Aron Ívar - Osteópati

Aron Ívar - Osteópati Löggiltur osteópati og ÍAK einkaþjálfari

Bókaðu tíma hér: https://noona.is/heilsuvik

ATH! Þetta er ný síða þar sem gamla síðan var hökkuð.

03/09/2026

Stífar mjaðmir? PRÓFAÐU ÞETTA🦵🏻

Það eina sem þú þarft er smá gólf pláss og 2 mínútur🕘

Fylgdu mér eftir og endilega segðu mér hvernig gekk ⬇️💬

Hérna erum við að vinna á móti kyrrsetu og langvarandi stöðum sem geta orsakað óþægindi og stífleika í mjöðmum🪑

Það sem við erum að hreyfa og liðka

🦵🏻Mjaðmaliðurinn
➡️ Til þess að liðurinn fái sem mesta næringu og blóðflæði er mikilvægt að hreyfa hann reglulega ÚT FYRIR kyrrsetuna og aðrar daglegar langvarandi stöður.

🍖 Rassvöðvar (Gluteues medius og maximus)
➡️ Taugakerfið stýrir vöðvum og hreyfigetu, og ef við venjum líkamann á sömu langvarandi stöðurnar þá verður það nýja “normið” fyrir líkamann. Þ.e.a.s við stífnum í vöðvum og hægt og rólega töpum hreyfanleikanum og hreyfifærninni.

Þess vegna er mikilvægt að hreyfa vöðvana okkar úr styttingu í lengingu reglulega.
Ásamt því er líka mikilvægt að virkja og spenna vöðvana til þess að viðhalda og byggja upp styrk💪🏻

Og þetta getur haft jákvæð áhrif á Miðtaugakerfið🧠

💪🏻 Regluleg og stýrð hreyfing styður heilbrigða heilastarfsemi og viðheldur heilanum heilbrigðari þegar við eldumst.

31/08/2026

Veldur bólga verkjum í líkamanum? 🧐

Stutta svarið er já, en bólga er ekki endilega „vondi gæjinn“.

Bólga er í raun mikilvægt verkfæri líkamans. Hún hjálpar ónæmiskerfinu að bregðast við álagi, skaða og sýkingum og styður við viðgerðarferli líkamans.

En það skiptir máli hvers konar bólgu við erum að tala um.

🔹 Bráð bólga

Kemur oft í eftir áverka, sýkingar eða ertingar og varir yfirleitt í nokkrar klukkustundir eða daga.

Tökum ökklatognun sem dæmi.
Ökklinn getur orðið:�→ bólginn�→ aumur�→ heitur�→ rauður

Þetta gerist vegna þess að ónæmis- og taugakerfið vinna saman að því að hefja viðgerðarferli. Blóðflæði eykst og vökvi og ónæmisfrumur komast að svæðinu til að takast á við skemmdan vef.

Sum þessara efna geta einnig ert sársaukanema og veldur því að við upplifum verki.

Verkurinn hefur því ákveðinn tilgang: að hjálpa þér að verja svæðið á meðan líkaminn gerir við sig.

🔹 Langvarandi bólga

Hún þróast hægar og getur varað í vikur, mánuði eða jafnvel ár.
Hún getur tengst ýmsum þáttum, til dæmis langvarandi sýkingu, sjálfsofnæmi, langvarandi streitu eða öðru álagi.
Lágstigsbólga er oft ekki sýnileg eins og bráð bólga.

Hún getur verið kerfisbundin og haft áhrif víðar um líkamann.

Lágstigsbólga hefur meðal annars verið tengd við aðstæður eins og:

• Of mikla eða of litla hreyfingu�• Óhóflega óhollt mataræði�• Lítinn svefn�• Reykingar�• Félagslega einangrun�• Og fleira

Við langvarandi bólgu getur taugakerfið einnig orðið næmara þar sem það er stöðugt áreiti á sársaukanema.

Þá getur minna álag en áður valdið meiri verkjum.

En mikilvægt er að muna að:�Bólga er aðeins einn hluti af mjög flóknu samspili ónæmiskerfis og taugakerfis sem getur haft áhrif á verkjanæmi.

