Lára ∞ Móar

Lára ∞ Móar Lára 🌱 Móar bjóða upp á rými vitundar í gegnum iðkun & sköpun.

Ég fékk skilaboð um daginn frá einni sem er nýflutt inn í Móa Heima.Hún sagði mér að verkefnin væru strax farin að ýta v...
08/09/2026

Ég fékk skilaboð um daginn frá einni sem er nýflutt inn í Móa Heima.

Hún sagði mér að verkefnin væru strax farin að ýta við henni — hjálpa henni að staldra við og njóta lífsins, jafnvel þegar dagarnir eru fullir af allskonar.

Og að uppáhaldið hennar hingað til væri Fegurðarsafnið, sem hún hefði iðkað í göngutúrum með syni sínum.

Þetta gladdi mig svo mikið.

Því Móar Heima voru aldrei hugsaðir sem enn eitt verkefnið sem þarf að finna tíma fyrir.

Þú þarft ekki að mæta á ákveðnum tíma.
Ekki klára ákveðið prógramm.

Þú getur hlustað á möntru í bílnum.
Safnað í fegurðarsafnið í göngutúr.
Hlustað á nidru þegar þú ert komin upp í rúm.
Sest með kakóbolla á hægum sunnudagsmorgni.
Tekið tíu mínútna hugleiðslu þegar það er það eina sem kemst fyrir í deginum.

Móar Heima eru ekki bara iðkun á netinu heldur iðkun sem fær að rata inn í lífið.

Ef þig langar að skoða þig um í Móum Heima geturðu kíkt inn hér.
www.heima.moarstudio.is

Áskriftin er 8.900 kr. á mánuði og þú getur sagt henni upp hvenær sem er.

❤️
Lára

Móar Heima spretta úr lífsins lærdómi.Úr ferðalaginu mínu með Andagift og síðan Móa Studio. Úr námi mínu í hinu og þessu...
04/09/2026

Móar Heima spretta úr lífsins lærdómi.

Úr ferðalaginu mínu með Andagift og síðan Móa Studio. Úr námi mínu í hinu og þessu, en þó kannski helst NA-Shamanisma með Robbie Warren, sem breytti algjörlega heimsmynd minni og því hvernig ég sé lífið. Þar komst ég í snertingu við fíngerða þræði hins dulda og lærði að hlusta á náttúruna á annan hátt.

Svo er það tónlistin, sem hefur fylgt mér nánast alla ævi. Jógað, öndunin, möntrurnar og hvíldin.

Og kakóið — ein af stærstu gjöfum náttúrunnar. Fyrir mér er kakóplantan brú til hjartans. Hún hjálpar mér að koma nær.

En auðvitað hefur það sem hefur verið erfitt kennt mér hvað mest.

Kulnun ∗ líkamsskömm ∗ kvíði ∗ samviskubit ∗ meðvirkni

Mig langar ekki þangað aftur!

Og það er einmitt þess vegna sem ég iðka.

Ekki til að verða betri útgáfa af sjálfri mér.

Heldur til að halda tengslunum við mig, líkamann, andann, náttúruna og lífið.

Úr öllu þessu spretta Móar Heima. 🌾
Velkomin inn & heim.
www.moarstudio.is

Ég hef skrifað áður um líkamsskömm og held því áfram. Til að skilja hana betur. Kannski hjálpar það einhverjum.Ég er fél...
03/09/2026

Ég hef skrifað áður um líkamsskömm og held því áfram. Til að skilja hana betur. Kannski hjálpar það einhverjum.

Ég er félagslegur fixari. Ef eitthvað virkar ekki, reyni ég að laga það. Ef eitthvað er óþægilegt, reyni ég að breyta því. Stjórnsöm? Kannski.

En nú er ég stödd í umbreytingu sem virðist ekki hafa nokkurn áhuga á því hvort ég sé tilbúin í hana eða ekki.

Ég er ekki lengur sú sem ég var og ekki orðin sú sem ég er að verða. Ég er í rýminu á milli rýma.

Samkvæmt lækningahjólinu er ég á leiðinni frá móðurinni yfir í visku-konuna.

