Sjúkratryggingar

02/06/2026

Nýr langtímasamningur við Ljósið undirritaður

Heilbrigðisráðherra, forstjóri Sjúkratrygginga og forsvarsfólk Ljóssins skrifuðu í dag undir nýjan langtímasamning til fjögurra ára um endurhæfingarþjónustu fyrir einstaklinga sem greinst hafa með krabbamein.

,,Það er mikið fagnaðarefni að langtímasamningur hafi náðst við Ljósið. Með samningnum er tryggð mikilvægt öryggi og fyrirsjáanleiki fyrir starfsemi sem hefur skipt þúsundir einstaklinga og fjölskyldur þeirra miklu máli á erfiðum tímum. Samningurinn styður jafnframt við áframhaldandi þróun þjónustunnar og aukið aðgengi um land allt.“ segir Sigurður H. Helgason, forstjóri Sjúkratrygginga.

Alma Möller heilbrigðisráðherra, forstjóri Sjúkratrygginga og forsvarsfólk Ljóssins hafa nú skrifað undir nýjan langtímasamning til fjögurra ára um endurhæfingarþjónustu fyrir einstaklinga sem greinst hafa með krabbamein.

02/06/2026

Greiðslukerfi framtíðar og fjármögnun heilbrigðisþjónustu

Sjúkratryggingar standa þessa dagana fyrir ráðstefnu og vinnustofu um þróun greiðslukerfa og fjármögnun heilbrigðisþjónustu. Sérstök áhersla er lögð á DRG-greiðslukerfið og hvernig þróa megi fjármögnun heilbrigðiskerfisins til framtíðar.

Fjórir alþjóðlegir sérfræðingar flytja erindi og þátttakendur koma víða að, meðal annars frá heilbrigðisráðuneytinu, Landspítala, heilbrigðisstofnunum um land allt, Samtökum fyrirtækja í velferðarþjónustu og Sjúkratryggingum.

Ráðstefnan er liður í því að efla þekkingu á fjármögnun heilbrigðisþjónustu og stuðla að greiðslukerfum sem styðja við gæði, árangur og skilvirka nýtingu fjármuna í íslenska heilbrigðiskerfinu.

22/05/2026

Heilindadagur Sjúkratrygginga

Þær Katrín Loftsdóttir, áhættustjóri, og Halla Halldórsdóttir, öryggis- og gæðastjóri mættu í síðdegisútvarp Rásar 2.

Þar ræddu þær um starfsemi Sjúkratrygginga þar sem unnið er með kerfisbundna nálgun í tengslum við áhættustýringu, gæðamál, eftirlit og upplýsingaöryggi. Innleitt hefur verið verklag um heilindi og upplýsingaöryggi, hagsmunaárekstrastefna og rafrænt atvikaskráningarkerfi.

Útvarp

07/05/2026

Sjúkratryggingar óska eftir samstarfi við áhugasama sérfræðilækna sem vilja taka að sér ráðgjafastörf í verktöku við fagteymi stofnunarinnar vegna umsókna um bótagreiðslur tengt atvikum í heilbrigðisþjónustu (sjúklingatrygging).

07/05/2026

Sjúkratryggingar kynna væntanlegar breytingar á umsóknarferlinu í gegnum Gagnagátt

07/05/2026

Takk fyrir okkur!

Sjúkratryggingar fengu verðlaun fyrir frumkvæði í fjarheilbrigðisþjónustu með Húðvaktinni.

Nýsköpunarverðlaun hins opinbera eru okkur mikil hvatning til frekar framþróunar og nýsköpunar.

Mikil áhersla á nýsköpun, samstarf og umbætur í ríkisrekstri á fjölmennum viðburði Fjársýslunnar

30/04/2026

Ertu að fara í ferðalag?

Nokkur atriði sem mikilvægt er að hafa í huga þegar ferðast er erlendis.

Evrópska sjúkratryggingakortið veitir rétt til nauðsynlegrar heilbrigðisþjónustu á ferðalögum innan EES, Bretlands og Sviss.

Nánari upplýsingar finnur þú á heimasíðu Sjúkratrygginga.

Nokkrir hlutir til að hafa í huga þegar ferðast er erlendis

01/04/2026

Nýtt skipurit Sjúkratrygginga tekur gildi í dag!

Nýir framkvæmdastjórar eru Áslaug Hulda Jónsdóttir og Elmar Hallgríms Hallgrímsson. Áslaug Hulda mun leiða Þróun og Elmar er framkvæmdastjóri Samninga.

Framkvæmdastjórastöður Fjármála og eftirlits og Þjónustu hafa verið auglýstar. Sótt er um á Starfatorgi, umsóknarfrestur er til og með 15. apríl.

Á myndinni eru Áslaug Hulda og Elmar ásamt Sigurði, forstjóra Sjúkratrygginga.

31/03/2026

,,Þessi samningur er mikilvægt skref í að bæta flæði innan heilbrigðiskerfisins. Með þessum 100 nýju hjúkrunarrýmum verður hægt að taka á móti einstaklingum sem lokið hafa meðferð á Landspítalanum og þurfa áframhaldandi umönnun, sem mun létta verulega á álagi spítalans. Um leið er mikilvægt að samningurinn er sveigjanlegur og gerir okkur kleift að bregðast hratt við aukinni þörf ef og þegar hún skapast,“ segir Sigurður Helgi Helgason, forstjóri Sjúkratrygginga.

Samningur sem léttir á Landspítala

26/03/2026

Úti er veður vont….

Þjónustumiðstöð Sjúkratrygginga verður lokuð í dag vegna veðurs. Það er appelsínugul viðvörun og mælst er til þess að fólk verði sem minnst á ferðinni.

Hægt er að senda okkur erindi í gegnum:
https://island.is/adstod/sjukratryggingar/hafa-samband

Við verðum á vaktinni í netspjallinu og tökum á móti símtölum!

Förum varlega!