Hope Foundation

31/05/2026

ഹോപ്പ് ഫൗണ്ടേഷൻ ഡയാലിസിസ് സെന്റർ

ജനറൽ ബോഡി യോഗ പ്രമേയം 31/05/2026

കോഴിക്കോട് - മലപ്പുറം ജില്ലകളിൽ വർധിച്ചുവരുന്ന വൃക്കരോഗങ്ങൾ തടയുന്നതിനായി സമഗ്ര കിഡ്‌നി രോഗ പ്രതിരോധ പദ്ധതി നടപ്പിലാക്കണമെന്നാവശ്യപ്പെട്ട്
ഹോപ്പ് ഫൗണ്ടേഷൻ ഡയാലിസിസ് സെന്ററിന്റെ ജനറൽ ബോഡി യോഗം കേരളത്തിലെ പൊതുജനാരോഗ്യ മേഖലയെ ആശങ്കപ്പെടുത്തുന്ന ഒരു പ്രധാന വിഷയത്തിലേക്ക് സർക്കാരിന്റെയും പൊതുസമൂഹത്തിന്റെയും ശ്രദ്ധ ക്ഷണിക്കുന്നു.

കഴിഞ്ഞ രണ്ട് പതിറ്റാണ്ടിനിടെ കേരളത്തിൽ, പ്രത്യേകിച്ച് മലപ്പുറം - കോഴിക്കോട് ജില്ലകളിൽ, പ്രമേഹം, രക്തസമ്മർദ്ദം, ജീവിതശൈലി രോഗങ്ങൾ എന്നിവ വർധിച്ചതിനോടൊപ്പം വൃക്കരോഗികളുടെ എണ്ണത്തിലും ഗണ്യമായ വർധനവ് ഉണ്ടായിട്ടുണ്ട്. ഇന്ന് സർക്കാർ, സ്വകാര്യ മേഖലകളിലെ ഡയാലിസിസ് കേന്ദ്രങ്ങളിൽ ആയിരക്കണക്കിന് രോഗികളാണ് സ്ഥിരമായി ചികിത്സ തേടിക്കൊണ്ടിരിക്കുന്നത്. ഓരോ വർഷവും പുതുതായി ഡയാലിസിസ് ചികിത്സയിലേക്ക് പ്രവേശിക്കുന്ന രോഗികളുടെ എണ്ണവും വർധിച്ചുവരികയാണ്.

വിവിധ പഠനങ്ങൾ പ്രകാരം ഇന്ത്യയിൽ ക്രോണിക് കിഡ്‌നി രോഗത്തിന്റെ (CKD) വ്യാപനം 9 ശതമാനം മുതൽ 17 ശതമാനം വരെയാണ്. ദക്ഷിണേന്ത്യയിൽ ഈ നിരക്ക് ഏകദേശം 14.78 ശതമാനം വരെയെത്തിയതായും, കേരളത്തിലെ ചില മേഖലകളിൽ 16 ശതമാനത്തിലധികം ആളുകൾക്ക് വൃക്കരോഗ സാധ്യതയോ രോഗബാധയോ ഉള്ളതായും റിപ്പോർട്ട് ചെയ്യപ്പെട്ടിട്ടുണ്ട്. ഈ കണക്കുകൾ വൃക്കരോഗം പൊതുജനാരോഗ്യ രംഗത്ത് വർധിച്ചുവരുന്ന ഗുരുതര വെല്ലുവിളിയാണെന്ന് വ്യക്തമാക്കുന്നു.

ഒരു ഡയാലിസിസ് രോഗിക്ക് ആഴ്ചയിൽ രണ്ടോ മൂന്നോ തവണ ചികിത്സ ആവശ്യമായി വരുന്നതിലൂടെ കുടുംബങ്ങൾ വലിയ സാമ്പത്തിക, ശാരീരിക, മാനസിക പ്രയാസങ്ങളാണ് നേരിടുന്നത്. രോഗം ബാധിച്ചതിന് ശേഷമുള്ള ചികിത്സയ്ക്കും പരിചരണത്തിനുമായി സർക്കാർ, സന്നദ്ധ സംഘടനകൾ, കുടുംബങ്ങൾ എന്നിവ കോടിക്കണക്കിന് രൂപ ചെലവഴിക്കുന്ന സാഹചര്യമാണ് നിലവിലുള്ളത്.

