Kurd

06/11/2012

like bkan tkaya

a*o tatoo

01/10/2012

شاری مه هاباد
مەهاباد یەکێک لە گەورەترین و بەناوبانگترین شارەکانی ڕۆژھەڵاتی کوردستانە. مەهاباد لە ڕووی پێکهاتەی دابەشکاریی وڵاتیی لە ئێراندا وەکوو یەکێک لە شارەکانی پارێزگای ئازەربایجانی ڕۆژئاوا دێتە ئەژمار. خەڵکی ئەم شارە بە زمانی کوردیی سۆرانی و زاراوەی موکریانی قسە دەکەن. زۆربەیان موسڵمان و سونی مەزهەبن. ژمارەی دانیشتوانی ئەم شارە بە پێی سەرژماریی گشتیی جەماوەر و خانووی ئێران لە ساڵی 2011دا، 312,522 کەسە. لە ناودارانی شاری مەهاباد قازی موحەمەد و هەژار و هێمن دەکرێ ناو بەرین. مەهاباد پایتەختی کۆماری کوردستان (کۆماری مەهاباد) بوو

لێکۆڵینەوەکان نیشاندەدەن کە شوێنی ئێستای شاری مەهاباد لە هەزار ساڵ پێش لەدایکبوونی مەسیحەوە شوێنی ژیان بووە. لەوێدا قەومەکانی بابلی، ماننایی، ئاشوری و ماد دەسەڵات‌داریان کردووە. بەڵام نە هەر ئەو شوێنەی ئێستا شارەکەی لێ سازکراوە، بەڵکوو لە باکووری ئێستای شاردا کە لە سەردمی هێرشی ئەسکەندەری مەقدوونی سووتێندرا و وێران‌کرا. کاتی دامەزراندی شاری مەهابادی ئێستایی دەگەڕێتەوە بۆ سەردەمی سەفەوییەکان؛ سارەم بەک یەکێک لە میرزادەکانی ساوجبلاغی موکری لە سەدەی ١١ی کۆچی لە نزیکی باکووری چەمی مەهاباد ئەو شوێنەی ئێستا بە "باخی سیسە" و "دەباغیان" دەناسرێت، ئاوەدانییەکی دامەزراند کە دواتر بوو بە شار. دواتر بە بۆنەی پێش هاتنی چەم و لافاوەکانی، شار بەرەو باشوور هات و خانووکان لە نزیکی مەیدانی چوارچرای ئێستا کرانەوە. مەهاباد سەردەمی قاجاڕەکان بەهۆی سەر ڕێگە بوونی بۆ شام هێندێ گەشایەوە. لە ساڵانی ١٩٦٠ تا ١٩٧٠ ژمارەیەکی زۆر خەڵک لە دەور و پشتەوە کۆچیان کرد بۆ مەهاباد، بۆیە شار گەورە بووە و زۆرێ لە باخەکانی دەوری شار بوون بە جێگەی خانووە نوێکان، بەڵام ناوی باخەکان مایەوە. هەربۆیە ئێستا ناوی بڕێک لە گەڕەکەکانی مەهاباد وشەی "باخ"ی پێوەیە!

لە ڕابردوودا، سەردەمی تورکانی قاجاڕ ناوی شاری مەهاباد گۆردڕاوە بە ساوجبلاغ کە وشەیەکی تورکییە و واتە: "کانیاوی سارد"، لە سەردمەی ڕەزاخان‌ ئەو ناوە گێڕدرایەوە بۆ ناوە مێژوویییەکەی خۆی. بەڵام ئێستاش هێندێ کەس بە سابڵاخناوی لێ ‌دەبەن. بەڵام ناوی مەهاباد وشەیەکە پەیوەندی دار بە ئایینی ماننایییەکانەوە و پێکهاتووە لە دوو وشەی مەهـ و ئاباد، واتە ئەو شوێنەی مانگی لێیە، کە مانگ هێمایەکی پێرۆز بووە لەو ئایینەدا

لە ساڵانی ١٩٠٠ەوە تاکوو ئەم دوایییانە، شاری مەهاباد شوێنی ئاڵۆزی و تێکهەڵچوونی خەڵک و حیزبەکان دەگەڵ دەسەڵات‌دارانی ئێرانی بووه. ساڵی ١٩٤٦ کۆماری مەهاباد دامەزرا و لە ساڵانی ١٩٨٠، دوای ڕاپەڕینی گەلانی ئێرانی، حیزبەکانی کۆمەڵە و دێموکرات چالاکیان بووە لەو شارەدا. لە ساڵانی دەستپێکی ١٩٠٠ زیاتری چالاکییەکان عەشیرەتی بووە. هەر سەرۆک عەشیرەتێک بۆ سەندنی مافی لە دەسەڵات هەوڵی داوە و زۆرجار دەسەڵاتی ناوەندی هەر لەو تاک‌بوونە کەڵکی وەر گرتووە و عەشیرەتەکانی دژ بە ئەک هەڵەژاندووە. لە ساڵی ١٩٤٦ گەورەترین ڕووداوی سیاسی ئەم سەردەمی ڕۆژهەڵاتی کوردستان بە گشتی و شاری مەهاباد بە تایبەتی ڕووی‌دا. ئەوەش دامەزراندنی کۆماری کوردستان لە شاری مەهاباد بوو. قازی موحەمەد و کۆمەڵەی ژ-ک ڕیکخەرانی ئەو بزووتنەوە بوون کە پاڵی بەستبوو بە یەکیەتی سۆڤیەت و بۆ مافەکانی گەلی کورد بەرامبەر بە دەسەڵاتی ناوەندی ئێران وەستابوون. ساڵانی دواتر ، ساڵانی ١٩٧٩ و نزیک بە ڕاپەڕینی گەلانی ئێران دوو بزووتنەوەی جیاواز پێک هات لە شاری مەهاباددا، یەک کۆمەڵە کە حیزبێکی چەپ بوو و ئەوی دی حیزبی دێموکراتی کوردستانی ئێران کە هەر پاشماوەی کۆمەڵەی ژ-ک کاتی قازی بوو. ئەو دوو حیزبە لە ساڵانی دوای ١٩٧٩ بەشێکی زۆر لە خەباتەکانی گەلی کوردیان لە ئەستۆ بووه

چەند کەس لە ناودارانی شاری مەهاباد لە خوارەوە هاتوون

سیاسەت

ئەحمەد تۆفیق، سکرتێری گشتیی حیزبی دیمۆکرات.
سادق شەرەفکەندی، سکرتێری گشتیی حیزبی دیمۆکرات، برای مامۆستا هەژار.
قازی موحەمەد، ناسراو بە پێشەوا، سەرۆکی کۆماری مەهاباد.
عەبدورڕەحمان زەبیحی، کەسایەتیی سیاسی و لە دامەزرێنەرانی کۆمەڵەی ژ.ک
وێژە

عەبدوڕڕەحمان شەرەفکەندی، ناسراو بە ھەژار، نووسەر، وەرگێڕ و شاعیر.
قاسم موئەیەدزادە، شاعیر
گیو موکریانی
موحەمەد قازی، وەرگێڕ و نووسەر.
مەلا مارف کۆکەیی، شاعیر
وەفایی، شاعیری کلاسیک
موحەمەد ئەمین شێخولئیسلامی موکری، ناسراو بە ھێمن، شاعیر
مۆسیقا

موحەمەد ماملێ، گۆرانیبێژ.
جەعفەر ماملێ، گۆرانیبێژ، برای موحەمەد.
سەعید ماملێ، گۆرانیبێژ، باوکی موحەمەد و جەعفەر.
عەزیز شاھڕۆخ، گۆرانیبێژ.
میکاییل، گۆرانیبێژ.

