07/04/2026
Vorhátíð 💛
Gyðjuathöfn til fögnuðar vori
Jógahornið - Laugardag 11.apríl 2026
Laugardaginn 11.apríl fögnum við Gyðjunni Freyju og komu vorsins með Gyðjuhátíð, í Jógahorninu í Þorlákshöfn.
Við komum saman til fögnuðar vorsins og vorgyðjunnar - en einnig til að fagna systralaginu og töfrum Íslandsdætra.
Vorið læðist að í mildi sinni og fegurð, og færir okkur tækifæri til að skoða hvaða fræ það eru sem við viljum næra og gefa líf inn í sumar og bjartari daga.
Náttúran í vorinu sínir okkur hugrekki sitt og kraft, þegar Móðir Jörð fæðir á ný vorið og fegurðina. Það eru töfrandi tímar framundan og við tökum fagnandi á móti bjartari dögum.
Freyja - Ástargyðjan sem kveikir ástríðuna í maganum og kærleikann í hjartanu. Freyja birtist í náttúrunni á þessum árstíma sem brumið á trjánum, sem mjúkur vordagur þar sem blærin kyssir kinn, og sem fallegt vorblóm sem gleður hjartað. Hún minnir okkur á vonina og trúnna á að jafnvel eftir langan, dimman veturinn kemur ljúft sumarið að lokum.
Freyja kennir okkur að elska, okkur sjálfar og aðra. Hún færir blessun vorsins, og minnir okkur á að tileinka okkur eiginleika náttúrunnar að vori og leyfa okkur að blómstra eftir langan veturinn. Hún blessar líkama okkar með mýktinni og sjálfskærleikanum.
Í þessari Freyjuathöfn tileinkaðri Gyðjunni Freyju útbúum við ástargaldur og kærleiksaltari tileinkað Móður Jörð, við fáum hreinsun og blessun sem veitir okkur styrk í að trúa og treysta enn betur á kærleikann og ljósið sem býr innra með okkur öllum. Við hugleiðum og óskum okkur, og þannig göngum hugrakkari til móts við sumarið.
Allar konur hjartanlega velkomnar.
Hvar: Jógahornið, Unubakka 4, Þorlákshöfn.
Hvenær: Laugardaginn 11.apríl kl 13:00
Hvað kostar: 7.000 kr
Skráning og nánari upplýsingar hjá Unni Arndísar í síma 696-5867 eða á [email protected]
Nánari upplýsingar má finna hér:
