21/06/2021
Alþjóðlegi jógadagurinn og þá hefjum við smá leik
Okkur langar til að bjóða ykkur í leik þar sem við æfum okkur í að huga að okkur sjálfum án áreitis. Kyrrum flöktið sem er það sem Yoga stendur fyrir. Við ætlum að setja okkur þann ásetning að á hverjum degi ætlum við að loka á áreiti í x mínútur og hverfa inn á við í 21 dag samfellt. Með því að mæta í jógatíma ertu að sjálfsögðu að uppfylla ásetninginn 😊 en þegar þú kemst ekki í tíma ætlarðu að finna þína leið og þinn tíma til að vera með sjálfri/sjálfum/sjálfu þér og útiloka annað. Þetta má td gera með stuttri hugleiðslu, garðvinnu eða síma- og snjallúralausum göngutúr.
Við létum útbúa armbönd fyrir Yoga&Heilsu og ef þið viljið styðjast við armböndin í leiknum þá endilega látið okkur vita og þið fáið armbandið afhent í næsta jógatíma. Fyrstur kemur, fyrstur fær!
Leikurinn er þannig að við byrjum með armbandið td á vinstri hönd og þá daga sem við hverfum inn í kúluna okkar færum við armbandið yfir á hina höndina og þannig gengur þetta í 21 dag. Ef við gleymum einum degi þá má byrja aftur upp á nýtt að telja, frá 1.
Þeir sem vilja geta fengið hvatningu og hugmyndir inni í Facebook-hópnum: "Yoga&Heilsa 21 kyrrum hugann" og kvittað daglega með “hægri2”, “vinstri3”, “kvitt14” eða hvaðannað sem ykkur dettur í hug.
Ekki skemmir að armböndin eru sumarleg og sæt og geta vakið skemmtilega umræðu 🙏💕😃