Einhvers staðar eins og fljótandi atóm í stórum kosmískum óendanleika, þar sem gamla formið heldur mér ekki lengur en hið nýja hefur ekki enn tekið sér mynd.

Og mér finnst það mjög óþægilegt. Ég vil vita hver ég er. Hvað ég er að verða. Þekkja formin, reglurnar, leiðirnar.

Ég vil ekki auma liði, stærri maga eða læri sem nuddast saman. Fyrsta viðbragðið er því auðvitað að laga þetta: borða minna, hreyfa mig meira, aga mig meira.

Með vopnin á lofti. Skömmina sem samskiptaform við spegilmyndina. Þessi óþolandi lærða hugsun og hegðun í sjúkri útlitsdýrkandi menningu, til þess fallin að taka konuna frá þeim óbilandi krafti sem hún býr yfir.

En aðferðirnar sem virkuðu áður virka ekki lengur. Krúttlegi mallinn er kominn til að vera.

Joseph Rael segir:

“One of the primary struggles in human consciousness is the resistance to change.”

Það er nefnilega það. Við erum að reyna að streitast á móti náttúrulögmáli. Við erum að reyna að semja við tímann. Og þegar hann vill ekki semja, reynum við að stjórna, frysta, lama, skera.

Ég er að eldast. Ég er að breytast. Ég er að þroskast.
Tíminn einn stjórnar því.

Ég get ekki þvingað fram viskukonuna. Tíminn einn stjórnar því.

En mikið hlakka ég til að líkamna hana: að elska stærð mína, ganga allsber í fjörunni, sitja við eldinn, leika við barnabörnin og næra líkamann af virðingu.

Fram að því undirbý ég mig og æfi mig í að sleppa tökunum.

Let’s fu***ng let go of trying to control the letting go!

X
Lára Rúnarsdottir

01/09/2026

Dyrnar eru opnar. 🌾

Í dag verða Móar Heima loksins að heimili sem fleiri en ég geta gengið inn í.

Iðkun · tónlist · náttúra · sköpun · bænir · skrif · árstíðir · hvíld.

September á Móum ber yfirskriftina Að koma heim.

Hlakka til að taka á móti ykkur ♥️

25/08/2026

Móar Heima opna 1. september ♥️

Heimili á netinu fyrir iðkun, sköpun, náttúru, sjálfsskoðun og samveru.

Staður sem þú getur komið inn og spurt:

Hvað þarf ég í dag?

Meira á næstu dögum.

Vinir - þetta er EKKI ég. Ef einhver er að senda þér vinabeiðni undir þessu nafni. 😳
19/08/2026

Vinir - þetta er EKKI ég. Ef einhver er að senda þér vinabeiðni undir þessu nafni.

😳

Þegar ég var að skapa Móa árið 2021 var mikil ólga í samfélaginu okkar.Kompás birti viðtöl við fólk sem talaði um óheilb...
17/08/2026

Þegar ég var að skapa Móa árið 2021 var mikil ólga í samfélaginu okkar.

Kompás birti viðtöl við fólk sem talaði um óheilbrigð andleg rými á Íslandi og misnotkun á kakóplöntunni. Á sama tíma var mikil bylgja í hugvíkkandi meðferðum og alls konar fólk farið að halda rými með ólíkum aðferðum og ólíkri útkomu.

Þá hafði ég sjálf haldið rými með kakóinu í nokkur ár.

Þetta varð mikilvægt tækifæri fyrir mig til að spegla mína eigin vinnu.

Hvernig var ég að vinna með kakóið?
Hvernig var ég að halda rými?
Hvað var í raun í þjónustu við fólk og jörðina — og hvað ekki?

Allt í uppbyggingu Móa var þess vegna gert með skýrum ásetningi um að skapa eins öruggt rými og mögulegt væri fyrir ólíkt fólk að stíga inn í.

Það er auðvitað aldrei hægt að fullyrða að rými sé öruggt fyrir alla. Við komum inn með ólíka sögu, reynslu og áföll.

En það var hægt að skapa ákveðinn grunn.

Að hlustað væri á fólk.
Að mörk væru virt.
Að það sem færi fram væri alltaf boð — aldrei krafa.
Að hver manneskja mætti finna sína leið.

