Ask Dr Linda

03/09/2026

17/08/2026

رجعة المدارس قربت 🎒 وإذا طفلك تعوّد ينام متأخر بالصيف، هلّق أنسب وقت تعدّلي ساعة نومه — بالتدريج، مش دفعة وحدة.
كطبيبة أطفال، بنصحك بـ ٣ خطوات بسيطة تنقل طفلك لنوم أبكر بدون معارك 👇
1️⃣ نوّميه أبكر بـ ١٠–١٥ دقيقة كل يومين التغيير التدريجي بيخلّي جسمه يتأقلم بسهولة، بدل ما تصير المفاجأة صعبة عليه.
2️⃣ بطّلي الشاشات قبل النوم بساعة ضوء الشاشات بيقلّل هرمون الميلاتونين (هرمون النوم) وبيأخّر نوم طفلك. استبدليها بقصة أو جو هادئ.
3️⃣ فيّقيه كل صباح بنفس الوقت حتى لو نام متأخر، وحتى لو تعبان — التفييق بوقت ثابت هو اللي بيعيد ضبط ساعته البيولوجية. هي أهم خطوة.
النوم الكافي مش رفاهية — هو أساس تركيز طفلك ومزاجه وصحته بأول يوم دوام 💛
📌 شاركي هالفيديو مع كل أم بتستعد لرجعة المدارس، وتابعيني لمزيد من نصائح العودة للمدارس.
— د. ليندا أبو جابر · طبيبة أطفال بثلاث شهادات بورد أمريكية و٤٠ سنة خبرة

13/08/2026

أنا د. ليندا أبو جابر، طبيبة أطفال واستشارية في طب الأطفال والصحة المتكاملة والشمولية. وايضا أم ومرشدة في الرضاعة والتغذية ونوم الأطفال والتربية الواعية. 🤍

على مدار أكثر من 40 عامًا كأم وطبيبة، كان هدفي دائمًا أن أفهم الطفل بشكل أعمق، لا أن أعالج الأعراض فقط، بل أبحث عن جذور التحديات وأدعم الأهل ليكونوا جزءًا من الحل.

بالرغم من شهاداتي في الطب الغربي، كنت أشعر دائما بأن هناك شيئا ناقصا لذلك، بحثا عن فهم وعمق اكثر وأساليب جديدة لمساعدة مرضاي سعيت وحصلت على تدريبات وشهادات في:
• الطب الصيني والوخز بالإبر – UCLA
• التنويم الإيحائي للأطفال – University of Minnesota
• العلاج المثلي – CEDH
• طب الأعشاب الصيني – University of Chicago
• التغذية العلاجية

كما أعمل أستاذًا مساعدًا ومدرّسة في كلية الطب في الجامعة الأردنية.

رسالتي اليوم هي أن أساعد كل أم وأب على فهم طفلهم لتقليل الخوف والتوتر وتمكينهم بمعلومات علمية ومهارات عملية محكمة.
اركز دائما على اكتشاف جذر التحديات، واستخدام الأساليب الطبيعية والمكملة للطب الغربي عندما تكون مناسبة. 🤍

لأن رعاية الطفل تبدأ من الفهم… والثقة… والشراكة.

#الامومة

09/08/2026

.
مرحبا ماما 🤍👶🏻

متى أبدأ ألعب مع حديث الولادة؟

من أول يوم! 🥰
حتى لو كان البيبي صغير وما بقدر يلعب بالألعاب، تواصلك معه يعتبر لعب وتعلّم.

احكي معه، غني له، ابتسمي بوجهه، وخليه يتابع وجهك وصوتك. 💛
هاي اللحظات البسيطة بتساعد على بناء التواصل وتحفّز حواسه وتطوره.

احفظي البوست وشاركيه مع ماما جديدة 🤍

05/08/2026

مرحبا ماما 🤍

أول طلعة مع البيبي؟ 👶🏻👜

طبيعي تحسي إنك بدك تاخدي “البيت كله” معك! 😅

لكن مع تجهيز الشنطة بالطريقة الصح، رح تكون طلعتكم أسهل وأريح إلك وللبيبي.

