Dr. Bnar jamal amin دکتۆر بنار جمال امین

18/08/2026

هۆکارە سەرەکییەکانی تووشبوون بە شێرپەنجەی سییەکان:

شێرپەنجەی سییەکان یەکێکە لە بڵاوترین جۆرەکانی شێرپەنجە لە جیهاندا، بەڵام بڵاوبوونەوەی زانیاری دروست دەتوانێت هاوکار بێت لە ڕێگریپێکردنی.

ناستراوترین هۆکارەکانی تووشبوون بەم نەخۆشییە بریتیین لە:
جگەرەکێشان (هۆکاری سەرەکی): نزیکەی %٨٥-%٩٠ی حاڵەتەکانی شێرپەنجەی سییەکان پەیوەندییان بە جگەرەکێشانەوە هەیە. دوو کەلی سەرجەم جۆرەکانی تەمباک (جگەرە، نێرگەلە، و ئەلیکترۆنی) ماددەی ژەهراوی و شێرپەنجەیییان تێدایە.
کێشانی ناڕاستەوخۆ (دوو کەڵی تەندروستخۆر): هەڵمژینی دووکەڵی جگەرەی کەسانی تر بە شێوەیەکی بەردەوام، مەترسی تووشبوون بە ڕێژەی %٢٠ تا %٣٠ زیاد دەکات.
بەرکەوتن بە غازی ڕادۆن: غازێکی سروشتی بێڕەنگ و بێبۆیە لە زەوییەوە دەردەچێت، لە شوێنە داخراوەکان یان ژێرزەمینەکاندا کۆدەبێتەوە و زیان بە شانەکانی سی دەگەیەنێت.
ژینگەی کاری مەترسیدار: بەرکەوتنی بەردەوام بە ماددە کیمیاییەکانی وەکو ئاسبێستۆس (Asbestos)، ئارسنیك، نیكل، و كڕۆم لە شوێنی کاردا.
پیسی هەوا: هەڵمژینی هەوای پیسبوو بە دووکەڵی ئۆتۆمبێل، کارگەکان، و تۆز لە ناوچە پیشەسازییەکاندا مەترسییەکان زیاد دەکات.
تۆماری خێزانی (بۆماوەیی): ئەگەر لە خێزانەکەتدا کەسێک هەبووبێت کە تووشی ئەم نەخۆشییە بووبێت، مەترسی تووشبوونت زیاتر دەبێت.

چۆن خۆمان بپارێزین؟
وازهێنان لە جگەرەکێشان، دوورکەوتنەوە لە شوێنی جگەرەکێشەکان، و بەکارهێنانی کەرەستەی پارێزگاری لە شوێنی کارە مەترسیدارەکاندا گرنگترین هەنگاون بۆ پاراستنی تەندروستی سییەکانت.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

#تەندروستی #خۆپارێزی

17/08/2026

🚫💨 جگەرەی ئەلیکترۆنی (V**e) و نێرگەلە: ئایا ڕاستە زیانیان کەمترە لە جگەرەی ئاسایی؟
زۆرێک لە گەنجان و جگەرەکێشەکان پێیان وایە کە بەکارهێنانی جگەرەی ئەلیکترۆنی (V**e) یان نێرگەلە بەدیلێکی سەلامەتترە یان ڕێگەیەکە بۆ تەرککردنی جگەرەی ئاسایی.
بەڵام کۆمەڵەی سنگی ئەوروپی (ERS) و کۆمەڵەی سنگی ئەمریکی (ATS) بە تەواوی ئاماژە بە پێچەوانەی ئەم بیرۆکەیە دەکەن!