01/10/2012

‌مێژوی کوردستان


كوردستان هه‌م به‌پێی پاشماوه‌ شوێنه‌وارییه‌كان و هه‌م به‌پێی نوسراوی نێو كتێبه‌ پیرۆزه‌كان، جێگایه‌كی دیاری له‌مێژووی دنیادا هه‌یه‌، ئه‌ویش به‌پله‌ی یه‌كه‌م له‌و راستییه‌وه‌ سه‌رچاوه‌ ده‌گرێت كه‌پاش روداوی لافاوه‌ گه‌وره‌كه‌ی كه‌شتی نوح له‌سه‌ر چیای جودی له‌كوردستان له‌نگه‌ری گرتووه‌و جارێكی تر له‌م ده‌ڤه‌ره‌ مرۆڤایه‌تی هه‌نگاوی بوژانه‌وه‌ی خۆی ناوه‌و له‌وێدا به‌دنیادا بڵاوبۆته‌وه‌. له‌سۆنگه‌ی ئه‌م راستییه‌وه‌ جێی سه‌رسوڕمان نییه‌ كه‌یادگاری هه‌وه‌لینی مرۆڤ له‌كوردستان بوونی هه‌بێ، وه‌كو ئه‌شكه‌وتی شانه‌ده‌ر له‌چیای برادۆست له‌ناوچه‌ی بارزان، كه‌شوێنه‌واری ئیسكه‌ په‌یكه‌ری مرۆڤی نیاندرتالی لێدۆزراوه‌ته‌وه‌، ته‌مه‌نی له‌(45-60) هه‌زار ساڵ ده‌بێ، هه‌روه‌ها بۆ یه‌كه‌م جار كشتوكاڵ كردن له‌گوندی چه‌رموی رۆژهه‌ڵاتی چه‌مچه‌ماڵ كه‌كۆلینكاری ئاركۆلۆژیانه‌ی لێكراوه‌ پاشماوه‌ی شینایی كردن و ماڵات به‌خێوكردنی لێ دۆزراوه‌ته‌وه‌. ئه‌مه‌ وێڕای ده‌یان شوێنه‌واری دیكه‌ كه‌قوڵایی شارستانیی كوردستان ده‌رده‌خه‌ن.
له‌كوردستانی كۆندا ده‌وڵه‌ت و ئیمپراتۆری به‌ناوبانگ هه‌ڵكه‌وتووه‌ كه‌له‌مێژووی دێریندا زانیاریان له‌باره‌یه‌وه‌ تۆماركراوه‌، له‌وانه‌ سوئیه‌كان له‌ناوچه‌ی سورباتۆ له‌ناوه‌ڕاستی هه‌زاره‌ی سێیه‌می پێش زایین كه‌ده‌سه‌ڵاتیان ماوه‌یه‌ك تا ناوچه‌ی ئور كشاوه‌. لۆلۆییه‌كان له‌ناوچه‌ی میزۆپۆتامیاو به‌تایبه‌تی ده‌شته‌كانی زه‌هاوو شاره‌زوور كه‌له‌سه‌رده‌می ئاشوورییه‌كان به‌و ناوچانه‌یان ده‌گوت وڵاتی زاموا. له‌هه‌زاره‌ی سێیه‌می پێش زایین لۆلۆییه‌كان خودان ده‌وڵه‌تێكی به‌هێزبوون پایته‌خته‌كه‌یان شارێك بوو به‌ناوی خمازی.
له‌ ناوچه‌كانی باكورو رۆژهه‌ڵاتی وڵاتی لۆلۆییه‌كان نێوی ده‌وڵه‌تێكی دیكه‌ دێ به‌ناوی گۆتی یان گۆتیه‌كان، كه‌ئه‌وانیش له‌هه‌زاره‌ی سێیه‌م و هه‌زاره‌ی دووه‌می پێش زایین ناویان دێت كه‌توانیویانه‌ بۆ ماوه‌ی سه‌دساڵ فه‌رمانڕه‌وایی ناوچه‌كانی ناوه‌ڕاستی عیراقیش بكه‌ن. كاشیه‌كان له‌ناوه‌راستی هه‌زاره‌ی دووه‌می پێش زایین ده‌وڵه‌تێكی به‌هێزیان دروست كردووه‌ له‌كوردستان ده‌سه‌ڵاتداربوون و له‌ساڵی 1595 - 1162 پ.ز حوكمی وڵاتی بابلیان كردووه‌ و زۆر شوێنه‌واری شارستانیان له‌پاش به‌جێماوه‌.
میلله‌تانی دیكه‌ی به‌ناوبانگ له‌كوردستان ناویان هاتووه‌و ده‌سه‌ڵاتیان پێكهێناوه‌ وه‌ك میتانییه‌كان و تۆرانییه‌كان و ماننایه‌كان. به‌ڵام میدیه‌كان له‌میلله‌تانی به‌ناوبانگی كوردستانی كۆنن و توانیویانه‌ له‌سه‌ده‌ی حه‌وته‌می پێش زایین دا ئیمپراتۆریه‌تێكی گه‌وره‌ ئاوا بكه‌ن كه‌به‌هاوكاری كلدانیه‌كان له‌ساڵی 612 پ.ز ده‌وڵه‌تی ئاشوریان له‌ناوبردووه‌و شاری نه‌ینه‌وای پایته‌ختیان كۆنترۆڵ كردووه‌، له‌به‌رئه‌وه‌ی به‌پێی بۆچوونی هه‌ندێك له‌توێژه‌ران میدیه‌كان باپیرو بنه‌چه‌ی كوردانن بۆیه‌ ساڵی دامه‌زراندنیان له‌ساڵی 700پ.ز به‌سه‌ره‌تای ساڵی كوردی دانراوه‌.
كاردۆخیه‌كان كه‌له‌ناوچه‌كانی بۆتان بوونیان هه‌بووه‌. له‌لای به‌شێك له‌توێژه‌ران به‌باپیره‌ گه‌وره‌ی كوردان داده‌نرێن، زه‌ینه‌فۆن نووسه‌ری به‌ناوبانگی یۆنانی پاش شكستی سوپاكه‌ی له‌شه‌ڕێكی ناوخۆی هه‌خامه‌نیشه‌كاندا له‌گه‌ڵ (10)هه‌زار سه‌ربازی دیكه‌ی یۆنانی به‌زێدی كاردۆخیه‌كاندا تێپه‌ڕیوه‌و له‌ساڵی 401پ.ز زۆر زانیاری شایسته‌ی له‌باره‌یانه‌وه‌ تۆماركردووه‌. هه‌روه‌ها له‌ساڵانی دواتردا كوردستان رووداوو گۆڕانكاری زۆری به‌خۆوه‌ دیوه‌ وه‌كو شه‌ڕی گوگمێر له‌نزیك هه‌ولێر له‌نێوان سوپای ئه‌سكه‌نده‌ری مه‌كدۆنی و سوپای هه‌خامه‌نشیه‌كان له‌ساڵی 331پ.ز. دواتر كوردستان به‌زۆری له‌ژێر كاریگه‌ری ده‌سه‌ڵاتداریه‌تیه‌كانی ئه‌شكانی و حدیاب و ساسانی و بیزه‌نتی و (رۆمه‌كان) دابووه‌.
له‌گه‌ڵ په‌یدابوونی ئاینی پیرۆزی ئیسلام و ده‌ستپێكردنی فتوحاتی ئیسلامی به‌ره‌به‌ره‌ وڵاتی كوردانیش بووه‌ به‌شانۆگه‌ری روداوو گۆرانكاری گه‌وره‌، هه‌ر له‌ساڵی 16ك، سه‌رزه‌مینی كوردستان له‌كه‌وشه‌نه‌كانی خواره‌وه‌ ناوچه‌كانی جه‌له‌ولاو حه‌لوان و كرمانشاو وڵاتی لوڕستان به‌ئایینه‌ نوێیه‌كه‌ ئاشنا بوون، هه‌تاوه‌كو ساڵی 35ك، زۆربه‌ی هه‌ره‌ زۆری كوردستان كه‌وته‌ بن ده‌ستی موسڵمانان و كوردیش به‌كاوه‌خۆ به‌ئایینه‌ نوێیه‌كه‌ راده‌هاتن و پێی قایل ده‌بوون.
له‌سه‌رده‌می ئومه‌وییه‌كاندا (41- 132ك) ده‌كرێ بڵێین كورد قۆناغی گواستنه‌وه‌ی خۆی تێده‌په‌ڕاند، وڵاتیان له‌به‌ر سه‌ختی و هه‌ڵه‌موتی بوو بوو به‌په‌ناگه‌ی خه‌واریجیه‌كان و كوردیش له‌هه‌ندێك بزاوتی خه‌واریجیه‌كاندا به‌شداری كردووه‌و له‌وماوه‌یه‌دا وه‌ك موسڵمانانی ناعه‌ره‌ب (موالی) رووبه‌رووی سته‌م و پێشڵكاری بوونه‌ته‌وه‌.
بۆیه‌ كورد هاوكاری و پاڵپشتی بانگه‌وازی عه‌بباسیه‌كانی كردووه‌ له‌گه‌ڵ رووخانی ده‌وڵه‌تی ئه‌مه‌وی هاتنه‌ سه‌ركاری عه‌بباسیه‌كان، كورد هه‌م رۆلی بینی هه‌م له‌سه‌رده‌مه‌كانی دوتردا به‌شداریكردنێكی كاراتری مێژووییان نیشاندا.
له‌سه‌رده‌می ده‌سه‌ڵاتی خه‌لافه‌تی ئیسلامیدا و به‌تایبه‌تی له‌ماوه‌ی حوكمی عه‌بباسیه‌كان (132-656ك) هه‌لومه‌رجی ده‌ركه‌وتنی ده‌سه‌ڵاتی سیاسی و باڵاده‌ستبوونی كورد له‌ناوچه‌كانی خۆیدا هاته‌ گۆڕێ و هه‌ر له‌سه‌ره‌تای سه‌ده‌ی چواره‌می كۆچی/ ده‌یه‌می زاینی، چه‌ند ده‌سه‌ڵاتدارییه‌كی كوردی له‌شێوه‌ی میرنیشین و ده‌وڵه‌تدا ده‌ركه‌وتن و به‌م شێوه‌یه‌ی خواره‌وه‌ ریزبه‌ندیان ده‌كه‌ین له‌گه‌ڵ دیاریكردنی دیارترین ئه‌و شوێنانه‌ی كه‌ فه‌رمانڕه‌واییان تێدا ده‌كرد.
میرنشینی عه‌یشانی 300-350ك / 912-961ز له‌ناوچه‌كانی رۆژئاوای هه‌رێمی چیاكان له‌نه‌هاوه‌ند و دینه‌وه‌ر و هه‌مه‌دان و سامنان هه‌تا سنوری ئازربایجان. له‌دیارترین میره‌كانیان وندادو غانم.
میرنشینی ره‌وادی (ده‌وروبه‌ری 337-463ك/948-1071ز) له‌شاره‌كانی مه‌راغه‌و ته‌ورێزو ئه‌رده‌بیل و ورمێ و خوی و سه‌لماس ...هتد، به‌ناوبانگترین میره‌كانیان محه‌مه‌د كوڕی حوسێن ره‌وادی و ئه‌بو هه‌یجای ره‌وادی و مه‌مه‌لانی ره‌وادی.
میرنشینی شه‌دادی 340-595ك/951-1198ز له‌هه‌رێمی ئاران له‌شاره‌كانی به‌رده‌عه‌و دبیل و گه‌نجه‌و باكو چه‌ند شارو ناوچه‌یه‌كی دیكه‌. میرنشینی شه‌دادی هه‌رچه‌نده‌ له‌لایه‌ن سه‌لجوقیه‌كانه‌وه‌ لاوازكراوه‌ به‌ڵام هه‌تاوه‌كو ساڵی 595-1198ز له‌ شاری ئانی هه‌ر مابوو. له‌دیارترین میره‌كانیان محمه‌د كوڕی شه‌دادو فه‌زلون و ئه‌بولئه‌سوارو چه‌ندانی دیكه‌. كه‌سه‌ربه‌خۆبون و دراوی تایبه‌تی میرنشینه‌تیان لێداوه‌.
میرنشینی حه‌سه‌نوه‌یهی 348-406ك/ 959-1015ز له‌ناوچه‌كانی شاره‌زوورو شاپورخواست واتا لوڕستان و دینه‌وه‌رو هه‌مه‌دان و شوێن وشاری دیكه‌ فه‌رمانڕه‌واییان كردووه‌. له‌میره‌ به‌ناوبانگه‌كانیان، حه‌سه‌نوه‌یهی كوڕی حوسێنی كوردی و میر به‌در كوڕی حه‌سه‌نوه‌یهی كه‌یه‌كێكه‌ له‌هه‌ره‌ میره‌ به‌ناوبانگه‌كانی كوردان، له‌سه‌ده‌كانی ناوه‌راستدا كاری زۆر دیاری له‌ماوه‌ی فه‌رمانڕه‌وایه‌تیه‌كه‌یدا كردووه‌و دراوی تایبه‌تی لێداوه‌.
میرنشینی مه‌روانی 373-489ك/983-1096ز له‌كوردستانی ناوه‌ڕاست و باكور له‌دیاربه‌كر شاره‌كانی میاخارتین و ماردین وئامه‌دو خه‌ڵات و به‌دلیس و ناوچه‌ی دیكه‌ فه‌رمانڕه‌واییان كردووه‌. دامه‌زرێنه‌ری میرنشینه‌كه‌ میر باد كوڕی دۆسته‌كی كوردیه‌ هه‌روه‌ها میر مومه‌هه‌د ئه‌لده‌وله‌و میر نه‌سرولده‌وله‌و ئه‌حمه‌د كوڕی مه‌روانی كوردی كه‌به‌ناوبانگترین میری كوردیه‌، زیاتر له‌په‌نجا ساڵ میرایه‌تی كردووه‌و ده‌سه‌ڵاته‌كه‌ی وه‌ك ده‌وڵه‌ت ناسراوه‌ له‌لایه‌ن ده‌وڵه‌تانی عه‌باسی و بوه‌یهی وفاتمی و بیزێنتی و سه‌لجوقیه‌كان دانی پێدانراوه‌. زۆر كاری گرینگ له‌ئاوه‌دانی و بوژانه‌وه‌ی ژیانی كۆمه‌ڵایه‌تی و ئابووری له‌و ناوچه‌یه‌ی كوردستاندا ئه‌نجامدراوه‌. له‌زۆربه‌ی شاره‌كاندا دراوی میرنشینیه‌كه‌ لێدراوه‌. میرنشینی عه‌ننازی 381-511 ک /991 - 1117 ز ئه‌م میرنشینیه‌ له‌ناوچه‌ی حه‌لوان له‌لایه‌ن كورده‌كانی شازه‌نجانییه‌وه‌ دامه‌زراوه‌ دواتر ده‌سه‌ڵاتی فراوان بووه‌و له‌شاره‌كانی ئه‌سه‌د ئابادو داقوق و ئاوه‌دانی دیكه‌ ده‌سه‌ڵاته‌كه‌ی په‌ره‌ی سه‌ندووه‌. له‌میره‌ به‌ناوبانگه‌كانیان، میر ئه‌بولفه‌تح محه‌مه‌د كوڕی عه‌نناز و میر حسام ئه‌لده‌وله‌ و ئه‌بو شوك و میرسورخاب كوڕی به‌در.
میرنشینی هه‌زبانی 347 – 534 /1046 – 1139 ز له‌شاری هه‌ولێر ده‌ركه‌وتووه‌، سه‌رجه‌م ناوچه‌كانی ده‌وروبه‌ری هه‌ولێری فه‌رمانڕه‌وایه‌تی كردووه‌، له‌به‌ناوبانگترین میره‌كانیان عیسا كوڕی موسای هه‌زبانی و میر ئه‌بولحه‌سه‌نی كوڕی موسكی هه‌زبانی. له‌ دوای هاتنی سه‌لجوقییه‌كان زۆربه‌ی میرنشینیه‌ كوردییه‌كان پوكانه‌وه‌و به‌ره‌و نه‌مان چوون، به‌ڵام رۆڵی كورد هه‌ر له‌بره‌ودابوو له‌شه‌ڕی به‌ناوبانگی ملازگرددا كورد هاوكاری سه‌لجوقیه‌كانی كردووه‌ كه‌سه‌ركه‌وتن به‌سه‌ر رۆمه‌كاندا.
له‌سه‌روبه‌ندی هاتنی مه‌غۆله‌كاندا كوردستان رووبه‌رووی وێرانكاری و زیانی زۆر بۆوه‌، چونكه‌ هه‌م هه‌رێمه‌ كوردییه‌كان بۆ مه‌غۆلییه‌كان گرنگ بوون، هه‌م ده‌كه‌وته‌ سه‌ر رێیان بۆ به‌غداو شام، بۆیه‌ كوردستان له‌سه‌ده‌ی 7ك / 13ز زۆرترین زه‌ره‌رو زیانی به‌ركه‌وت. له‌ماوه‌ی ده‌سه‌ڵاتداریه‌تی هێزه‌ داگیركه‌ره‌كانی كوردستاندا وێڕای زه‌برو زه‌نگی زۆر به‌ڵام ده‌سه‌ڵاتی سیاسی له‌كوردستاندا به‌ته‌واوه‌تی له‌ناونه‌چوو، چه‌ندان میرنشین و ده‌سه‌ڵاتداریه‌تی كوردی له‌ناوچه‌ جیاجیاكانی كوردستاندا فه‌رمانڕه‌واییان ده‌كردو هێزه‌كانی جه‌لائیری وته‌یموری و قه‌ره‌ئۆینلو....هتد. كوردستانیان كردبووه‌ مه‌یدانی شه‌ڕو ململانێ، تاده‌ركه‌وتنی عوسمانیه‌كان و شه‌ڕی چالدێران 1514ز، كه‌میر شه‌رفخانی به‌دلیسی له‌كتێبی شه‌ره‌فنامه‌دا زانیاری گرینگی له‌سه‌ر ئه‌و ده‌سه‌ڵاتداریه‌تیه‌ی كوردان تۆماركردووه‌

