PTH-Sahachari Muzhakkunnu

05/06/2026

01/06/2026

*മൂർച്ചയുള്ള സ്നേഹായുധം കൊണ്ട് സേവന മാതൃകയിൽ ഏവരുടെയും ഹൃദയകവാടം തുറന്ന കേരള PTH ന്റെ നെടും തൂണായ ഡോക്ടർ അമീറലി സാറിന് മുഴക്കുന്ന് PTH സഹചാരിയുടെ പേരിൽ ഒരായിരം പിറന്നാൾ ആശംസകൾ*

പാഞ്ഞോടിയ കാലത്തിന് മുന്നിൽ പതറാതെ നടന്ന പാദുകങ്ങളേ... വീണുടയാത്ത വഴിവിളക്കാണെന്നും ഡോക്ടർ അമീറലി സാറെന്ന് തെല്ലഹങ്കാരത്തോടെ പറയട്ടെ. ഒരു വർഷത്തെ പരിചയത്തിനൊടുവിൽ കാതുകളിൽ കേട്ടതത്രയും എരിയുന്ന പകലിന്റെ ഒരു പിടി ചാരമായി മാറിയ പാതിര പോലും വെളിച്ചം പ്രകാശിച്ചു കൊണ്ട് പ്രലോഭനങ്ങളിൽ വഴങ്ങാതെ സാമൂഹ്യസേവനത്തിന്റെ വഴികാട്ടിയാണ് അമീർ ഡോക്ടറെന്ന് . ആ വിശേഷണം അടുത്തറിയുകയെന്ന ലക്ഷ്യമായിരുന്നു പിന്നീടെന്നിൽ ഉടലെടുത്തത്.വർഗ്ഗീയതയും വർണ്ണനകളും മതം പേറിയ മണ്ണിൽ ജാതിമത വ്യത്യാസമില്ലാതെ കിടപ്പിലായ രോഗം കൊണ്ട് ബുദ്ധിമുട്ട് അനുഭവിക്കുന്നവരെ ചേർത്ത് പിടിച്ചു കാലത്തിന്റെ സഞ്ചാരപതയിൽ നീങ്ങിക്കൊണ്ടിരിക്കുകയാണ് കേരള PTH ഡോക്ടർ അമീറലി സാറും PTH ന്റെ കൂടെയുള്ളവരുമെന്ന് തിരിച്ചറിയാൻ ഏറെ നാളൊന്നും വേണ്ടിവന്നില്ല.

രോഗികളിൽ ചത്തടിഞ്ഞു കൂടിയ ദുഃഖങ്ങളെ, ആരോഗ്യ പ്രശ്നങ്ങളിൽ നീറിയ കരിഞ്ഞ വികാരങ്ങളെ, എന്തിനേറെ പറയുന്നു അവരുടെ സ്വകാര്യതയെ പോലും വിചാരണ ചെയ്യാതെ പൂർണ്ണമായി അകക്കോണിൽ മനസ്സിലാക്കി സ്വന്തം ഹൃദയകവാടത്തിനുള്ളിലെ അഴിക്കുള്ളിലാക്കുന്ന വിദ്യയുണ്ടല്ലോ അത് പ്രശംസനീയം തന്നെയാണ്.ചിതറിക്കിടക്കുന്ന വേദനകൾക്ക് മുന്നിൽ സ്നേഹ ദീപമായി ആളിക്കത്തുന്ന തീപന്തമാണ് അമീർ ഡോക്ടറെന്ന് പറയാൻ ഞാൻ ഏറെ മനസ്സിലാക്കി കഴിഞ്ഞിരിക്കുന്നു. പ്രതിഫലമിച്ഛിക്കാതെ സേവനം ചെയ്യാൻ ചുരുക്കം ചിലർക്ക് മാത്രമേ കഴിയുള്ളൂ.സ്നേഹത്തിന് പോലും അളവുകോൽ നിശ്ചയിക്കുന്ന ഈ കാലഘട്ടത്തിൽ പഠിക്കാനേറെയുതകുന്ന അമീർ ഡോക്ടറെ പോലുള്ളവരാണ് സമൂഹത്തിന് മാതൃക.ഡോക്ടറെ കുറിച്ച് വർണ്ണനകളിൽ വിശേഷിപ്പിക്കാൻ ആശയചിത്രങ്ങൾ ഏറെയുണ്ട്. കനമുള്ള വേർപാടിന്റെ വേദനകളെ, രോഗത്തിന്റെ തീവ്രതയെ വ്യക്തമായ ചിന്തകൾ കൊണ്ട് നെടുകെ പിളർക്കുന്ന ഒരായുധമാണ് അദ്ദേഹത്തിന്റെ സേവനമെന്ന കാര്യത്തിൽ സംശയമില്ല. മടുപ്പ് കലരാതെ പെയ്യുന്ന മഴയും വിയർപ്പ് തുള്ളികളെ ചുംബനം ചെയ്യുന്ന വെയിൽ പോലും ആദിപത്യം സ്ഥാപിക്കുകയാണ്.

