23/08/2026
هذا الفحص دائما افحص مرضاي
وهو فحص
"فحص رومبرغ" :
شنو هو الفحص؟
هذا اختبار بسيط حتى نعرف وين مكان الخلل بالتوازن (بالعصب من الررقبة والحبل الشوكي ، لو بالمخيخ اسفل الدماغ بالجمجمة، لو بالأذن الوسطى داخل الأذن )
ملاحظ :
الجسم يعتمد بالتوازن على ثلاثة أشياء:
العيون، الأذن، وأعصاب داخل المفاصل والحبل الشوكي.
1. إذاكو انزلاق ضاغط على الأعصاب (الحس العميّق) بالرقبة :
المريض عيونه مفتوحة يشوف زين ويمشي، بس أول ما يغمض عيونه، راح يفقد توازنه ويدوخ؛ لأن الدماغ ما گدر يعرف وضعية رجليه بدون مساعدة النظر.
2. إذاكو مشكلة بالدماغ أو المخيخ:
هنا المريض تلاقيه يتمايل ويفقد توازنه حتى وعيونه مفتوحة، وإذا غمضها تزيد الحالة سوءاً، وما يكدر يضبط خط مشيته عادل.
3. إذاكو مشكلة بالأذن الوسطى (الدوخة والدهليز):
طبيعي الجسم يعوض خلل الأذن بالنظر، فمن تغمض عيون المريض، يختفي هذا التعويض ويبدي يميل أو يوكع تدريجياً لجهة الأذن التعبة.
باختصار:
يوكع بس من يغمض عيونه؟ المشكلة غالباً بالأعصاب (الحبل الشوكي) أو الأذن اذا بيها التهاب مع اللوزتين او بدون لوزتين بس اذن
يوكع وعيونه مفتوحة؟
المشكلة من الأساس بالدماغ أو المخيخ.
أخوكم
الدكتور
سيف علاء القيسي
جراحة الجملة العصبية
في توضيح فحص رومبرغ الروتيني في العيادة لبعض الحالات .
