.🙏

Address

The Curateur
Kochi
682005

Telephone

9349787525

Website

facebook.com

Alerts

Be the first to know and let us send you an email when Kader homeopathic healing posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kader homeopathic healing:

Kader homeopathic healing

07/09/2026

07/09/2026

Address

Telephone

Website

Alerts

Contact The Business

Shortcuts

Share

Category

Listing takedown request