രോഗികളിൽ പെറ്റ് പെരുകിയ ചിന്തകൾ, ഭാവി ജീവിതത്തിന് വേണ്ടി തുന്നിവെച്ച കിനാവുകൾ എല്ലാം എണ്ണപ്പെട്ട ദിനങ്ങളിൽ കുഴിച്ചു മൂടുമെന്ന സത്യം ഉപഭോദ മനസ്സിനെ കാർന്നു തിന്നുമ്പോൾ നറു പുഞ്ചിരിയോടെ ചേർത്ത് പിടിച്ച ഹൃദയവുമായി നമുക്കരികിലേക്ക് ഓടിയെത്തുന്ന ആ വലിയ മനുഷ്യനെ എന്ത് വിളിപ്പേരിൽ വിശേഷിപ്പിക്കണമെന്ന് നിശ്ചയമില്ല. അറിഞ്ഞിടത്തോളം പലപ്പോഴും രാവും പകലും ഉലകം ചുറ്റുകയാണദ്ദേഹം.പുറം ലോക കാഴ്ച്ചകളുടെ ഭംഗി ആസ്വദിക്കാനല്ല, കുടുംബവുമൊത്ത് ഉല്ലാസ യാത്രയിലല്ല പിന്നെ 24 മണിക്കൂറും ഈ ഓട്ടം ആർക്ക് വേണ്ടിയാണ്? PTH എന്ന മഹാ സാഗരത്തിന്റെ ഒഴുക്കിനെ ദിശ മാറി സഞ്ചരിക്കാതെ കാവലാളാകാൻ.ഈ അവസരത്തിൽ പറയാനൊന്നേയുള്ളൂ അനേകായിരം പേരുടെ സ്നേഹം നെഞ്ചിലേറ്റിയ ഡോക്ടർ അമീറലി സാറിനെ ഈ ലോകത്തിന് ഇനിയുമേറെ നാൾ PTH ന്റെ കൂട്ടിരിപ്പുകാരനായി വേണം.നമുക്ക് നൽകാൻ കഴിയുന്നതോ സുന്ദര വാക്കുകളല്ല പകരം പ്രാർത്ഥനകളിൽ ഒരിടം അദ്ദേഹത്തിന് വേണ്ടിയാണ്. നിശ്ചലമായ നാവിനെ പോലും ഉണർത്താൻ കഴിയുന്ന അദ്ദേഹത്തിന്റെ സേവനമാണ് നമ്മെ തിരുത്താൻ കഴിയുന്ന മരുന്ന്. എന്റെ ഏറ്റവും വലിയ ഒരാഗ്രഹമെന്നത് അദ്ദേഹത്തിന്റെ കൂടെ കുറച്ചു നാൾ എങ്കിലും എല്ലാം അറിഞ്ഞും പഠിച്ചും സേവനം ചെയ്യണമെന്നാണ്. അദ്ദേഹത്തെ കൂടുതൽ പഠിച്ച് എഴുത്തുകാരിയെന്നനിലയിൽ ഡോക്ടറുടെ ജീവിതമാതൃക അച്ചടി മഷി പുരണ്ടു ഈ ലോകം മുഴുവനും അറിയപ്പെടുന്ന രീതിയിൽ ഒരു പുസ്തകം എന്ന സ്വപ്നം സാക്ഷാത്കരിക്കുമെന്ന ആഗ്രഹത്തിലാണ് ഞാൻ.

പടച്ചോൻ അദ്ദേഹത്തിന് ആരോഗ്യത്തോടെയുള്ള ദീർഘായുസ് പ്രാധാനം ചെയ്യട്ടെ എന്ന ആത്മാർത്ഥമായ പ്രാർത്ഥനയോടെ.....

*✍🏼സലീന സർഫ്രാസ്*
*ഇരട്ടക്കുട്ടികളുടെ ഉമ്മ*