Dlovan M F Jalal

22/04/2026

ئەمرۆ ٢٢/٤/٢٠٢٦
سەدانی سەنتەری ئازادی بۆ دەم و ددان م کرد کە سەنتەرێکی هاوچەرخ و مۆدێرنە لە شاری هەولێری خۆشەویست و خزمەت بە هاووڵاتیانی خۆشەویست دەکات،
باس لە برەودان بەتەندروستی دەم و ددان و بەرەو پێشبردنی خزمەتگوزاری زیاترو پاڵپشتی ئەم سەنتەرە کرا و سوپاسی کارگێری و پزیشکان و کارمەندانی ئەم سەنتەرەمان کرد بۆ بەردەوامی پێشکەشکردنی خزمەتگوزاریەکان.

19/04/2026

کەم کردنەوەی ڕۆتین...

ئەمڕۆ یەکشەممە ٢٠٢٦/٤/١٩
پێشوازیم کرد لە بەڕێز "عمید سهێل نجم الدین عوڵا" بەڕێوەبەری ڕەگەزنامە و باری شارستانی هەولێر و شاندی یاوەری.
باس لە هەماهەنگی نێوان هەردوو بەڕێوەبەرایەتی تاوتوێکرا، و تیشکمان خستە سەر کارکردنی سیستەمێکی نوێ بۆ ئاسانکاری مامەڵەی هاووڵاتیان بەتایبەتی لە نوسینگەی تۆماری لەدایکبووان و مردووان و خێراکردنی ئەنجامدانی مامەڵەکان.
بەڕێوەبەری ڕەگەزنامە لۆگۆی سوپاس و پێزانی پێشکەش بە بەڕێوەبەری گشتی تەندروستی هەولێر کرد لەبەرامبەر هەماهەنگی و هاوکاریەکەی، بەڕێوەبەری گشتی تەندروستیش سوپاس و پێزانینی پێشکەش کرد لەبەرامبەر توند و تۆڵکردنی هەماهەنگیکردنی ڕێکارەکانی ئیداری بۆ باشترکردنی خزمەتگوزاری هاوڵاتیان.

17/04/2026

پێنجشەممە ١٦ی نیسانی ٢٠٢٦
پێشوازیمانکرد لە ڕێکخراوی MSF (پزیشکانی بێ سنور ـ فڕەنسی)
لەکۆبونەوەیەکدا پرسی فریاگوزاری خزمەتگوزاری پزیشکی لە هەولێری پایتەخت باسی لێوەکرا و ڕێکخراوی ناوبراو پشتیوانی خۆیان دەربڕی بۆ نەخۆشخانەکانی فریاکەوتن بەتایبەتی لە ڕووی ڕاهێنان و ئالوگۆڕی زانستی. هەروەها دابینکردنی پێداویستی پزیشکی
ئێمەس سوپاس و پێزانینمان هەبوو لە بەرامبەر ئادەییان و هەماهەنگی و هاوکاری بەردەوامی ڕێکخراوی ناوبراو.

16/04/2026

سێشەممە ١٤ی نیسانی ٢٠٢٦
بەشداربووین لەگەل بەڕێزان "د. سامان بەرزنجی" وەزیری تەندروستی، و "ئومێد خۆشناو" پارێزگاری هەولێر، بۆ کردنەوەی هۆڵی چاودێریی چڕ (ICU) لە نەخۆشخانەی ئیمرجنسی دوای نۆژەنکردنەوە.
ئەم پرۆژەیە لەسەر بودجەی پارێزگای هەولێر بەشێوازێکی مۆدێرن و سەردەمیانە جێبەجێکراوە. ئەم پرۆژەیە بەشێکە لە زنجیرە پرۆژەکانی حکومەتی هەرێمی کوردستان بۆ پەرەپێدانی کوالێتی خزمەتگوزاری تەندروستی.
نەخۆشخانەی ئیمێرجنسی هەولێر کە یەکێکە لە گرنگترین ناوەندە تەندروستییەکانی پایتەختی هەرێم، ڕۆژانە ڕووبەڕووی حاڵەتە کتوپڕەکان دەبێتەوە.

