29/04/2026
" اللقاح بيه زئبق وخطر!”
تمام … بس خل نسأل السؤال الأهم :
شكد كمية الزئبق أصلاً ؟ ومن وين يجي أكثر ؟ 🤔
خل نسوي مقارنة سريعة 👇
🥄 اللقاحات (قديماً لما كان موجود الثيميروسال) :
كمية الزئبق تقريبًا : 25 مايكروغرام أو أقل بالجرعة !
🔹 نوعه : يطلع من الجسم بسرعة وما يتراكم !
🐟 الأكل اليومي (مثل بعض الأسماك البحرية مثل التونا):
قطعة سمك وحدة ممكن تحتوي: 20–50 مايكروغرام أو أكثر
🔹 نوعه : ممكن يتراكم بالجسم إذا كان بكميات كبيرة !
🥛 حتى بالحياة اليومية :
الطفل يتعرض لكميات بسيطة من الزئبق من البيئة والأكل بشكل مستمر !
📊 زين شنو النتيجة ؟
👉 الكمية باللقاح (حتى سابقًا) أقل أو مشابهة للي ناكله طبيعي
👉 ومع ذلك …
❌ ماكو أي دليل يربط اللقاحات بالتوحد .
والدليل الأقوى 👇
📉 من انشال الزئبق من أغلب اللقاحات …
نسبة التوحد ما تغيرت !
زين ليش أصلاً كانوا يحطّون الزئبق باللقاحات؟!
مو المفروض هو شي خطير؟!
الجواب راح يفاجئك 👇
🔬 المادة الي ذكرناها “ثيميروسال" كانت تُستخدم لسبب واحد مهم جدًا :
🛡️ حماية اللقاح من التلوث بالبكتيريا والفطريات .
خصوصًا باللقاحات اللي تكون متعددة الجرعات (يعني نفس القنينة تُستخدم لأكثر من طفل)
🔁 كل مرة تدخل إبرة … يصير احتمال تلوث
وهنا يجي دور الثيميروسال 👇
👉 يقتل الجراثيم ويحافظ على سلامة اللقاح
زين … ليش انشال من أغلب اللقاحات؟ 🤨
مو لأنه ثبت خطره ❌
لكن 👇
⚠️ تم استخدام لقاحات بجرعة واحدة تستخدم لكل مريض بدل عبوة يستخدمها اكثر من طفل .. و اتباع نظام حفظ تبريد صارم يحافظ على اللقاح من المصنع و حتى وصوله للطفل ..
🎯 الخلاصة :
💉 اللقاح مو الخطر
❗ الإشاعات هي الخطر الحقيقي !
لان الجيل القديم جيل الثمانيات و ما قبلها كلهم كانوا ياخذون اللقاح الي يحتوي على الزئبق ولم تكن حالات التوحد معروفة في ذلك الوقت !
🛡️ لقّح طفلك وخلّيك مطمئن …
لأن العلم واضح ..
د. محمد سعد
اختصاصي طب الأطفال
اني و "لاريسا" نسلم عليكم ❤️