21/05/2012

sairikan

Hell makers

02/02/2012

like and share please

The Best Teacher I Have Ever Had ♥

29/01/2012

agadari la slemani rozhi seshama xopishandan anjam dadret lalayan xuendkarani poli 12 yami amaday bo darbrini narazay'yakanian darbaray programi xuendn la bardam parwarda,,

11/12/2011

میرنشینی‌ بۆتان

میرعه‌بدولعه‌زیز به‌دامه‌زرێنه‌ری‌ میری‌ بۆتان داده‌نرێت وزۆرجار به‌م میرنشینه‌ش وتراوه‌ میرنشینی‌ ئازیزان یاخود عه‌زیزان كه‌له‌ناوچه‌ی‌ جزیره‌وده‌ورووبه‌ری‌ درووست بووه‌،بۆتی‌ یاخود بوختی‌ هۆزێكی‌ گه‌وره‌ی‌ كۆنی‌ كورد بووه‌و له‌ناوچه‌ی‌ جزیره‌ جێگیر بووه‌ له‌ میرنشینی‌ بۆتاندا،له‌ومیره‌به‌توانو لێهاتوانه‌ی‌ كه‌له‌ بزوتنه‌وه‌ی‌ نه‌ته‌وه‌یه‌تی‌ كوردا رۆڵێكی‌ گرنگ وكاریگه‌ریان هه‌بووه‌ میر به‌درخان كه‌ به‌ به‌درخان پاشا ناسراوه‌،ئه‌م میره‌له‌ساڵی‌1821وله‌ته‌مه‌نی‌ (18) ساڵیدا فه‌رمانره‌وایی‌ میرنشینه‌كه‌ی‌ گرتووه‌ته‌ ده‌ست،میر به‌درخان له‌كاتی‌ فه‌رمانره‌واییدا بیری‌ له‌وه‌كرده‌وه‌كه‌میرنشینه‌كه‌ی‌ له‌مه‌ركه‌زیه‌تی‌ عوسمانیه‌كان رزگاربكات وهه‌وڵی‌ سه‌ربه‌خۆیی‌ بدات،

بۆئه‌ومه‌به‌سته‌ش داوای‌ له‌ سه‌ران وسه‌رۆك هۆزه‌كانی‌ ئه‌وكاته‌ كردكه‌له‌ژێریه‌ك مه‌به‌ستدا كه‌ سه‌ربه‌خۆیی بوو خۆیان یه‌ك بخه‌ن وهه‌رله‌و چوارچێوه‌یه‌شدابووكه‌ به‌شێكی‌ زۆری‌ خه‌ڵكی‌ ناوچه‌كانی‌( وان وهه‌كاری‌،موش وخێزان و سه‌عره‌د وقارس و موسڵ و میرنشینی‌ ئه‌رده‌لاَن له‌ ئیران )هاتن به‌ده‌م بانگه‌زازوو داواكه‌یه‌وه‌و چونه‌ ریزی‌ ئه‌و په‌یمانه‌ی‌ كه‌ به‌ په‌یمانی‌ پرۆز ناسرا .


