11/01/2022
" डॉक्टर,तुम्हीसुद्धा ?" 🤔
घाबरू नका मंडळी. मला वाफ घेताना पाहून शेजारच्या काकांनी हा प्रश्न विचारला !
(पूर्वी एकदा मला वडापाव खाताना पाहूनही त्यांनी हाच प्रश्न विचारला होता तेव्हापासून मी (आमच्या क्लिनिकच्या नाक्यावरचा)वडापाव खाणे सोडून दिले 😬 ). तर असो .
"नाही , म्हणजे तुम्ही लोक स्वतःसाठी सुद्धा हीच चिकित्सा करता ? मला वाटलं की ... "
असो . सर्व लिहिता येत नाही !
तर काका , होय . मी देखील वाफच घेतो . गुळण्याही करतो . मास्क वापरतो . अगदी vaccine देखील घेतले आहे .
" पण मग या सर्वांत तुमचा आयुर्वेद कुठे राहिला ?"
सांगतो ना ! यातील प्रत्येकामध्ये आयुर्वेद आहे . वाफेसाठी आम्ही तुळस,पुदीना, निर्गुंडी,गवती चहा तसेच इतरही काही काष्ठ औषधी यांचा काढा वापरतो . गुळण्यांकरिता हळद+मिठाचे पाणी घेतो .घराबाहेर पडताना नाकपुड्यांना आतून लोणकढ्या तुपाचे बोट फिरवतो.
एवढेच नव्हे तर च्यवनप्राश,गुळवेल,
अश्वगन्धा अशा औषधांचा रोग प्रतिकार शक्ति वाढविण्यासाठी वापरही करतो . आणि च्यवनप्राशदेखील साखरेशिवायचा बरे ... अगदी sugar free !! (तशीही आमच्या काकांची रक्तातली साखर जिभेवर कधीच येत नाही म्हणा !!! 🤨)
शिवाय मोजकाच आणि पचायला हलका आहार , नियमितपणे चालण्याचा व्यायाम आणि आनंदी रहाणे हीदेखील चिकित्सा करतो स्वतःवर ! या साथीच्या काळामध्ये आयुर्वेदातील सत्त्वावजय चिकित्सा -- थोडक्यात positive mindset ठेवणे याचे महत्त्वदेखील सर्वांच्या लक्षात आले आहेच !
"असू दे असू दे...बरं वाटलं हो ऐकून !!"
काका आणि चक्क खूष !😅
ही तर त्या कोविडेश्वराचीच कृपा !!!
डॉ . सुयोग कुळकर्णी , अथर्व आयुर्वेदिक आणि पंचकर्म केंद्र
9820259569
लेख edit न करता आणि लेखकाच्या नावासकटच पुढे सरकवावा ही नम्र विनंती ! 🙏🏻🙏🏻🙏🏻
