VERKVIST

12/10/2026

Helga María Adólfsdóttir VERKVIST í hlaðvarpi Iðan fræðslusetur sem meðal annars fjallar um endurnýtingu, viðhald og vistvænar byggingar.
Hvernig tökum við betri ákvarðanir þegar kemur að efnisvali og kolefnisspori bygginga?

11/10/2026

💧🌿 Blágrænar lausnir á VISTAR-fundi hjá VERKVIST!

Á föstudaginn fengum við góðan gest til okkar á VISTAR-fund. Björn Jóhannsson, landslagsarkitekt hjá Urban Beat, fræddi okkur um blágrænar ofanvatnslausnir og hvernig náttúran getur hjálpað okkur að takast á við ofanvatn á sjálfbæran hátt.

Hjá VERKVIST finnst okkur mikilvægt að horfa á byggingar og umhverfi þeirra sem eina heild. Það er alltaf gaman að fá ný sjónarhorn og læra af fólki úr öðrum faggreinum. 🌱

Takk kærlega fyrir áhugaverða og fróðlega heimsókn, Björn! 💚

03/10/2026

02/10/2026

Gerum við meiri kröfur til starfsfólksins en vinnustaðarins?

Við tölum mikið um vellíðan, afköst og góðan starfsanda – en stundum gleymist sjálft umhverfið sem fólk vinnur í alla daga.

Ljós, loftgæði, hljóðvist og hitastig skipta máli. Góð innivist styður við heilsu, líðan og einbeitingu – og er því ekki bara tæknilegt úrlausnarefni heldur líka mannauðsmál.

Um þetta skrifum við Ásta, Árna og Sylgja í blaðið Mannauður í Morgunblaðinu 1.október.

Góð innivist er ekki lúxus – hún er fjárfesting í fólki. 🌿

01/10/2026

Reykjalundur endurhæfir. Nú þarf Reykjalundur á endurhæfingu að halda. Styrktu uppbyggingu húsakosts Reykjalundar.

01/10/2026

VERKVIST hefur ákveðið að taka þátt í verkefninu ,,Endurhæfum Reykjalund" með 250 þúsund króna framlagi.

Okkur er það mikilvægt að byggingar séu heilsusamlegar og hugað sé að innivist og vellíðan þeirra sem í þeim dvelja.

Þess vegna segjum við ,,Byggingar fyrir fólk”.

Gamlar byggingar sem þarfnast viðhalds eins og á Reykjalundi geta sannarlega gengið í endurnýjun lífdaga ef rétt er staðið að endurbótum og viðhaldi þeirra. Af því höfum við reynslu hjá VERKVIST og segjum:

Endurhæfum Reykjalund svo hann nái aftur fyrri reisn sem ein mikilvægasta og besta endurhæfingarstofnun landsins.

Við hvetjum önnur þekkingarfyrirtæki í byggingariðnaði með ástríðu fyrir vönduðum byggingum til að styðja einnig við þetta mikilvæga verkefni. Hollvinasamtök Reykjalundar
https://www.facebook.com/Hollvinasamtokreykjalundar.is

Reykjalundur endurhæfingarmiðstöð SÍBS, 270 Mosfellsbær, sími 585-2000

30/09/2026

https://www.facebook.com/reel/1707656851361671

29/09/2026

Dr. Ásta Logadóttir hefur gengið til liðs við VERKVIST sem fagstjóri ljósvistar. Með komu hennar styrkist ráðgjöf fyrirtækisins á sviði dagsbirtu, raflýsingar og innivistar.

Ásta er rafmagnsverkfræðingur með doktorspróf í byggingarverkfræði frá Álaborgarháskóla og hefur áralanga reynslu af rannsóknum og ráðgjöf á sviði ljósvistar og innivistar. Hún hefur meðal annars komið að þróun krafna og leiðbeininga um ljósvist í íslenskri byggingarreglugerð.

Sérþekking Ástu nýtist við nýbyggingar, endurbætur og mat á húsnæði sem þegar er í notkun. Hún veitir ráðgjöf um dagsbirtu og raflýsingu, annast útreikninga, mælingar og greiningar og ráðleggur um sólarljós og skuggavarp í skipulagi.

Dr. Ásta Logadóttir hefur gengið til liðs við Verkvist sem fagstjóri ljósvistar.

25/09/2026

Rannsóknasetur bygginga RSB kom í heimsókn í dag með fróðleiksmola varðandi greiningu á byggingarefnum og myglu.