میر به‌درخان كه‌ یه‌ كێك بووه‌ له‌دیارترین و به‌ناوبانگترین میره‌كانی‌ میرنشینی‌ بۆتان له‌ سه‌رده‌می‌ فه‌رمانه‌روایه‌تی خۆیدا چه‌ندین كاری‌ گرنگی‌ ئه‌نجام دا به‌مه‌به‌ستی‌ رزگاربوون له‌ مه‌ركه‌زیه‌تی‌ عوسمانیه‌كان ، خۆ پڕچه‌ككردن یه‌كیچك بوو له‌و كارانه‌ی‌ كه‌ له‌رووی‌ سه‌ربازیه‌وه‌ بۆ ئه‌و مه‌به‌سته‌ له‌ چوارچێوه‌ی‌ خۆ ئاماده‌كردندا ئه‌نجامی‌ دا ئه‌ویش به‌ درووستكردنی‌ دوو كارگه‌ی‌ له‌ جزیره‌ كه‌ یه‌كێكیان بۆ درووستكردنی‌ چه‌ك و ئه‌وی تریشیان بۆ باروت بوو، له‌ ساڵی‌ 1842 میر به‌ردخان سه‌ربه‌خۆیی‌ كوردستانی‌ راگه‌یاندو ده‌ستیكرد به‌ ده‌ركردنی‌ پاره‌یه‌ك به‌ناوی‌ خۆیه‌وه‌ كه‌ له‌ روویه‌كی‌ نوسرابوو میربه‌درخان بۆتان له‌ رووه‌كه‌ی‌ تری‌ نوسرابوو ساڵی‌ 1258 كۆچی‌ ،

له‌گه‌ڵ فراانبوونی‌ سنوری‌ ده‌سه‌لاَته‌كانی‌ میرنشینی‌ بۆتاندا ئینگلیزو فه‌ره‌نسا پشتی‌ ده‌وڵه‌تی‌ عوسمانیه‌كان ده‌گرت و به‌ یارمه‌تی‌ ئه‌وان له‌شكری‌ عوسمانیه‌كان دژی‌ به‌درخان و میرنشینه‌كه‌ی‌ وه‌ستایه‌وه‌،(شه‌ری‌ ئورمیه‌) یه‌كه‌مین پێكدادانی‌ نێوان عوسمانیه‌كان و میربه‌درخان بوو كه‌ له‌ پاش شه‌ش مانگ له‌ به‌رگری‌ میربه‌درخان له‌ قه‌لاَی‌ ئارۆخ بۆ دواجار له‌ شه‌رێكی‌ قورسدا كۆتایی‌ به‌م

11/12/2011

شارۆچکەی چەمچەماڵ بە یەکێک لە شارۆچکە دێرینەکانی کوردستان و عێراق دەژمێردرێت و نزیکی ١٠ کم لە
گوندی (چەرموو) وە دوورە کە بە یەکەم مەڵبەند دادەنرێت کە مرۆڤ کشتوکاڵی تێدا کردووە، ئەمەش بە ھێزترین
بەڵگەیە بۆ دێرینی ئەم شارۆچکەیە کە لەو کاتەوە مرۆڤی تێدا نیشتەجێ بووە. ئەرگە چی لە ڕووی مێژووییەوە
سەرچاوەی ئەوتۆمان نیە لەسەر ئەم شارۆچکەیە بەڵام بوونی قەڵایەک لە ناوەڕاستی شارەکە ڕاستی و
دروستی دێرینی ئەم شارە دەسەلمێنێ بە تایبەتی پاش دۆزینەوەی چەند پارچە ئاسەوارێک کە مێژوکەی
دەگەڕێتەوە بۆ سەردەمی ساسانیەکان

قائیمقامیەت بە یەکێک لە کۆنترین دەزگا میریەکان لەساڵی ١٨٥١ ئیمبراتۆریەتی عوسمانی و دەسەڵاتداران
شاری چەمچەماڵیان کردوە بە قەزا پاشان گونێک دراوەتەو سەر با ناحیەی بازیان جارێکی ترو لە ساڵی ١٩٢٢
سەر لە نوێ کراوەتەوە بە قەزا تا ئێستاش قەزایە.

سەبارەت بە ناوی شارەکە چەندەین بیر و بۆچوون، بەلام زۆربەی لە خاڵێک یەکدەگرنەوە ئەوەیش وەکو باس
دەکرێت کە لە کاتی خۆیدا ئەم ناوچەیە ڕەز و باخێکی زۆری تێدا بووە و ھەر ماڵێک لە سەر ڕەز و باخی خۆی
بووە پاشان بە ھۆی لافاوێکی گەورەوە کە ئەم ناوچەیە دەگەڕێتەوە زۆربەی ڕەز و باخەکان لافاو ڕای دەماڵێ و
خاپووری دەکات، بەڵام جارێکی تر و سەرلەنوێ ئەم شارە دروست دەکرێتەوە.

چەمچەماڵ لە کاتی فەرمانڕەوایی بابانەکان بەشێک بووە لە خاکی سلێمانی و ئەوان ھەڵیان سوڕاندووە تا
ساڵی ١٨٥١ کە دەوڵەتی عوسمانی سلێمانی داگیر دەکات لە کاتی داگیر کردنی عێراق لە لایەن بەریتانیاوە
ئەم شاررۆچکەیە خراوەتە سەر پارێزگای کەرکووک، لە کۆتاییی ساڵی ١٩٧٥ دووبارە ئەم شارۆچکەیە خراوەتەوە
سەر پارێزگای سلێمانی و یەکێکی تر لە بیر و بۆچوونەکان لەسەر شارۆچکەی چەمچەماڵ ئەوە کە ھۆزی ھەمەوەند لە کاتی خۆیدا لە شاری چەمچەماڵی لە ئێرانەوە ھاتوون شارۆچکەکەیان ئاوەدان کردۆتەوە بەو ناوەوە ناویان ناوە

شارۆچکەی چەمچەماڵ لە باکورەوە زنجیرە چیای دەربەندی بازیان و لە ڕۆژھەڵاتیش ڕووباری باسەڕە و زێ
خوارویش ڕۆژئاوای ئەم شارەیە گردەکانی بانی مەقان باشووری سنوری جوگرافیای چەمچەماڵ دیاری دەکەن.

ھۆزە سەرەکیەکانی چەمچەماڵ

جاف
ھەمەوەند
زەنگەنە
شێخبزێنی
کاکەیی
شوان
شێخ سمایلی
شێخان
کافرۆشی
تاڵەبانی
دەلۆ
گێژ
لەک
سارت
سۆفی وه ندی

لە مێژەوە خەڵکی ئەم شارە خەریکی کاری کشتوکاڵی بوونەوە بژێوی خۆیان پێ پێدا کردووە بە تایبەت
دانەوێڵە، وەکو گەنم و جۆ و نیسک و نۆک ، لە گەڵ ئەوەشدا ئاژەڵداریان کردوە و مەڕو مالاتیان بە خێو کردووە .
پەیوەندی و مامەڵە کردنی خەڵکی ئەم شارۆچکەیە لە گەڵ شاری کەرکوک دا بە ھێز بووە بازرگانەکان و
دانیشتووانی شارەکە بۆ دابینکردنی پێداویستی بژێوی ڕۆژانە بۆ شاری کەرکووک چوون. چەمچەماڵ لە کانزادا
دەوڵەمەندە بە تایبەتی گازی سروشتی.

11/12/2011

مامۆستا هه‌ژار موکریانی

وەبیرمە لە مەکتەبا ئەیان پرسی دوو دانە دوو ئەکاتە چەند هەموو پێکرا ئەیان نوسی چوار کەچی ئەمن لە عیسابا نمرەی کەمم ئەهێناو ئەهاتمە خوار ئەویش تەنیا لەبەر ئەوە بوو لای من وابوو دوو دانە دوو ئەبێت بە یەک نابێ بە چوا...

لای من وابوو ددان و لێو و زبان نابن بە چوار
دەبن بە زار بەتێکرایی ئەکەن هاوار

لای من وابوو دوو دەستو دوو لاقی مرۆڤ نابن بە چوار
لە لەشێکا وادێنە کار

لای من وابوو گەرەک خانو کۆلان شەقام نابن بە چوار
دەبن بە شار تێیدا دەژین دەولەمەند و خەلکی هەژار

لای من وابوو کۆلکە و ریشە لق و گەلا نابن بە چوار
دەبن بە دار هەندێک کوورت و هەندێک درێژ و وەکو چنار

لای من وابوو ئەوین و دڵ جوانی و پاکی نابن بە چوار
دەبن بە یار لە لای دڵ دار

ئەو هەمووەی وا دوو بە دووەی دەبن بە یەک نابن بە چوار
یەک جار زۆرن بەڵام لەکوێ دێنە ژمار

تەنیا ئەوەندەیی دەزانم لەشم سەت پارچە بکەن بم دەنە ژێر گولەو رەکبار بچمە سەر دار قسەی دڵم دێتە سەر زار کوردستان هەر وڵاتێکەو نابێت بە چوار

19/10/2011

له‌ دیمانه‌یه‌کی تایبه‌تدا له‌گه‌ڵ سبه‌ی، وته‌بێژی بزوتنه‌وه‌ی گۆڕان باس له‌م قۆناغه‌ی ئێستای هه‌رێمی کوردستان و مامه‌ڵه‌کردنی گۆڕان له‌گه‌ڵ روداوه‌کان ده‌کات و رایده‌گه‌یه‌نێت: "ئێمه‌ له‌ بزوتنه‌وه‌ی گۆڕان مامه‌ڵه‌ له‌گه‌ڵ دۆخێكدا ده‌كه‌ین كه‌ به‌سه‌ر‌ چه‌ندین ئه‌گه‌ری جیاوازدا كراوه‌یه‌، خۆشمان بۆ هه‌مو ئه‌گه‌ره‌كان ئاماده‌كردوه‌. هه‌ركاتیش هه‌ستمان كرد دۆخه‌كه‌ به‌ره‌وه‌ چه‌قبه‌ستن ده‌ڕوا، ئه‌وه‌ به‌دڵنیاییه‌وه‌ ته‌نها وه‌ك ته‌ماشاكار نامێنینه‌وه‌".

