فراس جلو

فراس جلو مؤسسة صحية
لتطوير الصحة بدنية نفسية اجتماعية
معلومات مقالات كتب ورش برامج استشارات تدريب محتوى

10/05/2026

انا عرف احنا بزمن الرفاهيات والترف البيلوجي
بس شنو رايك تجرب شوية تبطل دلال؟

وما اعرف اذا خطيت خطوتك حتحقق النتيجه اللي تريدها او لا بس كل اللي متاكد منه اذا بقيت بمكانك محتحقق اي شي.

01/05/2026

هاي اقوى 3 رياضات للي معندهم وقت يرحون جيم وميحتاجون حافز للتدريب، ومعندهم مشاكل صحية

اما اللي يردون رياضات قوية بس باماكن مخصصة او الناس اللي عندهم مشاكل ويكدرون يمارسون اي رياضة اكتبولي بالتعليقات واذا شفت العدد مناسب اسوي جزء ثاني

للحصول على برنامج الكاليسثنكس او التمرين بالحلقات تكدر تتواصل واتساب على الرقم 07800523989

25/04/2026

تكدر تسوي مثل هذا الجسم او احسن؟

اولا هذا السؤال غلط،

ثانيا تكدر تسوي نفسه واحسن منه لانه جسم عادي،

بس السؤال الاهم هل انت محتاج اتسوي احسن من هذا الجسم؟

اكو قاعدة فسيوسيكلوجية تكول: جسمك ينبني حسب احتياجه مو حسب رغباتك،

واذا قاومت جسمك.. الدماغ راح يدافع عنه ويقاومك،

يعني صح تمارين القاومة تبني عضل،
بس راح تواجه مقاومة الدماغ

لذلك لا تبني عضلة ممحتاجها
والاصح لتبني عضلات بدون هدف،

طبعا هسة تكول بناء العضلة هو بحد ذاته هدف.. وهذا صحيح
بس مو بالنسبة لبيلوجية جسمك ولا دماغك،

جسمك ودماغك فاهمين انهم بعصر الرفاهية وممحتاجين العضلات بشي، حتى لو الموضوع صحي،( وهذا سبب من اسباب الكسل وانعدام الحافز وعدم الرغبة بالتمرين)

فمن تتمرن بلعبة مثل كمال الاجسام ما بيها لا مهارة ولا هدف
جسمك ودماغك حيتعاملون معها على انها هدر للطاقة فما راح تحصل كفاءة عالية بطاقتك،( لذلك كل لاعبي كمال الاجسام يعانون من اضطرابات نفسيه)

بينما من تلعب رياضة حقيقية، دماغك مضطر يصرفلك اسيتلكولين، حتى ينطيك توافق عضلي عصبي وجسمك يشكل العضلات حسب حاجته لهاي الرياضة لان اكو هدف حقيقي، وحاجة حقيقية،

شخصيا ما سعيت ولا اهتميت ابني شكل جسمي، هو يتشكل كل مرة بشكل مختلف حسب الرياضة اللي اتدرب عليها

20/04/2026

التنظيم الهرموني يصير من خلال الاكل
التطوير الهرموني يصير من خلال الرياضة

عدم تخزين الدهون يصير من خلال الاكل
خسارة الدهون تصير من خلال الرياضة

18/04/2026

اذا ما كان تمرينك صعب او قوي متكدر تحقق النتيجه اللي تريدها،
بس تكدر بنفس الوقت تسهل طريقه التمرين نفسها حتى يكون التمرين ابسط .. وهذا يصير من خلال امرين،

مرة بتقنية التدريب ومرة بفهمك لجسمك،

الاولى تخفف عليك الشدة، والثانية تشوفك النتيجه قبل وقوعها فتحفزك

يعني تقنية التمرين تتحكم بطريقة ووقت التمرين او وقت الاستراحات او العدات والجلسات وهكذا فيقل العبء التراكمي، وتكدر تتحكم بالتمرين، طبعا هاي للناس اللي تريد تحرك دهون او تبني مهارة او قوة او عضل، مو لجماعة التحمل،

اما بفهم الجسم انت راح تكون ضامن النتيجة لانك ماشي ضمن ارقام فيزيائية غير قابلة للغلط وهذا ينطيك حافز عالي يساعدك تستمر وانت عارف جائزتك،

