Félag íslenskra hjúkrunarfræðinga

10/09/2026

Félag íslenskra hjúkrunarfræðinga (Fíh) og Símenntun Háskólans á Akureyri (SMHA) hafa gert með sér samning sem veitir félagsfólki Fíh 85% afslátt af völdum námskeiðum hjá SMHA á haustmisseri.

Kynntu þér málið hér: https://www.hjukrun.is/greinar/simenntun-smha-haust-2026

08/09/2026

Haustfundur NNF, samvinnuvettvangur hjúkrunarfræðinga á Norðurlöndunum, var að þessu sinni haldinn í Þórshöfn í Færeyjum. Á fundinum var fjallað um þau málefni sem helst brenna á hjúkrunarfræðingum á Norðurlöndum. Meðal umræðuefna í ár voru mönnunarviðmið í heilbrigðisþjónustu og áhrif tíðra pólitískra breytinga á heilbrigðiskerfið.

Helga Rósa Másdóttir, formaður Félags íslenskra hjúkrunarfræðinga, fjallaði meðal annars um fyrirhugaðar námskrárbreytingar í hjúkrunarfræði á Íslandi, skýrslu heilbrigðisráðuneytisins um mönnunarviðmið, vinnu í tengslum við víkkað starfssvið sérfræðinga í hjúkrun og möguleg áhrif verðbólgu á kjarasamninga hjúkrunarfræðinga.

Í kjölfar fundarins verður haldið málþing um viðbúnað og viðnámsþrótt heilbrigðiskerfisins í ljósi núverandi pólitísks landslags í heiminum. Þar verður jafnframt rætt um hlutverk stéttarfélaga við slíkar aðstæður.

08/09/2026

Regluverk, verklag og jafnvel tölvukerfi geta komið í veg fyrir að hjúkrunarfræðingar setji eigið nafn við vinnu sem þeir þegar sinna. Í sumum tilfellum þarf læknir því að koma að ferlinu þótt hjúkrunarfræðingurinn hafi unnið vinnuna sjálfur, sem getur tafið þjónustu.
🔗 https://www.mbl.is/frettir/innlent/2026/09/07/vinna_vinnuna_en_thurfa_samt_nafn_laeknis/

08/09/2026

"Í sumum tilfellum þarf læknir því að koma að ferlinu þótt hjúkrunarfræðingurinn hafi unnið vinnuna sjálfur, sem getur tafið þjónustu." - Til skoðunar er hvort víkkað starfssvið hjúkrunarfræðinga geti einfaldað ferli og dregið úr töfum í þjónustu.

„Ég held klárlega að þetta myndi auka skilvirkni og hagkvæmni í rekstri í heilbrigðiskerfinu,“ segir Helga Rósa Másdóttir, formaður Félags íslenskra hjúkrunarfræðinga.

03/09/2026

Umsögn Fíh um útivistartíma barna til umfjöllunar á Vísi í dag 👇

Reykjavíkurborg, Saman-hópurinn og Félag íslenskra hjúkrunarfræðinga leggjast gegn tillögu mennta- og barnamálaráðherra um að útivistartími barna 10 til 12 ára verði lengdur um eina klukkustund yfir vetrartímann. Flestir eru þó eru hlynntir því að sumartími taki gildi 1. jún....

02/09/2026

Þegar menntun og fullt starf duga ekki!

Félag íslenskra hjúkrunarfræðinga stóð fyrir könnun á stöðu háskólamenntaðra á húsnæðismarkaði ásamt BHM og fimm öðrum stéttarfélögum. Félagsvísindastofnun Háskóla Íslands framkvæmdi könnunina.

Niðurstöðurnar vekja athygli og varpa ljósi á þær áskoranir sem hjúkrunarfræðingar og aðrir háskólamenntaðir standa frammi fyrir á húsnæðismarkaði.

Þrjár niðurstöður standa sérstaklega upp úr:

* Um 60% svarenda, 44 ára og yngri, hafa þurft aðstoð fjölskyldu eða annarra til að komast inn á húsnæðismarkað.
* Námslán þrengja fjárhagslegt svigrúm, en 28% þeirra sem greiða bæði af náms- og húsnæðislánum eiga erfitt með að standa undir húsnæðiskostnaði.
* 37% svarenda vinna meira en 100% starf

Meginmarkmið í kjarabaráttu stéttarfélaga háskólamenntaðra hefur lengi verið skýrt: Háskólamenntun á að borga sig. Hún á að skila sér í sanngjörnum launum, góðum lífskjörum og félagslegu öryggi.

27/08/2026

Fíh vekur athygli á morgunverðarfundi um stöðu háskólafólks á húsnæðismarkaði í dag, 27. ágúst 2026.
Viðburðinum verður streymt (hlekkir í athugasemdum).
Helga Rósa Másdóttir, formaður Fíh, tekur til máls í pallborði. Nánari upplýsingar um fundinn og dagskrá, má finna á hjukrun.is

05/08/2026

Tími breytinga runninn upp - Háskóli Íslands (HÍ), Háskólinn á Akureyri (HA) og Félag íslenskra hjúkrunarfræðinga (Fíh) telja tímabært að breyta námi til starfsréttinda hjúkrunarfræðinga í fimm ára nám sem skiptist í þriggja ára B.S.-nám og tveggja ára meistaranám. 🔗Hlekkur á grein í bio

27/07/2026

Það er komið út 🌸 Tímarit hjúkrunarfræðinga 2.tbl. 2026. 102. árgangur.
Það mun berast inn um lúgur félagsfólks næstu daga, fullt af fróðleik og skemmtun 🍀

11/06/2026

LÝÐHEILSUHVATNING TIL STJÓRNVALDA
Breiðfylking heilbrigðisstétta og forvarnarsamtaka hvetja alþingismenn og ráðherra til að standa með samþykktri lýðheilsustefnu til ársins 2030 og markmiðum gildandi laga um einkasölu ÁTVR á áfengi. Alma D. Möller, heilbrigðisráðherra veitti hvatningunni viðtöku í dag, 11. júní 2026.
🔗Lesa má frétt og hvatninguna í heild sinni á vef Fíh - hlekkur í athugasemdum