25/08/2026
ਮੱਕੀ ਦੀ ਛੱਲੀ ਅੰਦਰ ਜੋ ਪਤਲੇ ਪਤਲੇ ਵਾਲ ਜਿਹੇ ਹੁੰਦੇ ਹਨ। ਇਹ ਮੱਕੀ ਵਾਂਗ ਹੀ ਬਹੁਤ ਲਾਭਦਾਇਕ ਹਨ। ਇਹਨਾਂ ਲੂੰਆਂ ਜਿਹਿਆਂ ਨੂੰ ਕੌਰਨ ਸਿਲਕ ਕਿਹਾ ਜਾਂਦਾ ਹੈ।
ਇਹ ਸੁਕਾ ਕੇ ਕਿਸੇ ਕੱਚ ਦੀ ਸ਼ੀਸ਼ੀ ਚ ਸੰਭਾਲ ਕੇ ਵੀ ਰੱਖ ਸਕਦੇ ਹੋ ਤੇ ਤਾਜ਼ਾ ਦੀ ਵੀ ਵਰਤੋਂ ਦਵਾਈ ਵਾਂਗ ਕੀਤੀ ਜਾ ਸਕਦੀ ਹੈ।
ਇੱਕ ਚਮਚ ਕੁ ਕੌਰਨ ਸਿਲਕ ਨੂੰ ਗਿਲਾਸ ਪਾਣੀ ਚ ਪਾ ਕੇ ਉਬਾਲ ਕੇ ਕੌਰਨ ਸਿਲਕ ਡਰਿੰਕ ਬਣਾ ਲਵੋ। ਇਸ ਵਿੱਚ ਅਰਜਨ ਸੱਕ, ਅਜਵੈਣ ਪੱਤਾ, ਹਰਾ ਧਣੀਆ, ਚਾਰ ਪੰਜ ਕਾਲੀ ਮਿਰਚ ਜਾਂ ਥੋੜੀ ਜਿਹੀ ਅਸਗੰਧ ਵੀ ਪਾ ਸਕਦੇ ਹੋ।
ਇਹ ਕੌਰਨ ਸਿਲਕ ਡਰਿੰਕ ਰੋਜ਼ਾਨਾ ਦੋ ਵਾਰ ਇੱਕ ਮਹੀਨਾ ਪੀਣ ਨਾਲ ਪਿਸ਼ਾਬ ਲੱਗ ਕੇ ਆਉਣਾ, ਪਿਸ਼ਾਬ ਖੁੱਲ੍ਹ ਨਾ ਆਉਣਾ, ਵਾਰ ਵਾਰ ਪਿਸ਼ਾਬ ਆਉਣਾ, ਪਿਸ਼ਾਬ ਕੰਟਰੋਲ ਨਾ ਹੋਣਾ ਆਦਿ ਤਕਲੀਫ਼ਾਂ ਠੀਕ ਹੋ ਜਾਂਦੀਆਂ ਹਨ।
ਇਹ ਡਰਿੰਕ ਗੁਰਦਾ ਪਥਰੀ ਵੀ ਕਢਦਾ ਹੈ ਤੇ ਕਿਸੇ ਵੀ ਕਾਰਨ ਵਧੇ ਹੋਏ ਬਲੱਡ ਪਰੈਸ਼ਰ ਨੂੰ ਵੀ ਘਟਾਉਂਦਾ ਹੈ।
ਜ਼ਿਆਦਾ ਬੈਠਣ, ਖੜਨ ਜਾਂ ਜ਼ਿਆਦਾ ਡਰਾਇਵਿੰਗ ਕਰਨ ਵਾਲੇ ਮਰਦਾਂ ਦੇ ਪ੍ਰੌਸਟੇਟ ਗਲੈਂਡ ਦੀ ਸੋਜ਼ ਰਹਿਣ ਲਗਦੀ ਹੈ। ਜ਼ਿਆਦਾ ਮਿੱਠਾ, ਤਲੀਆਂ ਤੜਕੀਆਂ ਸਬਜ਼ੀਆਂ ਜ਼ਿਆਦਾ ਅਤੇ ਸ਼ਰਾਬ ਚਾਹ ਕੌਫ਼ੀ ਦੀ ਆਦਤ ਇਸ ਨੁਕਸ ਨੂੰ ਹੋਰ ਵਧਾਅ ਦਿੰਦੀ ਹੈ।
ਉਹਨਾਂ ਦੇ ਪਿਸ਼ਾਬ ਹੌਲੀ ਆਉਣ ਲਗਦਾ ਹੈ ਜਾਂ ਰੁਕ ਰੁਕ ਕੇ ਆਉਣ ਲਗਦਾ ਹੈ। ਜ਼ਿਆਦਾ ਨੁਕਸ ਵਧਣ ਤੇ ਬੀਪੀ ਵਧਣ ਜਾਂ ਗੁਰਦੇ ਫੇਲ੍ਹ ਹੋਣ ਦਾ ਵੀ ਖ਼ਤਰਾ ਹੁੰਦਾ ਹੈ।
ਇਸ ਨੁਕਸ ਚ ਵੀ ਕੌਰਨ ਸਿਲਕ ਡਰਿੰਕ ਬਹੁਤ ਫ਼ਾਇਦੇਮੰਦ ਰਹਿੰਦਾ ਹੈ। ਉਹਨਾਂ ਨੂੰ ਦਿਨ ਚ ਇੱਕ ਵਾਰ ਇਹ ਜ਼ਰੂਰ ਪੀਣਾ ਚਾਹੀਦਾ ਹੈ।