👉 Svo, veldur bólga verkjum?

Já.
En bólga er ekki í sjálfu sér slæm. Bráð bólga er mikilvægur hluti af viðgerðarferli líkamans.

Það er helst þegar bólguviðbragð verður langvarandi sem það getur farið að hafa neikvæð áhrif á líkamann og meðal annars haft áhrif á taugakerfið og verkjanæmi.

29/07/2026

Vefjagigt - Nocíplastískur verkur🚨

Í dag ætlum við að fjalla um verkjaferlið sem talið er liggja að baki vefjagigt og öðrum svipuðum verkjaástandum.
Margir velta því fyrir sér af hverju röntgenmyndir eða segulómun sýna oft ekkert, þrátt fyrir mikla verki.
Ástæðan er sú að vefjagigt tengist yfirleitt ekki sýnilegri vefjaskemmd, heldur breytingum á því hvernig taugakerfið vinnur úr sársaukaboðum. 🧠

Einkenni vefjagigtar geta verið:
🔹 Dreifðir verkir um líkamann.
🔹 Ofurnæmi fyrir snertingu.
🔹 Aukin viðkvæmni fyrir ljósi, hljóði og lykt.
🔹 Næmi fyrir hitabreytingum, t.d. köldu lofti.
🔹 Mikil þreyta.
🔹 Einbeitingarerfiðleikar („heilaþoka“).
🔹 Svefntruflanir.

Hvað er nocíplastískur verkur?
Við höfum áður fjallað um:
✅ Vefjaverki – þegar verkurinn stafar af áreiti eða skemmd í vefjum.
✅ Taugaverki – þegar orsökin er skaði eða sjúkdómur í taugakerfinu.
👉 Nocíplastískur verkur er þriðji verkjaflokkurinn.
Þar er hvorki skýr vefjaskemmd né taugaskaði sem útskýrir verkina. Þrátt fyrir það eru verkirnir algjörlega raunverulegir.
Hvernig gerist þetta?

Stundum byrjar þetta með:
➡️ Bakverk.
➡️ Höfuðverk.
➡️ Áverka eða skurðaðgerð.

Ef verkir vara í marga mánuði geta endurtekin sársaukaboð gert taugakerfið næmara.
Þá þarf sífellt minna áreiti til að framkalla verki. Þetta kallast miðlæg næming (central sensitization).

Ýmsir þættir geta haft áhrif á þetta ferli, meðal annars:
🧬 Erfðir.
😴 Svefntruflanir.
😟 Langvarandi streita.
💭 Kvíði eða þunglyndi.

Þetta verkjaferli getur einnig átt þátt í:
🔹 Vefjagigt.
🔹 Iðraólgu (IBS).
🔹 Complex regional pain syndrome (CRPS).
🔹 Sumum langvinnum höfuð-, háls- og bakverkjum.

⚠️ Mikilvægt að muna: Nocíplastískur verkur er raunverulegur verkur. Hann er hvorki ímyndaður né „bara sálrænn“. Breytingarnar eiga sér stað í starfsemi taugakerfisins og sjást því ekki endilega á rannsóknum eins og röntgen eða segulómun.

💬 Þekkir þú einhvern sem hefur glímt við langvinna verki þrátt fyrir að allar rannsóknir sýni ekkert?

18/07/2026

Taugaverkir⚡️

Hljómar þetta eins og verkurinn þinn vol 2

Verkjum má gróflega skipta í þrjá flokka:
🔹 Vefjaverkur
🔹 Taugaverkur
🔹 Nocíplastískur verkur

Í síðasta pósti fjölluðum við um vefjaverki. Í dag ætlum við að skoða taugaverki ⚡️

Hvað er taugaverkur?
Taugaverkur verður þegar taugakerfið sjálft verður fyrir skaða eða ertingu.
Í þessum pósti ætlum við að einblína á úttaugakerfið – taugar sem liggja frá hryggnum út í útlimi.

Einkenni taugaverkja geta verið:

⚡️ Brennandi, stingandi eða rafmagnskenndur verkur sem leiðir niður handlegg eða fót.
🖐️ Doði eða skynbreytingar, t.d. minnkuð tilfinning eða aukið næmi fyrir snertingu.
💪 Kraftleysi í vöðvum, til dæmis erfitt að lyfta fætinum eða halda vel um hluti.

