Dr Marwan Alani

05/06/2026

⁨دخلت امرأة بعمر 28 سنة، لازمة بطنها وتتنفس بصعوبة:

“دكتور، بطني 24 ساعة منفوخة ، أبد ما مرتاحة، مرات أحس قلبي يدك بسرعة ، و اختنك… أركض للمستشفى ويكولولي (ما عندج شي)! صايرة أوسوس بكلشي!”

سئلتها:
تاكلين عدل؟
قالت: “ما أگدر، كلشي ينفخني، حتى المي مرات يضايقني!”
كيف تنامـين؟
“نومي مضطرب، أفز مرات، أحلم هواي”
عندچ مشاكل؟
“هم وضغط من كل جهة… شغل، زواج، قلة دعم، خنگة داخلية”

التشخيص الأولي:

“تهيج قولوني بسبب التوتر المزمن (IBS + Anxiety)”

شنو يصير بالجسم؟

التوتر ينبه العصب الحائر (Vagus nerve)

هذا العصب يربط الدماغ بالأمعاء

فكل قلق نفسي يسبب:
انتفاخ
تشنجات
إسهال أو إمساك
غازات
خفقان
آلم متنقل

المشكلة؟

أغلب النساء بهالحالة تبدي علاج القولون بس ينسون السبب الأساسي: “الجذر النفسي”!

فحوصات ضرورية :

1. Cortisol AM – لفحص التوتر المزمن
2. CRP & Calprotectin – لاستبعاد الالتهابات المعوية
3. Vitamin D – نقصه يزيد القلق
4. Magnesium & B6 – دعم الجهاز العصبي والهضمي
5. Thyroid profile – الغدة إذا كانت بطيئة تزيد الانتفاخ
6. مقياس القلق

الخطة العلاجية

3 محاور:

1. الجهاز الهضمي:

• وجبات صغيرة و صحية
• الابتعاد عن الكافيين والسكريات
• Probiotics
• شاي النعناع واليانسون

2. الجهاز العصبي:

• جلسات علاج سلوكي ومعرفي مع طبيب اخصائي
• تمرين تنفس عميق يومياً
• رياضة خفيفة (مشي يومي)
• المغنيسيوم ( قبل النوم حسب التحاليل و باستشارة اخصائي )

3. الدع�

04/06/2026

⁨ امرأة بعمر الـ٣٨…
ما چانت تمشي عدل، عيونها تعبانة، تحسها مستسلمة قبل حتة ما تبدي تحچي.

گالتلي بصوت ناصي :

“دكتور، جسمي كله يوجعني…
ظهري، راسي، مفاصلي، حتة ريحة الأكل تضايقني…
أحس روحي تنهار شوي شوي…”

سألتها:

“شنو سويتي من تحاليل؟”

شوفتني ملف تحاليل ضخم:
•دم طبيعي
•سكر طبيعي
•مفاصل طبيعية
•غدة طبيعية
•رنين بدون مشاكل

بس الألم؟ بعده يومي، يزيد بالليل، ويخليها تصحى من النوم تبچي!

سألتها:

“تمشين زين قبل؟”
گالت: “إي، چنت نشيطة، أحب أطلع، أحب حياتي، هسه… ما أعرف شنو صار!”

سألتها:

منو وياچ بالبيت؟
عايشة وحدي
شنو إحساسچ؟
مخنوكة… كلشي مايفرحني، حتى لما أضحك أحسها ضحكة مجاملة!”
ونومچ؟
متكسرة، أنام و أفز بدون سبب… قلبي يدك بسرعة !

طلبت منها فحوصات :
1. Cortisol صباحي ومسائي – نعرف إذا الجسم تحت ضغط مزمن
2. فيتامين D و B12 – نقصهم يسبب وهن نفسي وجسدي
3. Ferritin – فقر دم خفي
4. مقياس الاكتئاب والقلق

النتيجة؟
• Cortisol منخفض
• D و B12 نقص حاد
• Ferritin borderline
• نتيجة اختبارات الاكتئاب والقلق: مرتفعة جداً

“الاكتئاب الجسدي” – واحد من أكثر الأمراض اللي تلبس قناع المرض العضوي.

التوصيات العلاجية
جلسات علاج نفسي معرفي سلوكي
مكملات فيتامين D و B12
دعم نفسي مستمر

😂😂 #طبيبي #يوميات⁩

03/06/2026

⁨ ⁨ دخلت أم للعيادة، شايلة طفل عمره ٤سنين عظامه باينة، وجهه شاحب…
قالتلي:
“دكتور ابني كلشي ما بي… على غفلة تعب

سألتها:
– “شگد وزنه؟”
قالت: “حوالي ١١ كيلو…”
(وهذا أقل من الطبيعي لهالعمر)

– “شنو يحب ياكل؟”
قالت: “بس خبز و چاي، ويموت عل عصير ومشروبات غازية!”
– سالتها “وإنتي تطبخيلة؟ تنطي خضار، بروتين؟”
قالت: “ابد ما ياكل… وأنا تعبت، كلشي ما ينفع!”

شنو الاحتمالات اللي فكرت بيها؟

سوء تغذية مزمن
ضعف بالمناعة
احتمال فقر دم أو نقص فيتامينات
وربما ديدان أو مشاكل بالامتصاص

التحاليل اللي طلبتها:

CBC – صورة دم كاملة
نكشف عن فقر الدم أو التهاب مزمن
الهيموگلوبين طلع ٩.٥ = فقر دم واضح
MCV نازل = نقص حديد

Ferritin – مخزون الحديد
نازل جدًا = السبب الرئيسي للتعب والشحوب

Vit D
ناقص = يسبب ضعف المناعة والعظام

Vit B12 + Folic acid
B12 قليل = يأثر على النمو الذهني

Stool test – تحليل براز
طلع أكو ديدان طفيلية (Giardia) تسبب نقص امتصاص 🤢

Albumin + Protein
يوضح إذا الجسم يعاني من نقص تغذوي حاد

العلاج

برنامج علاجي مكثف يشمل:
علاج للديدان تحت اشراف اخصائي لمدة ٣ أيام
فيروجلوبين + فيتامين د + مكمل B12
زنك لمدة شهر
بروتينات بالأكل : بيض، عدس، شوربة دجاج، تمر، لبن
ممنوع العصائر المصنعة نهائيًا
جدول تغذية منزلي منتظم، حتى لو بكميات صغيرة

النصيحة:

الطفل ما يختار الأكل… الأم هي اللي تبني ذوقه!
الخبز والشاي مو تغذية، هاي طريقة لهلاك الطفل
طفلك يحتاج فيتامي�

02/06/2026

⁨ ⁨ جسم الإنسان يمتلك نظام ديتوكس طبيعي يعمل 24 ساعة يومياً عن طريق:

الكبد
الكليتين
الجهاز الهضمي
الجلد والرئتين

بدلاً من مشروبات الديتوكس المبالغ فيها، ركّز على:

شرب كمية كافية من الماء
الإكثار من الخضروات والفواكه
ممارسة النشاط البدني يومياً
الحصول على نوم كاف
العودة التدريجية لنظام غذائي متوازي

‪‪‬‬

#طبيبي #يوميات #دبي⁩⁩

02/06/2026

⁨ جتني أم، شايلة ابنها الصغير (العمر ٨ سنوات)،
سألتني بنبرة خوف:

“دكتور، ليش ابني ضعيف؟ أكلّه طبيعي، بس جسمه صغير، ووزنه ما يزيد… حتى بالمدرسة دايماً يقولولي ابنچ ما يلعب مثل باقي الأطفال!”

فحصته… وزنه أقل من الطبيعي بـ3 كيلو، طوله أقل من المعدل… علامات تعب خفيف تحت عيونه، بشرته شاحبة، أظافره هشة.

سألتها: “كم وجبة ياكل؟”
قالت: “يفطر، ويتغدى، بس العشاء مرات ينام بدونه… وميحب اللحوم ولا البيض!”

سالتها إذا عنده امراض ولادية او إذا عندة امراض وراثية و الام جاوبتني لا كلشي ما عندة الحمدالله 🙏

الفحوصات اللي طلبتها:
1. CBC → فقر دم (Hb = 10.5)
2. Ferritin → مخزون الحديد منخفض جداً
3. Vitamin D → نقص شديد (9 ng/ml)
4. Zinc → ناقص (مهم للنمو والمناعة)
5. TSH + T4 → طبيعي
6. Stool test → وجود طفيليات أمعاء
7. IGF-1 → ضمن الحد الأدنى (هرمون النمو)

الخلاصة :

ابنها يعاني من:

نقص تغذية مزمن
نقص حاد بالفيتامينات والمعادن
عدوى مزمنة بالأمعاء (طفيلية) تمنع امتصاص الغذاء
مو بس قلة أكل… إنما نوعية الأكل وسوء الامتصاص!

خطة العلاج:
علاج الطفيليات أولاً
مكملات حديد + زنك + فيتامين D
جدول غذائي غني بالبروتين (بيض، عدس، حليب، زبدة الفستق)
متابعة الوزن والطول شهرياً

نصيحة من اخوكم :

مو كل طفل ضعيف يعني “ما ياكل”.
مرات السبب أعمق… نقص عناصر غذائية، أو مشاكل بالامتصاص 😞

😂😂 #طبيبي⁩⁩

01/06/2026

01/06/2026

⁨ ⁨ جانتني مراجعة بعمر الـ ۲۹، ما متزوجة، ما تشتغل:

“دكتور، بطني تنفخ من أبسط وجبة…
حتى إذا شربت حليب أو أكلت خبزة، أحس ثقل وغثيان ونفخة مثل النفاخة!”
“مرات حتة صوت قرقرة ببطني، ومزاجي يتعكر كله بسبب هالموضوع!”

چانت مسوية تحاليل بسيطة بمختبر أهلية، گالت كلشي طلع طبيعي…

بس ويا التقييم، بدينا نكتشف إشارات مهمة

الفحوصات:

Helicobacter Pylori Ag سلبي
CBC: نقص خفيف بكريات الدم الحمراء
Vitamin B12: منخفض = 175 pg/mL
TSH + T4: طبيعي
Anti-TTG (تحسس القمح): مرتفع شوي
CRP / ESR: طبيعي
Calprotectin منخفض
Lactose intolerance test: إيجابي!

التشخيص المبدئي:

حساسية لاكتوز (سكر الحليب)
تهيّج قولون غذائي
احتمال وجود تحسس بسيط للگلوتين
نقص B12 يسبب ضعف وقرقرة بالمعدة والقولون العصبي

خطة العلاج:

نظام غذائي بدون لاكتوز لمدة شهرين
تقليل الخبز الأبيض والمعجنات بالتدريج
مكمل B12 عضلي ١٠٠۰ ميكروغرام أسبوعياً × ٤ أسابيع
استخدام Probiotics مناسب يومياً
Simethicone عند النفخة
متابعة فحص TTG إذا استمرت الأعراض

معلومة مهمة:

مو كل نفخة هي “قولون عصبي”
أحياناً الجسم دا ينطيك إشارات تحسس أو نقص بفيتامين
إذا عندك نفخة مزمنة بعد الأكل فكر باللاكتوز أو تحسس القمح أو نقص B12

#طبيبي #قولون حساسية⁩⁩

31/05/2026

جسم الإنسان يمتلك نظام ديتوكس طبيعي يعمل 24 ساعة يومياً عن طريق:

الكبد
الكليتين
الجهاز الهضمي
الجلد والرئتين

بدلاً من مشروبات الديتوكس المبالغ فيها، ركّز على:

شرب كمية كافية من الماء
الإكثار من الخضروات والفواكه
ممارسة النشاط البدني يومياً
الحصول على نوم كاف
العودة التدريجية لنظام غذائي متوازي



#طبيبي #يوميات #دبي

31/05/2026

⁨ ⁨ طفل عمرة ٥ سنوات ضعيف وچسمه ناشف … جابوا اهلة الطوارئ حالته كلش تعبانة
جفاف، تعب، فقر دم، تأخر بالنمو…

وجهه شاحب، جلده ناشف، شعره خفيف، وعيونه فاقدة الحياة.