وهذا يجي بعد معرفة نوع الرياضة والتغذية اللي تناسبك

15/04/2026

اولا السعرات لا تحل ولا تربط وشرحنا هال شي الف مرة

ثانيا اذا اكلت هاي كل هالكمية من الخضار هم راح تسمن غصبا عليك،

ثالثا حتى لو اكو احتمال 1% انك مراح تسما فهاي الكمية من الخضار بيها كمية الياف تفرتك امعائك

رابعا والاهم انت مو خروف حتى تاكل كل هالخضار،

حاجتك اليومية للخضار كاسة صغيرة الى متوسطة، اما كثرتها فحالها حال اي شي جدا مضرة

14/04/2026

اكبر خرافة بخسارة الوزن هو تقليل السعرات،

شنو رايك على بعض الاوراق العلمية المفروص يصير العكس، يعني كل ما تزيد سعرات كل ما تخسر وزن، والاخيرة هم مو صحيحة

وما راح ادوخك بفسلجة الجسم والعلم والعلماء الي غادرو موضوع السعرات من 40 سنة وبطلو يستخدموها كمقياس للطاقة،

خلينا نسولف بمقارنا منطيقية وبسيطة، لو جبنا شخصين واحد ياكل دجاجتين والي سعراتهم 2600 سعرة

والثاني خلي ننطي 15 سنيكرس، والي سعراتهم تساوي 4000 سعرة تقريبا،

برايك منو الي راح يزيد ومنو الي راح ينقص وزنه؟
(بغض النظر عن الجوودة والصحة، قضيتنا هنا سعرات ووزن)

لاتدوخ نفسك، الي ياكل الدجاج وسعراته اقل هو الي راح يزيد وزنه،

ما اقتنعت؟ تعال ناخذ مثال معروف من الواقع،

ارنولد، اسطورة الضخامة العضلية، ارنولد ياكل 3000 سعرة باليوم، وكلما نعرف شكل وضخامة جسمه،

ومايكل فلبس السباح العالمي 9000 سعرة وهو المسلوع واضعف من اصبعي،

واذا بعدك ممقتنع، طبقها على نفس والجربة خير برهان،

وخلينا ننتقل للمشكلة الثانية،
شلون كل ما نزيد السعرات، ننزل وزن؟

وهاي الفكرة معتمده على فكرة الايض، الي هي مشكله اكبر، راح نسولف عنها بفديو لوحدها،

حسب العلم، ينزل الوزن كل ما زاد الحرق ويزداد الحرق كل ما زاد الايض ويزداد الايض كل ما زادت الطاقة،

وحسب الفهوم السائد، الطاقة هي السعرات، والخلاصة تطلع لنا ان كل ما زادت السعرات فزاد الايض فزاد الحرق، فنحف الجسم،

اعرف انلاصت عليك والموضوع فعلا معقد بس خليني اختصر لك،

السعرات الحرارية ما هي الا وحدة قياس الطاقة الحرارية الي يستخدمها الجسم،

اما الجسم كم نوع طاقة يستخدم، هاي سالفتها اطول من سالفتنا، يستخدم عدة انوع، اذا تحبون نسولف بيها ما عندي مشكلة،

وحتى ماطولها عليك، الموضوع ممتعلق بالسعرات بقدر ما متعلق باحتياجك، واحتياجك يساوي كمية الطاقة الداخلة والخارجه من جسمك،

09/04/2026

بالكاليسثنكس اعتمد بس ع القوة وهي رياضة تحتاج تكنيك ومرونة وقوة،

واغلب حركاتها تحتاج تكنيك اكثر من القوة، وتحديدا الهاند ستاند
تحتاج بس 20% قوة بينما 50% تنكنيك،

بس اخيرا كسرت هاي القاعدة باعتمادي فقط على القوة بنسبة 100% من خلال مضاعفاتها،

اكتشفت السر بعضلة اصلا ما احترمها لانها من العضلات الصغيرة اللي اساسا ما ادربها، وهاي العضلة تحديدا معتقد هي الاقوى بين عضلات جسمي وهي عضلة الساعد،

هذا بعد ما دربت عضلات.. جسمي نفسه ميندلها بس حتى افك الشفرة،

لهذا اخذت مني كل هالوقت، بينما ممكن ضبطها خلال 6 اشهر بالكثير سنه،

بس اكو شغلة لاخ هم سويتها بنفس الوقت وهو تبديل نوع الكرياتين، وطبعا هذا النوع نطاني بور كلش قوي،

واذا تسالني ليش متدربت على التكنيك من البداية، فهاي قصة كلش طويلها مغزها انا ما اعرف اتعلم من معلم ولازم اكتشف طريقتي بنفسي بالاضافة الى كسر القواعد العلمية صار جزء من شغفي بالرياضة...