سبه‌ی: له‌ ئێستادا تۆ وته‌بێژی فه‌رمی بزوتنه‌وه‌ی گۆڕانیت، ده‌کرێت پێمان بڵێن وته‌بێژ به‌چ مانایه‌ک دێت له‌ گۆڕاندا، ئایا ئێوه‌ که‌ هاوکات له‌گه‌ڵ ژوری رۆژنامه‌وانی گۆڕاندا پێکه‌وه‌ کارده‌که‌ن ئه‌رک و رۆڵی ئێوه‌ و ئه‌و ژوره‌ چییه‌ له‌ بزوتنه‌وه‌ی گۆڕاندا؟
د.شاهۆ سه‌عید: ئه‌ركی وته‌بێژ گوزراشتكردنه‌ له‌ دیدی گشتی بزوتنه‌وه‌ی گۆڕان به‌ هاوئاهه‌نگی له‌گه‌ڵ رێكخه‌ری گشتی بزوتنه‌وه‌ی گۆڕان ‌و ئۆرگان و ژوره‌ سه‌ره‌كیه‌كانی، به‌تایبه‌‌تی ژوری رۆژنامه‌وانی. بزوتنه‌وه‌ی گۆڕان وه‌ك حیزبه‌ هه‌ره‌مییه‌ ته‌قلدییه‌كان مه‌كته‌بی راگه‌یاندنی مه‌ركه‌زیی نیه‌، ژوری رۆژنامه‌وانی رۆڵی ئه‌و مه‌كته‌به‌ نابینێ، به‌ڵكو په‌یوه‌ندی و هاوئاهه‌نگی نێوان بزوتنه‌وه‌ی گۆڕان و كه‌ناڵه‌كانی راگه‌یاندنی ناوخۆو ده‌ره‌وه‌ رێكده‌خا به‌مه‌به‌ستی گه‌یاندنی هه‌ڵوێستی سیاسی و لێدوانی فه‌رمی و ئه‌و زانیارییه‌ گشتیانه‌ی په‌یوه‌ندییان به‌ بزوتنه‌وه‌ی گۆڕانه‌وه‌ هه‌یه‌‌‌. ئێستا له‌گه‌ڵ هاوڕێكانم له‌ ژوری رۆژنامه‌وانی ئه‌و ئه‌ركه‌ ئه‌نجام ده‌ده‌ین، بڕیاریشه‌ له‌ ئاینده‌یه‌كی نزیكدا زیاتر په‌ره‌ به‌ چالاكیه‌كانی ژوری رۆژنامه‌وانی بده‌ین.

سبه‌ی: سه‌باره‌ت به‌وه‌ی كه‌ بزوتنه‌وه‌ی گۆڕان خاوه‌نی مه‌كته‌بی راگه‌یاندنی مه‌ركه‌زی نیه‌، به‌ڵام راگه‌یاندنێکی تر به‌ نزیک له‌ گۆڕان داده‌دنرێت ئه‌ویش کۆمپانیای وشه‌یه‌، به‌کورتی په‌یوه‌ندییه‌کانتان چۆن رێکده‌خه‌ن؟
د.شاهۆ سه‌عید: كۆمپانیای وشه‌ ئۆرگانێك نیه‌ له‌ ئۆرگانه‌كانی بزوتنه‌وه‌ی گۆڕان، مێژوی دامه‌زارندنی ئه‌و كۆمپانیایه‌ ده‌گه‌ڕێته‌وه‌ بۆ به‌ر له‌ دروستبونی بزوتنه‌وه‌ی گۆڕان. ده‌كرێ كۆمپانیای وشه‌ وه‌ك راگه‌یاندنێكی نزیك و پشتیوان بۆ بزوتنه‌وه‌ی گۆڕان له‌ قه‌ڵه‌م بدرێ، له‌ هه‌ردو كامپه‌ینی هه‌ڵبژاردنی 2009 و 2010 كۆمپانیای وشه‌ رۆڵێكی گرنگ و یه‌كلاكه‌ره‌وه‌ی بینی له‌ ده‌ركه‌وتنی بزوتنه‌وه‌ی گۆڕان و فراوانكردنی هۆشیاری سیاسی و ره‌خنه‌یی كۆمه‌ڵگه‌ی كوردیدا. به‌و حوكمه‌ی كاك نه‌وشیروان سه‌رپه‌رشتیاری گشتی و دامه‌زرێنه‌ری سه‌ره‌كی بزوتنه‌وه‌كه‌ و كۆمپانیاكه‌ش بوه‌ زۆرجار له‌نێوان بزوتنه‌وه‌ی گۆڕان و كۆمپانیای وشه‌دا تێكه‌ڵاوی كراوه‌، هه‌ندێ جار كۆمپانیای وشه‌ وه‌ك راگه‌یاندنی مه‌ركه‌زیی گۆڕان ته‌ماشا كراوه‌، كه‌ ئه‌مه‌ وانیه‌، چونكه‌ كۆمپانیاكه‌ چ له‌ روی ئیداری و چ له‌ڕوی سیاسه‌تی ئیعلامییه‌وه‌ خاوه‌نی سه‌ربه‌خۆیی خۆی و ده‌سپێشخه‌ری تایبه‌تی خۆی بوه‌، به‌ڵام به‌ده‌ر نه‌بوه‌ له‌ پشتیوانیكردنی گۆڕان چ وه‌ك بزوتنه‌وه‌یه‌كی سیاسی و چ وه‌ك پرۆسه‌ سیاسییه‌ فراوانه‌كه‌ له‌سه‌ر ئاستی هه‌رێم‌. راگه‌یاندنی كۆمپانیای وشه‌ راگه‌یاندنێكی ئاڕاسته‌كراو نیه‌ و خاوه‌نی په‌یام و سیاسه‌تی ئیعلامی خۆیه‌تی كه‌ له‌ به‌رژه‌وه‌ندی كرانه‌وه‌و دروستبونی ئۆپۆزسیۆندایه‌، ته‌نانه‌ت زۆرجار كۆمپانیای وشه‌ ئاڕاسته‌كه‌ر بوه‌ نه‌ك ئاڕاسته‌كراو، واته‌ رۆڵی بینیوه‌ له‌ دروستكردنی هه‌ندێ هه‌ڵوێستی سیاسی و كۆمه‌ڵایه‌تی گه‌وره‌دا كه‌ بزوتنه‌وه‌ی گۆڕان وه‌ك هه‌مو لایه‌نه‌ سیاسیه‌كانی تر مامه‌ڵه‌ی پاشوه‌ختی له‌گه‌ڵ كردوه. ئێمه‌ وه‌ك بزوتنه‌وه‌ی گۆڕان به‌ ته‌قدیره‌وه‌ ده‌ڕوانینه‌ رۆڵی كۆمپانیای وشه‌ و كه‌ناڵ و رۆژنامه‌نوسه‌كانی، كه‌ له‌پاڵ رۆژنامه‌نوسه‌ ئازاده‌كانی تری كوردستان، رۆڵێكی گرنگیان بینیوه‌ له‌ چه‌ند ساڵی رابردودا به‌ ئاڕاسته‌ی پێشخستنی گوتاری ره‌خنه‌یی و ده‌ركه‌وتنی ئۆپۆزسیۆنی سیاسی و مه‌ده‌نیدا، ژماره‌یه‌كیش له‌ میدیاكارانی كۆمپانیای وشه‌ هه‌ڵسوڕاوی دیاری بزوتنه‌وه‌ی گۆڕانن، به‌ڵام به‌پێی توانا هه‌وڵیانداوه‌ كاری رۆژنامه‌وانی له‌كاری سیاسی جیا بكه‌نه‌وه، ئێستاش كاری جدی تر ده‌كرێ به‌ ئاڕاسته‌ی حیره‌فیه‌تی زیاتری كه‌ناڵه‌كانی كۆمپانیای وشه‌ و جیاكردنه‌وه‌ی له‌ بزوتنه‌وه‌ی گۆڕان به‌شێوه‌یه‌كی عه‌مه‌لی كه‌ ره‌نگه‌ ورده‌كاری زیاتری لای خۆتان بێت. واته‌ هه‌رچه‌ند به‌رواڵه‌ت واده‌رده‌كه‌وێ گوتاری ئیعلامی كۆمپانیای وشه‌ هاوته‌ریبه‌ له‌گه‌ڵ گوتاری سیاسی بزوتنه‌وه‌ی گۆڕاندا، به‌ڵام هه‌رگیز ته‌رجه‌مه‌ی ئه‌و گوتاره‌ نه‌بوه‌، به‌ڵكو هه‌ندێجار گوتاره‌ سیاسیه‌كه‌ سودی له‌ گوتاره‌ ئیعلامیه‌كه‌ وه‌رگرتوه‌ كه‌ ئه‌وه‌ش داهێنان و شانازیی بوه‌‌ بۆ كۆمپانیای وشه‌.