📌 کۆمەڵەی سنگی ئەوروپی و ئەمریکی چی دەڵێن؟
١. "زیانی کەمتر" بە مانای "سەلامەت" ناهێت:
هەردوو کۆمەڵە جەخت دەکەنەوە کە ڤەیپ و نێرگەلە بڕێکی زۆر لە ماددە کیمیاییە ژەهراوییەکان، زەیتە زیانبەخشەکان و کانزا قورسەکان تێدایە. کەمبوونەوەی دووکەڵ بە مانای سەلامەتی سییەکانت ناهێت.
٢. برینداربوونی توندی سییەکان (EVALI) بەهۆی ڤەیپ:
ڕێنماییە ئەمریکییەکان ئاگاداری دەدەن لە نەخۆشیی EVALI (نەخۆشیی برینداربوونی سییەکان بەهۆی ڤەیپەوە)، کە دەبێتە هۆی هەوکردنی توند، تەنگەنەفەسیی بەپەلە و تەنانەت لەدەستدانی ژیانی گەنجان.
٣. مەترسیی نێرگەلە کەمتر نییە لە جگەرە:
بەپێی توێژینەوەکان، کێشانی نێرگەلە (نزیکەی ٤٥ خولەک تا کاتژمێرێک)، یەکسانە بە هەڵمژینی دووکەڵی ١٠٠ تا ٢٠٠ دانە جگەرەی ئاسایی! جگە لەوەی کاربۆن مۆنۆکساید و ژەهری زۆرتر دەکاتە ناو سییەکانەوە.
٤. بەدیلێک نییە بۆ تەرککردنی جگەرە:
ڕێنماییە جیهانییەکان بە هیچ شێوەیەک ڤەیپ و نێرگەلە وەک ئامرازێک بۆ تەرککردنی جگەرە پێشناڕێنن؛ بەڵکو دەستپێکردنیان دەبێتە هۆی وابەستەبوونی دووبارە (Double Addiction) بە نیکۆتین.
٥. تێکدانی سیستەمی بەرگریی سییەکان:
هەڵمی ڤەیپ دەبێتە هۆی ئیفلیجبوونی مژۆڵەکانی کۆئەندامی هەناسە (Cilia) و ڕێگە خۆش دەکات بۆ هەوکردنی بەردەوام و تووشبوون بە نەخۆشییە درێژخایەنەکانی سنگ.

💡 پەیامی پزیشک:

گوڕینی جۆری دووکەڵەکە، تەندروستیی سییەکانت لە مەترسی ڕزگار ناکات.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

14/08/2026

🏃‍♂️🚴‍♀️ وەرزش و نەخۆشی هەستیاری سنگ (ڕەبۆ)
: ئایا دەتوانیت بە هەبوونی ڕەبۆوە وەرزش بڕیار بدەیت؟

زۆرێک لەوانەی تووشی نەخۆشیی ڕەبۆ (Asthma) بوون، وا دەزانن وەرزشکردن بۆ ئەوان قەدەغەیە یان مەترسیدارە! بەڵام ڕاستییەکە پێچەوانەی ئەمەیە: وەرزشکردنی ڕێکخراو توانای سییەکانت بەهێز دەکات و یارمه‌تیده‌ره‌ بۆ کۆنتڕۆڵکردنی نیشانەکانی ڕەبۆ.
هەندێک لە وەرزشوانە جیهانییەکانیش وەک دەیڤد بێکام ڕەبۆیان هەیە، بەڵام بە ڕێنمایی دروست بەردەوامن!

