06/06/2026
--- دابەزاندنی کێش لە وەرزی هاوین :
--- وەرزی هاوین باشترین کاتە بۆ دەست پێکردنی ڕێجیم و دابەزاندنی کێش چونکە ڕوونە بە هۆی بەرزی پلەکانی گەرما و خواردنەوەی بڕێکی زۆر لە ئاو حەز و ئیشتهای خواردن کەم دەبێتەوە و خواردن چیدی ئەو تام و چێژەی نامێنێت کە لە کاتی سەرمادا هەیەتی ؛ وەک پێشترینش ئاماژەمان پێدا بوو گرنگترین ئەو هۆکارانەی دەبنە هۆی زیاد بوونی کێش ڕەنگە ئاسانتر بتوانرێت خۆتی لێ بپارێزێت یان وازیان لێ بێنێت وەک نەخواردنی ساردەمەنی و خواردنەوە گازییەکان و شەربەتی فرێش و گیراوە و بڕێکی زۆر لە ڤاست فوود .
---- پێنچ هەنگاوی گرنگ بۆ دابەزاندنی کێش لە وەرزی هاوین :
١ -- خواردنی بڕی پێویست لە ماددە پڕۆتینەکان و کەمکردنەوە یان نەخواردنی ئەو خواردنانەی دەوڵەمەندن بە کاربۆهێدراتی سادەی دەستکاری کراو وێنەی ئاردی سپی و برنجی سپی وشیرینی .
٢ --- خواردنی بڕێکی زۆر لە ماددە ڕێشاڵیەکان وێنەی سەوزە و زۆربەی میوە وەرزیەکان و پاقلەمەنیەکان .
٣ --- زیاد کردنی جووڵە و وەرزش کردن بۆ نموونە ڕۆیشتن بە پێ شەوانە یان ئێواران و مەلەکردن یا خود هەر وەرزشێکی تر .
٤ --- هێشتنەوەی جەستە بە شێداری لە ڕێگای خواردنەوەی بڕی پێویست لە ئاو و کەمکردنەوەی ئەو خواردن و خواردنەوانەی کاڤیییان تێدایە .
٥ ---- هۆکاری سەرەکی قەڵەوی هەمیشە بریتیە لە زیادە ڕەوی و زۆر خواردن بۆیە لەگەڵ تێر بوون دەست هەڵگرە لە خواردن و تا برسیت نەبێت خواردن مەخۆ و لە نێوان ژەمەکان سەوزە و میوەی وەررزی بخۆ لەگەڵ خواردن بە هێواشی و جوینی بە جوانی و نەخواردنەوە یان کەم خواردنەوی ئاو و شلەمەنیەکانی تر لە کاتی خواردن .
٦ --- خەوی تەندروست و شەوانە لە کاتی خۆی دا سەرەکی ترین بنەمای شێوازی ژیانی تەندروست و کێشی تەندروستە . کامەران ڕسوڵ ژاژڵەیی
پزیشکی پسپۆڕی زانستی خۆراک
