فراس جلو

08/09/2026

انت وكل شخص يريد يشتغل على صحته تشتركون بعذرين كلش قويات ومعذورين عليهن بس هن مو حقيقيات

الوقت والالتزم، وهسة اثبتلك ليش هاي الاعذار مو حقيقية

اقرا هي الكلمة زين (رياضة)

طالما قرات كلمة رياضة اول صورة اجت ببالك كمال الاجسام
يعني جيم يعني روحة ورجعة يعني البس وانزع اصعد وانزل، ازدحام اشتراك انتظار الاجهزة،

وطالما اجة ببالك هاي الصورة راح تكون هاي الاعذار قوية ويخلي الرياضة صعبة بالنسبة لك

بس انت ليش اصلا تفكر بكمال الاجسام والجيم اللي هم اصلا مالهم علاقة بهدفك ولا لهم علاقة بالرياضة. الصحة؟

وما اريد اخذك سفرة بالسياسة والاقتصادة وشلون ترسخت ببالك هالصورة وحلت محل الرياضة حتى تبقى مستهلك مو منتج،

خلينا بهدفك، انت شتريد.. بناء جسم او تخسر وزن؟
سهلة انا بدوري كمدرب تأهيل مختص اكلك 20 دقيقة بالبيت 3 تمارين و3 ايام بالاسبوع خلال 3 اشهر كفيلة تحققلك نتيجه ممتازه،

وبهالمعادلة انت خلصت من كل المعوقات والاعذار ممحتاج غير بس 20 دقيقة 3 مرات بالاسبوع بدون اجهزة بدون ادوات بدون مضيعة وقت بدون اشتراكات،

يبقى بس تحدد هدفك والتمارين المناسبه له، وتكدر تختار اي 3 تمارين تخدم هدفك واي 3 تمارين كفيلة لتحقيق الهدف المهم تطبقهم بشكل صحيح.

06/09/2026

المشكلة دائما بالطريقة اللي تتبعها لتحقيق هدفك مو بالهدف نفسه،

وحدة من هاي الادوات البسيطة كفيلة تحركلك دهون تبنيلك احلى جسم بالبيت وميحتاجك منك اكثر من 20 دقيقة باليوم

وتكدر تدمج اداتين توظف بيهم نوعين قوى وحدة تركز حرق ووحدة بناء فتطلع بنتيجة مرعبة،

وحتى بدون ادوات تكدر توصل للي تريده

بينما انا متاكد الاغلبية تخلص وقت كلش طويل بالجيم وتستخدم اجهزة اسعارة بذاك الشي ولحد لان مواصلين ربع هدفهم،

المشكلة دائما بالطريقة اللي تتبعها لتحقيق هدفك مو بالهدف نفسه،

الرياضة والتغذية رياضيات تحتاج فهم مو بس تطبيق

اقتنع انك محتاج فكرة وفهم اكثر من متحتاج اداة او مكان،

اختارلك اداة او 2 وخلينا نصمملك برنامج علمي حتى توصل هدفك بابسط الطرق واقلها عبء واجهاد.

03/09/2026

واحد من اهم الاسباب اذا مو هو السبب الاهم بمشاكل الوزن ودمار الصحة هو السهر،

تخيل ان هرموماتك شفتين نهارية ومسائية، والهرمونات المسائية المسؤولة عن الاستشفاء متشتغل اذا نومك مو صحيح

وواحد من اهم الهرمونات اللي تنظرب بالسهر هو الكورتيزول اللي هو هرمون الطاقة، وهذا يخليك تجوع جوع وهمي

وبالتالي مهما التزمت بالدايت والرياضة راح تلاكي صعوبة
بانضباك ومتكدر تكمل،

فبالتالي لو عدلت نومتك تلقائيا راح تخلص من 50% من مشاكل الوزن والاضطراب الهرموني،
وبعد ما ينضبط نومك، التزامك بالتغذية والرياضة راح يصير مو بس بسيط وانما تافه،

وحتى لو متلتزم تكدر تحافظ على النتائج، شخصيا تركت التمرين 3 سنين وبقيت محافظ والتغذية اصلا ما التزم

هسة تكول بس الموضوع مو سهل،
وانا متفهم ومقدر وضعك لان النوم يحتاج تدريب حاله حال الرياضة والتغذية، بس انا كاتبلك موضوع طويل شوية على حسابي الشخصي بالفيس بوك متاكد حيفيدك لان بي شرح فسلجي مفصل عن موضوع النوم،

واقرا التعليقات بدربك حتلكي كل اللي معلقين ناجحة وياهم التجربة المذكورة بالبوست

31/08/2026

علم التدريب بي هواي دهاليز وتفاصيل، من اهم تفاصيلة هو انماط التدريب،

انماط التدريب تخليك تتحكم بوقتك وطاقتك وجسمك بالطريقة اللي تناسب نمط حياتك

هذا نمط وهذا نمط حياة وتدريب

بس شنو يعني نمط تدريب؟
نمط التدريب هي الية او طريقة تتدرب بيها بشكل يناسب وضعك وطاقتك بغض النظر عن نوع الرياضة او القوة اللي تمارسها،

فكرة النمط يسهل عليك حياتك مو بس حسب نمط حياتك وانما حسب نمطك الشخصي المصنف بعلم النفس،

يعني اذا انت من الناس الاي تحب تنجز بوقت سريع ومختصر او تحب تنجز على راحتك بس تتمعن بالتفاصيل،

العظيم بالنمط مهما كانت الطريقة اللي حتختارها حتوصلك للهدف اللي تريده، وهذا اللي ما ممكن تحققه بالطرق الكلاسيكية،

لذلك بالاستشارات دائما اشرح انماط كثيرة للعميل بحيث يصير عنده طيف واسع من الانماط يخلي يحس الموضوع جدا بسيط وميحتاج كل هالكلفة والعبء والقيود

واعرف ممكن تستغرب اذا اكو هيج معلومة ليش محد مسولف بيها؟

ببساطة لان المحتوى الموجود بالسوشيالميديا كوبي بيست وهيج معلومات لاسهل يلكيها صانع المحتوى ولا هي مجانية وحتى لو عنده هم مراح ينطيها لان للاسف هيج مواضيع الناس متعرف اهميتها ومدى تاثيرها على حياتها فمتهتم لها وبالتالي محد يشوفها،
لو يجيك واحد تعبان اقوة شي شايفه بحياته كمال الاجسام ومخه معفن من الريلزات ويكلك وين المصدر،
لو يجوك المشاهير اللي عايشين على سرقة افكار الغير وينسبوها لنفسهم.. فمحد يتعب نفسه وينشر هيج معلومات مهمة ويضيع جهدة وتعبه

30/08/2026

هواي ناس تدافع عن تجارب وانظمة غذائية بس لان جابت عليها نتيجه خصوصا بالوقت الحالي والضجة الصايرة على نظام الطيبات،

الفكرة هي مو بالنتيجة وانما باستمرارها، حتى الانظمة اللي اكتبها شخصيا ولعلك ملاحظ من خلال مواضيع اللي انشرها او كمشترك يمي انا ما اكتب نظام ولا انصح بنظام يستمر اكثر من شهرين،

وحتى هذي الشهرين هي استخدمها لامرين مهمين مالعهم علاقة بخسارة الوزن، وانما للتعافي من ادمان الاكل والثاني هي كمرحلة علاجية للهرمونات،

شارف الموضوع على نهايته وما ذكرت نظام الطيبات بشيء وليش هو نظام غبي؟
واعتقد بعد كل اللي كلته ميحتاج اتطرق لاي نظام جاهز بالعالم،

الخلاصة اذا تريد تتبع اي برنامج تكدر تجرب محد لازم عليك سيف بس اذا تريد تخسر وزن غير طريقة تفكيرك ونمط حياتك ولا تخلي الاكل الشماعة اللي تعلك عليها كل مصايبك

26/08/2026

الناس عبالك بعدها باول ايام السوشيال ميديا وبعدهم يفترون بنفس السوالف ومقتنعين بيها، اقطع سكريات احسب سعرات اذبح روحك ساعتين بالتمرين ادخل جيم العب كمال اجسم سوي هذا التمرين واكطع ذاك، لا عبالك العالم صار مفتوح والمصادر العلمية متوفرة بكل مكان بس تحتاج شوي اجتهاد

26/08/2026

اللي چان يخلي اسلافنا يطلعون يصطادون بتركيز عالي وسرعة وقوة بمطارة الفريسة هو الجوع،

الجوع يخلي عقلك كل هدفه يخليك عايش فيكثف طاقته وتركيزه كلها على الهدف اللي هو الفريسة،

اما بالوقت الحالي انت اصلا تاكل وانت مجوعان ولوووووو فعلا جعت حتاكل ما لذ وطاب بدون ادنى جهد،

وماكو شي يدفعك تبذل مجهود حتى تعيش،
بس دماغك وجسمك متغيرو، بعدك اذا التجوع، دماغك حيمد جسمك بالطاقة واكبر دلي اغلبنا من يجوع يعص، والعصبية هي طاقة "كورتزول"

وانت تخيل وياي الجوع ينطيك طاقة للتمرين والتمرين الصح يخليك تشبع،

تخيل هيج نعمة ومعلومة محد حاچيلك عنها ملتهين بالسعرات وكمال الاجسام

24/08/2026

10/08/2026

الجاي مو بس مسبب للجوع وانما بي كوارث اذا تبطله راح تشوف تطور رهيب بصحتك،

من اكبر مشاكل الجاي هي ببتينات، ميخلي عندك طاقة بالتمرين والرياضة ويمتص كل فوائد التغذية،

زين هل لازم نكطع الجاي للابد، لا بس تكدر تخففه تخلي بالمناسبات او مرة باليوم اضعف الايمان

08/08/2026

كمال الاجسام كلعبة مابيها مشكلة اذا جنت تحبها وتمارسها بشكل طبيعي بس حتى تستفاد منها اقصى استفادة لازم تدمج ويها تمارين قوة وتحمل،

هسة تكلي مو هي قوة اكلك لا هاي مو قوة، اي نعم جاي تبني عضل بس تبني عضل بس بناء سلبي ممحتاجه، حتى لو جاي تبني طبيعي،

بينما تمارين القوة انت حتبني العضل لان جسمك محتاجه،
اما التحمل هو يخلق عندك تكيف وظيفي وتوازن ببيلوجية الجسم حتى ما ينمو عندك شي على حساب شي ثاني يعني متكبر عضلات الهيكلية وتضعف العضلات الملساء مثل القلب والرئتين