#الرضع

04/08/2026

مرحبا ماما 🤍💩

لون براز البيبي طبيعي… ولا في داعي أراجع الطبيب؟

من أكثر المواضيع اللي بتسبب قلق للأهل، مع إنه كثير من ألوان البراز بتكون طبيعية وتختلف حسب عمر الطفل وطريقة تغذيته.

📚 وإذا حابة دليل شامل يجاوب على أهم أسئلتك عن براز البيبي، الرضاعة، النوم، والتغذية، تلاقيه في كتبي الإلكترونية على موقعي.
اضغطي على الرابط في الـ Bio واختاري الكتاب المناسب لمرحلة طفلك. 🤍

#الرضع

01/08/2026

.
مرحبا ماما 🤍

هل لازم أصحي البيبي للرضاعة؟ 😴👶🏻

سؤال كثير من الأمهات بيسألوه، خصوصاً بالأيام الأولى بعد الولادة!

الجواب بيعتمد على عمر البيبي وحالته الصحية، بس بشكل عام:

✔️ حديثو الولادة غالباً لازم يرضعوا كل 2–3 ساعات
✔️ إذا البيبي نايم لفترة طويلة، أحياناً بنحتاج نصحيه للرضاعة خصوصاً أول أسابيع
✔️ بعد ما يزيد الوزن ويثبت نموه، ممكن الطبيب يسمح إنه ينام فترات أطول

احفظي البوست لأنه رح يساعدك تطمني أكثر مع مولودك الجديد 💛 وشاركيه مع أي ماما جديدة ممكن تستفيد.

29/07/2026

.
مرحبا ماما 🤍

كم ساعة بنام حديث الولادة؟ 😴👶🏻

إذا حسيتي إن البيبي “طول اليوم نايم”… فغالباً هذا طبيعي! 😊

حديثو الولادة بيقضوا معظم وقتهم بالنوم، لكن نومهم بيكون متقطع، وبيصحوا كل كم ساعة للرضاعة.

احفظي البوست لأنه رح يطمنك إذا عندك مولود جديد، وشاركيه مع أي ماما جديدة ممكن تستفيد. 💛

24/07/2026

مرحبا ماما ☀️🤍

مع الجو الحلو، كثير أمهات بحبوا يطلعوا مع البيبي… لكن كيف نحميه من الشمس بطريقة آمنة؟ 👶🏻🌿

التعرض للشمس يحتاج شوية انتباه، خاصة عند الرضع، لأن بشرتهم حساسة أكثر من الكبار.

بهالفيديو رح أشاركك أهم النصائح لحماية البيبي أثناء الخروج، من اختيار الوقت المناسب، للملابس المناسبة، وكيف نقلل التعرض المباشر لأشعة الشمس.

احفظي الفيديو لأنه رح يفيدك طول فصل الصيف، وشاركيه مع أي ماما عندها بيبي صغير. 💛☀️

#الشمس #صيف #الرضع

22/07/2026

.
مرحبا ماما 🤍

البيبي مش راضي ينام مهما جربتي؟ 😴💔

هزّيتيه، رضّعتيه، غيّرتيله، وحاولتي بكل الطرق… ولسه النوم بعيد؟ 👶🏻

الحقيقة إن سبب صعوبة النوم مش دائماً الجوع أو التعب. أحياناً بيكون في سبب بسيط بالروتين أو توقيت النوم أو البيئة المحيطة، ولما نعرفه بتصير المهمة أسهل.

بهالفيديو رح أشاركك أكثر الأسباب شيوعاً اللي بتخلي البيبي يرفض النوم، وكيف تتعاملي معها بطريقة عملية. 🤍

إذا كنتِ بتعاني من مشاكل نوم مستمرة مع طفلك، احجزي استشارة، وخلي نشتغل معاً على خطة نوم تناسب عمره واحتياجاته. 💛

احفظي الفيديو وشاركيه مع أي ماما عم تمر بنفس التحدي. 🌙