💡 چۆن بەبێ ترسی تەنگەنەفەسی وەرزش بکەیت؟
١. وەرگرتنی ڕێنمای پزیشکی:
پێش دەستپێکردن، دڵنیا ببنەوە لەوەی ڕەبۆکەت بە تەواوی جێگیرە و دەرمانە بەردەوامەکانت (Inhalers) بەپێی پێویست بەکاردێنیت.
٢. بەکارهێنانی پەمپ (Inhaler) پێش وەرزش:
ئەگەر پزیشکەکەت بۆی دیاری کردوویت، بەکارهێنانی پەمپی خێرا نزیکەی ١٥ بۆ ٣٠ خولەک پێش دەستپێکردنی وەرزش، ڕێگری لە تەنگەنەفەسی دەگرێت.
٣. گەرمکردن (Warm-up) پشتگوێ مەخە:
هەرگیز ڕاستەوخۆ دەست بە وەرزشی قورس مەکە! لانی کەم ١٠ بۆ ١٥ خولەک جەستەت بە هێواشی گەرم بکە تا سییەکانت لەگەڵ گۆڕانی هەناسەداندا ڕێڕەو بگرن.
٤. بە لووت هەناسە بدە:
هەناسەدان بە لووت هەواکە شێدار، گەرم و پاک دەکاتەوە پێش ئەوەی بگاتە سییەکانت، بە پێچەوانەی هەناسەدان بە دەم کە سییەکان تووشی ساردی و وشکبوونەوە دەکات.
٥. ئاگاداری کەشوهەوا بە:
لە کەشی زۆر سارد و وشکدا لووت و دەمت بە ماسک داپۆشە.
لە ڕۆژانێکدا کە تۆزوبارخۆڵ یان گوڵەگەرد (Pollen) زۆرە، باشترە لە ناو ماڵ یان هۆڵە وەرزشییەکاندا وەرزش بکەیت.
٦. هەمیشە دەرمانی فریاکەوتنت پێبێت:
هەڵمژینی فریاکەوتن (Reliever) دەبێت هەمیشە لە جانتای وەرزشییەکەتدا ئامادە بێت.

بەهیوای سەلامەتی …

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

06/08/2026

چۆن بزانین سییەکانمان لاواز نەبووەو تەندرووستە ؟

پشکنینی فەحسی سییەکان (پشکنینی کارکردنی سییەکان - Spirometry) ئەنجام بدە و لە تەندروستی هەناسەدانت دڵنیا ببەوە! 🫁✨
ئەم پشکنینە بە ئامێری پێشکەوتووی هێڵکاری سییەکان ئەنجام دەدرێت بۆ:
دیاریکردنی هۆکارەکانی هەناسەتووندی و قورسی هەناسەدان.
پێوانەکردنی توانای بەهێزی سییەکان و قەبارەی هەوا.

ئەم پشکنینە بەتایبەتی گرنگە بۆ سەردانیکردنی کەسانێک کە:
١/ جگەرە، ڤەیپ، یان نێرگەلە دەکێشن.
٢/ڕۆژانە بەرکەوتنیان بە دووکەڵ، نەوت، گاز و ماددە کیمیاییەکان هەیە.
٣/لە کارگە، پیشەسازییەکان، یان ژینگەی پڕ لە تۆز و خۆڵدا کار دەکەن.
٤/هەست بە کۆکەی بەردەوام یان زوو ماندووبوون دەکەن لە کاتی ڕێکردندا.
٥/ هەستیاری قورگو بۆری هەناسە یان ڕەبۆیان هەیە.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

