Duha nutritionist

Duha nutritionist أخصائية تغذية بتحب الأكل🍲
🟡تخطيط حميات علاجية/رياضيين
🟡الاشتراك متاح أونلاين لجميع أنحاء العالم🌍

01/06/2026

لما تعرفي إنك حتكوني برا البيت طول اليوم، كتير مهم تحضري لانش بوكس لطفلك — وجبات مغذية تحافظ على طاقتهم وما تعكر عليهم فرحة العيد و بتضلي مطمنه انهم ماحيبالغو بأكل السكريات ..

خبروني شو أكلوا الاولاد بالعيد و ابعتي الفيديو لصاحبتك لحتى تاخدو أفكار 🥰🥰..

#أطفالي #امومة

16/05/2026

هاد النظام من زمان موجود والناس بجربوه و بحكو فيه أنا شخصيا ماعمري اقتنعت فيه وكل الفيدباك تاعت الناس يا اما بحكو بشكل عام (انشفيت من عدة أمراض ) و مابعطو تفسير او اثبات او اسم المرض حتى أو بكونو عندهم قولون وارتاحوا بدون ألياف وهاد الشي طبيعي بس مابخلينا نقبل كل تفاصيل النظام .. و أكتر شي سيء بالنسبة الي انه ندخل الدين بالموضوع و نبجل بني ادم و نبالغ بمكانته هيك عالترند بدون سبب منطقي . انتبهوا على صحتكم و صحة أولادكم و لاتفكروا ابدا انه في شي ممكن يحل محل الدوا خاصة اصحاب السكري النوع الأول …
و احكوا الله يثبت علينا العقل والدين😂🥲

بتعرفوا حد جربه ؟

#تغذيه #الطيبات #ترند #سكري

28/04/2026

هاي الوصفة طلعتلي ١٧ مره هون بالريلز فقلت لازم اجربها بس من اليوم و طالع اي وصفة بتضل تطلعلكم كتير عالانستاغرام بتبعتولي اياها اجربها بدالكم .. اتفقنا ؟

قد ماكنت متحمسه و شايفه المكونات كلها صحية و لطيفه قلت حتطلع بيرفكت حتى من كتر الثقه بلشت تصوير عطول 😂 بس يعني زي ماشفتو مو كل وصفة صحية بتكون زاكية.
المهم انها حتكون افتتاحية سلسلة وصفات ماتجربوها 👏🏻👏🏻
اللي عندها وصفة تنطبق عليها الشروط تحكيلنا اياها هووون

#أطفالي

22/03/2026

بعد عمر السنة فجأة صار زوزو يتشرط بكل الأكل و مايعجبه العجب و يرميهم عالأرض طبعا بتعرفو كيف الأم بتصير تاكل بحالها و تكتئب مع انه لازم تعرفي انه هاي المرحلة طبيعية بكونو فيها شخصيتهم و كل الأطفال بمرو فيها و الأكلات اللي بتعجبهم بسيطة كتير زي اللي بالفيديووو 👏🏻
…

المكرونة طرية، طعمها لطيف، وسهل يتقبلها حتى الطفل الانتقائي.
ممكن تغيرو بالأشكال تاعت المعكرونة كمان

خبروني مامات شو بتعملو لما البيبي يرفض الأكل ؟؟

#ريلز #أطفالي

18/03/2026

اليوم جبتلك اسهل و اسرع طريقة تساعدي فيها طفلك اللي بعاني من الإمساك ، عنجد بعد ساعه كان بطنه مرتاح و أخرج بسهولة ..
أحسن اكلات لهاي المشكلة :
أفوكادو
بروكلي أو تفاحة مسلوقة 🍎
تحت عمرالسنتين مابننصح تعطوه عصاير حتى لو كانت طبيعية.
حبة الفاكهة كاملة تعتبر خيار أفضل و أكيد قدميها حسب عمر طفلك و قدرته على المضغ ..
التقطيع هاد مناسب لعمر ال١٤ شهر 🐣