ਜਿਹਨਾਂ ਬੱਚਿਆਂ ਦੇ ਨਾਨਕਿਆਂ ਦਾਦਕਿਆਂ ਚ ਸ਼ੂਗਰ ਰੋਗ ਹੋਵੇ ਉਹਨਾਂ ਬੱਚਿਆਂ ਨੂੰ ਬਿਸਤਰ ਤੇ ਪਿਸ਼ਾਬ ਕਰਨ, ਮੂੰਹ ਚੋਂ ਲਾਰ ਵਗਣ, ਸੁੱਤੇ ਪਏ ਦੰਦ ਕਿਰਚਣ, ਨਹੁੰ ਖਾਣ, ਮੂਧੇ ਸੌਣ ਅਤੇ ਮਿੱਟੀ ਖਾਣ ਜਾਂ ਜ਼ਿਆਦਾ ਮਿੱਠਾ ਖਾਣ ਦੀ ਆਦਤ ਪੈ ਸਕਦੀ ਹੈ। ਅਜਿਹੇ ਬੱਚਿਆਂ ਨੂੰ ਵੀ ਕੌਰਨ ਸਿਲਕ ਡਰਿੰਕ ਦਿਨ ਚ ਇੱਕ ਦੋ ਵਾਰ ਪੀਣਾ ਚਾਹੀਦਾ ਹੈ।ਇਹ ਸਭ ਨੁਕਸ ਸਿਰਫ਼ ਇਸ ਡਰਿੰਕ ਨਾਲ ਹੀ ਠੀਕ ਹੋ ਜਾਂਦੇ ਹਨ।
ਇਹ ਡਰਿੰਕ ਕੋਲੈਸਟਰੋਲ ਵੀ ਘਟਾਉਂਦਾ ਹੈ ਤੇ ਆਲਸ ਥਕਾਵਟ ਵੀ ਦੂਰ ਕਰਦਾ ਹੈ ਤੇ ਬਲੱਡ ਸ਼ੂਗਰ ਵੀ ਵਧਣੋਂ ਹਟਾਉਂਦਾ ਹੈ।
ਕੰਜੈਸਟਿਵ ਹਾਰਟ ਫੇਲਿਅਰ ਦੇ ਮਰੀਜ਼ਾਂ ਨੂੰ ਇਹ ਰੋਜ਼ਾਨਾ ਦਿੰਦੇ ਰਹਿਣ ਨਾਲ ਬੇਹੱਦ ਫ਼ਾਇਦਾ ਹੁੰਦਾ ਹੈ। ਸ਼ੂਗਰ, ਥਾਇਰਾਇਡ, ਕੋਲੈਸਟਰੋਲ ਦੌਰਾਨ ਪਰੌਪਰ ਨਾ ਰੱਖਣ ਅਤੇ ਢੁਕਵਾਂ ਇਲਾਜ ਨਾ ਕਰਾਉਣ ਕਾਰਨ ਇਹ ਨੁਕਸ ਬਣ ਜਾਂਦਾ ਹੈ।
ਡਾ ਕਰਮਜੀਤ ਕੌਰ ਬੈਂਸ
ਡਾ ਬਲਰਾਜ ਬੈਂਸ
ਬੈਂਸ ਹੈਲਥ ਸੈਂਟਰ, ਅਕਾਲਸਰ ਰੋਡ ਰਾਮਾ ਕਲੋਨੀ ਮੋਗਾ 094630 38229
ਗਲੀ ਗੁਆਂਢ ਦੇ ਬਜ਼ੁਰਗਾਂ ਨੂੰ ਲੰਘਦਿਆਂ ਟੱਪਦਿਆਂ ਪਹਿਲਾਂ ਸਤਿ ਸ਼੍ਰੀ ਅਕਾਲ ਬੁਲਾ ਕੇ ਹਾਲ ਚਾਲ ਪੁੱਛਿਆ ਕਰੋ। ਹੁਣ ਬਹੁਤੇ ਬਜ਼ੁਰਗਾਂ ਦਾ ਹਾਲ ਬਹੁਤ ਬੁਰਾ ਹੈ। ਬਹੁਤੇ ਬਜ਼ੁਰਗਾਂ ਦੀ ਘਰ ਚ ਕੋਈ ਪੁੱਛਗਿੱਛ ਨਹੀਂ ਹੈ। ਉਹ ਸ਼ਰਮ ਦੇ ਮਾਰੇ ਅਪਣੇ ਬੱਚਿਆਂ ਦੇ ਜ਼ੁਲਮ ਸਹਿ ਰਹੇ ਹਨ ਤੇ ਕਿਸੇ ਨੂੰ ਦੱਸ ਨਹੀਂ ਰਹੇ। ਜਦੋਂ ਕਿ ਬਜ਼ੁਰਗ ਤੇ ਬੂਟੇ ਥੋੜੀ ਜਿਹੀ ਕੇਅਰ ਨਾਲ ਹੀ ਹਰੇ ਭਰੇ ਹੋ ਜਾਂਦੇ ਹਨ।
