د. هند حسن الحديثي اختصاص ايكو القلب والشرايين بالغين واطفال

07/05/2026

مشروب الطاقة
هل تعلم ماهو مشروب الطاقة🧃🥤
هو مشروب سام🥤🥤 يسبب صدمة لجسم الانسان🦸🦸‍♀️ لما يحتويه من سموم
حالة الصدمة😱😱 التي يسببها تزيد من ضربات القلب 🫀🫀🫀وتنشط الدورة الدموية لذلك يشعر الشخص بشيء من الطاقه المؤقته
#لاتقامر بصحتك

منقول من صفحة الصيدلاني 🧑‍⚕️د محمد عبيد

ملاحظه :اني لاحظت اكو اطفال👶👶 ومراهقين يصير عدهم بطىء
من البعض منها
واكو واحد انتهى بزرع جهاز
Pacemaker

01/05/2026

صمام ثنائي الشرفات
الشرفه الثالثه بيها ضمور
بجهاز العياده
رباعي الابعاد

26/04/2026

كلامه مختصر مفيد 😊

اذا بديت يومك بغذاء عالي البروتين مثل البيض🍳🥚 والاجبان العاليه البروتين 🧀🧀مثل القريش راح تحس بالشبع فتره طويله ويصير حرق عندك

بس من تبدي بغذاء
عالي الكاربوهيدرات مثل المعجنات 🧁🍩🍪🧇🎂والصمون والعصاير الصحيه والصناعيه🧃🥤 والحلويات🍭 راح اتضل اليوم كوله تاكل وبالتالي تسمن وتصير مقاومة
انسولين
وبعدين سكري
وتكيس مبايض
والي مايتريكون گبل يتغدون
الغداء يفضل البدء ببروتنات مثل البيض والدجاج واللحم والسمك
وقليل الكاربوهدرات

16/03/2026

اسوء شي 😔بالدنيا يمكن ماكو شي اسوء من يجي الظلم من اقرب الناس الك 👩‍👦امك او ابوك 👨‍👦!

صار فتره اشوف طفل👶 يبيع كلينكس 🧻عدنا بالمجمع
طبعا هو رجل بجسم طفل حسيته يختلف عن الاطفال البقيه
اشتريت منه وطلعت يعني اني جنت متوقعه كبقية القصص الاب متوفي وهوطلع يعيش امه اليوم هم شفته
انطوه الي الله قاسمه بس ماقبلو ياخذون منه الكلينس كام يتوسل عفيه بس اخذو مني الكلنكس لان راح يرجعني وره الفطور لازم الا ابيعه كوله وصايم اريد ارجع للبيت كلناله منو الي يرجعك ؟گال ابويه👨‍👦 وليش ابوك ما يشتغل؟گال اي وجماله يريد يشغل اختي ويبطلها من المدرسه 🧒 واني مااقبل وعيونه دمعت !
يعني طفل عنده غيره على اخته اكثر من ابوها
وحار وين يودي الكلينكس ضمه وانتظر وگف اباب المجمع ينتظر
حسيته يفكر😢 يمكن صافن على حظه المسخم الي سخمه بهيج اب وامه متوفيه😢
ماعرف شنو اسوي
يعني فكرت ابلغ بس المشكله هنا تسوي خير يصير ضدك
فما عندي غير الفيس افضفض بيه
وتذكرت البيت الشعري الي يقول

وظلمُ ذوي القربى أشدُّ مضاضةً ... على المرءِ من وقعِ الحسامِ المهنّدِ

د .هند حسن الحديثي اختصاص ايكو القلب والشرايين بالغين واطفال وحديثي الولاده وايكو قلب الجنين

14/02/2026

بما انه الفراوله🍓🍓 السنه هوايه ومتوفره وبسعر مناسب والفراوله من الفواكه القليلة السعرات الحراريه تگدر توصل الى 9 قطع

فكرت اسوي مربى صحيه🍓🍓
اتفيد اهل الريجيم ومرض السكر
بعد ماشفت طريقة شروق

https://www.facebook.com/share/v/14R9qjnA4tN/?mibextid=wwXIfr

اني سويت نفس طريقتها بس ماهرست الفراوله
ومن استوت خليت الها بديل العسل
فصارت كلش طيبه جربتها على مرضى السكر ماارتفع

واكو طريقة قطعت الفراوله🍓🍓 قطع زغار وشويه مي 💦ومن استوت خليت سكر ستيڤيا وذرات ليمون دوزي
والى ان تثخن هم صارت طيبه
بس ظفتلهاخاشوگه بديل العسل

الفكره من المنشور ان كلشي مو صحي اكو بدائل صحيه
والف عافيه 😊

20/01/2026

السلام عليكم ورحمة الله وبركاته
البارحه اجتني هاي الطفله عمرها شهرين
وقليلة النمو !
بعد مادزها طبيبها عاشت ايده على ايكو للقلب
لانها تعاني من تقيء متكرر

لاحظو اذنها 👂👂مو بشكلها الطبيعي وعدها ست اصابع 🖐️
بهيج حالات اي تشوه باي مكان لازم يصير بحث بكل اعضاء

الجسم 🙎لان ممكن بيه تشوه ومن ضمنها القلب 🫀ولازم تندز سونار للبطن لان ممكن يكون عدها تشوه بالجهاز الهضمي

المهم طلع عدها نوع من تشوهات القلب ويحتاج عمليه
الي هو Partial AV Canal

والجده هي الي ماارتاحت للطفل
لان مداتكبر
فانتبهو على هيج امور
عافاكم الله من كل مرض🤲

د .هند حسن الحديثي اختصاص ايكو القلب والشرايين بالغين واطفال وحديثي الولاده وايكو قلب الجنين.

02/01/2026

مسلسل لا تسترد ولا تستبدل
اثبتت ان اكو بعض انواع الفن هادف
مااگدرت مااكتب عنها
ابدعو ا بتصوير
وضع مرضى الكلى
ابين الغسل وابين يدورون
على كلية متبرع علمود الزرع
والي يتخلى عنهم الشريك

او بلعكس يسندهم
واكو اولادهم يتخلون عنهم
اتمنى الكل تدعم مرضى عجز الكلى
ربي يشافي كل مريض

اتمنى الكل تدعم مرضى غسيل الكلى
سواء معنويا او ماديا

24/12/2025