خبروني مامات شو بتعملو بحالة الإمساك عند البوبو ؟؟

#إمساك #أطفالي

قد ماكنتي حاسه انك خبصتي لسه في فرصه 🙋🏼‍♀️ المفروض نكون شبعنا من اطباق رمضان و خلص بكفي سمبوسك و بكفي حلووو ركزو على اكل...
12/03/2026

قد ماكنتي حاسه انك خبصتي لسه في فرصه 🙋🏼‍♀️ المفروض نكون شبعنا من اطباق رمضان و خلص بكفي سمبوسك و بكفي حلووو ركزو على اكل يغذي و يعطي طاقه 🙏🙏

خبرووني شو صار بالوزن ؟؟

#رمضان2026 #تغذيه

08/03/2026

كل الكمية ١١٠٠ سعره بدل ٢٣٤٠ متخيلين !! ..

حبة الباتنجان ٣٥٠ غم ١٦٠ كالوري بدل ٦٥٠ كالوري
حبة بطاطا ٢٠٠ كالوري ( هي اضافة من عندي مارح نحسب سعراتها )
رغيفين خبز ٣٢٠ كالوري بدل ٧٥٠ كالوري اذا كان مقلي
اللحمة ٤٠٠ غم ٢٤٠ كالوري
صوص البندورة ٢٠٠ كالوري
كوب اللبن ١٨٠ كالوري

يعني ( ١٣٠) سعرة للشخص الواحد لما نسكب مغرفتين وسط ..
وفوق هاد ماحتحتاجو تنضفو الغاز من القليي 😂😂

رح تجربوها ولا لسا ما اقتنعتو ؟؟

25/02/2026

أسهل سحور بالعالم بدون ابتكار 🦦 المامات اللي برضعوا لازم سحوركم ملياااان بروتين و دهون صحية و اشربوا مي كتير منيح 👏🏻❤️

العالم اللي بتسحروا شاورما تعو نتفاهم 🦦🦦

17/02/2026

لما تحسي حالك تعبانة اتذكري انه اللي عم تعمليه مو اشي عادي أو سهل ، بس انتي اخترتي الصح 🙏🤍

احكيلي بالكومنتات من متى و انتي بترضعي؟ 🐣

13/02/2026

* وجبة السحور لازم تحتوي على 30 غم بروتين على الأقل و كاسة لبن مع ( موز أو تمر ) و مصدر دهون صحي ( مكسرات - أڤوكادو ).

* ⁠قسموا وجبة الفطور قسمين بالبداية فطورنا خفيف تمرة + ( بحب اخد قهوتي اول ما افطر) و شوربة صحية .

* ⁠صلوا و ارتاحو شوي و بعدها خدو الوجبة الرئيسية. ‏

* ركزوا تخلصوا احتياجكم من البروتين ( ابعتولنا مسج فيها كلمة بروتين بنحسبلكم احتياجكم منه ) ❤️

* ⁠الجسم محتاج كتير سوائل خلوها كلها من مصدر صح ؛ مي و شوربات صحية وأعشاب ( ماتعبوا معدتكم عصائر كلها سكر.

* ⁠ماتفطروا على مقالي و معجنات

* ⁠ماتتحمسوا انكم تختمو كل المسلسلات مشان ماتضلكم قاعدين و بتاكلو تخبيص بدون وعي ، لاحقين تختموهم بعد العيد 🙋🏼‍♀️

* ⁠استغلوا الشهر بالعبادات واختموا القران اكتر من مره و ادعولي بطريقكم🥰❤️

أول كم يوم اذا ماكنتوا مأخرين موعد القهوة أو كنت شخص مدخن حتتعب أكتر أكيد و بعدها بتأقلم الجسم

#رمضان #ريلز

Address

Amman

Website

Alerts

Be the first to know and let us send you an email when Duha nutritionist posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Duha nutritionist:

Shortcuts

Share