Kyrrð heilsusetur

18/05/2026

Við viljum einnig bjóða Anítu hjartanlega velkomna til starfa hjá okkur í Kyrrð heilsusetri.

Aníta leigir meðferðarherbergi hjá okkur og starfar alla virka daga. Hún er vottaður tíðnitæknir og vinnur með Tíðnimeðferð samkvæmt kenningum Paul Schmidt með aðferðum frá Rayonex Biomedical GmbH í Þýskalandi.

Í starfi sínu leggur Aníta áherslu á heildræna nálgun þar sem markmiðið er að styðja við náttúrulega jafnvægisleit líkamans og efla almenna vellíðan með sértækum tíðnum.

Hún vinnur með einstaklingum af nærgætni, fagmennsku og hlýju og leitast við að skapa rólegt og traust umhverfi þar sem hver og einn fær þjónustu sem tekur mið af þeirra þörfum og aðstæðum.

Aníta starfar undir nafninu Langey og hægt er að bóka tíma hjá henni í gegnum Noona - noona.is/langey

Við erum afar ánægðar að fá Anítu til liðs við okkur hjá Kyrrð og hlökkum til samstarfsins

18/05/2026

Við viljum bjóða Bryndísi hjartanlega velkomna til starfa hjá okkur í Kyrrð heilsusetri.

Bryndís leigir meðferðarherbergi hjá okkur á miðvikudögum og tekur á móti skjólstæðingum undir nafninu Undir stjörnunum. Hún starfar af mikilli nærgætni og hlýju og leggur áherslu á mjúkar og róandi meðferðir sem styðja við jafnvægi líkama og hugar.

Bryndís er lærður Usui Reiki meistari og Englareiki meistari, en þær meðferðir eru þekktar fyrir milda og hlýja nálgun sem getur hjálpað fólki að slaka á og endurnæra sig. Hún hefur einnig lært Access Bars, sem er orkumeðferð sem miðar að því að losa um spennu, streitu og staðnaðar hugsanir, auk þess að styðja við betri svefn, aukna ró og sköpunargáfu.

Að auki er Bryndís nemi í höfuðbeina- og spjaldhryggjarmeðferð (CranioSacral meðferð) og hefur bætt við sig aukanámi á því sviði. Cranio er afar mild meðferð sem vinnur meðal annars með höfuðbein, hrygg og spjaldbein með það að markmiði að róa taugakerfið, draga úr streitu og spennu og styðja við almenna vellíðan. Meðferðin getur dregið úr höfuðverk og mígreni.

Við erum einstaklega ánægðar að fá Bryndísi inn í samfélagið okkar hjá Kyrrð og hlökkum til samstarfsins.

Hægt er að fylgjast með Undir stjörnunum á Facebook og bóka tíma hjá Bryndísi í gegnum Noona - noona.is/undirstjornunum1

11/03/2026

Tilboð 9.-22. mars 2026. Með kaupum á Rayocomp PS 10 Evolution Plus fylgir hugbúnaðareiningin M9, að verðmæti 529.471 kr.
Allar nánari upplýsingar á [email protected]

20/02/2026

18/02/2026

Við bjóðum Kristínu Magdalenu Ágústsdóttur velkomna til starfa hjá Kyrrð heilsusetri.
Kristín starfar undir nafninu Leiðin til að elska mig og er menntuð í EQ-þerapíu (tilfinningagreindarþjálfun). Í hennar starfi er lögð áhersla á að styðja fólk í djúpri sjálfsvinnu þar sem unnið er með tilfinningar, gömul mynstur og tengslin við eigið sjálf með mildi, virðingu og kærleika að leiðarljósi.
EQ-þerapía byggir á því að hjálpa einstaklingnum að tengjast eigin tilfinningum, skilja rætur þeirra og vinna úr því sem hefur safnast upp í gegnum lífið. Með þeirri vinnu styrkist sjálfsvitund, sjálfsvirði og hæfni til að setja heilbrigð mörk og þannig skapast meira jafnvægi og innri ró.
Í tímum hjá Kristínu er unnið með:
-tilfinningalosun og tilfinningagreind
-sjálfsást og sjálfsvirði
-að sleppa gömlum mynstrum og tengjast innri kjarna
-að finna meiri skýrleika, styrk og lífsgleði
Hennar eigin lífsvegferð hefur gefið henni djúpa innsýn og hún heldur hlýtt, öruggt og nærandi rými fyrir þá sem eru tilbúnir að stíga inn í breytingar og vaxa.

Bókanir fara fram í gegnum Noona:
https://noona.is/leidintiladelskamigeqtherapia

07/11/2025

Minni á netvirðburðinn á morgun laugardag kl. 8 og aftur kl. 13. Skráningarlinkar eru í commentum.

03/11/2025

Opið hús í Kyrrð - laugardaginn 22. nóvember kl. 15-18

Við viljum bjóða þér til okkar í Kyrrð heilsusetur og fagna með okkur þessum fallega nýja kafla.
Við verðum með opið hús laugardaginn 22. nóvember á milli kl. 15:00–18:00 og væri okkur sönn ánægja að sjá þig.

Komdu og:
• Kynntu þér rýmið, stemninguna og þjónustuna í Kyrrð
• Hittu okkur og spjallaðu yfir veitingum í notalegri nærveru
• Fáðu upplýsingar um Rayonex tíðnimeðferðir í notalegu rými
• Nýttu spennandi tilboð á flestum vörum þennan dag
• 10 fyrstu gestirnir fá gjafabréf í Viðtal og greiningu að verðmæti 25.000 kr.
• 20% afsláttur af Viðtali og greiningu ef bókað á opnu húsi

Hlökkum til að sjá ykkur

Kærleikskveðja,
Katrín og Lára

27/10/2025

Erum með tvö meðferðarherbergi til leigu í Álfabakka 14. Hentar fyrir ýmisskonar meðferðir .Allt er innifalið í leigugjaldi og því engin aukagjöld. Það er nýbúið að taka rýmið allt í gegn og lítur mjög vel út. Meðferðir sem eru nú þegar hjá okkur eru, Bioresonance / Tíðnimeðferðir (Rayonex) og Cranio / Höfuðbeina-og spjaldhryggjarmeðferð. Frekari upplýsingar á [email protected]