Og þetta markaði gildi Móa.

Nú hafa tímarnir breyst örlítið.

Ég finn meiri léttleika. Fleiri virðast sækja í helgistundir og kakó er orðið hluti af lífi miklu fleiri en það var fyrir nokkrum árum.

Og ég finn sterka þörf fólks fyrir helgihald. Rými þar sem við megum staldra við og finna tengingu við eitthvað stærra en okkur sjálf — hvert á sinn hátt.

Við höfum lengi verið upptekin af einstaklingsframtakinu. Að standa okkur. Vinna í okkur sjálfum. Treysta á okkur sjálf.

En lífið heldur áfram að minna mig á að við gerum þetta ekki ein.

Við gerum þetta í samfélagi manna.

Saman.

Með stuðningi hvert frá öðru, náttúrunni og því sem hvert okkar upplifir sem heilagt.

Móar Heima spretta úr þessum rótum.

Ekki úr einni aðferð eða hefð, heldur úr ólíkum leiðum inn í tengsl við líkamann, náttúruna, hjartað, röddina, hvert annað og hið helga.

Og þegar Móar taka nú á sig nýja mynd finn ég sterkt að samveran þarf að lifa áfram með.

Að við eigum enn rými þar sem við mætumst, sjáum hvert annað og deilum stund saman.

Bæði í lifandi samveru yfir árið og í raunheimum þegar árstíðirnar mætast.

Hlakka mikið til,
Lára

14/08/2026

Eruði til í að syngja þessa með mér á fimmtudaginn? 🌱🌱🌱🌱

Móarnir hafa verið hljóðlátir um stund.Ég veit að við erum mörg sem söknum þess að hvíla saman í iðkun, söng og samveru....
13/08/2026

Móarnir hafa verið hljóðlátir um stund.

Ég veit að við erum mörg sem söknum þess að hvíla saman í iðkun, söng og samveru.

Móar munu lifa áfram. Þó ekki undir einu þaki eins og áður. Ekki í bráð a.m.k.

Undir yfirborðinu hefur eitthvað nýtt verið að vaxa og nú fá Móar að taka á sig nýja mynd.

Móar Heima.

Rými sem kemur ekki í staðinn fyrir þann einstaka stað sem Móar voru, heldur sem ný leið til iðkunar og tengsla. Sprottið úr sömu rótum og byggt á sömu gildum.

Rými þar sem við getum stillt okkur inn, hvar og hvenær sem er.

Ég hlakka mikið til að opna dyrnar og deila þessu nýja rými með ykkur. ♥️

X
Lára

Myndir: Rakel Orradóttir 🙏

10/08/2026

Velkomin á möntrukvöld í Lífspekifélaginu þann 20. ágúst kl. 20:00.

Eftir útgáfu plötunnar MÖNTRUR langar mig að bjóða okkur að koma saman á ný. Að fagna tónlistinni, ferðalaginu sem við höfum gengið saman og þeirri samveru sem hefur yljað okkur í gegnum árin.

Það skiptir engu máli hvort þú hefur komið áður eða ert að stíga inn í þetta rými í fyrsta sinn. Þú ert hjartanlega velkomin, velkominn eða velkomið.

Í þetta sinn verður hljómsveitin í nýjum búningi þar sem hlýir strengjatónar fá að leiða kvöldið áfram.

Hljómsveit kvöldsins:

Lára Rúnars – harmonium og gítar
Arnar Gíslason – slagverk
Þórdís Gerður Jónsdóttir – selló
Chrissie Telma Guðmundsdóttir – fiðla

Við hefjum kvöldið á bolla af seremóníal kakói frá Perú og leyfum okkur síðan að sökkva inn í möntrur, tónlist og sameiginlega nærveru.

Miðverð: 6.900.-
Skráning fer fram í gegnum [email protected].

Við hlökkum innilega til að vera með ykkur aftur.

Lára & co 🤍

Address

Bolholt 4, 2. Hæð
Reykjavík
105

Telephone

+3546609436

Website

Alerts

Be the first to know and let us send you an email when Lára ∞ Móar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category