سبه‌ی: ئێستا شتێک ده‌وترێت که‌ گوایه‌ گۆڕان ماته‌ له‌ گۆڕه‌پانی سیاسی کوردستان و عێراقدا، ئایا ئه‌مه‌ وایه‌؟ ئه‌گه‌ر وایه‌ چ هۆکارێک له‌پشت ئه‌مه‌وه‌یه‌؟
د.شاهۆ سه‌عید: بزوتنه‌وه‌ی گۆڕان، وه‌ك بزوتنه‌وه‌یه‌كی سیاسی، هه‌ندێ جار روداوی دروستكردوه هه‌ندێ جاریش مامه‌ڵه‌ی‌ له‌گه‌ڵ روداودا كردوه‌، له‌ ماوه‌ی دو ساڵی ته‌مه‌نیدا بزوتنه‌وه‌ی گۆڕان وه‌ك بزوتنه‌وه‌یه‌كی دروستكه‌ری روداو ده‌ركه‌وتوه‌، به‌ تایه‌بتی له‌ 25/7دا ئیراده‌ی گۆڕان نه‌خشه‌ی سیاسی گۆڕی، مێژوی كوردستانی كرد به‌ دو به‌شه‌وه‌، مێژوی پێش‌ 25/7 و مێژوی پاش 25/7، ئیتر له‌ زه‌ینیه‌تی هه‌ندێ كه‌سدا دروستكردنی روداو بوه‌ته‌ پێناسی گۆڕان. به‌ڵام له‌ راستیدا كۆمه‌ڵگه‌ی كوردی خۆی كۆمه‌ڵگه‌یه‌كی پڕ جوڵه‌و پڕ روداو بوه‌، زۆرجار بزوتنه‌وه‌ی گۆڕان مامه‌ڵه‌ی پاشوه‌ختی له‌گه‌ڵ روداوه‌كاندا كردوه،‌ به‌ڵام هه‌میشه‌ هه‌ستی به‌ به‌رپرسیارێتی گه‌وره‌ كردوه‌ به‌جۆرێك وا ده‌ركه‌وتوه‌ كه‌ ئه‌وه‌ گۆڕانه‌ روداو دروستده‌كا، بۆ نمونه‌ له‌ تیرۆركردنی سه‌رده‌شت عوسمان و به‌رپه‌رچدانه‌وه‌ی یاسای خۆپیشاندان و روداوه‌كانی 17ی شوباتدا بزوتنه‌وه‌ی گۆڕان مامه‌ڵه‌ی له‌گه‌ڵ روداودا كرد، به‌ڵام له‌ ئاستێكی به‌رپرسیارێتی ئه‌وتۆدا ده‌ركه‌وت كه‌ وه‌ك خاوه‌نی راسته‌قینه‌ی كه‌یسه‌كان بێت. دۆخی ئێستای گۆڕان كه‌ تۆ به‌ (مات) ناوی ده‌به‌یت به‌شیكه‌ له‌ دۆخی كۆمه‌ڵگه‌ی كوردی، ده‌شێ بڵێین ئه‌وه‌ كۆمه‌ڵگه‌ی كوردییه، ئه‌ڵبه‌ت له‌ گه‌ڵیشیدا بزوتنه‌وه‌ی گۆڕان، له‌ دۆخی چاودێریكردندان. واته‌ ئێمه‌ له‌ بزوتنه‌وه‌ی گۆڕان مامه‌ڵه‌ له‌گه‌ڵ دۆخێكدا ده‌كه‌ین كه‌ به‌سه‌ر‌ چه‌ندین ئه‌گه‌ری جیاوازدا كراوه‌یه‌، خۆشمان بۆ هه‌مو ئه‌گه‌ره‌كان ئاماده‌كردوه‌. هه‌ر كاتیش هه‌ستمان كرد دۆخه‌كه‌ به‌ره‌وه‌ چه‌قبه‌ستن ده‌ڕوا، ئه‌وه‌ به‌دڵنیاییه‌وه‌ ته‌نها وه‌ك ته‌ماشاكار نامێنینه‌وه‌.

سبه‌ی: به‌ڵام نه‌یاره‌كانتان به‌وه‌ تۆمه‌تبارتان ده‌كه‌ن كه‌ له‌ هه‌مو ئه‌و دۆخانه‌دا كه‌ تۆ باست كرد ئێوه‌ ته‌عبییه‌ی خه‌ڵكتان كردوه‌؟
د.شاهۆ سه‌عید: ئه‌گه‌ر ناوی بنێی ته‌عبیه‌ ئه‌وه‌ من ده‌ڵێم ته‌عبیه‌ی پاشوه‌خت نه‌ك پێشوه‌خت، واته‌ ئێمه‌ زیاتر هه‌ڵوێستمان له‌ئاست روداودا وه‌رگرتوه‌ كه‌ زۆرجار خۆمان ده‌ستمان نه‌بوه‌ له‌ دروستكردنیدا، بۆ نمونه‌ ئێمه‌ش هه‌ر له‌گه‌ڵ ئێوه‌دا هه‌واڵی تیرۆركردنی سه‌رده‌شت عوسمانمان پێگه‌یشت واته‌ روداوه‌كه‌ هه‌ڵوێستێك بو له‌ئاست تاوانێكدا، سه‌باره‌ت به‌ خۆپیشاندانه‌كانی دژ به‌ یاسای خۆپیشاندان ئه‌وه‌ ده‌سه‌ڵات بو ئه‌و باره‌ی خولقاندو دواتر خۆپیشاندان به‌رپابو، له‌ روداوه‌كانی 17ی شوباتیشدا تا خوێن نه‌ڕژاو تا ده‌سه‌ڵات تێوه‌نه‌گلا له‌ روداوه‌كاندا ئێمه‌ وه‌ك بزوتنه‌وه‌ی گۆڕان ته‌نها چاودێری دۆخه‌كه‌مان ده‌كرد، به‌ڵام پاش ئه‌وه‌ی خوێن رژا هاوكێشه‌كه‌ گۆڕا. ئه‌ڵبه‌ت ئێستاش ئه‌گه‌ر مێژو دوباره‌ ببێته‌وه‌ هه‌مان هه‌ڵوێستمان ده‌بێ، روداوی هاوشێوه‌ش روبدا هه‌ر هه‌ڵوێستی هاوشێوه‌مان ده‌بێ، به‌ڵام هه‌میشه‌ ئومێدمان وایه‌ كێشه‌كانی كوردستان له‌ڕێی وتوێژ و گۆڕینی هێمنانه‌ی سیستمی سیاسییه‌وه‌ چاره‌سه‌ر بكرێن نه‌ك له‌ڕێی توندوتیژییه‌وه، هه‌میشه‌ ئاواته‌ خوازین به‌ بێ قوربانی یان به‌ كه‌مترین زه‌ره‌رو قوربانی زۆرتین گۆڕانكاری له‌ به‌رژه‌وه‌ندی گشتی روبدا.

سبه‌ی: به‌ڵام كه‌سانێكی زۆر پێیان وایه‌ كه‌ له‌ روداوه‌كانی 17ی شوباتدا به‌یاننامه‌‌ حه‌وت خاڵییه‌كه‌ی 29/1ی بزوتنه‌وه‌ی گۆڕان خۆپیشاندانه‌كانی دروستكرد؟
د.شاهۆ سه‌عید: به‌یاننامه‌ حه‌وت خاڵییه‌كه‌ی بزوتنه‌وه‌ی گۆڕان پیشبینییه‌ك بو بۆ په‌ره‌سه‌ندنی دۆخی كوردستان به‌ئاڕاسته‌ی ته‌قینه‌وه‌ی ناڕه‌زاییدا له‌گه‌ڵ پاكێجێك له‌ پێشنیازدا بۆ رێگرتن له‌و ته‌قینه‌وه‌یه‌. له‌ سه‌ره‌تای به‌یاننامه‌كه‌دا سه‌رنجی رای گشتی و ده‌سه‌ڵاتی هه‌رێممان بۆ ئه‌وه‌ راكێشاوه‌ كه‌ شه‌پۆلی ناڕه‌زایی دژی سته‌م و ئیستبدادو گه‌نده‌ڵێ ناوچه‌كه‌ی ته‌نیوه، كوردستانیش به‌ده‌ر نیه‌ له‌ ئیراده‌ی گۆڕانكاری و به‌ده‌ریش نیه‌ له‌ گه‌نده‌ڵێ و سته‌م، ئه‌وه‌ بو ده‌سه‌ڵات به‌شێوه‌یه‌كی خراپ وه‌ڵامی هه‌ڵوێسته‌كه‌ی ئێمه‌ی دایه‌وه‌. پێشبینیه‌كه‌ی ئێمه‌ راست ده‌رچو به‌ به‌ڵگه‌ی ئه‌وه‌ی تائێستاش دۆخه‌كه‌ به‌ كراوه‌یی به‌سه‌ر هه‌مو ئه‌گه‌ره‌كاندا ماوه‌ته‌وه‌، پاكێجه‌كانی ئێمه‌ش بۆ چاره‌سه‌ری دۆخه‌كه‌ به‌ئاماده‌یی ماونه‌ته‌وه‌.