سألتها: شنو بي امراض شنو صار ويا ليش هيجي حالته للطفل ؟🤔
كالتلي على غفلة تخربط جان ما بي اي شي
( طبعا هذا الكلام مو صحيح لان هيجي حالة تعتبر متاخرة كلش يعني صارلة فترة متمرض و مهمول إلى ان وصل هاي النتيجة)

سالته شنو ياكل الطفل ؟
قالت: “والله يا دكتور هو ياكل… بس شوي، ما يحب الأكل، ودايمًا مستعجل يلعب بالتلفون.”

سالتها يعني شنو تنطي وجبات وأمه تجاوبني: “هو يحب ياكل خبز ويا شاي!”
سالتها هاي النهار كله هيجي گالت اي و مرات اجيبلة مشاتل عل عشاء
– سئلتها يشرب ماي؟
قالت: “قليل كلش ، لازم نترجاه يلة يشرب!”

سويتلة هاي التحاليل:

CBC – فحص الدم الكامل
Ferritin – مخزون الحديد
Vitamin D – فيتامين د
Electrolytes – أملاح الجسم
Kidney function – وظائف الكلى
Total protein & albumin – تغذية الجسم

النتائج؟
فقر دم واضح
نقص فيتامين د
نقص بالألبومين (سوء تغذية)
جفاف حاد
أملاحه مضروبة بسبب قلة شرب الماء

الشرح الطبي:
الطفل ما يحصل بروتينات كافية = ضعف و بطء نمو
قلة شرب الماي = جفاف، دوخة، تركيز ضعيف
قلة التنوع بالأكل = نقص عام

نصيحة من القلب:

كل طفل يحتاج:
وجبات منظمة ومليانة مغذيات (بروتين، فواكه، خضار)
ماي على مدار اليوم
جدول نوم وأكل منتظم
متابعات دورية وتحاليل كل ٦ أشهر

اللي ما عندة وعي و

30/05/2026

⁨ ⁨ شاب بعمر الـ30، صحته العامة زينة… بس:

• يعاني من مغص يومي
• نفخة حتى من المي!
• إمساك يوم، وإسهال يوم
• أرق، توتر، خفقان أحيانًا
• فحوصات الدم والتحاليل كلها طبيعية!

اخذت من عندة تاريخ مرضي كامل و جان ما عندة شي يخوف

الفحوصات اللي سويناها :

CRP / ESR – للتأكد ماكو التهاب حاد
CBC – نستبعد فقر الدم أو العدوى
TSH – نتأكد من الغدة
تحليل حساسية اللاكتوز أو الغلوتين
تحليل البكتيريا الضارة (SIBO - إذا متوفر)

التشخيص:

“متلازمة القولون العصبي – Irritable Bowel Syndrome (IBS)”
مزيج بين: جهاز هضمي حساس + توتر نفسي + نمط غذائي غلط

خطة العلاج:

تنظيم الأكل (الكمية والنوعية والعدد)
تقليل القهوة والمقالي
رياضة خفيفة يوميًا
ترك الكتمان… التوتر يخرب الهضم
بروبيوتك + علاج بسيط حسب الحاجة

خلاصة:

القولون العصبي مو مرض يكتلك… بس إذا ما تعالجت، راح يسيطر على حياتك!
نظم أعصابك… حتى تنتظم أمعائك.

😂😂 #قولون قولون_عصبي