എന്നാൽ, വൃക്കരോഗം ചികിത്സിക്കുന്നതിനേക്കാൾ രോഗം വരാതിരിക്കാൻ ആവശ്യമായ പ്രതിരോധ പ്രവർത്തനങ്ങൾക്ക് കൂടുതൽ പ്രാധാന്യം നൽകേണ്ടത് കാലഘട്ടത്തിന്റെ ആവശ്യമാണ്. നേരത്തെയുള്ള പരിശോധനകൾ, പ്രമേഹ-രക്തസമ്മർദ്ദ നിയന്ത്രണം, ശുദ്ധമായ കുടിവെള്ള ലഭ്യത, ആരോഗ്യകരമായ ജീവിതശൈലി, പൊതുജന ബോധവൽക്കരണം എന്നിവയിലൂടെ വൃക്കരോഗങ്ങളുടെ ഒരു വലിയ ശതമാനം വരെ തടയാൻ സാധിക്കുമെന്നാണ് ആരോഗ്യ വിദഗ്ധർ വിലയിരുത്തുന്നത്. ഈ സാഹചര്യത്തിൽ ഹോപ്പ് ഫൗണ്ടേഷൻ ഡയാലിസിസ് സെന്ററിന്റെ ജനറൽ ബോഡി യോഗം താഴെപ്പറയുന്ന ആവശ്യങ്ങൾ ഏകകണ്ഠമായി മുന്നോട്ടുവയ്ക്കുന്നു:

1. മലപ്പുറം - കോഴിക്കോട് ജില്ലകളെ കേന്ദ്രീകരിച്ച് പ്രത്യേക “കിഡ്‌നി രോഗ പ്രതിരോധ മിഷൻ” ആരംഭിക്കുക.
2. 30 വയസ്സിന് മുകളിലുള്ള എല്ലാ പൗരന്മാർക്കും പഞ്ചായത്തുതലത്തിൽ വാർഷിക കിഡ്‌നി ആരോഗ്യ പരിശോധന നടപ്പിലാക്കുക.
3. പ്രമേഹം, രക്തസമ്മർദ്ദം, അമിതവണ്ണം എന്നിവ നേരത്തെ കണ്ടെത്തുന്നതിനും നിയന്ത്രിക്കുന്നതിനുമായി പ്രത്യേക ആരോഗ്യ കാമ്പയിനുകൾ സംഘടിപ്പിക്കുക.
4. ശുദ്ധജല ലഭ്യതയും കുടിവെള്ള ഗുണനിലവാര പരിശോധനയും തദ്ദേശ സ്വയംഭരണ സ്ഥാപനങ്ങളുടെ വാർഷിക പദ്ധതികളുടെ ഭാഗമാക്കുക.
5. കുടുംബശ്രീ, ആരോഗ്യ പ്രവർത്തകർ, വിദ്യാഭ്യാസ സ്ഥാപനങ്ങൾ, സന്നദ്ധ സംഘടനകൾ എന്നിവയെ ഉൾപ്പെടുത്തി ജനകീയ കിഡ്‌നി സംരക്ഷണ ബോധവൽക്കരണ പരിപാടികൾ നടപ്പിലാക്കുക.
6. ഓരോ പഞ്ചായത്തിലും അപകടസാധ്യതയുള്ളവരെ കണ്ടെത്തി നിരീക്ഷിക്കുന്ന “കിഡ്‌നി ഹെൽത്ത് രജിസ്റ്റർ” ആരംഭിക്കുക.
7. കുടുംബാരോഗ്യ കേന്ദ്രങ്ങളിലും സർക്കാർ ആശുപത്രികളിലും പ്രാഥമിക കിഡ്‌നി പരിശോധനാ സൗകര്യങ്ങൾ ശക്തിപ്പെടുത്തുക.
8. രോഗപ്രതിരോധ പ്രവർത്തനങ്ങൾക്കായി തദ്ദേശ സ്വയംഭരണ സ്ഥാപനങ്ങൾ പ്രത്യേക പദ്ധതികളും ഫണ്ടും വകയിരുത്തുക.

“കൂടുതൽ ഡയാലിസിസ് കേന്ദ്രങ്ങൾ സ്ഥാപിക്കുന്നതിലും പ്രധാനമാണ് കൂടുതൽ ആളുകൾക്ക് ഡയാലിസിസ് ആവശ്യമായി വരാത്ത സാഹചര്യം സൃഷ്ടിക്കുക” എന്ന കാഴ്ചപ്പാടോടെ, വൃക്കരോഗ പ്രതിരോധ പ്രവർത്തനങ്ങൾക്ക് സംസ്ഥാനതല മുൻഗണന നൽകണമെന്ന് ഈ ജനറൽ ബോഡി യോഗം അഭ്യർത്ഥിക്കുന്നു.