سبه‌ی: ئه‌گه‌ر مه‌به‌ستت شه‌ش پاكێجه‌كه‌ی ئۆپۆزسیۆن بێت ئه‌وه‌ هه‌مان حه‌وت خاڵه‌كه‌ی به‌یاننامه‌كه‌ی 29/1 نیه‌؟
د.شاهۆ سه‌عید: پاكێجه‌كانی ئۆپۆزسیۆن پرۆژه‌ی هاوبه‌شی هه‌ر سێ لایه‌نه‌كه‌ی ئۆپۆزسیۆنه بۆ قۆناغی ئێستا، به‌یاننامه‌ حه‌وت خاڵییه‌كه‌ش پرۆژه‌ی بزوتنه‌وه‌ی گۆڕان بو له‌و قۆناغه‌دا، به‌ڵام گه‌ر به‌راورد بكه‌ین له‌نێوان هه‌ردو پرۆژه‌كه‌دا ده‌بینین پاكێجه‌كان ته‌رجه‌مه‌یه‌كی یاسایی و وردتری خاڵه‌كانی 1، 2، 6، 7ی به‌یاننامه‌كه‌ن. سه‌باره‌ت به‌ خاڵه‌كانی تریش وه‌ك هه‌ڵوه‌شاندنه‌وه‌ی حكومه‌ت و په‌رله‌مان ئێمه‌ ئێستاش له‌ بزوتنه‌وه‌ی گۆڕان پێمانوایه‌ كوردستان پێویستی به‌ هه‌ڵبژاردنێكی پێشوه‌خته‌ بۆ ده‌ربازبون له‌و قه‌یرانه‌ سیاسییه‌ی ئێستا، به‌ڵام هه‌ڵبژاردنی پێشوه‌خت مه‌رجی خۆی هه‌یه، پێویستی به‌ زه‌مینه سازییه‌ كه‌ له‌ پاكێجه‌كاندا پێشنیازمان كردوه‌، هه‌روه‌ها پێویستی به‌ حكومه‌تێك هه‌یه‌ كه‌ تواناو ئیراده‌و بڕیاری ئه‌و زه‌مینه‌سازییه‌ی پێ بێت.

سبه‌ی: ئێوه‌ پێتانوایه‌ به‌م حكومه‌ته‌ی ئێستای د. به‌رهه‌م ناكرێ؟
د.شاهۆ سه‌عید: به‌ هیچ حكومه‌تێك ناكرێ له‌ سایه‌ی ئه‌م عه‌قڵییه‌ته‌ فه‌رمانڕه‌واییه‌ی پارتی و یه‌كێتیدا، كێشه‌كه‌ له‌ كێشه‌ی تاكه‌ كه‌سێكدا بچوك ناكرێته‌وه‌‌.

سبه‌ی: ئه‌ی بۆ ئێوه‌ زۆر جار واده‌رده‌كه‌ون كه‌ كێشه‌كه‌تان له‌گه‌ڵ خودی به‌رهه‌م ساڵحدایه‌؟
د.شاهۆ سه‌عید: ئه‌وه‌ راست نیه‌، به‌ڵام له‌به‌ر ئه‌وه‌ی ئه‌و به‌ڕێزه‌ له‌به‌رزترین پله‌ی ده‌سه‌ڵاتی ته‌نفیزیدایه‌ زۆرترین به‌رپرسیارێتی له‌م قۆناغه‌دا ده‌كه‌وێته‌ ئه‌ستۆی ئه‌و، ئینجا خۆ سه‌رۆكی حكومه‌ت به‌ته‌نها نوێنه‌رایه‌تی خۆی ناكا، به‌ڵكو نوێنه‌رایه‌تی عه‌قڵیه‌تیكی سیاسی ده‌كا كه‌ ئێمه‌ هه‌وڵی تێپه‌ڕاندنی ده‌ده‌ین، هه‌روه‌ها پاسه‌وانی له‌ سیستمێكی سیاسی ده‌كا كه‌ ده‌بێ بگۆڕدرێ، واته‌ ئه‌وله‌ویه‌ت بۆ گۆڕینی سیستمی سیاسییه‌ له‌ هه‌رێمی كوردستاندا پاشان پاسه‌وانه‌كه‌ی.

سبه‌ی: واته‌ ئه‌گه‌ر كه‌سێكی تریش سه‌رۆكی حكومه‌ت بێت له‌ سایه‌ی هه‌مان سیستمدا ئێوه‌ هه‌مان هه‌ڵوێستتان ده‌بێت؟
د.شاهۆ سه‌عید: به‌ دڵنییاییه‌وه‌.

سبه‌ی: ئێوه‌ له‌و هه‌ڵوێسته‌دا جیاوازی له‌نێوان یه‌كێتی و پارتیدا ناكه‌ن؟
د.شاهۆ سه‌عید: ئێمه‌ دژی ئه‌و سیستمه‌ سیاسییه‌ن كه‌ یه‌كێتی و پارتی پێكه‌وه‌ دروستیانكردوه‌، به‌ڵام له‌به‌رئه‌وه‌ی ئه‌م دو حیزبه‌ كوردستانیان دابه‌شكردوه‌ به‌سه‌ر دو ناوچه‌ی نفوزی جیاوازدا هه‌ر یه‌كه‌یان حه‌ز ده‌كا ئێمه‌ گۆڕه‌پانی چالاكی و ململانێی خۆمان بگوێزینه‌وه‌ بۆ ناوچه‌كه‌ی تر، به‌ڵام به‌ حوكمی واقع‌ ئێمه‌ له‌ هه‌ر یه‌ك له‌و دو ناوچه‌یه‌دا‌ به‌ر ده‌سه‌ڵاتداری یه‌كه‌می سیستمه‌كه‌ ده‌كه‌وین، له‌ هه‌ولێر به‌ركه‌وتنمان له‌گه‌ڵ پارتیدایه‌ له‌ سلێمانیش له‌گه‌ڵ یه‌كێتیدا، له‌ هه‌ولێر و دهۆك له‌لایه‌ن پارتییه‌وه‌ رێگری بۆ چالاكی سیاسیمان دروستده‌كرێ، له ‌سلێمانی و گه‌رمیانیش له‌لایه‌ن یه‌كێتییه‌وه‌.

سبه‌ی: به‌ڵام هه‌ندێك له‌ پارتیه‌كان وا نیشانی ده‌ده‌ن كه‌ ئێوه‌ كێشه‌تان له‌گه‌ڵ پارتیدا نیه‌و ته‌نها له‌ سنوری سلێمانی كێشه‌تان له‌گه‌ڵ یه‌كێتیدا هه‌یه‌؟
د.شاهۆ سه‌عید: ئه‌‌گه‌ر وابوایه‌ له‌ هه‌ولێر و بادینان باره‌گاكانیان نه‌ده‌سوتانین و هه‌ڵسوڕاوه‌كانمان روبه‌روی سزای سیاسی جۆراوجۆر نه‌ده‌بونه‌وه‌. ئه‌و لۆجیكه‌ پشتئه‌ستوره‌ به‌و عه‌قڵیه‌ته‌ی كوردستانی به‌سه‌ر ناوچه‌ی نفوزی یه‌كێتی و پارتیدا ده‌به‌شكردوه‌، ئه‌وه‌ لۆجیكی ئێمه‌ نیه‌ چونكه‌ ئێمه‌ له‌ ئه‌ساسدا یه‌ك كوردستان ده‌بنین و دابه‌شی ناكه‌ین. ئینجا له‌ڕوی ئه‌خلاقی سیاسیشه‌وه‌ به‌و پێیه‌ی پارتی و یه‌كێتی دو حیزبی هاوپه‌یمانن ئه‌گه‌ر تاوانێك ده‌رهه‌ق به‌ گۆڕان له‌ سلێمانی بكرێ پارتی و سه‌رۆكی هه‌ریمیش لێی به‌رپرسیارن ئه‌گه‌ر له‌ دهۆكیش روبدا یه‌كێتی و سه‌رۆكی حكومه‌ت به‌رپرسیارێتییان ده‌كه‌وێته‌ ئه‌ستۆ، ئه‌م لۆجیكه‌ بۆ خۆدزینه‌وه‌ له‌ به‌رپرسیارێتی ته‌نها لای یه‌كێتی و پارتی هه‌یه‌، بڕواناكه‌م له‌ هه‌مو جیهاندا نمونه‌ی هه‌بێ، دو حیزب له‌ یه‌ك كاتدا هاوپه‌یمانن، به‌ڵام خۆشیان له‌ به‌رپرسیارێتی كرده‌وه‌كانی یه‌كتر ده‌دزنه‌وه‌.

