22/09/2022
Núvitund í daglegu lífi – Selfossi haust 2022
Núvitund (mindfulness) er náttúrulegur eiginleiki hugans til að vera meðvitaður hér og nú um það sem er að gerast, á meðan það gerist, án þess að dæma það og með góðvild. Hægt er að þjálfa sig á kerfisbundinn hátt í því að vera meira hér og nú á líðandi stund.
Á námskeiðinu eru gerðar æfingar sem innnifela stuttar sitjandi hugleiðslur, líkamsskönnun (bodyscan) og gangandi hugleiðslu. Einnig verða gerðar æfingar í góðvild og kærleika. Þessar æfingar geta aukið skilning okkar á huganum og venjum hans og hjálpa okkur að sjá þær hindranir sem mögulega geta verið í veginum. Þátttakendur fá verkefni með sér heim og mælst er til að fólk æfi sig á milli helga.
Rannsóknir sýna í vaxandi mæli að núvitund ýtir undir andlega og líkamlega vellíðan og auðveldar okkur að takast á við áskoranir og verkefni daglegs lífs. Þessi nálgun hefur verið notuð á áratugi í löndunum í kringum okkur með góðum árangri.
Um leiðbeinanda: Gunnar lærði sinn grunn í Hugleiðsu og friðarmiðstöðinni í Reykjavík. Hafur farið reglulega frá árinu 2009 á hlédrög og námskeið hér heima og erlendis í núvitundarhugleiðslu, m.a. í Samye Ling, tíbetsku klaustri staðsettu í Skotlandi og hugleiðslusetri á Holy Island. Einnig hefur hann lokið viðurkenndu leiðbeinendanámskeiði frá Mindfulness Association í Skotlandi að undangenginni ársþjálfun og ástundun í núvitund og hafa haldið námskeið fyrir almenning um árabil.
Gunnar L. Friðriksson er menntaður heilsunuddari og sjúkraliði. Starfar sem heilsunuddari og leiðbeinandi í núvitund og er með nuddnámskeið fyrir almenning.
Staðsetning: Hellubakka 7, Selfossi.
Tími: Námskeiðið er s*x skipti: Kennt miðvikudögum milli kl. 16.30-18.30 hvern dag og hefst miðvikudaginn 12. október.
Verð: 38.000 þús. Stéttafélög taka víða þátt í kostnaði. Innifalið er handbók, og önnur gögn sem innihalda leiddar hugleiðslur.
Nánari upplýsingar: [email protected] s 8220727
