NutrCenter - Dr.Kamaran ZhazhIlay

21/10/2026

د. کامەران رەسوڵ ژاژڵەیی پسپۆڕی زانستی خۆراك لەبارەی سوودەکانی هەنارەوە ئاماژەی بەوەکردوە، خواردنی هەنار یان خواردنەوەی شەربەتی هەنار رێگریدەکات لەدروستبوونی بەردی گورچیلە و هەوکردنی میزڵدان.

#کوردسات
#تەندروستی
#هەنار

21/10/2026

13/10/2026

-- زیاد بوونی کێش و قه‌ڵه‌وی له‌ پایزدا :
--- پێنج هۆکاری زۆر گرنگ :
۱ ـــ وه‌رزش نه‌کردن و که‌م بوونه‌وه‌ی جووڵه‌ : سەرما و دابەزینی پلەی گەرما دەبێتەهۆی کەم بوونەوەی ئارەزووی وەرزش و ڕێگەگرتن لە چالاکیە وەرزشیەکانی وەک ڕویشتن به‌ پێ و مەلە کردن و پاسکیل سواری ، لە هەمان کات دا مانەوە لە ماڵەوە بۆ ماوەیەکی زۆر دەبێتە هۆی خواردنی بڕێکی زۆر لە خۆراک .
۲ ـــ تووشبوون بە خه‌مۆکی وه‌رزی پایز : وەرزی پایز لە کۆمەڵێک کەس بە تێک چوونی میزاج و دڵتەنگی و زیاد بوونی دڵەڕاوکێ و کێشەی دەروونی ناسراوە ئه‌مه‌ش پاڵ به‌ هه‌ندێ که‌سه‌وه‌ ده‌نێت زیاتر په‌نا بۆ زۆر خواردنی شیرینی بەرێت وەک نەستەله و ئیشی هەویر ۰
۳ ـــ تێک چوونی ئاستی هۆرمۆنەکان : بە تایبەت لەگەڵ هەڵکشانی تەمەن وەک نزم بوونەوەی ئاستی هۆرمۆنی ئیسترۆجین لە خانمان و تێستیڕۆن لە پیاوان ، هەروەها بەرز بوونەوەی ئاستی هۆرمۆنی میلاتۆنین کە لێپرسراوە لە ڕێکخستنی سەعاتی بایۆلۆژی جەستە و کۆنتڕۆڵ کردنی جەستە .
٥ ـــ خواردنی بڕێکی زیاتر له‌و خۆراک : دوور و دێژی شەوگار دەبێتە هۆی زۆر خواردن بە هۆی بێزاری و مەلەلەوە ، هەروەها هەستکردن بە سەرما ڕەنگە ببێتە هۆی زیاد بوونی ئیشتها بە مەبەستی گەرم بوونەوەی لەش ، جگە لەوەی خواردن لە کاتی سەرما تاموچێژی خۆشترە ، هەروەها لە کوردستان زیاتر ئەو خواردنانە ده‌خۆرێت که‌ بڕێکی زۆر وه‌زیان تێدایه

16/08/2026

--- زیاد بوونی کێش و قه‌ڵه‌وی به‌ خێرایی : :
--- کۆمه‌ڵێک هۆکاری چاوه‌ڕوان نه‌کراو :
۱ ـــ سستی غوده‌ی ده‌رقی ۰
۲ ـــ که‌م خه‌ویی و شه‌ونخوونی ۰
۳ ـــ کۆنیشانه‌ی کیسی هێلکه‌دان ۰
٤ ـــ دڵه‌ڕاوکێ و قه‌له‌قی به‌رده‌وام ۰
٥ ــــ به‌کارهێنانی هه‌ندێ ده‌رمان : وه‌ک ده‌رمانی دژه‌خه‌مۆکی و حه‌پی مه‌نع و ڕه‌بۆ و ڕۆماتیزم و چاره‌سه‌ری نه‌زۆکی ۰
٦ ـــ کۆنیشانه‌ی کوشینگ ؛ له‌ ئه‌نجامی زۆر به‌کارهێنانی ده‌رمانی کۆرتیزۆن و هاوشێوه‌کانی ۰
۷ ـــ وازهێنان له‌ جگه‌ره‌کێشان ۰
۸ ــــ وه‌ستان و تێک چوونی سووڕی مانگانه‌ و تێک چوونی هۆرمۆنه‌کان ۰
۹ ـــ کۆبوونه‌وه‌ی ئاو له‌ ناو له‌ش ؛ به‌ هۆکاری جیاواز وێنه‌ی سستی گورچیله‌ و جگه‌ر و دڵ ۰
دکتۆر کامه‌ران رسوڵ ژاژڵه‌یی
پزیشکی پسپۆڕی زانستی خۆراک
بۆ زانیاری زیاتر ده‌توانن په‌یوه‌ندی بکه‌ن به‌ په‌یجی نیوتری سه‌نته‌ره‌وه‌
لینکی په‌یج : https://www.facebook.com/kamaranrasoolz/
بێ زه‌حمه‌ت پرسیاره‌کان به‌ مه‌سج بنێرن