31/07/2026

ئایا پرخە تەنها خەوی دەوروبەرەکەت تێکدەدات، یان زیان بە مێشکی خۆشی دەگەیەنێت؟ 😴🧠
زۆرێک لە ئێمە وادەزانین پرخەکردن (پرخە) تەنها نیشانەی ماندوێتییە، بەڵام لە ڕاستیدا دەکرێت نیشانەی کێشەیەکی تەندروستی جددیتر بێت کە پێویستی بە ئاگاداری هەیە.
❓ هۆکارە سەرەکییەکانی پرخە چیین؟
گیرانی لووت و هەوکردنی جیوبەکان: کاتێک جیوبەکانت هەو دەکەن یان لووتت بەهۆی پەلامار، هەستیاری (ئەلێرژی)، یان کێشەی تەسکبوونی هەناسی لووتەوە دەگیرێت، ناچار دەبیت لە دەمەوە هەناسە بگریت—ئەمەش ئەگەری پرخەکردن زۆر زیاد دەکات.
تەسکبوونەوەی ڕێڕەوی هەوا: خاوبوونەوەی ماسوولکەکانی قورگ و ئاڵووەکان لە کاتی خەودا.
کێشی زیادە: چەوری دەوروبەری مل پەستان دەخاتە سەر بۆری هەوا.
⚠️ کاریگەرییە مەترسیدارەکانی پرخە لەسەر مێشک:
کاتێک پرخە لەگەڵ پچڕانی هەناسە لە کاتی خەودا (Sleep Apnea) دەبێت، ڕێژەی ئۆکسجینی چوو بۆ مێشک کەمدەکاتەوە، ئەمەش دەبێتە هۆی:
1. کەمبوونەوەی سەرنج و بیرچوونەوە: تێکچوونی چڕیی مێشک و توانای ئیشکردن لە ڕۆژدا.
2. شەکەتی و سەرئێشەی بەیانیان: بەهۆی نەمانی خەوی قووڵ و بێبەشبوونی مێشک لە ئۆکسجینی پێویست.
3. تێکچوونی مەزاج و خەمۆکی: خەوی ناڕێک پەستانی دەروونی ڕاستەوخۆ لەسەر مێشک دروست دەکات.
4. زیادبوونی مەترسی جەڵتەی مێشک: بەهۆی ناڕێکبوونی شەپۆلەکانی ئۆکسجین و پەستانی خوێن لە شەودا.
💡 چەند ڕێنماییەک بۆ کەمکردنەوەی پرخە:
1. چارەسەری گیرانی لووت و جیوبەکان بکە (بەکارهێنانی ڕەذازی لووت یان شۆردنی بە ئاوی سوێر لەژێر ڕێنمایی پزیشک).
2. شێوازی خەوتن بگۆڕە: لەسەر تەنیشت بخەوە بەبری پاڵکەوتن لەسەر پشت.
3. کێشی زیادە کەم ببنەوە.
4. سەرینەکەت کەمێک بەرز بکەرەوە.
5. دووربکەوەرەوە لە كحول و جگەرەکێشان پێش خەوتن، چونکە بڕبڕە و شانەکانی قورگ هەو دەكات.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

28/07/2026

⚠️ تەندروستی سییەکانت بپارێزە: ٦ هۆکاری سەرەکیی هەوکردنی سییەکان بناسە!
هەوکردنی سییەکان (Pneumonia) نەخۆشییەکی جدییە کە کار دەکاتە سەر تورەگەی هەوا لە سییەکاندا. شارەزابوون لە هۆکارەکان یەکەم هەنگاوە بۆ خۆپاراستن. لێرەدا گرنگترین هۆکارەکان دەخەینە ڕوو:
🚫 هۆکارە سەرەکییەکانی هەوکردنی سییەکان:
1️⃣ بەکتریاکان (Bacteria): بەربڵاوترین هۆکارن، وەک Streptococcus pneumoniae.
2️⃣ ڤایرۆسەکان (Viruses): وەک ڤایرۆسی ئەنفلۆنزا و ڤایرۆسی کۆرۆنا کە دەتوانن زیان بە سییەکان بگەیەنن.
3️⃣ کەڕووەکان (Fungi): کەمتر باون، بەڵام مەترسیدارن بۆ ئەوانەی بەرگرییان لاوازە.
4️⃣ هەڵمژینی ماددەی دەرەکی (Aspiration): کاتێک خۆراک، خواردنەوە، یان ڕشانەوە بە هەڵە دەچێتە ناو سییەکانەوە.
5️⃣ دووکەڵ، ڤەیپ، و جگەرە (Smoke, V**e, Ci******es): کێشانی ئەمانە بە شێوەیەکی ناڕاستەوخۆ دەبێتە هۆی لاوازکردنی بەرگری سییەکان و هەوکردن.
6️⃣ ماددەی پاککەرەوە (Cleaning Products): هەڵمژینی کیمیاییە بەهێزەکان لە ماددە پاککەرەوەکان دەکرێت زیان بە شانە هەستیارەکانی سییەکان بگەیەنێت.
💡 خۆپاراستن باشترە لە چارەسەر!
بۆ پاراستنی خۆت و خێزانەکەت:
✅ کوتانەکان (ڤاکسین) بەکاربەهێنە.
✅ دەستەکانت بە باشی بشۆ.
✅ دووربکەوەرەوە لە جگەرەکێشان و ڤەیپ.
✅ سیستەمی بەرگریت بەهێز بکە بە خواردنی تەندروست و وەرزش.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناو و دڵ و شەکرە.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

