Doula er stuðningsmaður konu fyrir, í og eftir fæðingu og styður þarfir hennar og óskir í tengslum við hana. Doula aðstoðar verðandi fjölskyldu við að undirbúa sig fyrir fæðingu og fylgir þeim í gegnum allt fæðingarferlið á þeirra forsendum. Hlúir að þeim og aðstoðar þau við undirbúning og að fylgja eftir áætlunum sínum og er þeim innan handar í að upplifa sem besta fæðingu, hvort sem um er að ræð
a fæðingu heima, á sjúkrahúsi, keisaraskurð eða fæðingar með eða án lyfja. Doula veitir stuðning, fræðslu og stendur vaktina samfellt. Samstarf doulu og verðandi foreldra er ekki síst byggt á trausti og virðingu sem myndast á meðgöngunni. Doula er andlegur stuðningsaðili, vinnur fyrir verðandi foreldra en er fagmaður. Doula tekur sér aldrei klínískt hlutverk, hún er (yfirleitt) ekki heilbrigðismenntuð eða starfsmaður stofnunnar.
Þjónustan er misjöfn frá doulu til doulu og flestar sérhæfa sig á einhvern hátt og bakgrunnur þeirra og reynsla er ólík.