ഈ പ്രമേയം ഹോപ്പ് ഫൗണ്ടേഷൻ ഡയാലിസിസ് സെന്ററിന്റെ ജനറൽ ബോഡി യോഗം ഏകകണ്ഠമായി അംഗീകരിക്കുന്നു.

പ്രസിഡന്റ് : അഹമ്മദ് മാസ്റ്റർ

സെക്രട്ടറി : വി.എസ് മുഹമ്മദലി

തീയതി : 31/05/2026

സ്ഥലം : ഇരിങ്ങല്ലൂർ - പറപ്പൂർ

25/05/2026

*മാനസം* ഒരുമിച്ചിരിക്കാം, പരസ്പരം താങ്ങാവാം...

മനസ്സ് ഭാരപ്പെടുമ്പോൾ, ചിന്തകൾ ഒരു കല്ലുപോലെ താഴോട്ട് വലിക്കുമ്പോൾ അതിനെ താങ്ങിനിർത്താൻ ഒരു കൈത്താങ്ങ് ആവശ്യമുണ്ട്. ഹോപ്പ് ഫൗണ്ടേഷൻ പറപ്പൂർ പെയിൻ & പാലിയേറ്റീവ് സെന്ററും ട്യൂൺ ലൈഫ് കൗൺസിലിംഗ് സെന്ററും സംയുക്തമായി സംഘടിപ്പിക്കുന്ന *മനസ്സ്* മാനസികാരോഗ്യ ബോധവൽക്കരണ ക്ലാസ് ജീവിതത്തിന്റെ വിവിധ പ്രതിസന്ധികളിലൂടെ കടന്നുപോകുന്ന മനുഷ്യർക്കുള്ള ഒരു വലിയ സാന്ത്വനക്കൂട്ടായ്മയാണ്.
ജീവിതത്തിന്റെ വ്യത്യസ്തമായ പരീക്ഷണഘട്ടങ്ങളിൽ തളരാതെ, സ്വന്തം കടമകൾ ഭയമില്ലാതെ മുന്നോട്ട് കൊണ്ടുപോകാൻ പ്രേരിപ്പിക്കുന്ന ഹൈന്ദവ വേദഗ്രന്ഥമായ ഭഗവദ്ഗീതയിലെ മഹത്തായ വചനം ഇതാണ്:

> *കർമ്മണ്യേവാധികാരസ്തേ മാ ഫലേഷു കദാചന...* ശ്രീമദ് ഭഗവദ്ഗീത - അധ്യായം 2, ശ്ലോകം 47 (കർമ്മം ചെയ്യുവാൻ മാത്രമേ നിനക്ക് അധികാരമുള്ളൂ, അതിന്റെ ഫലങ്ങളിൽ ഒരിക്കലുമില്ല. ഫലത്തെ മുൻകൂട്ടി കണ്ട് നീ കർമ്മം ചെയ്യരുത്, അതുപോലെ കർമ്മം ചെയ്യാതിരിക്കാനും നീ തുനിയരുത്.)

നമുക്ക് മുന്നിലുള്ളത് എത്ര കഠിനമായ സാഹചര്യമാണെങ്കിലും, ഫലത്തെക്കുറിച്ച് ആകുലപ്പെടാതെ പ്രത്യാശയോടെ മുന്നോട്ട് പോകാൻ ഈ വചനം നമ്മെ പഠിപ്പിക്കുന്നു. ഈയൊരു ഉൾക്കരുത്തോടെ നമുക്ക് ഈ നാല് വിഭാഗം മനുഷ്യരെയും ചേർത്തുപിടിക്കാം:

*രോഗികളെ പരിചരിക്കുന്നവർ (Caregivers):*

സ്വന്തം ഉറക്കവും സന്തോഷവും മാറ്റിവെച്ച്, ഒരു തീരാരോഗിയെ രാപ്പകലില്ലാതെ പരിചരിച്ച് മനസ്സും ശരീരവും തളർന്നുപോയവർ. ഫലേച്ഛയില്ലാതെ നിങ്ങൾ ചെയ്യുന്ന ഈ പരിചരണം ഏറ്റവും വലിയ ഈശ്വരസേവയാണ്.

*മാരക രോഗത്തിനടിമപ്പെട്ടവരുടെ മക്കൾ:*

കൺമുന്നിൽ മാതാപിതാക്കൾ രോഗത്താൽ ഉരുകുന്നത് കണ്ട്, ഭാവിയെക്കുറിച്ചോർത്ത് നിസ്സഹായതയുടെ കണ്ണീർ കുടിക്കുന്ന മക്കൾ. മാതാപിതാക്കളെ ശുശ്രൂഷിക്കുക എന്ന നിങ്ങളുടെ കടമ പൂർണ്ണമനസ്സോടെ ചെയ്യാനുള്ള മാനസിക കരുത്ത് ഈ ക്ലാസ്സിലൂടെ നിങ്ങൾക്ക് ലഭിക്കട്ടെ.

*നാട്ടിൽ തിരിച്ചെത്തിയ പ്രവാസികൾ:*

വർഷങ്ങളോളം മണലാരണ്യത്തിൽ ചോരനീരാക്കി അധ്വാനിച്ച്, ഒടുവിൽ നാട്ടിൽ തിരിച്ചെത്തുമ്പോൾ സാമ്പത്തിക തകർച്ചയും ഒറ്റപ്പെടലും കാരണം കടുത്ത മാനസിക സമ്മർദ്ദത്തിലായവർ. കഴിഞ്ഞുപോയ തകർച്ചകളെ ഓർത്ത് തളരാതെ, പുതിയൊരു കർമ്മരംഗത്തേക്ക് ചുവടുവെക്കാൻ നിങ്ങൾക്കാവണം.

*ഭിന്നശേഷിക്കാരായ കുട്ടികളുടെ മാതാപിതാക്കൾ:*

സമൂഹത്തിന്റെ സഹതാപക്കണ്ണുകൾക്ക് മുന്നിൽ തങ്ങളുടെ കുഞ്ഞിന്റെ കൈപിടിച്ച്, ഭാവിെയക്കുറിച്ചുള്ള ആശങ്കകളോടെ ദിവസവും മനസ്സുരുകി ജീവിക്കുന്ന മാതാപിതാക്കൾ. നിങ്ങളുടെ വിട്ടുവീഴ്ചയില്ലാത്ത ഈ കർമ്മം പ്രകൃതി നിങ്ങളെ ഏൽപ്പിച്ച വലിയൊരു ദൗത്യമാണ്.

*സംഗമത്തിലേക്ക് സ്വാഗതം*

ജീവിതത്തിലെ ഏത് പ്രതിസന്ധിയിലും തളരാതെ മനസ്സുകളെ ശാന്തമാക്കാനും, ശാസ്ത്രീയമായ വഴികാട്ടലുകൾ നൽകാനുമായി മഞ്ചേരി മെഡിക്കൽ കോളേജ് മാനസികാരോഗ്യ വിഭാഗം മേധാവി **ഡോ. ഷബീർ** ക്ലാസ്സ് ഉൽഘാടനം ചെയ്യുന്നു.

ട്യൂൺ ലൈഫ് ഡയറക്ടർ സൈഫുന്നിസ ആരിഫ്, അക്കാദമിക് ചെയർമാൻ ശറഫുദ്ദീൻ പി.എ എന്നിവർ ക്ളാസിന് നേതൃത്വം നൽകുന്നു.

*തീയതി:* 2026 ജൂൺ 3, ബുധനാഴ്ച
*സമയം:* ഉച്ചയ്ക്ക് 02:00 മണിക്ക്
*സ്ഥലം:* ഹോപ്പ് ഫൗണ്ടേഷൻ കെട്ടിടത്തിൽ (ഇരിങ്ങല്ലൂർ പെട്രോൾ പമ്പിന് എതിർവശം)

> **"തീർച്ചയായും നന്മ ചെയ്യുന്നവരോട് (മറ്റുള്ളവരെ പരിചരിക്കുകയും സഹായിക്കുകയും ചെയ്യുന്നവരോട്) അല്ലാഹുവിന്റെ കാരുണ്യം വളരെ അടുത്താകുന്നു."** > *(വിശുദ്ധ ഖുർആൻ - സൂറഃ അൽ അഅ്റാഫ്: വചനം 56)*
>
**പ്രവാചക വചനങ്ങളിൽ നിന്ന് (ഹദീസ്):** ഖുർആന്റെ ഈ അധ്യാപനത്തെ കൂടുതൽ വ്യക്തമാക്കിക്കൊണ്ട് പ്രവാചകൻ മുഹമ്മദ് നബി (സ) ഇപ്രകാരം അരുളിയിട്ടുണ്ട്:
> *"ഒരു സത്യവിശ്വാസി തന്റെ സഹോദരനെ സഹായിച്ചുകൊണ്ടിരിക്കുന്ന കാലമത്രയും അല്ലാഹു അവനെ സഹായിച്ചുകൊണ്ടിരിക്കും."* (സ്വഹീഹ് മുസ്ലിം)
>
രോഗികളെയും പ്രയാസപ്പെടുന്നവരെയും പരിചരിക്കുന്നത് കേവലമൊരു സഹായമല്ല, മറിച്ച് അല്ലാഹുവിന്റെ പ്രത്യേകമായ പൊരുത്തവും കാരുണ്യവും ലഭിക്കാനുള്ള ഏറ്റവും വലിയ പുണ്യകർമ്മവും കടമയുമാണ്.

വരൂ... നമുക്ക് പരസ്പരം കേൾക്കാം, പ്രയാസങ്ങളെ അതിജീവിച്ച് മനസ്സുകളെ ഭാരമില്ലാത്തതാക്കാം. എല്ലാവർക്കും ഹൃദയം നിറഞ്ഞ സ്വാഗതം!

07/05/2026

*ഹോപ്പ് ഫൗണ്ടേഷൻ ക്വട്ടേഷൻ പരസ്യം*
➖➖➖➖➖➖➖➖➖➖➖➖
വേങ്ങര - ഇരിങ്ങല്ലൂർ ആസ്ഥാനമായി ഉയർന്ന് വരുന്ന ഹോപ്പ് ഫൗണ്ടേഷൻ കെട്ടിടത്തിലേക്ക് ടൈൽ വിരിക്കുന്നതിലേക്ക് ഉള്ള ലേബർ കോൺട്രക്ട് എടുക്കാൻ താൽപര്യമുള്ളവർ വിരിക്കുന്നതിന് സ്‌ക്വയർ ഫീറ്റ് നിരക്ക് കാണിച്ചുള്ള ക്വട്ടേഷൻ ക്ഷണിക്കുന്നു.

ബന്ധപ്പെടേണ്ട നമ്പർ

9847871111
9947871000 (വാട്സപ് ഒൺലി)

17/03/2026

11/01/2026

ഒരു കൊതുക് നിങ്ങളുടെ കാലിൽ വന്നിരിക്കുമ്പോഴേക്കും നിങ്ങൾ അസ്വസ്ഥരാവാറില്ലേ. ഒരു ഗ്രാം പോലും ഭാരമില്ലാത്ത ഒരു കൊച്ചു കൊതുക്? നിങ്ങളുടെ തൊലിയിലെ സ്പർശനം വളരെ സങ്കീർണ്ണമായ പാതകളിലൂടെ സഞ്ചരിച്ച് നിങ്ങളുടെ മസ്തിഷ്കത്തിലെത്തിയാണ് അത് സാധിക്കുന്നത് എന്ന് നിങ്ങൾ ആലോചിച്ചിട്ടുണ്ടോ? ആ കൊതുകിനെ ഓടിക്കാൻ നിങ്ങൾ ശരീരത്തിൽ ഉണ്ടാക്കുന്ന ഒരു ചെറിയ ചലനം പോലും എത്ര സങ്കീർണ്ണമായ നെറ്റവർക്കുകളിലൂടെയാണ് സാദ്ധ്യമാകുന്നത് എന്നതിനെ കുറിച്ച് നിങ്ങൾ ബോധവാനാണോ?

ഈ പാതകൾ, ഈ നെറ്റ് വർകുകൾ പ്രവർത്തനരഹിതമാവാൻ എത്ര സമയം വേണ്ടിവരും? എത്ര വലിയ അപകടം വേണ്ടിവരും??

ഒരു നിമിഷത്തിന്റെ പത്തിലൊന്നോ, നൂറിലൊന്നോ സമയം!!
ഒരു കടുകുമണിയോളം വലിപ്പമുള്ള മുറിവ് അല്ലെങ്കിൽ ചതവ് !!
ഒരു വേള നമ്മെ കരുത്തരാക്കുന്ന, നാം അഹങ്കരിക്കുന്ന നമ്മുടെ കൈകാലുകൾ, നമ്മുടെ കണ്ണുകൾ, കാതുകൾ.... ഇവ നമ്മുടേതല്ലാതാവാൻ എത്ര ചെറിയ സമയം!