#تەندروستی #سییەکان #خۆپاراستن #پزیشکی

26/07/2026

بەڵغەمی خوێناوی (Hemoptysis): هۆکارەکانی و کەی پێویستە ئاگادار بڵێیت؟
بینینی خوێن لە بەڵغەمدا یەکێکە لەو نیشانانەی کە زۆرجار دەبێتە هۆی دڵەڕاوکێ. ئەگەرچی هەندێک جار هۆکارەکەی کێشەیەکی بچووکە، بەڵام لە زۆربەی بارەکاندا پێویستی بە بەدواداچوون و ڕاوێژی پزیشکی هەیە بۆ دەستنیشانکردنی دروست.
🔹 هۆکارە سەرەکی و باوەکانی بەڵغەمی خوێناوی:
1️⃣ هەوکردنی کۆئەندامی هەناسە:
هەوکردنی بۆریچەکانی هەوا (Bronchitis)
هەوکردنی سییەکان (Pneumonia)
نەخۆشی سیل (Tuberculosis)
2️⃣ فراوانبوونی بۆرییەکانی هەوا (Bronchiectasis):
تێکچوونێکە کە تێیدا بۆرییەکانی هەوا بە شێوەیەکی هەمیشەیی فراوان دەبن و تووشی هەوکردنی دووبارە و خوێنپێچانی ناوەکی دەبنەوە.
3️⃣ کۆکەی بەهێز و بەردەوام:
کۆکەی توند دەبێتە هۆی ڕووشانی موولولەکانی خوێن لە قورگ یان بەشەکانی سەرەوەی کۆئەندامی هەناسە.
4️⃣ جەڵتەی سییەکان (Pulmonary Embolism):
بەستنی مەینامەی خوێن لە دەمارەکانی سییەکاندا، کە بارودۆخێکی فریاگوزاری پزیشکییە و پێویستی بە چارەسەری خێرا هەیە.
5️⃣ گرێ و وەرەمەکان:
بوون بە گرێ یان وەرەمی سییەکان (تایبەت لەو کەسانەی پێشینەی جگەرەکێشانی زۆریان هەیە).
6️⃣ کێشەکانی دڵ:
لە هەندێک حاڵەتدا، وەک سستبوونی دڵ یان تەسکبوونەوەی زمانەی میتڕاڵی دڵ، پەستان دەکەوێتە سەر موولولەکانی خوێن لە سییەکاندا.
7️⃣ دەرمانە ڕوونکەرەوەکانی خوێن:
بەکارهێنانی دەرمانی وەک (Warfarin یان Aspirin) بە بڕی زۆر یان بەبێ چاودێری پزیشک.
⚠️ کەی پێویستە دەستبەجێ سەردانی فریاکەوتن بکەیت؟
ئەگەر بڕی خوێنەکە زۆر بوو (زیاتر لە کەوچکێکی چا).
ئەگەر ڕاستەوخۆ لەگەڵیدا ئازاری سنگ یان هەناسەتەنگی توند هەبوو.
ئەگەر تووشی گێژبوون، سەرگێژخواردن یان ئارەقکردنەوەی سارد بوویت.
ئەگەر حاڵەتەکە زیاتر لە چەند ڕۆژێک بەردەوام بوو.
🩺 ئامۆژگاری: بە هیچ جۆرێک پشتگوێی مەخە و بۆ دەستنیشانکردنی هۆکارەکەی سەردانی پزیشکی پسپۆڕی کۆئەندامی هەناسە یان هەناوی بکە.
تەندروست و پارێزراو بن! 💙
#تەندروستی #پزیشکی #سییەکان

