27/08/2026
Námskeið hefjast 7. og 9. september💙
Umsögn þátttakanda:
Það var árið 2020 sem ég fór í uppskurð vegna brjóskloss sem ég hafði verið að glíma við allt frá árinu 1992 eftir slys á sjó. Ég starfaði áður í mjög streituvaldandi umhverfi og hef átt í miklum svefnvanda, sem varð til þess að ég hef tekið svefnlyf frá árinu 2016. Þrátt fyrir að vera duglegur að hreyfa mig og kominn með gott úthald hef ég fundið fyrir miklum þreytuverkjum í lærum og kálfum, sérstaklega þegar ég stunda fjallgöngur. Ég er nýlega orðinn meðvitaður um að þessi einkenni tengjast miklum stirðleika sem hefur verið að fara illa með mig.
Ég prófaði námskeið hjá Birtu Heilsu sem samanstendur af klukkustundar teygjum og bandvefslosun, og að því loknu 30 mínútna yoga nidra. Á námskeiðinu fann ég fljótt mikinn mun á liðleika og hreyfigetu. Ég hef lært að teygja vöðva sem ég vissi ekki einu sinni að væru til staðar, og líkaminn er orðinn mun mýkri og í betra jafnvægi. Verkirnir í lærum og kálfum hafa minnkað verulega og ég finn að líkaminn vinnur nú meira með mér en á móti.
Svefninn er enn í vinnslu og ég er að prófa mig áfram með það markmið að losna við svefnlyf, en ég finn greinilega að yoga nidra hjálpar mér að finna dýpri ró og slökun, bæði líkamlega og andlega. Þetta námskeið hefur verið afar dýrmæt viðbót við mína heilsurækt og ég mæli heilshugar með Birtu Heilsu fyrir alla sem vilja bæta líðan, liðleika og innri ró.
Bjarki
