Lactascope

10/12/2026

💬 **برأيكم، كم أم توقفت عن الرضاعة الطبيعية مش لأن حليبها ما بكفي… بل لأنها اقتنعت إنه ما بكفي؟**

شو رأيكم؟ وهل مرّ عليكم موقف مشابه؟ 👇

09/27/2026

في مكانٍ ما الليلة، في أم قاعدة على سريرها، حاملة طفلها اللي ما عم يوقف بكاء بإيد، وبالإيد الثانية بتكتب على Google

”هل طبيعي إن الرضاعة توجع لهالدرجة؟”

قرأت ثلاث تجارب… وكل واحدة بتحكي إشي مختلف
أمها قالتلها: **”أعطيه رضاعة صناعية وارتاحي”**
والمنشور اللي أخذته من المستشفى فيه معلومات كثيرة… بس ما فيه جواب للسؤال اللي فعلًا محتاجة تسأله

هي مش محتاجة معلومات أكثر

**هي محتاجة شخص فاهم فعلًا**

واللي لاحظته خلال سنوات عملي، إنه قليل جدًا ناس بيقرروا فجأة
*”أنا بدي أتخصص في الرضاعة وتغذية الرضع”*

غالبًا الموضوع ببلّش أصغر من هيك

يمكن تكوني القابلة أو الدولا اللي بيجيها مسج متوتر بنص الليل
أو الممرضة اللي الأم بتستناها تدخل الغرفة عشان تسألها
*”ممكن تشوفيلي… هو بيرضع صح؟”*

أو حتى الصديقة اللي صارت، من غير ما تقصد، المرجع لكل أسئلة الرضاعة في الجروب

**أنتِ أصلًا الشخص اللي الناس بترجعله**

وغالبًا في موقف لسه عالق ببالك

مرة قلتي لأم: **”آه، هذا طبيعي”**… وبعدها ضليتي تفكري
طيب، هل فعلًا كان طبيعي؟

أو موقف كنتِ حابة تساعدي فيه أكثر، لكن حسيتِ إن معرفتك مش كافية حتى تكوني واثقة من اللي بتحكيه

هذا الشعور مش معناه إن هذا المجال مش إلك

بالعكس

هو دليل إنك مهتمة كفاية إنك **ما بدك تخمّني… بدك تعرفي**

لما تفهمي *ليش* الالتقام مؤلم
وليش الطفل ممكن يبكي أو يتوتر على الثدي
وكيف تحللي الحالة وتحددي شو الأولوية

بتبطلي تتحزري

بتقدري تقعدي جنب أم مرهقة، وتفهمي شو اللي عم بصير، وتعرفي شو الخطوة التالية

وهي بتحس بهدوئك وثقتك

وأحيانًا… بيكون هذا أول شعور بالأمان بتحسه من أيام

**والأجمل؟ كل هذا ممكن تتعلميه**

إذا حسيتِ يومًا إن هذا المجال بيناديكي، لا تتجاهلي هذا الشعور

لأنه في مكان ما الليلة، في أم محتاجة شخص يعرف فعلًا كيف يساعدها

**وممكن يومًا ما يكون هذا الشخص أنتِ.**

إذا حابة تعرفي كيف تبدأي طريقك في دراسة علوم الرضاعة والتحضير لتصبحي **IBCLC**، التفاصيل موجودة في الرابط في البايو

09/26/2026

ممكن تكون الخطة صح علمياً… ومع هيك ما تنجح.

لأن نجاح الاستشارة مش بس باختيار التدخل الصح؛ كمان بترتيب الأولويات، والتوقيت المناسب، وفهم هدف الأم، وقدرتها الفعلية على تطبيق الخطة، والمتابعة بعدها.

مستشارة الرضاعة الشاطرة ما بتسأل بس:
**شو التدخل الصح؟**

بتسأل كمان:
**هل هاد هو التدخل اللي بتحتاجه هاي الأم هسه؟**

أي واحد من الأخطاء الستة بتشوفيه الأكثر انتشاراً بالممارسة؟

09/25/2026

كل أم بتدخل الاستشارة معها مشاعر وتوقّعات… وأحيانًا خوف من حكمنا عليها.
كمختصّة، شو أول جملة بتحكيها لأم «بتدور على اي سبب لحتى ما ترضع»؟ شاركينا بالتعليقات 👇

09/24/2026

دورنا مش بس نعطي المعلومة، بل نساعد الأم تستعيد ثقتها بقدرة جسمها.

شو أكثر قناعة خاطئة بتسمعيها من الأمهات؟ 👇شاركينا في التعليقات

09/08/2026

أحيانًا أصعب تجربة بحياتنا بتكون هي بداية رسالتنا. 🙂
أنا بلّشت كأم عم تدور على حل… واليوم صرت أساعد أمهات ومختصات يوصلوا للطريق الصح أسرع.

إذا حاسة إن الرضاعة ممكن تكون رسالتك كمان، اكتبيلي «رسالتي» بالتعليقات.

08/30/2026

عم تحضّري لامتحان الـIBCLC وحاسّة حالك مشتتة ومش عارفة من وين تبلّشي، عملتلك هاد الدليل المجاني ليساعدك ترتّبي دراستك وتفهمي الطريق بشكل أوضح 🤍

حمّلي نسختك المجانية من الرابط الموجود بالبوست 👇

خارطة طريق عملية لتنظيم الدراسة وتطوير التفكير السريري

08/08/2026

⁨ بتدرسي كثير… بس لما توصلي للسؤال بتحتاري بين إجابتين؟ 👀

يمكن المشكلة مش بكمية المعلومات اللي عندك، المشكلة بطريقة التفكير وقت الامتحان.

وهذا بالضبط الشي اللي غيّر طريقتي في التحضير للـ IBCLC.

مرّري الصور وشوفي شو اكتشفت 👆
وقوليلي: أكتر شي بخوفك بالامتحان… نقص المعلومات ولا الحيرة بين الإجابات؟

⁩

08/06/2026

08/03/2026

كل قطرة .. حياة والبداية تصنع الفرق