Það eru ekki allir sem upplifa öll þessi einkenni. Sumir finna aðeins fyrir einu eða tveimur.

Tvær algengar ástæður:

1. Taugaklemma
Þegar eitthvað þrýstir á taug, til dæmis brjósklos, bólga eða slitbreytingar.
Algeng einkenni:
• Doði
• Kraftleysi
• Stundum verkur

2. Taugaerting
Þegar bólga eða önnur efnafræðileg erting gerir taugina of viðkvæma.
Algeng einkenni:
• Brennandi eða rafmagnskenndur verkur sem leiðir út í útlim.

👉 Taugaverkir geta þó verið mjög mismunandi frá einum einstaklingi til annars. Þess vegna er mikilvægt að greina hvað veldur einkennunum áður en meðferð er valin.
Rétt greining er fyrsta skrefið að réttri meðferð. 🙌

Hefur þú fundið fyrir einhverjum af þessum einkennum?

26/06/2026

Er þetta verkurinn þinn?💥

Verkjum má gróflega skipta í þrjá flokka:
1. Vefjaverk
2. Taugaverk
3. Nocíplastískan verk

Í dag ætlum við að tala um vefjaverk eða nociceptive pain.
Vefjaverkur kemur frá vefjum eins og vöðvum, liðum, sinum, liðböndum og beinum.

Hann getur orsakast af:

👉 Áverka eða álagi – til dæmis höggi, togi eða endurteknum hreyfingum.
👉 Miklum hitabreytingum – eins og að brenna sig eða kólna verulega.
👉 Bólgu – sem getur ert sársaukanema í vefnum.

Stundum kemur verkurinn eftir skýran áverka eða endurtekið álag, en stundum er það bólgan sjálf sem veldur verknum.

Hvernig þekkir þú vefjaskaðaverk?
✓ Þú getur oft tengt verkinn við áverka eða álag.
✓ Ákveðnar hreyfingar eða snerting hafa áhrif á verkinn.
✓ Merki um bólgu geta verið til staðar, eins og hiti, roði eða bólga.
✓ Verkurinn getur minnkað við bólgueyðandi lyf.

Yfirleitt eru batahorfur fyrir svona verki góðar þar sem það gæti tekið nokkra daga til vikur að vefurinn grær en sum svona vandamál geta tekið vikur til mánuði að lagast.

Það sem osteópati getur gert til að hjálpa til við að flýta bataferlinu er:

1. Hjálpa til með verkjastjórnun: meðhöndla stoðkerfið með liðlosun, meðferð á mjúkvefjum, teygjur og aðrar aðferðir.
2. Fræða og hjálpa til með viðeigandi hreyfingu: útskýra eðli verkjarins og bataferli ásamt því að gefa heimaæfingar sem styður við bataferlið.
3. Greining og leiðrétting á álagsþáttum: meta vinnustellingar, íþróttaiðkun og daglegar athafnir.

Í næsta myndbandi skoðum við taugaverki ⚡️

19/06/2026

Afhverju fáum við verki?

Hér er skilgreining á verk samkvæmt alþjóðasamtökum um rannsóknir á verkjum:

“An unpleasant sensory and emotional experience associated with, or resembling that associated with, actual or potential tissue damage"

Hvað þýðir þetta á mannamáli:

Verkur er bæði skynjun og tilfinning. Verkur er óþægileg upplifun sem líkaminn notar til að vernda okkur gegn raunverulegri eða mögulegri hættu.

þessi hætta getur verið

Sjúkdómur
Skaði eða meiðsli
Uppsafnað álag eða streita

Við vitum að þetta getur orsakað verki

Eins og ég talaði um í fyrsta myndbandi um verki, þá geta 2 manneskjur verið með sama verk eða ástand, en fundið mismikið til.

Þetta gerist vegna þess að þegar við fáum verki þá er heilinn stöðugt að vinna úr bæði upplýsingum frá umhverfinu, líkamanum og fyrri reynslu.