24/07/2026

ئەو خواردنانەی ڕەبۆ و هەستیاریی سنگ و قورگ خراپتر دەکەن

هەندێک خواردنی ڕۆژانە دەبنە هۆی زیادی بوونی کۆکە، تەنگەنەفەسی و هەستیاریی بۆرییەکانی هەناسە؟
هەرچەندە خواردن خۆی بە تەنیا هۆکاری ڕەبۆ نییە، بەڵام هەندێک جۆریان ماددەی تێدایە کە دەبێتە هۆی نەپاراستن و تەسکبوونەوەی بۆری هەناسە یان زیادبوونی بەڵغەم.

🚫 گرنگترین ئەو خواردن و خوارنەوانەی پێویستە ئاگاداریان بایت:
1. مەواددی پارێزەر:
لە چی دایە؟ میوەی وشکراوە (مێوژ، هەنجیر)، ترشیات، خواردنی قوتوبەند، و شەربەتی ئامادەکراو.
کاریگەری: هەستیاری و تەنگەنەفەسیی خێرا دروست دەکات.
2. خواردنە چەور و سوورکراوەکان:
لە چی دایە؟ فاست فوود، چیپس، و خواردنە زۆر چەورەکان.
کاریگەری: دەبێتە هۆی گەڕانەوەی ترشەلۆکی گەدە (GERD)، کە یەکێکە لە هۆکارە سەرەکییەکانی زیادبوونی هەستیاریی قورگ و سنگی ڕەبۆدارەکان.
3. شیرەمەنییەکان (لە هەندێک کەسدا):
لە چی دایە؟ شیری تەڕ، پەنیری چەور، و کرێم.
کاریگەری: ئەگەری هەیە بەڵغەم ئەستوورتر بکات و کۆکە و قورگپڕبوون زیاد بکات.
4. خواردنی زۆر سوێر و خوێیاوی:
کاریگەری: ئاوی زیادە لە جەستەدا ڕادەگرێت و بەپێی توێژینەوەکان دەبێتە هۆی خراپتربوونی نیشانەکانی ڕەبۆ.
5. خواردنەوە گازی :
کاریگەری: دەبنە هۆی هەڵئاوسانی گەدە و هەروەها زیاد بوونی لینجی بۆری هەناسە، بەمەش هەناسەدان دژوارتر دەکەن.

💡 ڕێنمایی زێڕین:
سەرنجی سەرپۆش و ماددەکانی سەر پاکەتی خواردنەکان بدەن؛ هەوڵبدەن زیاتر پەنا ببەنە بەر خواردنی تەندروست و سروشتی وەک میوە و سەوزەی تازە کە دەوڵەمەندن بە دژەئۆکسیدەکان! 🍎🥦

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناوییەکان.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

27/06/2026

دەرهێنانی تەنی نامۆ لە بۆری هەناسە بەبێ نەشتەرگەری:

کەوتنی خواردن، شلەمەنی، یان هەر تەنێکی نامۆ بۆ ناو بۆری هەناسە (Aspiration) یەکێکە لەو حاڵەتە کتوپڕ و مەترسیدارانەی کە پێویستی بە دەستێوەردانی خێرا هەیە.
١/ وێنەی یەکەم دەرزی ددان لەناو بۆری هەناسە
٢/ وێنەی ٢مایکرۆفونی ی قسە کردن کەوتبوە بۆری هەناسە

بە سەرکەوتوویی و بەبێ هیچ لێکەوتەیەکی مەترسیدار لە ڕێگەی نازوری سییەکان (Bronchoscopy) لە بۆری هەناسەی نەخۆشەکە دەربهێنرێت، ئەمەش دوای ئەوەی بە هەڵە چووبووە ناو کۆئەندامی هەناسەدانەوە.

💡 هۆشیاری و ئامۆژگاری تەندروستی:
نیشانەکان: کۆکەی توند و کتوپڕ، شینبوونەوە، و زەحمەتی لە هەناسەدان لە نیشانە سەرەکییەکانی چوونی تەنی نامۆن بۆ بۆری هەناسە.

گرنگی نازور: نازوری سییەکان ڕێگەیەکی پێشکەوتوو، خێرا و سەلامەتە بۆ ڕزگارکردنی ژیانی نەخۆش لەم جۆرە حاڵەتانەدا، بەبێ ئەوەی پێویست بە نەشتەرگەری گەورە بکات.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناوییەکان.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

24/06/2026

ناخۆشبوونی بۆنی هەناسە کێشەیەکی باوە و زۆربەی جار بەهۆی پاک‌وخاوێن ڕانەگرتنی دەم و ددانەوەیە، بەڵام دەکرێت نیشانەیەکیش بێت بۆ کێشەی تەندروستی تر.

هۆکارەکان:
١. کێشەکانی دەم و ددان (باوترین هۆکار)
کۆبوونەوەی بەکتریا: بەهۆی نەشوشتنی ددان و زمان، یان مانەوەی پاشماوەی خواردن.
کلۆربوونی ددان و نەخۆشییەکانی پووک
کەمبوونی لیک کە دەم پاک دەکاتەوە (بەهۆی کەمخواردنەوەی ئاو یان هەندێک دەرمان).

٢. کێشەکانی کۆئەندامی هەناسە
هەوکردنی جیوب و قوڕگ : دڵۆپەکردنی چڵم لە پشتی لوتەوە بۆ ناو قوڕگ.
هەوکردنی لەوزەتێن
هەوکردنی بۆری هەناسە
دومەڵی سییەکان

٣. کێشەکانی کۆئەندامی هەرەس و نەخۆشییە گشتییەکان
گەڕانەوەی ترشەڵۆکی گەدە.
شەکرە و سستبوونی ئەندامەکان:
کێشەی توند لە شەکرە، جەرگ، یان گورچیلە کە دەبێتە هۆی کۆبوونەوەی ماددەی کیمیایی تایبەت لە خوێندا و گۆڕینی بۆنی هەناسە.

٤. شێوازی ژیان
خواردنی سیر و پیاز، و کێشانی جگەرە و نێرگەلە.

پێشنیار:ئەگەر بە شوشتنی بەردەوامی ددان و زمان کێشەکە چارەسەر نەبوو، پێویستە سەرەتا سەردانی پزیشکی ددان بکرێت، و لە پاشاندا پزیشکی پسپۆڕ بۆ دۆزینەوەی هۆکارە ناوخۆییەکان.

‏‎بە هیوای سەلامەتی بۆ گشت لایەک….

‎د. بنار جمال امین
‎پسپۆری وورد (دکتۆرا) لە نەخۆشییەکانی سنگ و بۆری هەناسە و حەساسیەت.
‎پسپۆری (دکتۆرا- بۆرد) لە نەخۆشییەکانی هەناوییەکان.
‎بکالۆریۆس لە پزیشکی گشتی.
‎سلێمانی - ابراهیم پاشا-تەلاری بێست کلینیک- سەنتەری گەردوون- بەرامبەر قوتابخانەی ژین.
⁨0770 160 6364⁩
0750 566 6364

پسپۆری ووردی ( دکتۆرا) لە سنگ و هەناسە، پسپۆری (دکتۆرا) لە نەخۆشیە هەناوییەکان، پسپۆری نازوری سییەکان