21/08/2026
হাৰ নামানা বিশ্বাস আৰু এজন ডেকাৰ পুনৰ্জীৱনৰ কাহিনী
(The story of unyielding faith and a young man's second lease on life)
ছমাহ আগৰ কথা, কিলাকুটি ৰ (elbow joint) জটিল আঘাত লৈ এই ডেকা ল’ৰাজন মোৰ ওচৰলৈ আহিছিল।
তেখেতৰ সোঁ-হাতৰ 'ডিষ্টেল হিউমেৰাছ' হাড়ডাল ভাঙি ‘ৰেডিঅ’কেপিটেলৰ’ জোৰাটো খহি পৰিছিল (radiocapitellar dislocation)। লগত ছালৰ অৱস্থাও অতি সংকটজনক আছিল আৰু ফোহা উঠিছিল। কেৱল এই কঠিন আঘাটাই নহয়, আৰ্থিক আৰু মানসিক চাপত ল’ৰাজনৰ সমগ্ৰ পৰিয়ালটো ভাগি পৰিছিল।
আমি লগে লগে ‘ৰেডিঅ’ল হেড ৰিডাকচন’, ‘কে-ৱায়াৰ ফিক্সেচন’, ‘এক্সটাৰ্নেল ফিক্সেচন’ আৰু ‘সূচাৰ এংকৰ’ৰ সহায়ত ‘এক্সটেঞ্চৰ অৰিজিন ৰিপেয়াৰ’ (radial head reduction and K-wire fixation, external fixation, and extensor origin repair with a suture anchor) অস্ত্ৰোপচাৰ কৰিলোঁ।
কিন্তু অস্ত্ৰোপচাৰটো কেৱল আৰম্ভণিহে আছিল।
আৰ্থিক সমস্যাৰ বাবে তেওঁ মাজতে চিকিৎসা আধৰুৱাকৈ এৰিবলগীয়া হৈছিল আৰু সময়মতে চেকাআপৰ বাবেও আহিব পৰা নাছিল। কেইটামান 'ফিজিঅ'থেৰাপি' চেচন লোৱাৰ পিছত সেয়াও তেওঁৰ বাবে কঠিন হৈ পৰিছিল।
কিন্তু মই তেওঁক হাৰ মানিব দিব খোজা নাছিলোঁ।
আমি যিমানদূৰ সম্ভৱ সিমানৰে পৰা কাম আৰম্ভ কৰিলোঁ—ঘৰতে কৰিব পৰা সহজ ব্যায়াম, কম খৰচী সঁজুলি, মনৰ সাহস আৰু আটাইতকৈ গুৰুত্বপূৰ্ণ: আত্মবিশ্বাস।
লাহে লাহে, মাহৰ পিছত মাহ ধৰি, তেওঁৰ হাতখনৰ উন্নতি হ’বলৈ ধৰিলে।
আৰু এই যাত্ৰাত আন এটা ডাঙৰ পৰিৱৰ্তন আহিল—
তেওঁৰ হেৰাই যোৱা আত্মবিশ্বাস ঘূৰি আহিল, ওঁঠলৈ হঁহিটো ঘূৰি আহিল।
আজি ছমাহৰ পিছত, তেওঁ এক অবিশ্বাস্য সুস্বাস্থ্য ঘূৰি পাইছে। যিটো সময়ত তেওঁ প্ৰথম মোৰ ওচৰলৈ আহিছিল, সেয়া অসম্ভৱ যেনেই লাগিছিল। মোৰ বিশ্বাস—আগন্তুক ছমাহত নিয়মীয়া পুনঃসংস্থাপনৰ (rehabilitation) লগে লগে তেওঁ আৰু অধিক সুস্থ হৈ উঠিব।
তেওঁৰ এই যাত্ৰাই মোক এনে এটা শিক্ষা দিলে, যিটো প্ৰতিজন ৰোগীয়ে মনত ৰখা উচিত:
চিকিৎসা আৰু আৰোগ্য সদায় খৰতকীয়া নহ'বও পাৰে।
ই সদায় সহজ নহ'বও পাৰে।
আৰু আৰোগ্য লাভ কৰাটো সদায় ব্যয়বহুলো নহয়।
কেতিয়াবা, কেৱল হাৰ নামানি যুঁজি থকাটোৱেই আটাইতকৈ ডাঙৰ কথা।
আজি যদি মাত্ৰ ১% উন্নতিও হৈছে, সেই ১% ৰ বাবেই যুঁজ দিয়ক।
কাৰণ নিয়মীয়াকৈ গোট খোৱা এই সৰু সৰু উন্নতিবোৰে শেষত এখন সম্পূৰ্ণ জীৱন সলাই পেলাব পাৰে।
বিষ, অৰ্থসংকট, পৰিস্থিতি বা হতাশাত ভাঙি পৰা প্ৰতিজন ৰোগীলৈ মোৰ অনুৰোধ—
সুস্থ হৈ উঠাৰ বাবে 'জিদ্দী' হওক (Be ZIDDI)।
নিজৰ আৰোগ্যৰ বাবে একোবেঁকা হৈ লাগি থাকক।
আগুৱাই গৈ থাকক।
কাৰণ কেতিয়াবা, "মই পুনৰ সুস্থ হৈ উঠিম"—এই বিশ্বাসটোৱেই হ'ল পৃথিৱীৰ আটাইতকৈ শক্তিশালী ঔষধ। ❤️🩹