Til að safna upplýsingum úr umhverfinu okkar notar heilinn skilningarvitin eða útskynjun til að meta aðstæður:
-Sjón
-Heyrn
-Snertiskyn
-lyktar og bragð skyn
Os.frv.

Hvernig getur útskynjun haft áhrif á verk?

Þú ert útí garði að vökva blómin þegar þú finnur fyrir stungu á handleggnum. Þú kippir þér ekki mikið upp við það fyrr en þú lýtur niður og sérð geitung á handleggnum á þér.

Fyrst er sársaukinn vægur en sjónskynið bætir við nýjum upplýsingum og metur aðstæður hættulegri.

Þó svo að stungan hafi ekki breyst þá getur heilinn aukið sársaukaupplifunina með það að markmiði að vernda þig.

Til að meta upplýsingar frá líkamanum notar heilinn innskyn til að meta aðstæður:
-Hjartsláttur
-Andardráttur
-Vöðvaspenna
-Hungur
-Orkuleysi
Os.frv.

Þegar þú sérð geitunginn getur innskynið greint aukinn hjartslátt og spennu í líkamanum. Heilinn samþættir þessar upplýsingar við sjónina og sársaukaboðin og getur túlkað stöðuna sem meiri ógn.

Sem veldur en meiri sársauka.

Heilinn tekur saman upplýsingar úr útskynjun og innri skynjun ásamt fyrri upplifun og notar þær meðal annars til að móta verkjaupplifunina og vernda þig.

Þess vegna upplifir enginn verkinn sinn eins.

10/06/2026

Vissir þú þetta um verki?💥

Tvær manneskjur geta verið með nákvæmlega sömu meiðslin en upplifað mismikinn verk.

Í líkamanum eru verkjanemar (nociceptorar) sem nema mögulega hættulegt eða skaðlegt áreiti.
Þeir senda upplýsingar eftir taugum til mænunnar og þaðan upp í heilann þar sem upplýsingarnar eru túlkaðar 🧠

Heilinn metur síðan aðstæðurnar og ákveður hversu mikil vernd er talin nauðsynleg.
Það getur til dæmis leitt til þess að við kippum hendinni ósjálfrátt frá logandi kerti eða finnum fyrir verk.

Þessi viðbrögð eru ekki alltaf eins hjá öllum.
Þættir eins og fyrri reynsla, streita, svefn, væntingar og líðan geta haft áhrif á hvernig heilinn túlkar upplýsingarnar og þar með hversu mikinn verk við upplifum.

Þess vegna eru verkir ekki alltaf nákvæm mæling á því hversu mikill skaði er til staðar.
Heilinn tekur mið af mörgum þáttum þegar hann ákveður hversu mikla vernd líkaminn þarfnast.

Þessa kenningu er hægt að yfirfæra á stoðkerfisvandamál eins og:
-Bakverki
-Höfuðverki
-Taugaverki
-Íþrótta meiðsli
Os.frv.

Hóptími fyrir stirða karlmenn sem vilja auka liðleika og hreyfigetu👇🏻Þessi tími á við þig ef þú ert:☑️ 1. Karlmaður 25-5...
28/04/2026

Hóptími fyrir stirða karlmenn sem vilja auka liðleika og hreyfigetu👇🏻

Þessi tími á við þig ef þú ert:
☑️ 1. Karlmaður 25-55 ára
☑️ 2. Stífur í mjöðmum, baki og öxlum
☑️ 3. Vilt líða betur í skrokknum
☑️ 4. Öðlast meira frelsi í líkama
☑️ 5. Minnka spennu og verki

Viltu vita meira? Sendu mér skilaboð “ég vil vita meira”:
💬Messenger á facebook/insta
📧 [email protected]
📱 780-7310

20/04/2026

Þú getur bókað þér tíma inná heilsuvik.is💆‍♂️

Getur streita valdið verkjum í líkamanum? 👓
01/11/2025

Getur streita valdið verkjum í líkamanum? 👓

Address

Reykjanesvegur 40
Njarðvík
260

Telephone

+3547807310

Website

Alerts

Be the first to know and let us send you an email when Aron Ívar - Osteópati posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Aron Ívar - Osteópati:

Shortcuts

Share

Category