05/04/2026

هالطريقة مو بس ساعدتني ارجع اتمرن وانما طورتني بكل تفاصيل حياتي،

تركت التمرين 3 سنين، بس من رجعت ما رجعت بطريقة عادية، اخترعت اسلوب تدريب سميته (الداينمو) حتى يساعدني بالشغل مو بس بالرياضة

الغريب والعظيم بهاي الطريقة رغم سهولتها وعدم احساسك بانك جاي تتمرن الا انها تنطي نفس النتائج بدون احساس بالجهد،

بس الفكرة مو هنا، الفكرة ان هاي الطريقة ما جانت بس طريقة رهيبة للتدريب،

الحقيقة هي صارت تطبيق لجواب على سؤال لفرويد مات وما يعرف اجابته، (وهنا تجي اهميتها بالعمل)

هذا السؤال بقى شاغلني 15 سنه، ونعم جاوبته بوقتها، وطبقت نصه بشكل عملي، والنص الثاني بعد اكتشاف هاي الطريقة،

سؤال فرويد يكول: تتحول الطاقة البدنية الى نفسية والعكس،
واذا تسال شلون فهذا غير معروف،

والمعروف هو طبيعي من تبذل جهد او اي "انجاز بدني" خصوصا الرياضي، هرموناتك تنظم وينتج الدوبامين بشكل "فيزيائي" فمزاجك يتحسن، وهنا حولنا الطاقة البدنية الى نفسية،

زين العكس شلون؟ هذا مبني على فهم الجهاز العصبي والدماغ شلون يشتغلن،

وبما الموضوع يجمع بين الشغف والعمل، ففاهم شلون انتج الدوبامين "بالانجاز الذهني بشكل "كيميائي"

ولان الدوبامين يشتغل على الطاقتين البدنية والذهنية،
فراح تتحول عندنا الطاقة النفسية الى بدنية،

وهاي الطريقة تناسب الناس اللي عندهم تفكير مفرط overthinking او حركة مفرطة او multitasking
او الناس اللي عندها edhd

وكلش تفيد الناس اللي تشتغل اونلاين وعندهم حرية حركة وعمل اكثر من مهمة،

وتعتبر مجموعة حلول لمجموعة مشاكل بوقت واحد،
وهي نفسها طريقة الداينمو يعني تشحن الطاقات بالجسم وتخلي وحدة تستفاد من الاخرى

من الناحية الفنية وسيمترياً فهاي الصورة من اجمل الصور الرياضية وتضاهي صورة مايكل جوردن الايقونية اللي اصبحت علامة تجارية...
01/04/2026

من الناحية الفنية وسيمترياً فهاي الصورة من اجمل الصور الرياضية وتضاهي صورة مايكل جوردن الايقونية اللي اصبحت علامة تجارية مشتركة بينه وبين نايك في ما بعد.

وحتى القصة تخدم الفكرة

27/03/2026

التشريب الوجبات السريعة او كل الاكلات اللي تعتقد انها غير صحية انت بكل الاحوال مراح تاكلها يومية،
فمن تصير كدامك اكل وبلا تمصرن

ومن واحد يعزمك اكل واسكت بلا تنعوص عود انت مسوي دايت،

واذا چنت رجل اعمال ويمة عشاء عمل او من عائلة عزايمكم معرة ويومية عزيمة ببيت، اكل بس خلي العزيمة هي الوجبة الثكيلة، ولاتكل مثل الخبل،

التنظيم الغذائي اسلوب حياة مو حرب وحرمان
والاكل طاقة ومتعه مو سباق،
والحياة الصحية راحة مو استعراض

Address

Baghdad

Opening Hours

Monday 09:00 - 21:00
Tuesday 09:00 - 21:00
Wednesday 09:00 - 21:00
Thursday 09:00 - 21:00
Friday 09:00 - 21:00
Saturday 09:00 - 21:00
Sunday 09:00 - 21:00

Website

Alerts

Be the first to know and let us send you an email when فراس جلو posts news and promotions. Your email address will not be used for any other purpose, and you can unsubscribe at any time.

Shortcuts

Share

Category