ഇങ്ങനെ കണ്ണടച്ചു തുറക്കുന്ന സമയം കൊണ്ട് സ്വന്തം ശരീരം തങ്ങളുടേതല്ലാതായവർ, പ്രകാശം എന്നെന്നേക്കുമായി നഷ്ടപ്പെട്ടവർ, തന്റെ ആത്മ സുഹൃത്തുക്കളുടെ ഇടയിലേക്ക് ഇനി ഒരു തിരിച്ച് വരവ്
പ്രതീക്ഷക്കാത്ത തന്റെ ചുറ്റുപാടുകളിൽ നിന്നും മാറാ രോഗങ്ങളാൽ നാല് ചുമരുകൾക്കുള്ളിൽ ഒറ്റപ്പെട്ടു പോയവർ, ഇന്ദ്രിയങ്ങൾ വേദനയെന്ന വികാരം മാത്രം പകരാൻ വിധിക്കപ്പെട്ടവർ, മാറാരോഗികൾ..... ഇങ്ങനെ എത്ര പേർ നമുക്കു ചുറ്റും ജീവിക്കാതെ ജീവിക്കുന്നു!!

ഇങ്ങനെ ജീവിതം വഴിമുട്ടി പോയവർക്കു വേണ്ടി, അന്ധകാരത്തിൽ അകപ്പെട്ടു പോയവർക്ക് വേണ്ടി, വെളിച്ചമാവാൻ ശ്രമിക്കുന്ന ഒരു കൂട്ടരുണ്ടിവിടെ...!! ഒരു സ്ഥാപനമുണ്ടിവിടെ നമ്മുടെ പഞ്ചായത്തിൽ....അവിടെ വിദഗ്ദ്ധൻമാർ മാത്രമല്ല, സഹായിക്കാനുള്ള മനസ്സ് മാത്രം ആയുധമാക്കി മറ്റൊരു ലാഭേഛയും ആഗ്രഹിക്കാത്ത നിരവധി പേർ....അതിന്റെ പേരാണ് ....

*ഹോപ്പ് ഫൗണ്ടേഷൻ*

അതിന്റെ കീഴിൽ

*പറപ്പൂർ പെയിൻ ആന്റ് പാലിയേറ്റീവ് കെയർ....*

*ഇരുട്ടിൽ ഒരു മിന്നാമിനുങ്ങെങ്കിലുമാവാൻ നമുക്കും ശ്രമിച്ചു കൂടെ...!!!!*

ജനുവരി 15 പാലിയേറ്റീവ് ദിനത്മാചരിക്കുമ്പോൾ നിങ്ങളാൽ കഴിയുന്ന ഒരു തുക പാലിയേറ്റീവിന് നൽകി കടമ നിർവഹിക്കുമല്ലോ....

On line Transfer :-

Federal Bank Oorakam
Parappur Pain And Paliative Center
Account No : 12940100278525
NEFT : FDRL0001294

➖➖➖
AXIS Bank
Ac Num: 924010013278272
Ac Name: Parappur Pain And Paliative Center-Hope Foundation
IFSC Code: UTIB0004198
Bank: Axis Bank Ltd, Chemmad Branch

10/11/2025

https://youtube.com/watch?v=jZ0r1jxxywU&si=jAX2MM1f-Vic0IVM

സ്ട്രക്ചർ വർക്ക് കഴിഞ്ഞു.....

ഹോപ്പിൻ്റെ ഇൻ്റീരിയറിലൂടെ നമുക്ക് ഒന്ന് പോയി നോക്കാം...

NB:

ഹോപ്പ് ഫൗണ്ടേഷൻ യൂടൂബ് ചാനൽ സബ്സ്‌ക്രൈബ് ചെയ്യാൻ മറക്കരുതേ...

മലപ്പുറം ജില്ലയിലെ വേങ്ങര മണ്ഡലത്തിലെ ഒരു ജീവ കാരുണ്യ കേന്ദ്രമാണ് ഹോപ്പ് ഫൗണ്ടേഷൻ. 7 കോടി മുതൽ മുടക്കിൽ തുടങ്ങ.....

27/10/2025

സർവ്വ ശക്തന് സ്തുതി.....

ഇതുയർത്താൻ കൂടെ നിന്നവർക്ക് പ്രാർത്ഥനകളോടെ.....