13/07/2026

باشترین جۆرەکانی بەهارات بۆ خۆپاراستن لە نەخۆشییەکانی دڵ :
۱ --- زەردەچەوە : ماددەی ( Curcumin) ی تێدایە کە دژە ئۆکسانێکی بەهێز و دژە هەوکردنە ، هەروها
زەردەچەوە یارمەتی دابەزینی کۆلیستڕۆڵی خراپ و چەورییە سیانیەکان ئەدات و ڕێگەدەگرێت له مەیینی خوێن بۆیە یارمەتی خۆپاراستن ئەدات له نەخۆشیەکانی دڵ و جەڵتە ، لە چێشت لێنان بەکاری بێنە یا کەوچکێکی قاوە بخەرە ناو کوپێکی ئاو گەرم و بیخۆرەوە یا وەک تەواو کەری خۆراکی وەری بگرە .
٢ --- گوڵەمێخەک : یارمەتی خۆپاراستن ئەدات لە بەرزی فشاری خوێن و ڕۆڵێ هەیە له دابەزاندنی کولیستڕۆڵی خراپ و چەورییە سیانیەکان و باشتر کارکردنی خەپلەکانی خوێن ، یەک کەوچکی چای لێ بخۆرەوە یا چای گوڵەمێخەک بخۆرەوە یا یەک کەوچکی چا بخەرە ناو ئاردیم شۆڤانەوە پێش خواردنی .
٣ --- بیبەری توونی هاڕاو : یارمەتی زیاتر سووتانی چەوری جەستە و دابەزینی کێش و زیاتر کردنەوەی بۆریەکانی خوێن ئەدات لەگەڵ ڕێگەگرتن له بەرز بوونەوەی چەورییەکانی خوێن ، لە ناو چێشت یا زەڵاتە دا بەکار بێت یا هەفتەی چەند جارێ یەک کەوچکی چا لە ناو کوپێ ئاوی شلەتین بخۆرەوە .
٤ --- زەنجەبیل : دژە ئۆکسانێکی زۆر بەهێزە و یارمەتی دابەزینی کۆلیستڕۆڵی خراپ و چالاک کردنی سووڕی خوێن و کشانی دیواری موولەلەکانی خوێن و زیاتر سووتاندنی چەوری جەستە ئەدات ، یا زەنجەبیل بە فرێشی یا بە هاڕاوی وەک چای زەنجەبیل و لیمۆ بخۆرەوه یا لە ناو زەڵاتە و چێشت دا .
٥ --- سیری وشکراوی هاڕاو : سیر زۆر سوودی هەیه بۆ پاراستنی تەندروستی دڵ ، ڕۆژانە دوو دەنک سیر بخۆ یا سیری وشکراوی هاڕاو لە ناو چێشت و زەڵاتەدا بەکار بێنە .
ئامادەکردنی
دکتۆر کامه‌ران رسوڵ ژاژڵه‌یی
پزیشکی پسپۆڕی زانستی خۆراک
بۆ زانیاری زیاتر ده‌توانن په‌یوه‌ندی بکه‌ن به‌ په‌یجی دکتۆرکامه‌ران ژاژڵه‌یی
لینکی په‌یج : https://www.facebook.com/kamaranrasoolz/
بێ زه‌حمه‌ت پرسیاره‌کان به‌ مه‌سج بنێرن