15/04/2026

نۆژەنکردنەوەی چوار بەشی نەخۆشخانەی فێرکاری بە ٢٥٠ ملیۆن دینار،

سێشەممە ١٤ی نیسانی ٢٠٢٦
بەئامادەبوونی بەڕێز‌ان " د. سامان بەرزنجی " وەزیری تەندروستی و "ئومێد خۆشناو"پارێزگاری هەولێر، دوای نۆژەنکراوەی چوار بەش لە نەخۆشخانەی هەولێری فێرکاری خرایەوە خزمەت هاوڵاتیان کە لە لایەن پارێزگای هەولێر بودجەی بۆ تەرخانکرا و بەشەکان بریتین لە هۆڵی نەشتەرگەری و بەشی پێشوازی و بەشی برینکاری و بەشی ئێسک و شکان.

07/04/2026

بۆچی ڕۆژی جیهانی تەندروستی ؟!

گرنگە بۆ بەرزکردنەوەی ئاستی هۆشیاری جیهانی سەبارەت بە پرسە گرنگەکانی تەندروستی و فەراهەمکردنی ژیانێکی تەندروستتر بۆ هەمووان.
هەموو ساڵێک ٧ی نیسان دیارکراوە کە هەمان ڕێکەوتی دامەزراندنی ڕێکخراوی تەندروستی جیهانییە WHO لە ساڵی ١٩٤٨.
- پێویستە هەموومان تیشک بخەینە سەر کێشە تەندروستییەکانی جیهانی وەک نەخۆشیە درێژخایەنەکان و نەخۆشی شەکرە و دەرووندروستی، تەندروستی دایکان، گۆڕانی کەشوهەوا، یان نەخۆشییە گوازراوەکان.
- هاندانی خۆپاراستن و پێشگری لە نەخۆشیەکان
- پێشخستنی شێوازی ژیانی تەندروست و چاودێری تەندروستی خۆپارێزی ( کوتان، پشکنینی پێشوەختە ( Screening )، ڕێکخستنی خۆراک، چالاکیی جەستەیی و وەرزش ).
- فەراهەمکردنی خزمەتگوزارییە تەندروستییە سەرەکییەکان.
هەوڵە جیهانییەکان ئەوەبێت کە وڵاتان و ڕێکخراوە ناحکومییەکان و پیشەییەکانی تەندروستی و کۆمەڵگاکان بۆ کارکردن بەرەو تەندروستی جیهانی باشتر.

🎯 ساڵانە ڕێکخراوی تەندروستی جیهانی بابەتێکی تایبەت هەڵدەبژێرێت (بۆ نموونە: تەندروستی دەروونی، سەلامەتی خۆراک، تەندروستی دایکان، کەشوهەوا و تەندروستی). ئەمەش یارمەتیدەرە بۆ ئەوەی سەرنج بخرێتە سەر یەک پرس بە چڕی ئەویش دەکرێت لەڕێگای ئەم چالاکیانەوەبێت
١. بڵاوکردنەوەی توێژینەوەی زانستی.
٢. ڕێکخستنی کۆنفرانسی ئەکادیمی
٣. ئەنجامدانی هەڵمەتی هۆشیاری کۆمەڵگا

تەوەری ڕۆژی جیهانی تەندروستی ٢٠٢٦
تەوەری فەرمی کە ڕێکخراوی تەندروستی جیهانی (WHO) هەڵیبژاردووە بریتییە لە:
"بەیەکەوە بۆ تەندروستی. پاڵپشت بە زانست"
وەستان لەگەڵ زانستدا بە متمانەکردن بە ڕاستییەکان و بەڵگەکان و کردەوەی تەندروستی.

هەروەها بەکارهێنانی ڕێبازی یەک تەندروستی One Health - کە تەندروستی مرۆڤ و ئاژەڵ و ژینگە بەیەکەوە دەبەستێتەوە - بۆ چارەسەرکردنی ئاستەنگە ئاڵۆزەکانی تەندروستی جیهانی.

04/04/2026

بە بۆنەی هاتنی جەژنی قیامە، جوانترین و گەرمترین پیرۆزبایی خۆمان ئاراستەی کریستیانەکانی کوردستان و شاری هەولێری خۆشەویست دەکەین.
بە تایبەتی بۆ پزیشکان و کارمەندانی تەندروستی و فەرمانبەرانی کریستیان لە سنووری بەڕێوەبەرایەتی گشتی تەندروستی هەولێر.