سبه‌ی: یه‌کێک له‌وشتانه‌ی که‌ نه‌یاره‌کانتان پێتان ده‌ڵێن ئه‌وه‌یه‌ که‌ گۆڕانیش هاوشێوه‌ی حیزبه‌ کوردییه‌کانی تره‌ و جیاوازی نییه‌، هاوکات به‌ به‌رپرستان ده‌زانن به‌رامبه‌ر به‌م دۆخه‌ی له‌کوردستاندا هه‌یه‌ و ده‌ڵێن ده‌ستی ئه‌وانیش له‌م جۆره‌ سیستم و حوکمڕانییه‌دا هه‌یه‌، ته‌نانه‌ت ئه‌وه‌ش ده‌ڵێن که‌ که‌سایه‌تییه‌کانی گۆڕانیش شه‌ریکن له‌ گه‌نده‌ڵیدا، سه‌رنجت له‌سه‌ر ئه‌مه‌ چییه‌؟
د.شاهۆ سه‌عید: مێژوی گۆڕان وه‌ك بزوتنه‌وه‌یه‌كی سیاسی له‌ 25/7/2009ه‌وه‌ ده‌ست پێده‌كات. هه‌مو قسه‌كردنێك له‌سه‌ر گۆڕان به‌ر له‌و مێژوه‌ قسه‌كردنه‌ له‌سه‌ر كه‌سه‌كان نه‌ك بزوتنه‌وه‌كه‌، ئه‌وه‌ش مانای خۆدزینه‌وه‌ ده‌گه‌ینێ له‌ ئه‌سڵی مه‌سه‌له‌كه‌. له‌ كاتێكی وادا مرۆڤ ناتوانێ وتوێژێكی لۆجیكی له‌گه‌ڵ به‌رامبه‌ره‌كه‌ی دابمه‌زرێنێ، چونكه‌ ئێمه‌ وه‌ك چۆن رێگه‌ به‌خۆمان ناده‌ین په‌لاماری كه‌سایه‌تی نه‌یاره‌كانمان بده‌ین وه‌ك مرۆڤ حه‌زیش ناكه‌ین وه‌ك په‌رچه‌كردار ستایشی كه‌سه‌كانی خۆمان بكه‌ین. ئێمه‌ نه‌مانوتوه‌ كۆمه‌ڵێك فریشته‌ین له‌گه‌ڵ كۆمه‌ڵێك شه‌یتاندا ململانێ ده‌كه‌ین، ئێمه‌ بزوتنه‌وه‌یه‌كی سیاسین به‌رامبه‌ر دو حیزبی ده‌سه‌ڵاتدار كه‌ هه‌رێمی كوردستانیان، به‌ بودجه‌ی گشتی و هێزی چه‌كدار و سامان و موقه‌ده‌راتیه‌وه‌، پاوانكردوه‌. له‌وه‌ بترازێ ده‌كرێ وه‌ك مرۆڤ كه‌سی باشیان تێدا بێ هه‌ر وه‌ك چۆن ده‌شێ خه‌ڵك هه‌بێت لای ئێمه‌ سكاڵای یاسایی له‌سه‌ر بێت، ئێمه‌ رۆڵی دادوه‌رمان نه‌بینیوه‌ كه‌ به‌ بڕیارێك هه‌مو گۆڕانخوازه‌كان ته‌بریه‌ بكه‌ین و نه‌یاره‌كانمان تاوانبار بكه‌ین، ئێمه‌ ململانێی سیاسییان له‌گه‌ڵ ده‌كه‌ین نه‌ك دادگایی یاسایی، ئه‌وه‌ هه‌ڵده‌گرین بۆ دادگاكان كاتێ به‌ ته‌واوی له‌ ده‌سه‌ڵات و سێبه‌ری ئه‌و دو حیزبه‌ رزگاریان ده‌بێ.

سبه‌ی: به‌ڵام یه‌کێک له‌و سه‌رنجانه‌ی ‌ئێستادا باس ده‌كرێ په‌یوه‌ندی نێوان ئێوه‌ و پارتی دیموکراتی کوردستانه‌، دوای یه‌کتربینینی نه‌وشیروان مسته‌فا و مه‌سعود بارزانی زیاتر به‌ره‌و ئاساییبونه‌وه‌ ده‌ڕوا تا په‌یوه‌ندیتان له‌گه‌ڵ یه‌كێتی؟
د.شاهۆ سه‌عید: ئێمه‌ وه‌ك بزوتنه‌وه‌یه‌كی سیاسیی بڕوامان به‌ دروستكردنی رایه‌ڵه‌ی په‌یوه‌ندی هه‌یه‌ له‌گه‌ڵ لایه‌نه‌ سیاسیه‌كان و له‌گه‌ڵ ده‌زگا فه‌رمیه‌كانی هه‌رێمدا، پێشتریش كاك نه‌وشیروان پێشوازی له‌ سه‌رۆكی حكومه‌ت و وه‌فدی یه‌كێتی كردوه‌، واته‌ دروستكردنی په‌یوه‌ندی و ئاڵوگۆری دیدو بۆچون مه‌بده‌ئێكی ره‌تكراوه‌ نیه‌ لای ئێمه‌وه‌، به‌ڵام ئه‌گه‌ر مه‌به‌ست له‌ په‌یوه‌ندی و وتوێژ بۆ رێكه‌وتنی سیاسی بێت له‌نێوان ئۆپۆزسیۆن و ده‌سه‌ڵاتدا ئه‌و جۆره‌ وتوێژه‌ راگیراوه‌، وه‌فده‌كانی ئۆپۆزسیۆن له‌ كۆبونه‌وه‌ پێنج قۆڵیه‌كان هۆكاری راگرتنی وتوێژه‌كانیان رونكردۆته‌وه‌. واته‌ ئێمه‌ وه‌ك هه‌ر هێزێكی سیاسی مافی دروستكردنی په‌یوه‌ندیمان هه‌یه‌ له‌گه‌ڵ هێزو لایه‌نه‌كانی تر، به‌ڵام ئه‌و مافه‌ به‌ خۆمان ناده‌ین كه‌ له‌بری هه‌مو كۆمه‌ڵگه‌ په‌یوه‌ندی دروست بكه‌ین و له‌ بری هه‌مو كۆمه‌ڵگه‌ بڕیار له‌ چاره‌نوسی ئه‌م هه‌رێمه‌و په‌یوه‌ندیه‌كانی ئه‌م هه‌رێمه‌ له‌گه‌ڵ به‌غدا و ده‌ره‌وه‌ بده‌ین، وه‌ك ئه‌وه‌ی دو حیزبه‌ ده‌سه‌ڵاتداره‌كه‌ی ئێستا ده‌یكه‌ن.

سبه‌ی: ئه‌ی په‌یوه‌ندیتان له‌گه‌ڵ یه‌کێتی نیشتمانی کوردستان چۆنه‌؟
د.شاهۆ سه‌عید: هه‌مان لۆجیك به‌سه‌ر ئه‌و په‌یوه‌ندیه‌شدا جێبه‌جێ ده‌بێ، وه‌ك هێزیكی سیاسی رێزی ده‌گرین، به‌ڵام وه‌ك هێزێك كه‌ خۆی بكاته‌ به‌دیلی ده‌وڵه‌ت له‌م ناوچه‌یه‌دا، بودجه‌ی گشتی و هێزه‌ چه‌كداره‌كان و داموده‌زگاكانی حكومه‌ت پاوان بكاو له‌ دژمان به‌كاربێنی، ئه‌وه‌ قبوڵ ناكرێ. به‌ كورتی ئێمه‌ پارتی و یه‌كێتیمان وه‌ك دو حیزبی سیاسی لا په‌سه‌نده‌، به‌ڵام وه‌ك دو حیزبی شمولی كه‌ كوردستاینان قۆرخكردوه‌و دابه‌شیانكردوه‌ له‌نێوان خۆیاندا په‌سه‌ند نین.

سبه‌ی: دوا پرسیارمان سه‌باره‌ت به‌ خۆڕێكخستنه‌وه‌ی بزوتنه‌وه‌ی گۆڕانه‌ ئێستا ئێوه‌ له‌ چ قۆناغێكی ئه‌و پرۆسه‌یه‌دان‌؟
د.شاهۆ سه‌عید: ئێستا به‌ وردی سه‌رقاڵی خۆڕێكخستنه‌وه‌ین له‌سه‌ر هه‌مو ئاسته‌ جیاوازه‌كان، به‌ هه‌ردو ئاڕاسته‌ی ئاسۆیی و ستونیدا خه‌ریكی دروستكردن و رێكخستنی ئه‌نجومه‌ن و ئۆرگان و ژوره‌ جیاوازه‌كانی بزوتنه‌وه‌ی گۆڕانین، بڕیارمان داوه‌ په‌یوه‌ندیه‌كی پته‌وتر له‌گه‌ڵ لایه‌نه‌ سیاسیه‌كانی تر و له‌گه‌ڵ كه‌رته‌ كۆمه‌ڵایه‌تی و مه‌ده‌نییه‌ جیاوازه‌كانی كۆمه‌ڵگه‌ی كوردی دابمه‌زرێنین ته‌نانه‌ت ئه‌وانه‌ش كه‌ له‌ڕوی ئۆرگانییه‌وه‌ له‌ناو بزوتنه‌وه‌ی گۆڕاندا نین. ئێمه‌ مه‌به‌ستمانه‌ له‌ پرۆسه‌ی دروستكردنی بڕیار و وه‌رگرتنی هه‌ڵوێستدا زۆرترین پرس و ڕا به‌زۆرتین پسپۆڕ و كه‌رتی كۆمه‌ڵایه‌تی و مه‌ده‌نی بكه‌ین، به‌رده‌وامیش چاودێری رای گشتی و فیتباكی كوردستانیانی ناوخۆو ده‌ره‌وه‌ی هه‌رێم ده‌كه‌ین. له‌ كۆتاییدا گۆڕانخوازان و هاوڵاتیانی كوردستان به‌گشتی دڵنیاده‌كه‌ینه‌وه‌ كه‌ به‌هه‌مان ئه‌و نه‌فه‌سه‌ی له‌ 25/7ه‌وه‌ ده‌ستمان پێكردوه‌ به‌ره‌و ستراتیجێكی رۆشن هه‌نگاو ده‌نێین. زۆر سوپاس بۆ سایته‌كه‌ی ئێوه‌ش كه‌ ئه‌م ده‌رفه‌ته‌ی بۆ ره‌خساندین.