هیواخوازین جەژنتان لەکەش و هەوای ئارام و سەقامگیری شاری هەولێری خۆشەویست بەسەر ببەن
هەموو ساڵێك لە خێر و خۆشیدا بن

د.دلۆڤان محمدفاتح جلال
بەڕێوەبەری گشتی تەندروستی هەولێر

03/04/2026

پێنجشەممە ٢ی نیسانی ٢٠٢٦دا
پێشوازییمان کرد لە بەڕێزان گەیلان حاجی سعید سەرۆکی ژووری بارزگانی هەولێر و حاجی ابراهیم گەردی ئەندامی ژووری بازرگانی هەولێر.
لەم کۆبوونەوەیەدا باس کرا لە هەماهەنگی زیاتری نێوان ژووری بارزگانی و بەڕێوەبەرایەتی گشتی تەندروستی هەولێر.

02/04/2026

لەهەولێری پایتەخت....
بە گوژمەی ٢٠٠ هەزار دۆلار پڕۆژەیەک لە نەخۆشخانەی ئافرەتان و لەدایکبوونی فێرکاری کرایەوە

شەممە ٢٨/٣/٢٠٢٦
یاوەری بەڕێزان وەزیری تەندروستی د.سامان بەرزنجی، پارێزگاری هەولێر ئومێد خۆشناو بووین لە کردنەوەی هۆڵی نەشتەرگەری دوای نۆژەنکردنەوە و هۆڵێکی نوێی هەناوبینی تایبەت بە نەشتەرگەری لە نەخۆشخانەی ئافرەتان و لەدایکبوونی فێرکاری هەولێر.
ئەم پڕۆژەیە کە گوژمەی ٢٠٠ هەزار دۆلاری تێچووە لەسەر ئەرکی بنەماڵەی خوالێخۆشبووان — د.سانا، د.سەناریا، مامۆستا کەمال خضر و مامۆستا صباحت ظاهر — تەواو کراوە. هۆڵەکە بە سەرجەم ئامێر و پێداویستیە پزیشکیەکانی سەردەم دابینکراوە.
ئەم هەنگاوەش بەشێکە لە هەوڵەکانی حکومەتی هەرێمی کوردستان بۆ پەرەپێدانی کەرتی تەندروستی و باشترکردنی خزمەتگوزاریی پزیشکی بۆ هاوڵاتیانی هەولێر.

01/04/2026

دووشەممە، ٣٠ی ئاداری ٢٠٢٦
ئامادەبووین لە کۆبوونەوەی لێژنەی باڵای دەرمان و پێداویستی پزیشکی بەڕێوەبەرایەتی گشتی تەندروستی هەولێر کە بۆ مەزەندەکردنی پێداویستیەکانی ساڵانەی دەرمان ( تقدير حاجة ).
وە پێداچوونەوە بە پلانی دابەشکردنی دەرمان بۆ نەخۆشخانە و دەزگا تەندروستیەکان و بڕیاردان لەسەر جۆری پێویستی.

01/04/2026

پارێزگاری هەولێر، سەردانی نەخۆشخانەی فریاکەوتنی ڕۆژئاوا دەكات

دوای نیوەڕۆی سێشەممە 2026.3.31، ئومێد خۆشناو، پارێزگاری هەولێر بە مەبەستی چاودێریکردنی ڕەوشی نەخۆشخانەكە و دڵنیابوونەوە لە کوالێتی خزمەتگوزارییە تەندروستیەکان، سەردانی نەخۆشخانەی فریاکەوتنی ڕۆژئاوای لە شاری هەولێر كرد.

لەو بەسەرکردنەوەیەدا کە هەریەک لە د. دلۆڤان محەمەدفاتح، بەڕێوەبەری گشتیی تەندروستی هەولێر، د. عەلی ئیسماعیل، بەرپرسی نووسینگەی تەندروستی و عەمید خەسرۆ غازی، بەڕێوەبەری کاروباری ناوخۆی پارێزگا یاوەری بوون، پارێزگار وێڕای دەستخۆشی لە بەڕێوەبەری نەخۆشخانەكە و پزیشك و كارمەندانیان، لە نزیکەوە لە ئامادەکارییەکانی نەخۆشخانەکە و تیمە پزیشکییەکانی کۆڵییەوە.

ئامانجی سەرەکی سەردانەكەی پارێزگاری هەولێر، جگە لە ئاگاداربوون لە ڕەوشی نەخۆشخانەکان، جەختکردنەوە بوو لەسەر ئامادەباشی تەواوی دامەزراوە تەندروستییەکان بۆ ڕووبەڕووبوونەوەی هەر ئەگەر و ڕووداوێکی نەخوازراو لە بارودۆخی ئێستادا، تا بتوانرێت باشترین شێوە خزمەتگوزاری تەندروستی پێشکەش بە هاوڵاتییان بکرێت.

26/03/2026